四點金飯店

营业中

休息中

一班人去食打冷，揀左呢間，因為係朋友食過推介既，而且環境比較好，坐得舒服啲。食打冷首先係試鹵水，當然唔少得鹵水鵝。要左下庄，唔算大份。味道偏清淡，同微甜，唔好濃味既朋友應該會鍾意。鵝肉都唔會好稔，比較有咬口。整體黎講都算ok。再試埋鹵水鵝肝同鵝腸，肝都滑，有少少粉，鹵水味偏淡。個人比較鍾意鵝腸，好爽口，又唔會韌，質地好好。打冷另一樣必試既係蠔餅，呢度係煎蠔烙。啲蠔仔都好多好大隻，蛋味都幾香，如果再煎香脆啲就完美。朋友話未食過薄殼，就叫左碟金不換炒薄殼。味道都幾好，但似泰式多啲。見餐牌有石榴雞，就點份黎試下。傳統係用雞皮包住啲雞肉粒同疏菜餡，之後拎去蒸。呢嗰就只係用腐皮黎做，味道ok，但就沒咩特別。之後就試兩樣朋友推介既餸。先黎燒汁脆蟮，燒汁好惹味，蟮都好脆身，幾香口，有少少可惜係蟮肉唔爽口。再黎係椒鹽鮮魷，好惹味，炸漿又薄又脆，魷魚鮮甜爽口，推介👍🏻👍🏻最後甜品都係朋友既推介，先黎潮州最出名既反沙芋。已經好少有鋪頭做，呢度都做得唔錯。最後呢嗰先係全晚最正既，就係蛋散！！即叫即做，超香超鬆化，真心香港No. 1😍😍甜品份量唔少，建議大家留肚食。

鄉下係潮州嘅我，由細跟住婆婆所以係食潮州菜大㗎😆所以一直都會同屋企人周圍試潮州菜館，今次經親友介紹就嚟試下呢間「四點金」啦！裝修嘅外館的確好似潮州當哋嘅一啲出名菜館咁樣，入到去環境都好唔錯乾乾淨淨！我哋係坐二樓，二樓俾我嘅感覺無地下果層咁熱鬧，二樓安靜啲而且空間仲闊落好多整體都好企理！服務方面真係一定要開一段嚟講，由入門口開始所見到嘅職員都係笑容滿面！大家都好有禮貌好熱心，經理更加係照顧週到！上菜嘅姐姐又細心，呢家好小遇到中菜有咁多笑容睇🙈服務質素滿分呀！食物方面都絕對驚喜！我覺得「鵝頭鵝頸肉」真係必須食！片好哂啲肉出嚟，肉質非常嫩而且好入味！已經講咗下次要點兩碟😋然後再嚟「排骨春菜」，呢個菜雖然係平價材料，但係要整得好食有家鄉味係好難！暫時我都未係潮州菜館度食翻果種味，呢度嘅春菜煲都係一般啦。跟住嘅「普寧豆腐」就真係好好食！十分推薦呀！炸到岩岩好！我重點推薦！我自己認為最好食嘅係「煎蠔餅」，呢個蠔餅絕非平時炸到脆果種！呢種先係正宗潮州蠔餅！有蛋有薯粉❤「滷水鵝肝」就有小小期望過高，普通水準「糖醋麵」呢個就間間都咁上下啦！整體嚟講，呢間菜館價錢合理！而且好食起碼唔會有伏！可以成為日常飯

今晚試了這家潮州小酒家，環境靚幾好坐，最重要係服務好，另外D野都好食而且價錢平。普寧炸豆腐揸得乾身兼微脆，點埋個專用汁好好食滷水豬肉卷就普通咗啲，講真有少少失望滷水雜錦拼盤入面有紅腸墨魚鴨腎滷水鴨肉豬大腸豬耳及滷水豆腐，滷水唔會太鹹排骨炆煮春菜嘅春菜都幾新鮮，而且唔會好油糖醋麵乾身好食，侍應仲好細心另外比多個碗我地用黎食糖醋麵香脆招牌蛋散$28有六件，佢唔似平時會落糖漿喺面，而係用咗豆腐花嘅黃糖同埋煉奶，鬆脆好食白果芋泥做得唔太甜，而且個芋泥好滑整體都係水準之作，而且價錢非常合理，值得一試！

有段時間冇食潮洲菜，12月1日细仔仔話，想食鹵水鹅肝，及飲胡椒豬肚湯，在食評上得知，此店有得供應，而這兩個食品圽獲不少食評家，給予好評，故當晚便專誠帶靚媽，及仔仔，到此店食晚飯，在餐牌上見到此店，提供的晚飯套餐，有胡椒豬肚湯，及另選三款小菜，收費都係三佰零蚊，真係好抵食，所以就點咗一個套餐，再加一碟鹵水鵝肝拼鵝腸，和一個反沙芋頭做飯後甜品，先講個套餐個人認為，除咗個胡椒豬肚湯0K，有B+評分外，其餘所點三個小菜包括川椒牛肉，煎蚝烙，豆付炆魚腩嘅評行，都係C级水平，令人失望，不過可能一分錢一分貨，三佰零蚊個餐吾得啫，但係成二佰蚊一小蝶嘅，鹵水鹅肝，鹅腸該無得彈，鹅肝粉嫩，入口溶化，而鹅腸爽脆，而更有久違了的膏存在，此菜有A+評語最後上枱嘅甜品反沙芋頭和随餐附送的金沙旦散，可以講係精彩绝倫，就算俾A+++呢個爆燈分数，呢兩款甜品，都绝不為過。

呢間野門口好靚，紅紅綠綠咁，有d 似寺廟嗰啲鮮艷顏色。店入面好闊落，每張枱都係4人位起，而枱與枱之間相隔都闊。就算你一個痾去食，佢都會俾成張枱你，唔會搭枱，呢樣野超好💯店入面d 服務員好有禮貌，雖然係好忙，但唔會黑面，又會應你，做野都好快。可能老闆娘好人，所以都識請人💯lunch 都有lunch set 食，叫左潮州滷水拼盤同埋檸檬蒸烏頭。會跟一個老火湯及一個白飯。個湯好足料，我見有幾舊青紅蘿蔔同兩舊豬骨，好有味，唔係d 白色既味精湯。而且都配埋茶俾你，我揀左鐵觀音，佢落左兩個茶包，所以好夠味，就算沖多幾轉水都唔怕。潮州滷水拼盤有紅腸、豬耳、鴨腎、白色魷魚等等，好多種類，好好味。量都幾多。檸檬蒸烏頭落咗好多檸檬絲、同埋少量薑絲、紅椒去。檸檬味好足夠，個烏頭嘅油份都好好，食落去啲肉好滑，清左底佢哋廚房真係好快手，落咗單，大約10分鐘到，個檸檬蒸烏頭已經出咗嚟，即叫即蒸，而且超快上枱，味道又好。講真，去普通大排檔，坐得勁唔舒服勁迫，一碟魚都要百零蚊，滷水拼盤都要$100左右。呢度lunch仲要唔使加一，唔流搭枱，淨係收幾蚊茶錢，超級開心。不過lunch 超多人食，雖然佢唔會趕你走，但作為一

由於有老朋友將遠走他方，所以選擇咗呢度同佢餞別，不是大集團，而是港式地道餐館的味道，樣樣食物都非常有水準，由前菜的蔬菜芝麻餅、蠔仔春卷同豬手已經食唔停口，然後到正餐，油鹽水特大刀貝是頭盤，然後還有鵝肝片，滷水鵝片、蠔仔粥，東星斑，材料新鮮，潮州菜本來不是我的喜愛，今次令我改觀，簡單煮法已經有最好的味覺體驗，最後仲有糖醋麵、蛋散及糖水做結尾，真要再來encore 。

朋友之前同我講食過這間味道幾好,咁就預約左係中秋節果晚食.見到有3個套餐,覺得價錢有點貴,不過好食既話就算啦.個套餐裡面其中一樣係豉汁蒸白鱔,我自己好鍾意食鱔,見到有就即刻落單.隔左一陣有人行過黎同我講話無曬豉汁蒸白鱔,叫我轉其他.本身我食晚市最早果批,無白鱔我已經覺得好奇怪.不過無就無辦法,咁問佢可以轉咩,佢話可以轉燒汁鱔片.我立即成頭問號???我反問佢點解有燒汁鱔片反而無豉汁蒸白鱔???個侍應講到吞吞吐吐咁,跟住就叫左負責人過黎.我問點解會咁,佢就話今日買左好多鱔,但係有客人叫左,所以俾唔到我.食晚市最早果批,本身有好多鱔,但有人叫左.唔係無鱔又俾唔到蒸鱔我??????個負責人都係講到吞吞吐吐咁,好唔情願先講可以俾豉汁蒸鱔片.我聽完先明白佢係唔想開條新鱔俾我,諗住用鱔片打發我就算果刻我唔想同佢嘈,你有鱔俾出黎,又好食既話就算啦......點知上菜果時見到個豉汁蒸鱔片,又細碟,又乾,又唔係好食其他野食係幾好既,但係俾個鱔片攪到無興致.其實好唔好食都係其次,重點係這間舖既人做野手法令我感覺好嘔心.總括而言,這間唔會再食

食午飯既時候約埋同事一齊黎食潮州菜依間直頭係我地聚腳既飯堂呀餐廳🍴位置充足上菜速度快 職員👨‍💼服務態度好以下所點既食物都非常推薦尤其最欣賞煎魚每次黎到依個都係必點隱世潮州餐廳🤤

在清明節及翌日，我跟好姊妹住土瓜灣8度酒店兩日，第二天，我們走到第一天經過又想幫襯的餐廳！我們走到新山道的潮州菜館 <四點金飯店> 食午餐！Menu以上菜次序：鮮蝦潮州炒麵 $54略嫌炒麵有鹼水味及較油膩！淋上黑色的鎮江切醋，把口味起死回生！ 不但減膩之餘，還帶出開胃誘人的酸香！配料有肉絲、爽口的蝦...等！招牌脆蛋散 $18/4 件這是店方的招牌菜式之一，加上價錢合理！況且，就算家人是潮州人，也未必會做這款美食，所以，我決定點來一試！大大件又超鬆化可口，蘸上糖漿已經把味道提升另一層次！香煎紅桃粿 $20/2 件最後送上來的是潮州紅桃粿 ，我們還要追單呢！熱辣辣香噴噴！香煎至外層香脆，內裡軟糯，夾雜滿滿的糯米飯、花生、芹菜...等，滿載潮州風味！

今日一家三口預祝老豆生日，阿媽話想試呢間潮州野，因為電視介紹過。我地三個人叫左三餸一湯。杏仁豬肺湯好香濃，一窩竟然有九小碗，每碗有兩舊豬肺，我數過共有十八舊豬肺，飲完食埋渣都飽飽地😅芝麻煎餅入面包住韮菜，細細片，唔太油膩，幾好食，呢個小食有驚喜喎。兩面黃煎麵煎得好靚，幾脆口，兩老非常鍾意食，但我本人麻麻地又酸又甜，所以淨係食淨麵，無撈糖，醋😅蝦蟹棗都幾足料。埋單共$483,本人覺得算係抵食。侍應服務態度幾好，有禮貌。我睇過佢地午市既餐牌，準備過幾日去食，到時睇下抵唔抵食，好唔好食。

由於一早book咗房既關係，就算疫情下都無懼,係房間入面大家一班朋友置成一角，不用擔心同一些唔認識既人坐得太近，有口水飛沫，可以安心地進食晚餐，哈。鵝肝好食又唔會好滯凍蟹唔算多膏但肉質不錯雞煲翅，好味，湯好濃郁，好飲啖啖翅，正吖呢個要早一日前預定，出面唔係度度有得食條魚骨都唔好浪費，好似係椒鹽，都好香口潮式蠔餅呢個雙併好味，夠特別呢條馬友，好味道，個湯都正呢個蛋散，超好味第一次加埋啲黃糖上去食，好鬆化，正清心丸整體來說，呢個潮州菜館，我覺得每樣都好味有機會，會再來

今日去咗土瓜灣行街本來諗住去一間酒樓食晚飯點知好多人，就決定搵另一間，行行下見到呢間潮州菜飯店有個牌嘅套餐三餸一湯 $268 都幾抵，因散叫仲貴，最後叫咗呢個套餐，一個梅菜炆扣肉，扣肉都瘦肉小肥膏，所以唔會好肥，味道都可以，只係肉質未夠淋，份量就足，另外叫咗個紅燒肉片豆腐煲，豆腐好滑及肉質好爽，份量都 ok， 送飯係最正，仲有個凍烏頭都 ok，只係要點個豆漿先有味，個湯叫咗胡椒豬肚湯都幾好飲，味道好農，最後仲有個蛋散嘅甜品係好好食，好香加咗 d 橙色嘅粉，芝麻及煉奶，好好味，有個侍應話如果星期一至五食晚飯唔使茶介同加一服務，午市嘅小菜都抵食，所以 overall 呢間潮州菜係不錯，下次會再食過。

是晚同男朋友家人食飯，其實平時間唔中會經過呢度，突然有想試下既興致😂又聽朋友講呢間野幾ok，就趁多啲人試下。男友第一時間話試下佢個杏汁豬肺湯，湯色澤奶白，豬肺大件新鮮，杏汁味道還好不太超過，不錯的。煎蠔餅我幾鍾意❤️蠔仔都幾脹卜卜，成塊pizza咁，已切好一件件，邊邊位幾酥脆，而中間位置煙煙un un，口感係我鍾意的。白灼鵝腸幾爽口，帶有少少肥，所以幾香，份量都足夠。佢有醋同辣油比你點，我就覺得醋會更吊到味，辣油相對黎講無咁香。滷水鵝（下裝）係有咬口既鵝，但又唔會話咬唔開，肉質係有彈性，皮同肉唔會話分開，個人覺得做得都ok。呢個牛肉調味都可以，口感可以，但唔見有酸椒🤔不過不失，唔算特別。瑤柱蛋香炒飯就真心有少少驚喜，飯粒分明彈牙，咸咸香香，飯上面炸過既瑤柱絲令個飯口感更豐富，所以我平時好少食飯都食左兩碗👍🏻

前排farewell一個好好既同事，因為唔想次次都去飲茶，就決定特別d去食潮州菜。呢間半點金已經係我第二次食，環境唔算好好，係典型既中菜酒樓既格局。我地7個人預先bk左，所以唔洗等位就入得，我地叫左滷水雜錦拼盤、有大腸、紅腸，份量就唔算多，一人夾2件已經清左成碟，味就就尚算入味，都唔錯既。另外，我地仲叫左點心拼盤同秋葵。蝦餃同燒賣都正常發揮既，不過粉果皮就過厚，感覺失色左。我本身都鐘意食秋葵，配埋麵豉漿汁，味道都幾好。至於炒飯都炒得好乾身，我地驚唔夠飽仲叫左蠔仔湯飯，不過唔記得影，都好夠鮮味，所以總括黎講，如果多人食飯既話，呢間潮州酒家都係唔錯選擇。

為咗慶祝今日母親節，我哋一行10人特登係一個星期前book咗呢一間餐廳同埋已經order左食咩餸，但係去到都仲要等10幾分鐘先有得入去，有少少失望。　　言歸正傳，餐廳整體嘅食物質素不過不失，有幾度餸仲做得幾出色添。首先講下啲冷盤，滷水鵝嘅份量非常足夠而且非常之入味，鵝肉無滷過頭令到鵝肉發霉嘅現象食落去肉質結實口感唔錯。而滷汁亦都冇過咸或者過甜嘅問題，整體來講做得非常好！跟住就係呢啲鵝肝拼鵝腸。呢碟嘅滷水味就冇咁重，令到食材嘅原味汁更加突出。但係鵝肝就可以再熟多少少，有啲鵝肝表面仲有少少紅點，熟多少少就食得放心啲。鵝腸口感非常有彈性，如果鵝腸可以肥多少少就完美喇！　而小菜方面，先黎煎水瓜烙，鳳梨梅羔一字骨同埋煎蠔烙味道不過不失，冇乜驚喜。煎蠔烙感覺蠔肉較少，可能薯粉?既比例較多，整體口感好淋好濕同平日打冷食到既唔同，或者鐘情台式蠔仔煎既朋友會易D接受之後尼味碧綠川椒雞球反而有D驚喜，肉質幾淋，老人家都食到。隔離伴碟既紫蘇葉為成道菜生色不少，味道更加有層次，唔好!全晚重有好多其他小菜，就唔一一盡錄喇但比較推介既有明爐鮮烏頭魚，好鮮好滑，可以一試!　　我哋呢一餐仲嗌咗兩個湯，第一個就係胡椒豬