四季椰林海南椰子雞 (MOKO新世紀廣場)

旺角火车站有间椰子鸡火锅个汤底真系超正。国内已有60间分店。店内环境非常舒适，设有皮做的卡位坐，最紧要无限时，跟朋友聚旧倾计打边炉必去。下午茶仲有粉面食。招牌必点2人餐，估唔到食完后劲饱。首先讲吓个灵魂主角上海南文昌鸡，鸡肉系正宗海南文昌鸡，皮薄肉嫩，脂肪唔多，食落唔会腻。店员会帮手将鸡件落锅，滚大约五、六分钟就食得。四个椰子一锅汤，不加一滴水，椰子水清甜到不得了，仲带住啖啖鸡油香，饮完成个人暖笠笠。记得饮汤！仲有贵州红托竹笙，滚3分钟食得，吸饱哂汤汁，咬落爽口鲜甜，简直系精华所在。食完鸡就打边炉啦！响铃浸三秒就可拎起，外层微微软化，内里仲保持少少脆口，挂满椰子鸡汤，滋味无穷。金牌腊味煲仔饭（中煲）重头戏，腊肠、润肠份量足，饭粒干身，饭焦金黄香脆，捞匀豉油同葱花，食到舐舐脷。份量似比4个人吃，最终食唔晒。潮汕丸类双拼，牛筋丸同墨鱼丸。手打嘅关系，弹牙到可以打乒乓球！牛筋丸牛味浓又多汁，墨鱼丸就鲜味十足。最后滚埋响玲、娃娃菜，清清哋，平衡返之前嘅浓味。总括来讲，呢个套餐有齐靓鸡、鲜汤、脆响铃、煲仔饭同弹牙丸，一年四季都咁啱！约埋班friend一齐烚下烚下，吹下水，不知几叹。…查看更多

趁呢日放假，约埋妈咪出去买衫换季，顺便食餐好嘅😘 天气凉凉哋，又系打边炉嘅季节🔥 港式火锅就食得多，今次好想食得特别啲！听讲 #MOKO新世纪广场 楼上开咗间国内有名嘅 #火锅店「四季椰林海南椰子鸡」，佢哋标榜汤底用料十足「4个椰子1锅汤, 不加1滴水」，而且主打嘅鸡肉都系正宗嘅「海南文昌鸡」，听到都口再流🤤餐厅装修以绿色椰林🏝️做主调，座位大部份都系以卡座为主，地方非常宽敞✨ 店员介绍餐厅呢排做紧优惠，「招牌必点2人餐」只系$458，另加每位酱料费$12就可以😘 既然有人帮我谂埋，当然要试吓佢啦🫶🏻小姐姐先为我哋准备一锅 #椰子水 做汤底，汤汁味道清甜，梗系要饮返两碗补一补🤣 再嚟嘅系 #海南文昌鸡（半只），鲜嫩嘅鸡肉，煮5分钟就食得，钟意味浓嘅仲可以点啲特制豉油，更能发出鸡肉嘅鲜味🤤✨火锅料#贵州红托竹笙 - #红托竹笙 放喺冰座上，感觉特别有气势！#竹笙 口感滑嘟嘟，夹埋啲 #娃娃菜 一齐食，索埋啲汤汁，宁舍入味😋#响铃 - 放入汤底3秒就食得，好香口😋#潮汕丸类双拼 - #牛丸 肉味浓郁，#鱼蛋 亦非常爽弹，好啱做火锅配料😋✨金牌腊味煲仔饭（中煲）最后上记亦系呢一餐嘅重头戏，新鲜热辣嘅 #腊味煲仔饭，加入 #葱花 同 #甜豉油，焗佢几分钟再搅拌均匀，刮埋啲饭焦一齐食，更显煲仔饭嘅香气😋饮咗靓汤，又食晒成煲饭，呢餐真系大满足❤️ 整体食物质料同服务都唔错！而最重要系妈咪食得开心，我就开心㗎喇🫶🏻📍四季椰林海南椰子鸡 (旺角) 太子道西193号MOKO新世纪广场4楼402-403号舖…查看更多

朋友系四季椰林超级Fans, 知道旺角新世纪广场都开左分店即刻拉我黎试吓。一出地铁站就系，位置当然超级方便。另外装修都行精致路线，坐得舒服之余又冇传统火锅店咁大烟，好加分！今次试「招牌必点2人餐」，有埋火锅，食埋煲仔饭都只不过系$458，抵过专登返深圳食！最重要系食物新鲜又高质，完全冇浪费，系会再嚟过嘅餐厅之一。椰子汤底好足料，冇加糖，直接加热就可以当汤饮，钟意椰子嘅我地饮左好多！套餐包左新鲜嫩滑嘅「海南文昌鸡」半只，仲有我食过最好味嘅「贵州红托竹笙」，两样加埋煮够几分钟就好出味，成煲椰子鸡汤系超级超级香！食完仲有打边炉必备嘅「响铃」，「娃娃菜」同丸，潮汕双拼牛肉同鱼蛋都有好多粒，食完已经好够饱。火锅之后仲有个大大个嘅「金牌腊味煲仔饭」，超有锅气，仲好足料，有埋腊肠，芋头等等…. 朋友好钟意个煲仔饭，史无前例食晒一整碗就知佢几咁钟意😀🥢四季椰林海南椰子鸡 (旺角)🌍旺角太子道西193号MOKO新世纪广场4楼402-403号舖…查看更多

4个椰子1锅汤, 不加1滴水鸡只是用上海南文昌鸡椰子鸡汤第一啖饮落去清甜可口淡淡嘅椰香味再配埋蔬菜、丸类同埋上海南文昌鸡真系绝配腊肠煲仔饭都系香脆可口钟意食饭焦嘅朋友不妨试吓职员服务又好环境又优雅舒适位置又方便喺旺角东站新世纪广场…查看更多

秋高气爽．食火锅就最适合啦终于试咗旺角呢间主打椰子鸡汤底嘅火锅店二人招牌套餐✨椰子汤底用4个椰青水做汤底．唔会额外加一滴水汤头非常清甜．落配料前一定要饮汤呀✨海南文昌鸡肉质嫩滑．渗出啖啖清甜椰香✨贵州红托竹荪首家使用人工法．爽口又能吸收汤底精华口感脆嫩．无硫．食得更安心✨潮汕丸类双拼鱼丸 + 牛丸 两款肉质紧实弹牙，肉汁饱满✨三秒响铃放入汤底3 秒就够啦足够让汤底渗入响铃每一处配埋娃娃菜可以中和一下✨金牌蜡味煲仔饭冬季必食：即煲热辣辣每粒饭渗透啖啖蜡味香食到最后饭焦脆卜卜…查看更多