圓香

呢間因為近，所以成日都會食下最經常就係黎買佢嘅台式飲品， 好多款都試過， 最鍾意飲佢嘅熊貓奶茶，有西米加珍珠， 一向都滿意佢地台式飲品嘅味道同份量不過近日好似每況愈下，份量少咗好多，少咗4份1，雖然叫走冰， 但之前真係未試過咁少，咁我寧願佢無得走冰，得少冰算 …查看更多

叫咗半隻海南雞飯餐，放低見到賣相已經知道唔對板，海南雞味道好似白切雞仲要叮返熱嘅海南雞，又不是冇骨，都未試過食海南雞要叮翻熱嘅，油飯又硬又生米，仲叫咗個西蘭花魚柳，原來係魚片炒嘅西蘭花，似係酸菜魚嘅魚片炒埋一碟。…查看更多

食物質素差個經理服務更差本身都試左呢間餐廳幾次，平時都覺得麻麻地，但係咁次食完嬲到我出食評😮‍💨如果打風落雨過時過節比較忙個時，千祈唔好係呢間叫外賣（包括用外賣平台 )，要等超耐+超唔好食！我叫完外賣等左好都未有，問下個經理，佢第一句就話*咩話* 好似撞聾咁 ， 又話等得個30分鐘唔係好耐啫，又話廚房得2個人做唔切，佢又唔cut左d外賣佢，又keep住係咁俾客入，坐到滿晒🙄總括黎講，唔想受氣嘥時間又食埋d劣食既話，建議你唔好試呢間野😤…查看更多

今日黎試呢間餐廳嘅無骨水門雞油飯。60蚊。先講雞，得4、5件細嘅（包雞翼尖，d雞肉仲要好硬，堅難咬。雞翼同雞翼尖有骨都正常，但有一件雞個骨都冇處理走😂我有請問店員d雞好少，可唔可以調整下，佢答我呢個係例牌，你叫半只咪多d。我個人係唔滿意呢個答覆同態度嘅。比多我一次揀，我會去葵涌街市嗰間泰國野買40蚊嘅海南雞飯，便咁多，雞嘅份量仲多d。D油飯就唔點香，不過份量就好多😃，應該叫少飯的。仲叫左黑糖仙草芋圓，d芋圓真係唔掂，味道同口感都一言難盡。評價：街坊志在坐唔在食嘅話，不錯嘅選擇，環境夠靜。…查看更多

本來都已經聽聞過呢間嘢好難食，但係打完風個人好懶所以都係落街買外賣諗住試下伏，點知遇到有生以來最差嘅外賣體驗。🤮本來等咗半個鐘外賣已經有啲躁底，但係都好聲好氣問門口個短頭髮阿嬸有無漏到我張單，點知佢就黑口黑面答我話我無落單😅話無印象我有嗌嘢食咁我就躁躁哋，開返電話同佢講我有八達通俾錢記錄同時間，佢先死死地氣入去廚房幫我跟😅點知。。。俾我見到原來成個外賣擺咗喺廚房隔離張檯冇人拎出嚟😅原來我無落單但係個外賣係會自動ready咗🥲拎出嚟仲要sorry都無句就走咗。你無服務唔緊要，起碼要好食啊。你唔好食唔緊要，起碼價錢平啊。你價錢貴唔緊要，起碼速度快啊。但係你三樣都無， 就。。。谷氣…查看更多

今日去食午餐，見呢間外面幾多人排就去咗試，叫咗四川回鍋肉飯外賣$54，個飯又貴餸份量又少到傻，味道3流，呢個質素求其一間兩餸飯都好過佢幾倍，完全唔明點解有咁多人去食間垃圾。…查看更多

點過佢哋嘅外賣，直係有排等（起碼多過20分鐘）個餐搞掂咗整好咗攞出嚟，點L知佢係pat埋一邊。幾個人喺度等，根本唔知係邊個餐。直至唔耐煩，走去問佢，先攞返之前pat埋一邊嘅比人大佬呀出句聲叫單好難咩？打number 入屏幕上面好難咩？重點係，啲嘢不知幾難食，啲肉臭嘅🤮等半粒鐘等盒臭飯另外, 個黑衫男店員：我點午餐，女收銀自動set 咗學生discount。個黑衫男店員就blame 我無著校服。喂大佬呀？我幾時有要求你出學生價比我呀？講到好似我呃你攞discount咁！你要怪就怪亂打學生discount 嗰個女收銀同事啦！做セL要怪我？…查看更多

今日晏就1點40分買左個外賣(兩個飯兩杯嘢飲)，等左20分鐘左右都未有，就禮貌地上前問個職員有未，點知個職員連我張單望都未望就話未有，態度惡劣咁叫我出返去等，最後等左半個鐘先有完全唔明個職員係咩態度？買外賣既客唔係客？有禮貌既客唔係客？[個職員係一位短頭髮既中年女士]…查看更多

圓香和四季同一集團，食品不同。基本上早餐價格偏貴點，食品與價格未配上。▪️原條吉列魚柳 - 雖然觀感差少少，吉列皮有些裂，但夠嫩滑，只配上普通沙津醬，感覺配唔上這個餐價▪️腸仔一流，兒時味道▪️茄汁焗豆都ok▪️炒蛋夠厚，稱唔上滑▪️丹麥酥係食過最唔好食的▪️奶茶底厚，不過大家口味不同，不予置評整體平平。…查看更多

圓香是屋村新開的餐廳，原來都係樓下四季餐廳同一集團，食物方面這裡的食物的確以這村來講比較少有,早餐價錢最平$38都有還可，但因可能運輸問題，今次來的時候不少東西都沒有，最後叫了摻摻早餐 $47，反而有失望。香芧豬扒勁細片，味道有香芧味，椰香喇沙湯底偏辣不夠香，摻摻油麵加勁淋身米線，寧願一碗油麵好過。腸仔好似冇煎過咁，太陽蛋好難唔好食，牛油方包味道正常。飲品最特別有凍冬瓜茶，味道幾好飲甜度可接受。又不可以講中伏但未必會再來這裡吃東西。…查看更多

今晚和屋企人出去食飯又不想去咁遠就去樓下新餐廳，之前已食過早餐就普通但沒有試過台式飲品，岩晒，我哋叫了一個蝦卷配新竹米粉，新竹米粉份量以晚餐來講偏少，前菜2款正常幾開胃，蝦卷3小條再切了，口感幾足料又夠熱，但$58來講有點貴又不飽肚。小食不用$50的鹽酥雞份量激多，但竟然沒有鹽係上面，只可講係炸雞粒，都幾新鮮，雞肉普通。叫了米粉半價可叫飲品，叫了一杯女兒紅奶茶配仙草$11，仙草勁大舊好難飲到，叫了半糖所以不太甜但奶竟然好少味，茶味太重，整體要$115不太值，下次可能來吃早餐或樓下同集團的四季好過。…查看更多