影片
以上资料只供参考，请与餐厅确认详情
### 用餐日记：**尝 汤鸡 (元朗)** 🍽️**日期：**2025/03/09 （日）**地点：** 元朗凤攸南街3号好顺景大厦地下5号舖#### 环境氛围呢间舖头嘅位置正好喺「元朗名物」爽爽旁边，记得第一次来系因为爽爽太多人，所以转阵嚟呢度。门外有时候需要攞飞等位，但今次因为瞓到太晏，过晒午饭时间，3:30先到，完全唔需要等位，正！✨#### 点餐选择我同肥仔今次都选择咗砂锅花胶鸡汤翅刀削面😹。（每次嚟都想试其他，但最后都忍唔住食返呢个。）#### 食物评价鸡肉好嫩滑，非常正；汤头浓郁，仲有金华火腿吊味，真系好味！😍 份量方面都ok（虽然价钱比普通粉面贵，但呢啲食材来讲我觉得都值）。比起另一间元朗嘅花胶鸡汤面，呢度个人觉得更加出色！而且平时如果要指定髀位需要加$6，但今次好运地冇特别要求，厨师都俾咗髀位我，开心开心！🎉#### 服务体验虽然网上有啲食评话职员态度差，但我来过几次都冇太大感觉（可能系唔用人手？）。反而觉得佢哋都几友善（系𠮶种外表有啲距离感，而唔系长期笑笑口𠮶类）。每次我落单同埋埋单时，佢哋都好快同好帮手。有一次我原本叫咗粉丝，临尾先改成刀削面，佢哋都完全冇黑面冇发晦气，值得赞赏！👍#### 总结呢度嘅食物好食，价钱可接受，系我同肥仔在元朗会间中想嚟嘅餐厅！🤤
继续阅读
净系得个汤好味😅1️⃣醉鸡面鸡酒味好重,但肉质好柴,个鸡汤好浓味.💰HKD$622️⃣鸡汤翅翅好硬,好鞋,汤就够浓味💰HKD$603️⃣醉熏蹄酒味重,肉质弹牙,正常💰HKD$504️⃣醉鹅肝个口感好实,同平时食嘅鹅肝好唔同,好漏.💰HKD$1005️⃣加左只醉蛋,太浓酒味,有D难顶💰HKD$12
继续阅读
之前食过两三次，第一次食佢个砂锅鸡汤翅真系惊为天人，觉得劲正，所以就算服务差同埋成场啲𡃁妹成日粗口横飞都忍住。但今次再去啲鸡明显劲嚡口，个砂锅无以前咁热，翅嘅份量都少咗，唔怪得知食饭时间都冇乜人🙄落单嘅时候亦feel到啲侍应好唔耐烦，仲要一路食成场伙计不停大声爆粗倾计，当啲客完全唔存在，虽然你有自由，但或者人哋真系想舒服安静咁食餐饭呢🙄不过相信佢哋咁型系唔介意啲客点睇，所以我唯有自动放弃，冇下次了。
继续阅读
呢间尝汤鸡食过好几次，包括堂食+外卖都试过。认真食物唔错嘅汤热辣辣，但老板请人眼光差差啲，请埋啲女同事态度差西口西面咁，门口企嘅女同事成日都企喺度唔知做乜，试过唔只一次啲外卖整好放就咁收银隔离，冇人嗌号码，我企喺度白等半个钟（真系唔只一次），问嘅时候门口女同事个西样唔耐烦，大佬我都系坚等得耐先出声问，体验好差，希望老板有心做生意正视吓员工态度，同埋都keep住留意吓有冇人系等紧外埋系未拎啦，整好咗就咁放埋一二边又唔理，拎到返屋企都冻晒。
继续阅读
天气又转凉返d想食d热辣辣既野砂锅鸡汤翅配米线 $85个锅上枱仲滚紧😍 见到都觉得暖哂鸡汤无味精🤤 饮哂都唔怕因为太多汤个样唔太靓🤣但真材实料🤤🤤🤤🤤除左好多件鸡，翅都好多仲有金华火腿同鱼唇👍👍👍👍个鸡汤就系用呢d材料煲个鸡好有鲜味🤣 但可能汤好滚鸡肉系鸡胸位有少少嚡另一个系醉鸡卷饭 $67虽然唔系砂锅上但个汤都好热😍😍😍😍醉鸡卷好入味除左酒味仲有桂花味唔会有酒既苦味😋😋😋😋好出色，如果可以滑d就更好个汁太正，隐藏食法捞米线🤣不得了ig: ma.lazycooking
继续阅读
您可能会有兴趣的...