相信极大部分钟意食烧肉嘅朋友，首选一定系烧牛肉🐂 坊间都有好多主打日本同澳洲和牛既餐厅，但系有得烧韩牛嘅就唔算多。喺旺角道同弥敦道交界嘅坚韩牛，除咗个名够坚之外😆 啲牛肉真系正到不得了😎🌟极上三国牛肉餐 $418 早鸟/夜猫时段； $478 19:00-21:00 一上枱就有个和牛拼盘，包括美国牛颈脊，日本A4和牛肉眼盖同澳洲M9和牛西冷😍😍 大家睇下啲油脂分布几靓，尤其是日本和牛，真系冇得输😋同一时间，梗系点下其他小食先啦，最钟意食佢嘅前菜就系大豆芽，麻油味香浓，另外仲有一啲石头饭，炸物同刺身等等，选择都好多下😍饮品方面更加不得了，竟然有三国酒， 即系清酒，真露同红酒选择， 我见隔离枱系咁叫清酒，职员都唔吝啬大大杯倒落去，有酒有肉真爽😍坚韩牛又点少得韩牛呀，餐厅提供嘅系韩国1+腩包肉🤤 喺韩牛嘅级数中，1++ 系最顶级，之后就系1+，呢一只腩包肉油脂分布都好足，而且牛肉味好浓，当然日本和牛系超级好食，但我认为系全场最好食嘅牛肉系韩国1+腩包肉，而且配埋佢提供嘅生菜，蒜片，青椒，真系맛있어요😎😎另外不得不推介系日本和牛肋条，又香又有咬口😌 济州豚肉，都一定要食，仲要配生菜包食呀。 我见到隔离枱叫咗美国肉眼扒，薄片好大块，都系任食 ，好正，可惜我太主力食韩牛同日本和牛喇，已经冇乜空间，唯有等下次😌甜品方面都有几款雪糕选择，仲有榴梿炸弹，为完美嘅一餐写上句号🥰坚韩牛嘅牛肉质素真系食过嘅任食嚟讲最高😎 叫到第四，第五转质素都keep到。第一个拼盘，出面食都起码300蚊，而家系任食😆😆 仲有1+韩牛同埋三国酒任点，非常抵食，一定有下次，真心推介🥰 …查看更多
