囍串

-麻辣大蜆粉絲 $78一黎到已經好香麻辣味，同埋都好大碗，大蜆係有勁多粒，蜆肉冇砂好新鮮，亦都真係啖啖肉🤤，另外湯底麻辣味好夠，麻味同辣味平均，粉絲同蜆肉都吸晒湯底嘅味🤩仲有好多唔同嘅配料，例如：茹、白菜、洋蔥等等等等～同埋跟餐野飲大部分都只係加$4就有凍飲！仲要勁大杯，唔係平時餐廳嘅size～基本上個價錢同味道+size都好合理！同埋佢哋仲有好夠特色小食同套餐，另外都有串燒食㗎！店內開揚，無論幾多個人黎都一定坐得舒服同有岩你嘅野食😆推薦！…查看更多

見到經濟實惠既價錢就入左去幫襯呢間以串燒做賣點，但同時見佢有Lunch set ，幾多元化！但今次晚市黎就叫多d唔同item 啦麻辣花甲粉絲有得揀辣度煲有十幾隻花甲兼大大隻，食落好鮮甜，而且無沙！仲配有粉絲、娃娃菜及菇，呢啲配料絕對係吸曬湯底的精華，好食 ！炸雞翼一碟5隻，配上孜然粉，肉質又好嫩滑漲卜卜！而真係新鮮熱辣炸起，好辣口！當然唔少得叫串燒試下，叫左唔同肉類同菜，餐廳仲好見貼心有個熱爐興住啲串燒，同朋友吹水既同時，野食又唔會甘快攤凍曬；每串既價錢唔會令人肉痛，可以放心叫：又脆又軟雞皮燒得唔韌，而且燒到小小燶邊，好香口！秘制蒜香牛柳粒惹味茄子原條茄子一開二，上面舖上滿滿孜然粉，絕對適合重口味人士👍燒五花腩孜然羊脾肉鮮甜波蘿每塊都好鮮甜多汁，好refresh !韭菜好大串，同樣加上孜然粉！餐廳環境都好舒服，燈光光猛；野飲又好多選擇，可以飲翻杯同朋友慢慢傾！…查看更多

岩岩先知係元朗安興街足球場旁邊開左一間串燒燒烤店，好適合成班朋友聚會邊飲野食串燒吹水，而且串燒係有爐坐暖住食物！「串燒1st round 雞腎x2 雞髀肉串x2 脆肉瓜x1」因為鍾意食辣，串燒叫左中辣，串燒調味很好唔會因為辣搶哂食物味道，雞髀肉串出色燒得很嫩有肉汁個隻，雞腎都一定要試 加埋辣好好食，而且很腍唔係咬唔開個隻！「麻辣大蜆粉絲」啲蜆真係大隻啲肉都好飽滿，仲要有十隻以上好抵食，食完好滿足！「串燒2nd round 燒豬大腸x1 燒雞翼x1燒五花肉串x1」叫左一round 覺得啲串燒好食決定黎多round !五花肉充滿肉汁同油脂感超正,雞翼一樣juice「金湯娃娃菜」最後叫左娃娃菜做結尾，食咗咁多油膩食物，食返個菜減底自己罪惡感，娃娃菜清清淡淡岩岩好！…查看更多

位於元朗的「囍串」， 有好多唔同嘅菜式，其實見佢餐牌就好多串燒嘅，不過我都係中午飯，又見佢有炸髀，所以就試吓個咖喱雞髀飯，估唔到喎，個咖喱雞髀飯真係勁大份，隻雞髀大個隻手咁滯呀，咁大隻攞去炸絕對係有難度嘅，又要控制佢唔好炸得太燶啦，又唔可以唔夠熟喎，所以睇間餐廳如果有炸髀嘅話，我一定會試吓佢得唔得。令人驚喜的分量，勁大碗飯加上足夠分量的咖喱汁和雞腗，絕對能填飽挑剔的胃口。咖哩醬料香濃，既不會過於稀薄也不會過於濃稠，佢唔算日式，有少少甜，但又唔係好印度果款太多香料嘅辛辣，幾特別，恰到好處，淋在一碗香噴噴嘅白飯上，實在是百吃不厭。雞腗本身炸得好好，外皮酥脆而內裏卻保持了肉質的鮮嫩多汁，與咖哩汁的融合， 真係豐富滿足。而我老婆婆就嗌咗一道麻辣蠔仔粉絲，這道四川風格的麻辣蠔仔粉絲，湯底濃郁，散發出撲鼻的麻辣香氣，粉絲細滑Q彈，與飽滿滑嫩多汁的蠔仔完美融合，交織出層次豐富的口感。入口時，麻辣味先從舌尖竄升，刺激味蕾，隨即湧現出蠔仔鮮甜的海鮮風味，與粉絲軟滑的口感形成強烈對比，令人欲罷不能。豆卜則增添了整體層次，在麻辣湯汁的浸泡下，充分吸收了辣椒和花椒的錯綜複雜的味道，口感層次豐富，香氣四溢。我老婆嗌左杯人蔘烏龍茶，烏龍茶配以人參，一種獨特而和諧的味道，帶有烏龍茶清香，入口滋潤舒適回甘，讓人身心都得到放鬆，烏龍茶本身也含有豐富的茶多酚，能夠清熱解毒，食完辣嘢都好啱飲。總括嚟講，「囍串」細細間舖，環境有幾乾淨，啲嘢又唔錯，又幾多嘢食，咖哩雞腗飯真心推介，行過路過，唔好錯過。…查看更多

有時食完野仲未係好肚餓但又想搵野咬下 由於唔想食太多野所以同朋友最後就搵咗呢間串燒嚟食 店員好貼心咁幫我地將d串燒放係爐上面暖住 而且串燒面頭都灑上咗孜然同辣椒粉 食落少少辣咁好過癮麻辣薯仔片我地走咗辣所以只有孜然粉作調味 薯仔片簡簡單單落孜然粉食落已經好惹味 而且好脆好似食緊薯片咁又脆又軟雞皮雞皮食落好有彈性又帶點脆度燒五花腩五花腩肥瘦相間 食落充滿肉汁同油脂香雞軟骨每次食串燒必嗌雞軟骨 燒到焦脆嘅雞軟骨食落唔會太硬爽脆雞腎 呢度嘅雞腎比起出面嘅大舊 肉質彈牙有口感翠玉瓜好juicy嘅翠玉瓜 口感好爽脆燒豆泡豆泡姐係豆卜 係串燒入邊比較少見 趁熱食落脆卜卜又唔會太乾身泰國秋葵秋葵燒完仲keep到幾鮮嫩鮮甜菠蘿菠蘿食落勁多汁 味道十分香甜厚切牛舌一串有3大舊 牛舌燒得啱啱好 食落夠軟腍…查看更多

今日同朋友去happy hour之前食少少嘢，咁啱喺元朗呢一區有嘢做，就同佢喺附近搵吓有冇一啲比較輕盈嘅嘢食，就揀咗呢一間，位置嚟講都算方便，嘢食質素嚟講都幾好！🍢家鄉炒米粉，嚟到嘅份量都非常多，呢個價錢嚟講都算大碟，而且非常足料。米粉嚟講炒得非常乾身，而且加埋配菜，令到成個米粉嘅口感更加昇華，我同朋友都非常鍾意食呢個米粉，熱辣辣，絕對唔係出邊嗰啲預先整好，而且唔會太油膩，調味方便我覺得亦都適中，真係做得唔錯🍢雞蛋腸粉，佢嘅腸粉係即叫即做，亦都係熱辣辣，係懷舊嘅味道，非常滑，CP值高，鍾意食腸粉嘅朋友唔好錯過！🍢當然要試吓佢嘅串燒，我哋叫咗幾款唔同嘅串燒，首先嚟到嘅有四季豆，四季豆加埋本身嘅調味非常好食，好香口，而且價錢嚟講都唔算太貴，另外牛筋丸都非常爽口彈牙，充滿牛肉嘅味道，辣辣地幾好食，我同朋友都非常鍾意，燒五花腩都係其中一個比較出色嘅串燒，肥瘦平均，唔會話食落去又好油膩嘅感覺，反而咬落去有少少適當油香，$20我又覺得非常合理，唔算太貴。雞全翼亦都好香，嗰邊做得非常香，一啖咬落去，非常鍾意呢個味道，虎皮尖椒就辣辣地，亦都非常開胃，串燒嚟講呢一間餐廳都做得幾出色！最後加多杯珍寶檸檬茶，茶底都幾香，送埋嘢食就一流，有機會會再返嚟幫襯，總括嚟講我覺得都幾好食，質素都幾高！…查看更多

今日落雨濕濕，放假但係一個人食晚餐， book咗間想食好耐嘅餐廳。就係位於元朗嘅<囍串>。由豐年路輕鐵站行3分鐘到，交通相當便利。今次叫咗三樣招牌菜嚟試吓。店內環境摩登時尚新穎，能引起食慾及適合打卡。我用咗唔同嘅角度去分析一下今次嘅餐飲體驗。清酒花甲粉絲煲 $88上網睇食評好多人都有提及呢一個菜式，果然冇令我失望。花甲新鮮鮮甜沒有沙，而且份量很多目測最少有十幾20隻。另外煲內還有粉絲，豆卜，娃娃菜，白色菇，相當抵食。燒鱔一串 $45色香味俱全，燒得好乾脆，另外肉質亦很彈牙同埋好新鮮冇腥味。燒即開新鮮大生蠔（蒜蓉口味）$48隻生蠔相當大隻，影相特意用一包紙巾來做比較。肉質鮮甜無腥味蒜蓉同生蠔好夾。可樂 $15因為今日有揸車，所以冇叫啤酒飲嚕。 另外上菜速度相當快, 沒有加一服務貴, 店員態度10分良好。下次再嚟想試吓happy hour套餐。…查看更多

今次第二次食，第一次識印象中串燒一般，但係個花甲粉好食，所以又再幫襯花甲粉。唔知係咪接近收店時間，花甲份量好多，而且花甲又好大隻，好有驚喜，湯底亦都好飲，真係冇黎錯 ☺️ 如果元朗嘅花甲粉排名，呢一間應該都係頭三甲，心中暫時第一位另外叫了炸饅頭，都很不錯，呢間可以encore👍🏻不過牛油粟米就唔太推薦。。感覺有啲乾，同埋粟米唔太甜…有機會再試吓串燒不過光顧嘅時段人流比較少，香港做飲食真係唔容易，加油啊……查看更多

今日去咗元朗附近行街，大約六點幾，我見有啲肚餓，就搵一間舖頭食，見到呢一間店舖嘅裝修幾日放假，裏面有幾具有趣嘅句子做霓虹燈，都幾特別，感覺好年輕，好有香港風味，所以比裝修吸引，於是去食，我哋兩個人都叫咗幾串牛肉，仲有好推介佢哋嘅燒牛肉，燒雞翼，都係一個好好食嘅串燒，肉質鮮嫩多汁，每一口都好濃郁嘅牛肉風味，而且佢哋嘅溫度熱度都係啱啱好，份量超級多，仲有佢哋嘅飲品都好值得推介，尤其是華田脆脆，有濃郁嘅阿華田味，而且加埋飲品上既脆脆，真係好好食呀，而且佢哋嘅墨魚丸，都係出面都搵吾到，好新鮮，同出面嘅串燒店好唔同，而且度嘅服務質素好好，店員都好有親切感，好有笑容，有賓至如歸的感覺，而且呢度嘅空間大，好唔錯，足夠，坐得好舒服，真係好啱一家大細嚟食飯啊…查看更多

今日好開心喺元朗行街，突然之間好想食串燒店，於是上網搵一搵，好多人推介響元朗有一間坐得好舒服嘅串燒店，然後去同朋友試吓食，估唔到好有驚喜，一定要推介啲朋友食啊，首先佢嘅位置好方便，響元朗站，行至3分鐘就搵到，非常方便，真係好啱一家大細嚟食飯啊，而且夜晚食真係好快坐滿，有質素嘅保證，然後佢哋呢度全部都係經濟實惠，我哋叫咗幾款食物，都好值得推介，特別係一個炸饅頭，加埋煉奶，饅頭外脆內軟，真係好好食呀，出面都食唔到，而且呢度有特色嘅花甲粉絲，每一口花甲都係有鮮甜開胃，而且分量非常多，真係食幾多都有，睇得出廚師真係好有心機，有良心嘅小店啊，而且佢哋嘅菠蘿都係整成一塊塊，燒至金黃色，真係好好食呀，而且佢哋嘅肉醬撈丁，都係好有驚喜，驚唔夠飽嘅朋友，一定要食…查看更多

呢間餐廳以串燒為主，菜單上有好多款特色嘅串燒選擇，包括以下幾款：首先，我要講下佢哋嘅「麻辣花甲粉絲」。呢個菜式有濃郁嘅麻辣味道同嫩滑嘅花甲粉絲。每一口都帶有辣椒嘅香辣味道同花甲嘅鮮甜口感，非常開胃。花甲超級多，食極都有，懷疑店主有冇錢賺🤣。「鮮甜菠蘿」：佢哋將菠蘿切成塊狀，再烤至金黃香甜。每一塊菠蘿都帶有清甜嘅口感同微微焦香，非常美味。而其他款串燒選擇包括「泰國秋葵」、「鮮冬菇」、「厚切牛舌」、「雞中翼兩隻」、「秘制雞髀肉」、「爽脆雞腎」、「燒五花腩」、「桂花冰釀」、「雞軟骨」同「台式香腸」。朋友尤其中意雞腎，encore 咗2串。每款串燒都有獨特嘅風味同口感，可以按照自己嘅喜好去選擇。而囍串嘅串燒都烤得恰到好處，非常美味。「牛油遇著菇」、「奶醬西多」都好食。西多$38 有4塊，中間仲有花生醬，好好食，再次懷疑店主有冇錢賺🤣。餐廳坐得幾舒服，冇限時，幾啱同朋友慢慢食傾下計，又有酒飲，唔洗諗下場去邊，推介✨…查看更多

一天行過入去吃午餐，看店名以為主要食串燒，坐下來看到養生雞酒湯飯，都好喎！除左坐月嘅時候，真係好耐無食過，就試下先！嘩嘩嘩！正如佢牆上餐牌寫----啖湯真心🩷無得頂！雞件又滑👍，又夠薑，不過無乜酒味，我就岩岩好！仲有心思地佢用珍珠米，使撈湯時飯唔會淋bet bet✨，整多杯桂花酒釀特飲，我呢餐超滿足！所以帶埋老公去食晚餐，晚餐雞酒湯煲以砂煲形式上，分3個大小供選擇。我認為午餐比晚餐抵食😸會再繼續去！…查看更多

今日放咗工就同朋友喺元朗行吓，就比我哋見到呢一間幾隱世嘅串燒舖頭。入邊嘅裝修都幾有個人風格，有好多得意嘅句子同埋一啲燈牌，有心思。店舖唔算細，都可以坐到幾十人。一場嚟到，梗係要叫一堆串燒先。我哋嗌咗好幾款，肉類嘅就包括有雞髀肉，牛柳粒，雞中翼，厚切牛舌同埋豬頸肉。豬頸肉超級Juicy，肉質仍然保持爽口細緻，一啲都唔會乾柴。以燒烤嘅方式烹調，令到豬頸肉外層焦香，加埋調味，食落好香口。雞髀肉唔乾得黎仲保持到肉汁。牛柳粒有秘製醬汁醃製，食落去好惹味同啲牛一啲都唔韌。雞中翼外皮燒得卜卜脆，入邊嘅雞肉仍然保持到嫩滑。厚切牛舌真係厚切，大大份，食落去充滿着牛脂香。至於蔬菜方便，我哋就嗌咗燒菠蘿、韭菜同埋茄子燒菠蘿好出色，一咬入口，即刻爆曬菠蘿汁出嚟，非常之甜 ，好鍾意。韭菜大大份，加上孜然粉等調味，唔錯。燒茄子好震撼我，好大份。仲要燒得啱啱好，保持到茄子肉嘅濕潤，加埋啲蒜同其他調味料，食到我停唔到口。最後我哋亦都嗌咗一份麻辣蠔仔粉絲煲。入邊嘅蠔仔一啲都唔吝嗇，俾得好多。啲蠔仔都大大粒，新鮮。個麻辣味好香口，啲粉絲索晒味，再加啲娃娃菜同豆卜，好惹味。成餐飯我哋都食得好滿足，無論係串燒定係其他熟食，都有唔錯嘅質素。…查看更多

Weekend好想食燒野happy下，附近有間燒野好似都唔錯，六點幾就過去食。店鋪裝修簡單但有風格，都幾多有趣個句子作為裝飾。我地兩個人叫左幾串野加個菜用花甲粉絲同一杯野飲。餐廳嘅燒牛肉、牛舌、燒韭菜同燒雞翼真係令人驚艷嘅美食組合！首先，佢哋嘅燒牛肉同牛舌烤得剛剛好，肉質鮮嫩多汁，每一口都充滿咗濃郁嘅牛肉風味。口感細嫩，融化喺口中，絕對係肉食愛好者嘅天堂。燒韭菜係一大亮點，將新鮮嘅韭菜燒，帶嚟咗一種獨特嘅香氣同口感。烤焦味同韭菜嘅清爽融合埋一齊，令人愛不釋手。回味無窮。而燒雞翼更加係令人垂涎欲滴。外皮烤得酥脆金黃，內部肉質鮮嫩多汁，配埋孜然粉調味，帶嚟一種濃烈嘅口味享受。最後還有一條烤茄子，茄子軟綿綿，熱辣辣，融入孜然粉嘅味道。而且餐廳都好貼心，會係烤串下面點蠟保溫。蒜香娃娃菜簡直係一道令人上癮嘅美食！娃娃菜加入左豬油去煮，保留住佢嗰種脆嫩嘅口感，每一口都帶嚟清新感。而蒜香嘅調味仲加強咗呢道菜嘅風味，令人欲罷不能。蒜嘅香氣同娃娃菜嘅甜味完美結合，帶嚟獨特嘅口感同層次，絕對唔可以錯過！花甲粉絲真係美味絕頂！粉絲煮得剛好，配埋鮮嫩多汁且大個嘅花甲，味道好豐富。湯頭濃郁醇厚，有好濃嘅海鮮香氣，令人食嘅時候好滿足。最後飲杯熱人參烏龍，一解燒串嘅油膩。飲完回回甘口感獨特。…查看更多

天氣凍除左打邊爐食串燒都好正不過見到佢有賣花甲粉熱辣辣好似好正咁比佢吸引左🤤麻辣蠔仔粉絲 $78好足料！蠔仔份量超多 而且好新鮮一啲都唔腥👍🏼粉絲軟硬度適中麻辣夠味～如果食得辣可以試中辣覺得就咁食一碗已經好滿足🤤清酒焗花甲 $78好大隻花甲👍🏼份量夠大份入口鮮甜 清酒湯底入口帶有花甲鮮甜味而且成碗花甲都冇沙🥹超抵食！華田脆脆CoCo $45濃厚嘅阿華田🤤加埋脆脆好有咬口👍🏼可以揀多奶少奶 呢個選擇唔錯～仲有其他特色串燒 打算下次再黎試埋！…查看更多