地道館車仔麵

唔够面可以出声 唔介意转其他面成碗面冇一啖系正常 全部都系面碎比50几蚊食面碎？ 成碗面碎夹埋都唔知有冇半碗面见系外卖冇得当场出声就比啲咁嘅质素比人食应该赞你地好珍惜食物连面碎都唔浪费？👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多

喺呢附近活动过嘅人都知道，呢附近食嘢嘅选择非常之少。 领展商场之内，大部分都系𠮶啲见惯见熟嘅连锁店。 呢间已经系少有嘅车仔面小店。舖头唔大，座位唔算阔落，冷气都唔系好劲。 但店员见有人食得太热，会拎把风扇仔摆枱面帮帮手，可算系先天不足后天人手补救。车仔面汤底同配料选择丰富。 拣咗秘制辣汁汤底，汤底七分香三分辣，啱晒追求惹味既车仔面。 油面软硬适中，几吸到汤底嘅味。配料方面，要咗虾条。 两条大大条，几弹牙。咖哩鱿鱼爽口。牛腩切成细细粒，都几入味。另外加咗个招牌猪扒。 猪扒几厚，咬落有质感，半煎炸到香脆。 值得推介。饮品叫咗唔系好多地方有嘅荷兰谷古，几有趣。…查看更多

爱民商场入面嘅餐厅多数都系食到厌嘅连锁餐厅，喺街市对出见到呢间门面新新哋嘅车仔面店就入去试下。除咗车仔面之外餐牌上仲有十几款饭类、炒乌冬同小食，车仔面配菜大概有三十款，食物选择非常多。三𩠌一面只系$48，有咁宽敞嘅环境坐喺冷气之中慢慢食，喺而家嘅车仔面店嚟讲算抵。腩肉、墨鱼丸、萝卜粗面 ($53 连冻柠茶) ★★★★✰一个好挂汤嘅粗面面饼，配合咸度适中嘅腩汁就啱啱好。腩肉对我嚟讲对算肥瘦适中而且好腍；墨鱼丸食到有咬口嘅墨鱼肉，唔系最cheap𠮶款元；萝卜虽然已经唔系最当造(用餐时已经系初夏)，不过都无渣同埋煮得几腍。冻柠茶嘅柠檬同茶底都唔错。整体而言，餐厅环境还算舒服，当日客人唔多但有好多位，店员都有laid back嘅感觉，而且呢个价钱食到呢碗面都算ok抵。…查看更多

d位好逼成日漏单 上错𩠌 野食还可以既但系！！！！！！！！！！！！今日着住有校徽既运动服 写住学校名 有学生证都唔肯比学生优惠店员：“我睇唔到窝 我唔理窝”（平时都已经差）唔系为果几蚊 但个态度真系差到....…查看更多

下午茶餐猪扒粗$27完全街坊价猪扒入味，软淋淋又没有雪藏味，汤加了辣汁很惹味，如果收多几蚊加几条菜就perfect!装修就是街坊餐厅的装修，职员很nice。有机会再去附近会再去试他家车仔面。…查看更多