大埔一直都不乏食小炒嘅地方，喺openrice 见到囍囍小厨好似几有趣就即刻打电话约几个朋友出黎食。装修方面想行怀旧路线，但系整体感觉略嫌光鲜左少少，唔汤唔水。 咕噜鸡球：本来想试菠萝咕噜肉，但系朋友话想试鸡球。都几香脆嘅，不过就切得大件左少少，咀细嘅朋友要一下啪入口就可能有少少勉强。 白灼鹅肠肥牛：一个可以送酒又唔太热气嘅菜式，除左鹅肠同肥牛之后仲有大量金菇垫底，配辣椒豉油几惹味。如果肥牛换成鲜牛就更佳，纯粹个人口味同意见。 潮式炸蚝饼：都炸得干身同香脆，但系略嫌唔够蚝。 味道方面就ok嘅，镬气黎讲就好似无乜。唔会特登再黎食，但系如果喺附近都可以去食下。…查看更多
客路一定多左，我呢种洁癖人士都可以品尝到小炒镬气风味美食！地址在大埔，平日晚市去人都唔少，菜种都几多，一时间都简到眼花花！我不嬲都系肉肉爱好者，辣野又系我心头好，个人认为可以安哥的一定系个麻辣鸡脚，麻香同辣味恰如其份，大家都无抢晒大家镜，味道恰到好处，跟啤酒饮就真系一流！龙虾伊面就系我由细到大之至爱，略嫌面有DD太淋，龙虾份量都算OK多。仲有个怀旧榄角冰梅骨，听个名就好吸引几特别，个汁系少少咸咸甜甜，好食，但呢个小菜就一定要跟饭食先得。再黎叫埋个川味水煮肥牛，满足晒我辣野同肉按ge愿望！炒多个芥兰，仲有一两个小菜咁，结尾系饱到上心口咁走
。大致上呢到D食物都属中上，环企企理，下次想试下个菠萝鲜果咕噜肉，卖相好colorful好靓，不过今次真系太饱了🤪
