城寨煲皇

营业中

休息中

✨中女獨食難肥日誌 ✨城寨煲皇 中女食尖沙咀人大了，任食邊爐質素平平，但求填飽肚子。近年寧願選擇食物質素高而且坐得舒適的高價邊爐🫕星期日至四9點後8折其實幾抵！龍鳳雞煲翅連鍋底花膠大大片，魚翅一梳梳亦足料，配有雞絲，湯底味濃好喝，建議打邊爐前飲多碗❤️拍得住媽媽靚湯！麻辣涼拌花甲小食都有幾款，花甲涼拌都少見，味香偏辣，但有少少沙招牌三寶丸 $98手打丸果然是招牌，新鮮彈牙！最好食墨魚丸，口感味道都不錯！流沙芝心獅子狗 $77邊爐必食，小心辣咀！韮菜餃 $48有8隻大大隻，新鮮足料！紅薯粉 $38紅薯粉煙韌爽滑，索滿湯汁味道一流！冰豆腐 $38還有野菌菜盤，養生邊爐少肉多菜，健康少油！📮地址: 城寨煲皇 (尖沙咀)尖沙咀亞士厘道24-38號天星大廈地庫A號舖☎電話: 28992236

呢一大面打卡牆真係幾靚🤣入面嘅座位超寬敞，冷氣好夠，食物價錢係偏貴價，而家做緊星期日至四9pm後有8折優惠抵返少少咁，啱哂一班人食宵夜～龍鳳雞煲翅連鍋底個湯真係超濃郁好足料嘅味道，有好大量翅，雞絲都好嫩滑，真係想飲哂成煲湯🤤麻辣涼拌花甲 呢種製法嘅花甲第一次食，麻、辣、香、涼，係好開胃嘅前菜🥹招牌三寶丸 $98 揀左牛丸、蝦丸、墨丸，全部都係新鮮肉打成，好爽滑彈牙😋另外仲有叫芝心獅子狗，韮菜餃，野菌雜菜盤，紅薯粉，味道正正常常，勝在好大份👍🏻

三個人埋單$21xx都照先講好嘅椰子鷄湯幾清啲鷄碌十分鐘都滑同有鷄味墨魚丸蝦丸牛丸都重味牛爽肉牛香重同封門柳肉味重鮮鵝腸有肥膏，香口，正桂花蚌、元貝、花甲有鮮味然後就講麻麻地嘅鮑魚、蟶子無味涼拌花甲嗰個齋食個汁，一啲甜味都無黑栢葉食落膠膠地唔係正宗有啲嚡熠熠嗰種口感雜菜拼盤芥蘭有啲老（其他菇菌類同生菜娃娃菜正常最差係個service，去到個接待嘅語氣唔似歡迎你嗰種，啲waiter三四個企喺度傾計，唔會主動加湯，我地叫先做，同埋佢喺我地差不多食完先嚟換骨碟埋單我frd同佢講用支付寶，但我未食完，個waiter企咗20幾秒喺度唔知做乜另外無𢳂走湯油嗰個羹，食到後面全煲都係油調味唔俾芫荽，就咁單嗌芫荽要38蚊水要加錢，13蚊枝細樽bonaqua，雀巢檸檬茶18蚊罐，竹蔗茅根咸柑桔嗰啲係鴻福堂嘅，23蚊枝行去廁所嘅走廊好大煙味，男女共用廁所，垃圾桶紙巾9成滿都無換整體嚟講貴得有啲離譜，唔expect依個價係咁嘅質素。微辣有宣傳過，星期日都只係得四五枱客就知咩料，真係為打卡先好嚟

朋友聚會約咗喺呢度打邊爐好耐冇去過亞士厘道 都唔知呢邊又開到呢啲火鍋店裝修特別 打卡一流不過可能啲地下樓層關係電話收得唔太好 不過好彩都有Wi-Fi俾你連我哋叫咗個椰子雞煲 啲雞都幾嫩食完啲雞個湯都仲好清仲可以飲叫咗兩份牛肉幾好食蠔都新鮮無腥味服務態度都幾好 我哋比較麻煩有好多要求都盡量滿足到我哋 最好既係有6人卡位 唔使分兩個爐可以叫多啲嘢食👍🏻👍🏻👍🏻👍🏻👍🏻佢好似仲有間房消費滿唔知幾多錢就可以book同埋唱K 下次如果人多可以試吓

去亞士厘道要落地牢，入到入面其實懷舊裝飾唔算多😂今次同朋友嚟試吓😎湯底選擇唔算多，最後揀咗個蜆肉湯底。前菜叫咗個冰鎮鮑魚，都幾正！呢個麻辣蜆肉非常入味，而且冇食到沙，值得推介！！🤤我哋仲叫咗一份冰鎮象拔蚌刺身，爽滑清甜，食完一啖接一啖🤭好正！薄切牛肉份量雖然唔多，但食落真係舔舔脷😋之後陸陸續續都叫咗唔同嘅嘢食同菜；友人覺得鵝腸都OK，基本上成分佢都食晒😂。而我個人覺得蝦滑幾好，雲吞非常大粒🤭

今日又去咗尖沙咀亞士厘道食火鍋，佢個地點超級方便，喺海港城附近。今次係我係第二次嚟呢度打邊爐。真係覺得好值得推介。完全唔明點解咁少人寫食評。所以見到好嘅餐廳一定要大力支持。湯底： 湛江花甲水蟹鍋 湯底裏面有花甲水蟹，冬瓜同一啲菇菇🍄另外叫咗椒鹽鮑魚：非常之嘢未，開胃小食泰式珍寶生蝦🦐海鮮拼盤：呢個係好值得推介嘅拼盤，海鮮新鮮。其實最驚喜嘅地方係，員工會幫你嘅蝦🦐剝殼。依個真係好加分嘅服務。啱晒我啲懶人。又想食蝦又唔想剝殼。🤣。呢個服務100分。😍😍霜降手打牛頸脊你睇得出佢嘅牛係好靚嘅雪花又均勻，食落又好味。😋😋推介，推介。即炸新鮮響鈴

垃圾餐廳，自己開創法例，打齊三針用針紙都唔俾入公司要見客，我Book咗呢間餐廳夜晚打邊爐。咁一行人去到餐廳準備掃安心出行入去，我哋其中一位客人，打齊三針有掃安心出行以及scan到針卡。但係餐廳話佢出示打針針紙（正本）間餐廳話唔俾入。佢話冇辦法核實到張針卡嘅真偽，我個客人即出示身份證俾佢核對，佢話佢哋唔係司法機構唔可以查閱同核實身份證。咁我就直接同佢講根據香港法例係可以容許人用針紙進入餐廳，個經理話佢哋餐廳有權拒絕任何客人。咁我話我都係根據香港法例用返同埋保留自己嘅權利，佢個經理同我講話佢哋餐廳都有自己一套嘅規例。個經理態度極之差， 好話唔好聽呢間餐廳係新開嘅你如果唔想接受客人嘅話咪直程唔好做生意囉。我哋作為客人奉公守法咁樣掃安心出行跟住scan埋針紙，你部機都讀到冇問題你都要拒絕人入去食。或者可能你唔係好在乎啲客人，但係我又唔見你間餐廳好爆喎😂咁我都喺度祝你早日唔使再做生意

早幾日上午一個人做完野經過尖沙咀,比道好靚嘅霓虹光管牆吸引，😍加上門口職員落力推介，走咗入呢間火鍋店！ 舖頭裝修簡潔整齊，座位十分闊落，加上平日中午冇乜人靜靜地，坐得好舒服！我諗佢應該係主打晚市，但疫情冇得開！所以推出呢個午市火鍋套餐，太好了，冬天一個人都可以比我過下打邊爐癮！最值得讚嘅係服務員態度真係好周到👍🏻！除左細心解釋餐牌。執碟 ，加湯都跟得好足！可能真係冇乜人啦，由得你你慢慢食，唔會催落單催埋單 ！個一人份午市套餐就真係岩岩好一人份 ，咩都有小小， 唔會太豐富又唔會唔夠飽，但食物尚算新鮮 ，湯底食完唔會好口渴！仲要講講佢個打卡位真係好好影📸！ 香港獨有城寨主題，唔會話太窄，日頭去時光線都充足 ！臨走去洗手間仲見到原來有得可以book房唱K !  疫情之後想約朋友食飯聚舊，想坐得舒舒服服打邊爐嘅話，呢度一定會列入我考慮之列！

第一次去 裝修好靚 好有特色，好多湯底簡 當晚試左 花甲同醉雞湯底 超多料 要食咁d先打到邊爐😂 牛胸爽超正👍🏻牛肉新鮮好食 羊肉蘇得黎岩岩好 豬肉爽唔韌，蝦新鮮，竹笙響鈴無得頂👍🏻，娃娃菜 生菜好新鮮，推薦個豆瓣醬 夠辣又唔太鹹👍🏻真心好食，食過返尋味會再幫襯👍🏻👍🏻👍🏻

家庭聚會一大班人就緊係book間大房邊食邊玩邊唱啦！雖然最底消費8千，但係我地人夠多除開都係幾佰蚊姐!最重要食到靚海鮮，日本刺身，靚牛，仲有雞湯翅， 今次我哋試咗兩個湯底，龍鳳雞煲翅同新鮮龍蝦湯，仲要試咗好多款火鍋料，總之個個食到好滿足，超讚呀！有圖有真相呀！我覺得必試龍鳳雞煲翅，因為呢個湯底淥既象拔蚌，靚牛，桶蠔，蔬菜其他配料完全帶出香甜鮮味而又吾會蓋過材料本身既味道，最尾再飲番啖海鮮雞湯，正呀！而龍蝦湯淥魚腐，餃子，手打丸，即炸腐皮，魚皮，牛骨髓又增加食物香濃風味，值得一試，總之各有特式啦！除咗火鍋，鹽燒海膽鮑魚都一定要試，兩種配搭口感鮮甜夾脆仲要係9孔鮑魚，貴得值回票價呀！仲有呢款小食花雕大花甲都令人好開胃，好明顯食得出所有食材都係精挑細選!總結價錢合理，食材新鮮，多人試多幾款值頭抵食呀！

前個排去咗一個可以同朋友聚會或者同事慶祝食飯吹下水傾下計嘅好地方，而間餐廳近地鐵站，果度嘅服務員態度非常好，有位特別服務態度非常好嘅服務員，佢介紹左唔同嘅熟食同打邊爐嘅野食，特別係黃金炸魚皮，涼拌魷魚同埋海膽鮑魚😋😋，啲刺身或魚生都好新鮮好好味，打邊爐嘅湯底好足料，打邊爐嘅野食都好新鮮😋😋手切牛肉亦都唔錯（但都有好幾款選擇）。而度都有K唱但要訂vip房先可以有得唱🎤

經過亞士厘道，開咗好多新鋪，其中發現咗間舊式香港情懷，搭配九龍城寨風味裝修嘅火鍋店即刻落去試下侍應哥哥服務好好，推介左個招牌雞煲翅湯底，黎到發現超足料，價錢合理！前菜小食麻辣花甲同埋冰火魷魚都一試難忘另外鹽燒鮑魚食得多，上面加埋海膽都係第一次試，水準拍得住好日式店舖掛住食其他配菜冇影到太多，牛肉整體扁貴小小價錢有分三個level，我哋嗌左中間個隻，不過不失整體黎講，會再黎食！另外想講，場內用電子落單，唔使好似一般港式火鍋用點菜紙，方便好多，侍應大部份都係年輕人，做嘢好爽手，服務滿分

湯底足料，食材高質😋同事一早book定位，去到唔使等，7點半可以即時入座。未打邊爐前，叫咗小食醫一醫肚先。小食中最欣賞響鈴和胡麻醬冰菜：響鈴新鮮即炸，配上醬汁，非常鬆脆；另外第一次以胡麻醬配上冰菜，口感獨特。小食後就是龍鳳雞煲翅，份量十足。食完鷄煲翅後就加湯變成了火鍋湯底，湯底非常入味，可以encore。火鍋配料中，我最喜愛鮮鵝腸，既肥美又彈牙；另外牛頸脊也相當不錯。上菜速度方面也是可以的。與其他火鍋店不同，店舖設計值得一讚：店主用心設計，用上城寨舞廳為主題，格外獨特。

一班同事想搵個地方食吓野傾吓計都幾難搵地方，好彩有朋友介紹咗去「城寨」打邊爐。當晚食物好正，玩得盡興，傾得投契，這裏不失為一個相聚的好地方。特別欣賞呢度嘅湯底我哋叫咗三款，包括芫荽皮蛋、麻辣、同埋養生雞煲，各有各特色。唔好以為淨係打邊爐嘅食物新鮮好味，呢到嘅炸魚皮、炸響玲、響螺刺身仲正！值得一讚就係服務員嘅工作態度，佢哋好有笑容、有禮貌，每次上邊爐食物都會建議用乜嘢方法同時間烚吓烚吓最好食😋如果有一大班朋友要搵地方食嘢，值得試吓

天氣凍想打邊爐，見到呢間係尖沙咀新開嘅火鍋店就去試下。新店環境乾淨裝修有設計，坐得好舒服。我地一枱叫咗兩個鍋一個麻辣鴨血鍋，一個節瓜花甲鍋。兩個鍋都好味，湯底濃厚。之後叫咗一堆野食打邊爐。特別推介即炸響玲同牛肉。兩樣都好新鮮好好味。埋單每人三百蚊，價錢合理，食物質素ok,環境都好舒服。值得再去。