在乎

营业中

休息中

喺11點01分打電話叫左兩個早餐，我11點10分就已經到左門口，見佢哋人多喺門口企陣先，企到差唔多11點25分左右，（中間好多外賣己有人攞走，而我一直望住門口放外賣張枱，都無我嘅），忍唔住入去問，門口收銀個呀姐喺佢部機搵返張單出嚟，跟住我俾左錢，俾完錢問佢：其實我個餐做左未？跟住個呀姐竟然答我：做唔做左都要俾錢架啦。然後我就話，你未做我唔要喇，跟住佢收晒水唔出聲。我俾錢個時間係11點29分59秒，跟住我企喺餐廳入面等，順面影下張單，影相時間係11點32分。企左陣樓面呀姐發覺我企左喺度，問我攞手上面張單，跟住去執。我就問果個呀姐：其實做左未呀？未做我唔要喇！跟住個呀姐話：做緊啦做緊啦，有架喇.....跟手個呀姐叫入水吧話要杯凍檸茶走甜少冰，同埋餐炒蛋....我X，即係未整啦。最後我攞完個餐喺門口嘅時間係11點37分（即係話其實由樓面個呀姐叫我攞單開始計，5分鐘就做到嘅野，你要我等左半個鐘）我想講，其實佢地未做出黎或者漏單，我覺得可以接受嘅，但係個態度好啲，直接講俾人聽你漏單，咁我可以選擇食午餐而唔係食早餐。

一直有幫襯開，最近換左批阿姐樓面好唔掂令我唔比負評唔得（雖然茶記都無咩人睇評語）。 話說咁岩去食個早餐，適篷早餐時段尾多人，只有中間d 四方枱和一張卡位大枱 咁你又無話唔坐得 我咪揀左張大卡位坐 食到一半 個阿姐走埋來唔好態度話我一個人霸咁大張枱 ， 我已經答佢 咁你頭先無位嘛 係咪要搬番細枱？ 佢又唔出聲 。 之後聽到佢地員工對話 無禮貌個阿姐想要果張枱食飯 又話佢唔鐘意坐其他位⋯ 咁你要留枱員工用膳就一係擺個留座牌啦 問你洗唔洗讓番比你又唔出聲淨識行來行去眼超超同黑面。 我都知去緊茶記食個早餐唔係要你咩五星級服務，但我強調我已經不斷講唔該同用餐時間得20分鐘 計埋你出餐 即10 分零鐘食完 都係阻你一陣姐，唔洗咁那串 又黑面又趕客咁款既， 埋單個阿姐都勁無禮貌收錢大力掉野。 真心唔會再幫襯 多謝晒。

見新開想過來吃好幾次，但店內地方細，裝修一般，始終想來一直未來。話說有人令我生氣了，今早出門很驚喜，無端出現在我門前，約我上班前去吃早餐。我吃了肉丁，份量不少，啖啖肉，這才叫早餐。另外腸仔煎得好，芝士腸給得大方，最大驚喜是丹麥包，酥脆出色，令人想再吃一次。煎牛扒是黑椒汁，汁給得足，扒不肥，煎得剛好，不太薄，食味還不錯的。唯奶茶其中一杯沖得少苦澀，就是敗筆，幸好另一杯是正常的，有奶有正宗茶味，不會好大杯冰。店員能操流利譚仔語，服務正常不會像金x的粗魯無禮。食後感：今時今日，食店半年加兩次價，現在這兒價位才是可接受的。