四海魚村

點了烤麻辣鯇魚、麻辣雞煲、尖椒皮蛋，蒜蓉生菜等等，食物質素不錯，味道合胃口，不過無茶水免費供應，冷氣夠凍，有無限紙巾供用(辣到抺汗抺鼻水)，店員服務都算好，可以一試。…查看更多

從未接觸過咁串的員工！一餐很委屈的晚飯！ 一次貼錢買難受的經歷！當你叫完小菜之後而小菜遲遲未到, 事情就開始發生了. 正常你會問員工啲小菜幾時到？但員工的回答系“唔知幾時會有喎, 你等到就等, 等唔到可以埋單走, 我會取消未到既野嘅”我聽完之後當堂嚇左一跳然後心裏面嘩一聲真係覺得不得了 點可能可以咁樣做生意. 我哋呢啲畀錢做客人嘅做錯啲咩呢 點解要受啲咁嘅態度？？真係點解今時今日仲有呢啲咁嘅服務態度？有冇搞錯！簡直離曬譜！ …查看更多

正值武漢肺炎 店家要求客人戴上口罩進場，但職員則只把口罩掛在下巴。入座 奉上熱水清洗餐具，碗一過熱水滿手油污。客人請多加自行清洗初嘗麻辣雞煲，但不麻也不辣，只有西芹青椒姜蒜之味，取名農村雞煲更為合適。份量則大量配料加上小量雞件，合大吃之男生一位使用。口水雞事先雪好，點餐淋上醬汁上桌，但雪得太耐，懷疑不是當天處理，肉質一咬則散，沒有口感 ，全靠醬汁下口，但味精過多。紙包魚，略有新意，但同樣有食材不新鮮的情況。一般烤魚醬汁味道。…查看更多

好過份的宵夜明明開完會歸家，最多在樓下飲下就算，友人說出去接個朋友一齊食宵夜，所以先接我再去黃大仙接另一友人再去深水埗食，最後一行四人說走就走，說食就食...因為下著雨，燒烤店是在路旁不方便，最後選擇食烤魚和毛血旺，亦必配啤酒🍻不落雨必選燒烤😌.重慶毛血旺$148😋😋配料十足，有萵筍、牛柏葉、蓮藕、午餐肉、豬腸、魷魚、芽菜、海帶、酸辣粉、當然還有毛血旺，即是豬血，不過食落不太新鮮，$148相對都抵食。紙包魚😋😋首先用紙包全條魚和配料等滾，店員就會拿掉紙等多一會兒就可食，有好多豆腐和洋蔥，辣度會愈食愈辣，就會不斷飲酒😅覺得魚麻麻，有泥味。啤酒四大枝$128😋😋😋少飲，另外兩位朋友飲得比較多，其中一個是司機，心裡都有點擔心，兩位食烤魚前已食了第一輪宵夜和飲了一點酒😌真的厲害。…查看更多

前排係社交平台文章宣傳呢間餐廳，見幾吸引，所以有日同女朋友收工過來試試佢～我地7點就到左，當時冇咩人，所以唔洗等位就入得。我地兩個諗都唔諗就叫左每人$129任食個半鐘烤福壽魚。🌝不過未食之前有樣要彈下，呢到職員落單有d亂，第一次佢比錯左隔離枱d烤魚我地😢同埋我地起碼等左成4-5個字先來到第一條烤魚我地，咁就冇左半粒鐘食😤😤😤盤烤魚好大盤，配料都算好多，連烤魚食味道不錯。唯獨湯底偏油膩，好易食齋😅呢隻福壽魚好大條，魚味唔算話好強，但勝在啖啖肉，肉質口感偏實中帶點幼滑。😯我地叫左兩次就已經飽到想嘔😅總結：你唔介意環境差d,鍾意食魚食到飽既朋友一試無訪。😂😂😂…查看更多

🐟《$129任食•重慶烤福壽魚》💰價錢：HK$129·之前上網睇到竟然有任食嘅酸菜魚😍約fd一齊去試去到問咗老闆發現 雖然任食但如果細胃既女仔應該1.5小時唔會食到好多唔太抵食所以決定三人共order一條再額外叫兩三樣餸會更抵食最後叫咗條最平$129既蒜味福壽魚再加一份肥牛($68)、金針菇($28)、唐生菜($26)三個女仔正正常常可以食到飽一飽😙份量真係好多特別條魚 一客$129既魚 入面超多配料除咗一客有兩條超大條烤魚😍仲有勁多洋蔥 蒜頭 蓮藕片 薯粉可惜係味道偏鹹 太油最重要既致命一擊 條魚烤得太乾太硬☹️零嫩滑 而且都幾多骨下雖然份量係多 但唔會再想食返依條魚 口感實在太差配料方面 蒜頭冇處理過 所以食落蒜頭冇咩蒜香味😓肥牛份量一樣唔少 口感味道都ok整體嚟講 份量絕對係冇得輸下次可以試貴啲嘅魚希望口感會好啲其實人均$80-90 已經可以食到飽如果店家改善下魚嘅口感 依間絕對值得一試又或者如果你係男仔 $129任食會啱你老闆話有人試過用1.5個鐘食咗5條😳…查看更多

我同一個朋友叫左酸菜魚（桂花魚），時價要$288，點知條桂花魚切到極細舊唔止，我同個朋友仲要每人食左3-4件就無曬啦，當場真係好嬲，搵左餐廳既職員黎問係咪偷工減料，佢地回應：「桂花魚係好細條嫁，你地無問清楚咩？」心諗但都唔會細到得幾舊肉仔啊😓一定唔會再踏足呢間餐廳。…查看更多

我一直聽聞這間餐廳的酸菜魚不錯，今日專程過來食。結果大好的星期六晚上就被這個垃圾酸菜魚給毁掉了。首先一入到去我以為自己返咗大陸，周圍的人都在說普通話同埋唔鹹唔淡的廣東話。咁都算，班人仲要冇文化大聲喧嘩。因為咁樣食慾都減咗一半。不過我諗算啦，食物好食就得啦。結果，一上菜就發現個酸菜魚十級油膩，味道極度一般。我哋叫咗鯇魚例牌，份量極度少，但要近200元。魚塊色水好奇怪，質感都好奇怪，有一兩塊片腥腥地，我懷疑啲魚塊唔知擺咗幾耐好唔新鮮。食完覺得好嬲，又要油，又要唔好食。…查看更多

（利申非私怨）純粹本人好鐘意食麻辣烤魚但食到我連續肚痾真係第一次⋯所以要寫我第一次嘅食評佢最近做$128放題嘅優惠，上次見到要排30分鐘以上就無食到。今次經過竟然唔洗排隊試完之後覺得：好彩無排隊等咋！:( 唔夠麻辣都係其次，我同朋友食完一齊不停肚痾，仲要排隊等嘅話真係會嬲。放題$128/位，只有魚無限任食。單點烤魚就一條$15x起。所有火鍋配菜另外嗌，選擇少，價錢偏貴。仲有其他小菜/酸魚。（我地只單點咗一條魚。但見到食評話早前有優惠$78/條魚。心諗係咪每位要食兩條至先抵返啲同埋火鍋配料反而幾貴，都幾唔抵食。兩位去食賣單每人$19x。）魚都幾細條。肉質不錯，但個麻辣汁偏淡，加湯變火鍋就更加唔夠味服務都算唔錯，雖然客唔多但佢地都好忙，有啲燥底，可能人手唔夠。成日漏野，要提多幾次。…查看更多

香港食烤魚好多都好貴，又唔想返大陸食，機緣巧合下見到有間烤魚店做緊任食就去左試，1-4人 1.5小時任食 4人以上2小時任食。價錢都幾平$128 唔駛比加一入到去個128任食福壽魚有幾種口味，分別有酸菜味、蒜香味、蕃茄味同麻辣味，我就試左個酸菜烤魚酸菜烤魚比好多酸菜，條魚都好大條，同埋店員一上上左二條魚，好足既份量，不過湯底加左辣椒都小小辣，魚方面條魚好多肉，肉好易起出黎食，另外骨係大骨黎唔係幼骨好易將骨同肉分開，個人覺得好好因爲唔太識食幼骨既魚，另外條魚最底有d冬粉，索左d酸菜既汁之後好好食，不過冬粉比較小，最後食完二條魚已經好飽無再食，依間烤魚真係幾抵食推介大家試試。…查看更多

星期六夜晚去食都幾多人排隊，大約等左二十分鐘，入面位置較擠迫，坐得比較密。首先，當然要試下$78嘅特鉗魚，我地揀左小麻辣味，佢係先用紙包住先，過左一陣再放係鍋上，聞到好勁嘅麻辣香味，有洋蔥，莞茜，大蔥等配菜，條魚都大條又入味，而且比較少骨，啱哂我地食，抵食！另外，我地叫左紅油豬耳，份量都多，個汁辣辣地又酸酸地，好開胃，可惜豬耳有d好硬，唔夠爽口，不過不失。另外，我地仲叫左薯粉、娃娃菜、金針菇、鮮魷魚、響鈴。薯粉唔夠味，鎖不住個湯汁，而且麵質較硬，同平時打邊爐食開嘅薯粉唔同，略為失望。至於金針菇、娃娃菜同響鈴就不過不失，份量正常。鮮魷魚，味道好淡，一般。整體來說，價錢便宜，人均消費一百蚊左右，辣烤魚可以一試，但其他配菜一般。…查看更多

知道佢做緊Promote 七十八蚊一條魚咪過黎試下，網上好多都有講依間ok咁，唔返大陸過黎試試都ok既。😃都等左幾耐下，好多人，睇下菜單，選擇都ok既，價錢其實就唔平，同埋有d係同一類既野但唔同味又多一個item咁。嗌左一條七十八蚊魚，好好好好細條。。。我男友係一定唔會飽，又冇d配菜或者粉類墊底，一定要另外嗌。。。就麻麻啦😑😑😑😑嗌左個肥牛，都可以啦，唔太靭既，但個汁唔夠味，當你一加水，就咩味都冇，係完全冇。。。。。條魚又少。。。又冇汁。。。但又唔飽。。咁想點呢。。。😵😵其實仲嗌左個辣牛栢葉既，不過冇影到。。。勁唔店。。唔知佢想點個牛栢栢就白拾。。。另外就加一個辣醬自己點。。。個感覺其實好怪，你要自己每次搞暈個醬，成塊浸落塊先得。個汁因為係四川整法，加醋係底，好辣既，係好味，但成件事好怪。。。唔會再去。。。…查看更多

一直覺得香港食烤魚好貴，但係深水埗竟然發現到$78就食到原條鉗魚😱！呢個價錢偉大嘅祖國都唔只啦！-條魚用紙原條封好未食已經聞到好香麻辣味～打開好多配料尤其舊豆腐嗦曬麻辣汁精華😻，價錢雖然平但魚都幾算合格同煮得入味，食得辣不坊叫個薯粉😜，但其他火鍋配料就普通質素，冇需要特別加配啦-反而小菜幾高質，碟碟都份量好足😋！《涼拌秋葵》條條都勁粗壯個麻辣口水汁勁醒胃，《重慶尖椒雞》除左用左大量辣到發麻青辣椒，配上香口雞粒重會有其他配料好似蓮藕粒同豆角，超級重口味人士會好鐘意，味道普通人可能會覺偏咸但我覺餸飯一流🤣，《嗆炒土豆絲》食落微辣炒得夠爽脆啱啱好！-下次想食烤魚又唔想北上都可以嚟止下口癮，價錢唔貴Cp值都幾高，可以回頭✊🏻…查看更多

一入去已經索到陣香味🤤喇喇聲叫個紙包魚等啲汁滾等到好心急 打開果下心入面都哇左一聲🤩🤩🤩本身配料都係基本既洋蔥同豆腐粒但條魚大條架 所以對得住個價錢🤩味道都岩岩好 唔會好咸另外配料叫左雞子，萵筍，枝竹同魷魚份量唔小家 食極都有 可惜雞子唔係粒粒漲爆😂😂小食叫左涼拌秋葵太好食 兩個人去食 每人一碟個口水汁開辣醒胃 秋葵仲要好大碟份量好多真心推介！加枝Asahi同烏龍茶埋單300鬆啲 抵之外 都係好抵🥳…查看更多

朋友鍾意食辣野，當晚同一大班朋友去試一試因為見到佢有個紙包酸菜魚好似好特別咁樣去到已經好多人排隊亦沒有預約服務所以只好拎飛等位啦最後坐係外面 都幾好喎因為入面食飯太大陣味坐出面反而有少少風涼涼地一來叫左個雞煲同紙包酸菜魚雞煲煮得好入味好香值得推介反而酸菜魚有啲失望，唔夠酸，又唔夠味就係普通嘅魚加少少酸菜好普通另外帶咗其他嘢食，蒜芯炒大腸好食 惹味 大腸一啲都冇臭味，都冇肥膏我鍾意👍👍萵筍C但其實係萵筍條因為太粗所以唔夠入味芫荽炒牛柏葉，好食喎，本身唔識芫荽嘅人都覺得唔錯，因為芫荽味唔太重，牛百葉好爽口…查看更多