影片
以上资料只供参考，请与餐厅确认详情
今日天气冻冻地，谂住随便买份外卖返屋企食，通常落完单到攞外卖都系 10-15分钟就走得，虽然今日系星期六，佢哋同平时一样晚饭时间都系客满，我唔系第一次系度叫外卖，起码叫过几拾次，今次系等最耐最耐既一次，我入去追问左3次都话好快好快，我只系叫炒炒面，收银姐姐同我熟，都忍唔住行去厨房问，反而执外卖果个就懒懒闲，佢哋规矩系唔俾系店舖入面等，外面冷冰冰又有风，最后系等左30分钟先攞到手 😡😡 最差嘅系店员一句「唔好意思」都系讲，俾左我就转头走人😡 系度写出来，系希望佢哋老板睇到，自己去检讨一下
继续阅读
九龙城，好多食店，唔知点拣。呢度出名嘅一般都系泰国菜，另外就有好多大大小小嘅茶餐厅，竞争都几激烈。断断几条街都已经有成10间茶餐厅，其中我比较推介嘅就系呢间地茂馆茶餐厅。佢个早餐嘅Menu系最全嘅，早餐仲有牛角包，价钱都算合理。今次午餐我就第一次食叫咗个菜牛柳丝米粉，真系有惊喜。原来佢系传统嘅中式煎米粉。响传统酒楼叫啲嘢起码要百几$200，而家$75食得到。真系超值又好味。另外见佢晚餐都仲有好多传统中式𩠌嘅选择，海鲜小菜样样都齐，下次我会嚟再试。
继续阅读
6月1日，跟父母去九龙城睇戏，(现在九龙城戏院执咗笠⋯⋯)，睇戏前食个晏，呢个全日早餐系呢间餐厅新菜式，份量好够，有煎蛋，肠，汉堡扒，茄汁焗豆，生菜，扒要咗鸡扒有半块，仲有牛角包，味道正常，我喜欢每一样有少少，所以都钟意食，个汁冇用到，怕高脂高盐。
继续阅读
下午茶时间想食d 野，屋企人话好耐无去食地茂馆，就去食下～一去到要攞飞等4张台，后来终于到我地，我地就去佢叫我地去果张卡位。点知无啦啦有人快过我地走左过去坐低，但佢根本无攞飞，自己就咁走入黎。我地同侍应讲，佢叫我地坐另一张卡位，但成张台都系野食，等好耐佢先肯黎执，搞到我地都躁躁地。我地几个都叫常餐，落左单之后佢之后走返黎话无晒榨菜肉丝，咁我转沙爹牛肉，点知之后又走返黎话无沙爹牛肉咁点解之前唔一次过讲？最后我个常餐叫左肠仔仿鲍鱼丝米粉配奄列、冻柠茶。d 鲍鱼丝变左鲍鱼片成碗野同个奄列就好似张相咁：好麻麻。我只可以话杯冻柠茶好饮、够多冰同够大杯…
继续阅读
差不多五点才食个下午茶，既肚饿但又怕晏少少食唔落晚餐 🤔🤔所以叫咗碗- 云吞水饺米粉，加杯 $3嘅冻柠茶少甜，盛惠 $43果然系九龙城老字号，云吞及水饺，真系真材实料，每只饺子里面都有完整嘅一只虾肉，饺子扎实，味道👍🏻恰到好处 😋茶餐嘅一碗米粉，份量绝不欺场，但只得两粒云吞，一粒水饺😂😂，如果可以有两只水饺就更好啦 冻柠茶少甜十分标准，四片柠檬 👍🏻食物绝对冇得批评 👍🏻👍🏻唯独是唔可以自己拣位，要跟姐姐安排入坐 😟如果你有四五个人都好D，姐姐会就就你。 如果得一个人，分分钟有机会俾姐姐叫你起身搬枱，就就其他客人⋯⋯
继续阅读
您可能会有兴趣的...