四寶食堂 (將軍澳中心)

营业中

休息中

四寶食堂將軍澳唐德街9號將軍澳中心1樓137E號舖知道公司附近商場早排開左間茶餐廳，知道每日無論午餐定晚餐時段都好多人排晒長龍，今日趁有機會就同左同事過黎食Lunch ,睇下係咪真係咁正先經典常餐我地揀左沙嗲牛肉出前一丁，牛肉既醬汁香濃入味，好有誠意，另外仲有香滑炒蛋，同埋即叫即制香脆熱辣辣既奶油豬，好吸引瑞士汁炒牛河非常足料，牛肉都幾多而且好大塊，而河粉就炒得好乾身夠晒鑊氣，每一啖都充滿香濃既瑞士汁味道，但又唔會覺得太咸，值得一讚，估唔到呢個配搭係會咁match水門雞飯海南雞鋪滿左成個飯面，睇見已經流晒口水，雞肉非常嫩滑而且無骨，配合埋餐廳秘制既甜豉油，真係完美呀，另外雞飯會跟埋一個例湯，清清地都唔錯架

小豬又又又走左去將軍澳搵食啦🤣今次去左好近地鐵站嘅將軍澳中心，入面嘅一間餐廳✨『四寶食堂』✨四寶食堂食嘅野比較似茶餐廳，但係環境絕對比一般茶餐廳光猛同闊落！🌟今次一共叫左4樣食物，分別係👇🏻1. 扙絲山楂汁菠蘿咕嚕肉（+$28轉套餐跟湯同飯）呢個咕嚕肉真係做到扙絲效果🤤聽聞呢個仲係佢嘅招牌菜🌟但係好搞笑，佢嘅菠蘿原來唔係撈埋係d咕嚕肉入面，而係有一份新鮮菠蘿放左係咕嚕肉隔離，出乎意料！🤣🤣另外跟餐嘅湯都好足料，有淮山、蟲草花、排骨等嘅配料，個湯都好清同好甜😚不過我估計，個湯應該每日都唔同款哈哈😚2. 葱油豬扒拼炒蛋菠蘿油葱油豬扒都係另一個餐廳招牌菜🌟豬扒煮得夠淋，唔會太老好似咬橡筋咁👍🏻配埋香口嘅葱油，超惹味😋不過菠蘿油就太甜，而且菠蘿皮都唔夠脆，有待進步☺️3. 瑤柱鮑魚福建炒飯呢個係比到驚喜‼️蛋炒飯底炒到好香，加埋上面嘅雞肉瑤柱汁，味道真係好夾，好快就食到清碟🤣4. 馬拉棧炒芥蘭呢個就應該每間餐廳都唔會炒得難食，所以就唔評論啦🤣不過餐廳每日都有唔同時蔬，到時可以再問店員，當日有咩菜揀👍🏻今次去就試左晚餐，有機會會再去食，試下佢嘅早餐、午餐或下午茶😚📍四寶食堂 (將軍澳)將軍澳唐德街9

今天經過將軍澳中心，發覺開了一間新的食店，便前來一次，本想着有這麼多好評，但是失望而歸，每一個食物，侍應態度都是十分失望的那種......瑞士乾炒牛河，難食到出汁，完全炒燶晒，味道是苦的，跟侍應說了，但他說是老闆要求是這樣的，叫我們如果唔要的話就點過另一樣，這樣的服務態度竟然有這麼多好評？真是不能想像...牛扒餐牛扒10成熟，每一啖都是超硬，少點牙力也咬不到，菠蘿油是凍冰冰的，滑蛋超級碎...蔥油豬扒餐菠蘿油都是一樣凍冰冰，蛋也一樣，蔥油味一般，凍檸蜜完全沒有味道...唯一好的，就是裝修不錯...侍應的態度和食物的質素真的很差...

下午茶要咗個瑞士汁雞脾配菠蘿油，菠蘿包唔熱，舊牛油溶唔到，瑞士汁雞脾唔入味，雞肉唔知點解好鞋好韌，好似食緊雞胸咁。沙律菜冇汁一大住，奶茶正常發揮。試過一次就算。

今日星期三例牌去TKO Aeon掃貨, 我帶老公去四寶lunch, 由試業開始已經食過好多次早餐今次黎食lunch都仲係咁有驚喜👏🏻.🥢最鐘意有圖嘅menu, 我通常揀店家推介因為實在太多款野食揀啦.🥢XO醬滑蛋蝦球飯CS! 蛋超滑! 起碼有幾隻炒滑蛋覆蓋住成碟飯! 而且好多蝦好足料, XO醬好大羹, 蝦肉隻隻都爽口, 無細數就咁睇都到8大隻. 見到有好多附近返工嘅叔叔食, 因為飯量十足, 真係大份又抵食.🥢招牌瑞士汁炒牛河推介! 炒牛河首先成碟河粉均勻上色, 碟底唔係一碟油, 重點係好味, 牛肉份量足. 另一驚喜-連碟底菜心都帶甜味零草青味, 真心大碟, 店家嘅碟係有深度嘅, 好飽😀.🥢雪山紅豆冰, 檸檬利賓納$28一杯特飲勁大杯, 我杯紅豆🫘冰d紅豆🫘有成半杯咁多ga!! 抵飲. 所以成日排長龍係有原因的👍🏻.

✨中女獨食難肥日誌 ✨四寶食堂 中女食將軍澳將軍澳中心新開茶餐廳，假日11:00人龍好長🫠排了近半小時才可以入座！還好趕得及在11:30吃早餐🥰亦試了兩個午餐，水準都不錯！香濃沙嗲牛肉公仔麵嗲牛配了一丁，麻油另上。沙嗲牛肉嫩滑，味道香濃食到花生粗粒，麵不會過淋👍🏼餐包可加錢選配奶油豬！鬆軟香甜，值得加錢轉！意大利陳年黑醋骨配菠蘿雞粒炒飯黑醋骨原來是豬扒，配上洋蔥，酸酸甜甜，都好大份！菠蘿炒飯略嫌不夠香口，但都有幾舊雞粒幾足料！拔道腩水門雞飯剛上碟店員姐姐都忍不住說了句雞髀黎好靚🤣但後來見到其他未必是雞髀，講運氣呢！雞肉已去骨，肉滑不柴，配上微酸醬汁撈飯好開胃！附上的冬瓜湯清淡感覺不是味精湯，飯亦香口，推介！凍咖啡 熱奶茶咖啡幾香滑，奶茶側有少許苦澀味。整體水準很不錯，難怪人龍總是長長的，想試要預時間排隊呢！

終於可以出街lu ~ 星期六去咗將軍澳行商場~ 夜晚經過呢間靚裝修平民茶餐廳，望落食物選擇幾多，食客都差唔多坐滿，就入咗去食晚餐~黑醬胡椒粉絲大蝦煲 $108賣相幾特別~ 三隻大蝦外殼惹味，粉絲煲胡椒味重！原來份量都幾多下！蒜蓉炒芥蘭 $68炒芥蘭夠獲氣又好香蒜蓉味😍 +$28 跟餐 有燉湯+白飯老火燉湯幾足料👍🏻 夠熱👍🏻水門雞（半隻）$88水門雞質素唔錯😆 雞肉軟淋淋，醬汁又好濃郁～配飯一流~ 簡簡單單又一餐❤️

茶餐廳這樣的美食是最具煙火氣的也是最能夠打動人心的，因此在週末的早晨，我馬上就約了朋友來到了將軍澳這邊這間極富盛名的新式茶餐廳四寶食堂，體驗這裡的美味佳餚。一落座之後我們就發現這裡的裝潢非常的現代化，而且充滿了小清新的氣氛，座位也很寬敞，馬上和朋友選了這邊的幾款特色食物品嚐，這裡的大廚水準如何。我發現這邊的套餐非常抵，我們點選的水門雞飯，米飯顆顆晶瑩剔透，食材也是浸潤了湯汁，因而顯得非常入味，吃到嘴裡之後讓人愛不釋口吃了一口，還想再吃下一口，而這裡的蔥油豬扒飯配上炒蛋，整體的質素也非常高，非常新鮮，肉質滑嫩，可以說跟外面的茶餐廳有著很大的區別，可以說真的是非常令人滿足的茶餐廳料理了。總而言之，這真的是一間極具性價比的餐廳，也是週末中餐非常不錯的選擇，我們今天來這邊也是大排隊，說明在街坊鄰里之間的口碑也是非常好，真的很期待下次再帶朋友來這邊光顧了。

放假行將軍澳中心，發現呢間設計好靚嘅港式茶餐廳，用咗粉藍色tone，加埋入面有好多小植物擺設，感覺好舒適。餐牌嚟睇都啱食，一於入去試吓。午市時段以套餐為主，當中有招牌推介、經典常餐系列。食物選擇都好多，兩人精挑細選下點咗以下呢兩個餐。 喜哥蔥油豬扒太陽蛋飯 - 豬扒好巨型，厚切，肉質夠juicy。勁多蔥油，啱晒我地口味，必食推介。拔道腩水門雞飯 - 份量都多，配埋豉油及秘製辣醬，味道好豐富同惹味，越食越開胃。餐牌上寫明醬汁比雞更好味，果然有啲料到。飲品點咗雪山紅豆冰 - 紅豆冰份量多，紅豆煮得好淋起沙，幾好飲喎。嚟得茶餐廳，點都要飲番杯奶茶先滿足。奶茶茶味香濃，入口好滑，滿意之選。餐廳食物質素唔錯，選擇多元化，環境比一般茶記好坐。雖然keep住多人排隊，但流量都快，唔需要等太耐就可以入座。

巴馬火腿星洲炒米 $88瑤柱鮑魚福建炒飯 $98兩款一般茶記好common嘅嘢食四寶食堂選擇做靚佢俾多啲料錢 賣貴啲 自己就唔太鍾意依種精緻化做法撇除巴馬火腿同粒鮑魚個味都好普通 值唔值貴40%自己考慮個人覺得食得茶記碟頭飯平靚正大份就夠（其實宜家都唔平 一般一碟都50蚊最低消費）

黑蒜蔥油瑞士汁雞脾撈公仔麵 配嫩滑炒蛋及牛油丹麥多士 ($54) ●●◐○○多士唔夠脆🫤成碗撈麵比較淡味 濕咗啲雞脾完全唔入味，如果唔連皮食係食物出任何瑞士汁味嘅 而且有啲嚡口🍗炒蛋最好食 滑同有蛋香🍳熱港式奶茶 (少奶) ●●●○○一般 澀味重☕️📍四寶食堂💰: ●●●◐○環境、服務: ●●●●○

這餐廳進駐將軍澳己一段時間，適逢餐廳股東易手，門外放滿鮮花籃，湊熱閙進去一嚐下午茶。餐廳內部裝修不俗，主題色調用上名設計師品牌的珠寶綠，卡位坐得舒適，地方亦算清潔。服務一般，不要有期望。🍗瑞士汁雞脾，菠蘿油餐 $42甜甜瑞士汁烹調的雞脾肉質頗「鞋」，不太討好。菠蘿油就正正常常。☕️熱鴛鴦的咖啡同紅茶比例適中，兩種味誰也蓋不了誰，黑白淡奶令茶變得順滑。唯冬天熱飲容易變凍，沒有把淡奶加熱容易令奶遇冷凝固，影響口感。襯熱飲才享受到香濃順滑，建議後上。🍔芝士流心蛋安格斯牛肉漢堡菠蘿包 $52對於下午茶餐來説，賣相吸睛！叫這個餐都是被「安格斯牛肉」所吸引，第一啖當然先試漢堡牛肉。有牛味但塊漢堡比想像中腍身，沒有牛肉的實在口感。個人怕流心蛋的腥味，所以轉了熟蛋。由頂部甜甜的「菠蘿」一啖到底，嚐到甜多於鹹。雖然漢堡牛肉未能成為焦點，個包勝在配料應有盡有⋯⋯除了用上烘底菠蘿包外，還有雞蛋、芝士、番茄同生菜！除了料多漢堡包，還有一定份量的薯條跟餐。可惜薯條炸得外硬內軟，未盡完美。唯對下午茶來説，份量相對大，食得很飽，這個安格斯包性價比真高！

4️⃣👶🏻 四寶食堂 (tko)🐖 MUST TRY! The sweet and sour pork was DELICIOUS. It’s different from other restaurants because it seems as if they added some malt sugar into it that makes it stringy. Love the meat texture and the taste- not too sweet not too sour. The best part is that they use FRESH pineapples! Instantly levels up!🥩We also ordered the satay beef vermicelli pot. It was ok - it would be better if they added more sauce into it! 🥬The veggie dish was hot and the veggies were fresh. It was perfect f

星期六下午茶時間2點左右黎到將軍澳中心既四寶食堂😎行到商場盡頭見到有長長既人龍，不過入座都好快😜等左大概15分鐘左右就坐左入卡位😙坐左成餐飯人龍都依然係度，證明食物水準好有保證😍食完的確覺得係高水準既茶餐廳👍🏻員工態度亦好好，會主動跟進訂單😆值得推介💯🐷喜哥蔥油豬扒太陽蛋飯（$65）因為未食飯既關係，叫左招牌既蔥油豬扒飯😝蔥油豬扒絕對係食過咁多間茶餐廳數一數二好食👍🏻豬扒厚肉得黎肉質軟林，一啲都唔會韌😍豬扒煎得表面焦香之餘仲keep到入面既肉汁🤩蔥油既量夠多而且超香，要黎撈飯一流🥳🍜招牌沙嗲牛肉公仔麵（$52）配嫩滑炒蛋🍳及奶油脆豬（+$8）本身個餐配炒蛋同牛油丹麥多士，我另外加錢轉左🤓奶油脆豬脆豬一上枱熱辣辣，新鮮烘起🤤加埋牛油同煉奶超級香口👍🏻炒蛋亦好出色，非常香滑仲好香蛋味😋沙嗲牛肉夠晒濃味，牛肉生熟度岩岩好，唔會好韌☺️茶餐廳必點套餐🥰🍗下午茶：瑞士汁雞髀配菠蘿油（$42）下午茶餐都有好多選擇，見到隔離枱食呢個餐賣相超吸引，所以就叫左黎試🤣瑞士汁雞髀大大隻，超級入味，瑞士汁甜美地好好食😌一般茶餐廳都好小見會配菠蘿油，呢個夠晒特別😊不過菠蘿包就唔夠熱，牛油唔太溶🥸間唔中食一次，大大

四寶食堂喺將軍澳開咗新分店，湖水藍色嘅門面，加上喺商場裏面，感覺光猛舒適，係新式嘅茶餐廳格局🍴加上門口menu都幾吸引，食物選擇繁多，唔怪得過哂晚飯時間都大排長龍、座無虛席啦！🥳🥘湖南土匪鮑魚雞煲+每天精選養生燉湯+米飯 ($108)呢款菜式上菜嘅時候熱辣辣🔥嗞嗞聲，有種好似仲喺個鑊到炒緊嘅感覺，相當夠鑊氣！每件雞食落都好嫩滑，帶湖南四川嘅麻辣香味，撈飯一流！鮑魚足足有三粒，燜得好腍好入味，再配埋雞煲醬汁一齊食勁惹味呀😍🥣養生燉湯是日係雪梨蟲草花瘦肉燉湯，味道清甜、非常足料，天氣咁凍真係要飲返碗滋潤下😋🍍拔絲山渣汁菠蘿咕嚕西班牙黑豚肉 ($98)呢款小菜加$28都可以轉餐，同樣有燉湯同白飯；咕嚕肉每一塊都大大件，份量十足👍🏻咬落去好鬆脆，外層沾滿咗酸酸甜甜嘅山楂汁，非常開胃！山渣汁仲多到可以玩埋拉絲🤣🤣菠蘿切成船嘅造型上碟，整得幾精緻✨而且用咗新鮮菠蘿，食落味道係天然甜味，一啲都唔酸，超juicy呀！🐥拔道腩水門雞(半隻) ($88)雞件色澤分明，啖啖肉好嫩滑；雞皮亦爽滑唔肥膩，配埋佢嘅甜豉油同秘製醬汁一齊食，好惹味😍🫘雪山紅豆冰 ($28)一杯好經典嘅港式飲品，紅豆味濃而且份量好足夠