坐鎮

营业中

休息中

小店環境唔算寬敞但舒適, 店員不時倒水為客人添置椅子置物服務細心, 食物選擇貴精不貴多主打拉麵同雞飯, 食物賣相唔錯, 幾適合打卡, 份量對女仔泥講充夠, 但男仔食就可能7、8成飽喇今次試左蝦湯拉麵同海南雞飯, 可能之前食過一間好好味既蝦湯, 有比較有少少傷害, 但雞飯就非常出色至於小食同飲品都係正常發揮, 睇得又打得下次會試埋另外兩款招牌拉麵

今日工作關係來到土瓜灣，之前社交媒體網站睇到bookmark 左其中間就係坐鎮，店面走簡約日系文青feel，地方唔大但叫做整潔企理感覺舒服，來到緊係試佢地招牌雞湯麵，朋友就試左蝦湯麵，對於我來說有驚喜，因為我係連湯都飲晒，個湯好有高級食府，雞煲翅果D頂湯級數，配埋所有配料，92蚊簡值高性價比，係出面求其食碗拉麵都百幾蚊，重要有時D湯飲完好口渴。另外朋友個蝦麵都幾特別，湯頭好足料鮮甜的，非一般西式蝦湯重蝦味，而係有D東南亞海鮮湯果種柔和甜，唔會一入口好搶口，幾好幾好，炸過既蝦吸左湯提升左，相信店家有心思的，另外特飲都唔錯打卡一流，加12蚊好似，下次再來想試下個芫荽麵，我見到隔離個芫荽山，綠色湯不得了，好有誠意。

嚟到土瓜灣，本來想搵下有冇拉麵好食，搵搵下見到呢間叫坐鎮嘅中式拉麵，見到menu幾多選擇，敢係土瓜灣開$100以上麵店應該都有返咁上下，所以吸引左入去試下 🌟晚市一人精選套餐 前菜+主菜+飲品🌟前菜：黑醋雞胸玉子沙律見到係雞胸以為咁正沙律都有雞胸！？咁咪會好飽！？上碟原來係雞絲，沙律菜配以黑醋食正常發揮，建議可以多返少少雞絲，因為得個3條真係有點小，仲要係雞絲而已 主菜：坐鎮紅油櫻花蝦海皇湯麵 $110賣相相當唔錯，第一眼會俾五隻鮮蝦吸引左。另外亦有大量櫻花蝦作配料。飲落去個湯出奇地冇乜蝦味，反而覺得似係好濃郁嘅鰹魚鮮味加醬油味，有點難形容，但味道係濃郁嘅海鮮味。麵係准山麵，煮得都幾彈牙及掛汁。海蝦唔會柴，幾爽口。整體嚟講算唔錯，成件事都好鮮，但建議個湯底嘅蝦味如果提升返嘅話，會吸引及記憶點更多 前菜：芥末醬油漬青瓜青瓜加醬油漬味配以輕輕嘅芥末味，食落竟然會爆汁，幾有驚喜，醒胃菜嚟講算幾創新 主菜：綿綿魚肚雲吞黃金雞湯麵 $112第一時間梗係飲湯先啦，個湯底都幾重雞肉及金華火腿味，唔會太鹹而且算杰身。魚肚都幾易入口，索晒個湯汁勁juicy；雲吞就不過不失；雞肉都幾厚身，ok滑，味道偏淡

人生第一個令我有衝動唔瞓都想打既食評！尋晚和家人在這裏吃晚飯，我自己叫了一個麵餐$112，有前菜，主菜（雞魚肚麵），和一杯茶飲…看到有這麼多好評，一心想試試…點知，尋晚食完後一小時腸開始痛，去不了厠所，但腸和胃都好漲… 我唔知佢啲湯落左咩，大量味精？湯是雞油，不是雞湯？所以先咁黃？結果再過一小時開始肚瀉，前後足足瀉了5次，由半夜1am前後2次，到4am札醒，再到7am札醒, 再起身11am… 要食止疴藥…究竟啲湯係如何製成的？如果個老細睇到既話，都可以答一答我… 係你地廚房污糟定雞麵有問題？大家小心中伏雞滑但無味而且肥，湯好濃味，但飲完之後胃漲腸痛… super horrible experience! 都唔講碗野值唔值呢個價，食完睇醫生都補唔返！

當日叫左三款食物分吃係海南雞飯，雞湯麵及鴨片海南雞飯，飯完全唔入流雞肉柴又un雞湯麵沒有味道，淡而無味鴨片超級柴完全貨不對辦餐廳價格定價唔低但食物質素完全唔店只有擺盤叫就合格對得起個價錢

今日晚市第一枱客坐底張膠櫈個椅背好似好似坐爛咁埃住坐都驚驚地兩個人分別叫左熱門既雲吞雞，同櫻花蝦湯麵套餐前菜揀左黑醋雞胸沙律，正正常常到主菜，雲吞雞先上雞湯唔夠濃，無乜雞味雲吞好一般，唔算好差都勉強食到雞肉就算雞胸都唔老，幾滑都幾好食最失望就係個麵，勁難食，完全唔夾個湯佢似係幼身蛋麵，個麵又掛唔到個湯麵同湯完全無關係之後就上櫻花蝦湯麵賣相都唔錯，就咁望係幾似尖沙咀某間蝦拉麵可惜得個樣，“紅蝦油櫻花蝦海皇湯麵”網上資料據稱，用數十斤鮮蝦、龍蝦、大蜆、鮮魚等海鮮熬製而成我食唔岀有蝦味或者鮮味個湯勁奇怪，夾埋個麵係會滿頭問號所以係食唔晒最後試埋個梳乎厘芝士蛋糕+20$好普通，旁邊有啲芒果粒，一般般啦總結成餐飯，職員服務好好，幾有禮貌不過食物係比較失望反而或者會試下佢既海南雞飯

土瓜灣隱世小店夜麻麻同阿媽唔知食乜好嘅時候見到有呢一間湯麵店，呢度嘅南乳雞翼、魚肚雲吞黃金雞湯麵同埋坐鎮鮮熬海皇泡飯，絕對係大驚喜！湯底濃郁不特止，啲料又新鮮又豐富，勁正啊！特別係呢度嘅fusion菜，真係超特別！大廚都超好傾，介紹咗好多唔同嘅特色菜式俾我哋，每一樣都好想試，但係個肚真係擺唔落😂一問大廚之下，原來佢仲有提供私房菜，但記住要預先book啊！如果你想享受新鮮創意又驚喜嘅美食體驗，絕對要黎坐鎮一試！

又一間值得被關注的小店見餐牌寫招牌 即刻嗌黎試下招牌黃金雲吞魚肚雞湯麵$92呢碗我覺得必試D湯有驚艷到我飲得出係真材實料煲出黎既濃雞湯而佢所講既金湯顏色真係黃金色飲完唔口渴 有黏口感覺 另外有雲吞、魚肚、雞問左麵底係准山麵 整體食落都覺得好好食 由其湯底另一招牌 無骨海南雞飯 $72呢間唔似其他餐廳咁會跟個湯海南雞飯一定要試油飯油飯入面食到有d薑 飯面亦有d炸過既蔥絲主角既海南雞好滑 滑過雞湯麵既雞骨亦都起得好乾淨 係我食過頭幾位好食既海南雞如果同區黎講價錢算係高 但食過就覺得值得！留意到有介紹老闆係酒店出身 唔怪得d賣相好睇又好食另外值得一讚 侍應服務態度好好 好有禮貌要keep住啊**埋單留意到呢到無收加一 但反而好有服務仲有其他湯麵都好吸引 一定會再番黎試！！

如題^ 一滴不剩😋😋叫咗招牌雲吞雞同海南雞set對得住「鮮熬滑雞金湯麵專門店」每一隻字碗麵大大碗，麵條彈牙掛汁雲吞大大嚿不過不失啦重點係個湯！雞味濃但唔會鹹，飲晒都唔會漏佢地今日有自家製芋泥tiramisu都吸引但係我地預咗去第二間食甜品所以冇嗌到店員服務態度好好～入嚟好有心機介紹餐牌埋單都同我地逐樣對我地喺度影相（當然快快手冇阻做生意）仲問使唔使幫手影🫶🏻可以二訪✨試海龍皇蝦湯再食埋自家製甜品

On this hot summer afternoon, my family and I went to a new-style cuisine restaurant. The experience was really enjoyable.As soon as we walked in, the clean and tidy decor and the cozy, comfortable atmosphere immediately made us feel relaxed. Even though it was sweltering outside, the restaurant felt cool and refreshing inside.We ordered a variety of creative dishes, including crispy and delicious shrimp toast, tender and juicy Hainanese chicken with Taiwanese sausage, and a hearty and flavorful

一直下雨☔️ 在屋企附近找野食見到呢間餐廳新開 及裝修唔錯 特意來試定價係土瓜灣舊區來說 相當進取，接近一百元的一碗麵，絕對要有大信心才能立足。黃金魚肚雞湯麵貌相相當唔錯，黃金色湯底，麵底相當意外用幼身麵，掛唔到湯。麵同湯不能溶合在一起。湯底顏色好靚 湯底第一啖好濃厚，但食落好油，濟左成晚、建議唔好飲晒成碗湯。2粒餃 好普通 無乜特別雞肉咁岩食到雞脾位，滑的，但三黃雞 雞味較淡，不過呢度都係飲雞湯為主整體黎講 質素唔錯 但好難短時間會黎食，因為食完一次飽幾日

又到咗晚飯嘅時間🍴✨️諗住explore吓附近有咩餐廳好食見到有foodie介紹呢間餐廳嘅滑雞金湯麵係全港最濃🤩感小姐係一個雞湯愛好者隔一陣就會想飲雞湯滋養下身心靈🧖🏻‍♀️就決定一試 ⛳️六點幾去到，門口嘅店員好落力同路人介紹餐廳當時都好幾個人圍住menu研究緊🔎我就直接攞位入座首先講吓環境好多木系元素，燈光充足除咗有啲小清新嘅感覺，佢嘅裝飾(包括牆邊掛住嘅外賣紙袋🤣)亦帶少少“homey”嘅溫馨感2個人叫咗1個小食，2個主食，2杯飲品小食：脆炸玉子蛋配芥末沙律醬 3.5🧡/5初頭以為係炸玉子豆腐(自作多情咗🫢)原來係一粒粒正方形嘅日式玉子蛋坦白講唔係好脆更加似係每邊都認真煎香咗嘅玉子係同想像中有啲出入，但係都幾得意玉子甜甜地，點埋個芥末沙律醬，都幾開胃冇記錯只係$28，性價比算係唔錯主食1： 綿綿魚肚雲吞黃金雞湯麵 3.5🧡/5上菜嘅賣相幾好，熱辣辣嘅湯的確幾濃幾香亦乎合個名叫金湯，因為真係全碗黃色嘅飲落濃得嚟唔會好咸，都幾好飲不過個人比較喜歡creamy啲，乳化咗嗰種雞湯(純屬個人喜好)麵質我幾鐘意，唔會太淋，有al dante感覺唔算好掛湯但因為好多時中式湯麵都係咁，又唔會覺得好影

鎮店招牌莱，雞湯麵係好好味，湯底濃好鲜味。雞肉好滑。 海南雞飯都好有驚喜， 肉滑冇骨，D油飯一啲都唔油膩。 最重要的係所有款式食完一啲口渴都冇👍 環境服務都好。已回頭幫襯幾次。

#1. 招牌「綿綿魚肚雲吞黃金雞湯麵」 $92結果論 - 果然係招牌，真係成餐飯MVP湯頭好濃郁，我唔係真正食家，只係食得出雞&金華火腿嘅味，雖然濃味，但唔會好鹹，都相信佢冇加味精，因為飲咗勁多之後返到屋企都冇口渴。單講麵底其實唔錯，但認同其他食評所講，覺得可能會有其他麵更掛湯，有更好嘅效果。至於啲餸都好味嘅，但未去到話好好好驚喜咁囉#2. 袐製無骨海南雞配青蔥飯 $72上枱嗰陣覺得好靚仔，視覺上覺得啲蔥油飯好正，但可惜食落冇乜特別味，有啲估佢唔到🤔(in a negative way)，但利申我係先食飯，所以撇除我係飲咗黃金雞湯麵啲湯而影響到味蕾架。而啲雞係滑嘅，但冇乜雞味 (同上面湯面嘅評價一樣)#3. 黯然銷魂刈包 (2件) $68結果論 - 第二好食有得對半切，切完件件都好多料又唔會瀉哂，呢度讚吓先~ 入面嘅蜜汁叉燒確實唔錯#4 鹽燒鳳梨配黑醋牛油果雞胸沙律同出面啲餐廳比較佢真係一啲都唔失禮，呢個價錢唔平，但份量都真係好足夠最後conclusion - 整體都有80分，冇一樣菜唔好食，服務又好好 (不定期加水、態度好好、聽到同隔離枱介紹餐牌)，但另一個角度睇，暫時試嘅4款菜，未

👨🏻‍🍳由經驗豐富星級酒店創新粵菜大厨主理，每樣菜式都用心處理。除咗幾款招牌湯麵，仲有創新小菜、台灣得獎茶、漏奶西多、麻糬撈起、梳乎厘半熟芝士蛋糕仔、無酒精雞尾酒。🍜 招牌「綿綿魚肚雲吞黃金雞湯麵」 $92～湯底用十多隻鮮雞、金華火腿、豬赤肉等多款材料熬製，不加味精。再配上自家手工鮮蝦雲吞、爆砂魚肚、滑雞。味道香濃鮮味，必食推介👍🏻👍🏻🍗 「金牌咸香海山炸雞」 $45～ 蝦醬+南乳口味嘅炸雞，皮薄而脆，鹹香惹味。份量亦唔少🍛 「原隻鮑魚汁煮洋薏飯」 $88～ 用原隻鮑魚配以鮑魚汁煮白飯、洋薏米，口感豐富，洋薏米飯煙韌得黎又濕潤。🍹暮色 (BOSHOKU) $36～ 呢杯Mocktail 有檸檬、益力多、椰果、梳打，味道酸酸甜甜！色彩鮮艷好啱打卡📸🫖 東方美人（二花冠軍茶） $58～ 頂級得獎茶《二花東方美人》
東方美人茶是台灣特有茗茶，亦是台灣最知名的茶品，它具有採收量少、有機天然、甘甜蜜香的特色。除了採收不易外，東方美人茶還需要經過蟲咬才能散發出天然甜香，這種甜香有人說像熟果香、有人認為像蜂蜜香。🍰 梳乎厘半熟芝士蛋糕仔 $28～ 今次有原味、伯爵茶味。用日本國寶級甜品大師既食譜