嘉麟樓

嘉麟楼嘅中菜一向出名精致同好食，今次嚟到试lunch品尝咗几款中式点心。叉烧酥外皮金黄酥脆，叉烧馅甜咸交融，好好食虾饺皮薄馅靓，入面嘅馅非常爽弹烧卖就正常发挥依个千丝萝卜酥热辣辣，外皮金黄酥脆，入面馅嘅千丝切得好幼好精细，好食。…Read More

呢个系男友👦🏻送比我嘅中秋礼物💝🥮：✨半岛嘉麟楼mini奶黄月饼 (x8️⃣)一打开个盒就已经闻到月饼散发嘅香气🤤!!第一口就感受到佢外皮嘅酥脆，随后浓郁嘅奶香同牛油香涌入口中🧡🧡。内馅外表好橙色，甜度适中 不过于腻，亦带有咸蛋黄+奶香。不过呢个礼盒好似都HK$6xx，觉得有啲贵🤔🙈🙈…Read More

嘉麟楼食完真系唔太满意，环境老旧又差，成间餐厅空气闷焗，枱与枱之间位狭窄，完全冇私隐，座位唔舒服，灯光昏暗，感觉冇乜心机经营。点心方面更系好失望：烧卖唔正宗，入面啲猪肉分量少，虾粒大得夸张但唔鲜味，口感仲偏干。叉烧包唔够松软，叉烧酱汁寡淡，冇咩香味；芋角虽然外皮算酥脆，但芋蓉湿润度唔够，味道平平无奇。灌汤饺皮薄但汤汁无惊喜，味道淡而无味，冇生猛感觉。蛋挞惨不忍睹，系曲奇皮又甜过头，完全唔好似蛋挞，食完好失望。以五星级价钱嚟讲，呢啲点心质素只能话系四星以下，环境差又唔舒服，服务态度又普通，唔建议专登嚟食，顶多系游客嚟打卡食吓算数。…Read More

只能够话普普通通，冇想像中咁好，嗌咗午市690一位套餐，冇话好好食，淡淡地，鲍鱼酥的鲍鱼还好，冇话太烟烟韧韧几好食，煮嘅时间啱啱好，个挞就一般般，逸东轩个鲍鱼酥好食好多，蟹肉竹笙都麻麻哋，冇乜蟹味，似火锅蟹柳，陈村粉都太咸，凤爪排骨饭都吸引过佢，芒果布甸都麻麻哋，地茂馆甜品好食啲，但系有个鲍鱼烧卖几好食，啲嘢食食得出都几新鲜，茶几好饮，同埋个琥珀合桃都好好食，其他菜色同点心就未试，服务态度都唔错，又一直斟茶换碟，环境中式格调，几舒服。…Read More

不经不觉又来到了庆祝周年纪念，今次依旧选择了【嘉麟楼】，记忆冇错，应该是大约两年前来过，这次已没有以往那么冲动消费，点餐的时候也要了之前吃过几款觉得认为好食的食物。。。首先要赞嘅系服务由带位到上菜，虽然是平日但坐下不够一时已经差不多全场满座～要来了早时没有看过的三色宝盒花菇辽参饺/阿拉斯加蟹菜苗饺/带子花胶菜苗饺$248.每一件都有诚意内涵丰富，口感层次亦都非常好，怪我词穷，口感上先来尝一尝才能感受得到⭐️⭐️⭐️⭐️花胶竹笙灌汤饺$198.这款是身旁的先生叫，汤底清澈，但就是平时少喝过的味道，八卦之下问一问侍应心材料，谁不知厨师保密地只是说了（秘方）就这样，我们喝了一个不知名的汤底⭐️⭐️⭐️匈牙利鬈毛猪义烧$478.早年曾是风靡嘉麟楼的叉烧从前是要（预留），由于试过两三次，初心是不作打算，但及后始终敌不过心魔，还是要来一碟，松化味美，义烧不肥不韧绝对是现时吃过酒店级的最好一道⭐️⭐️⭐️⭐️虾饺$116.记忆中比对上一次好食，但总括而言都是正正常常的一道（虾饺）⭐️⭐️⭐️远年陈皮山竹牛肉球$108.上枱嘅时候都被它眼前一亮，原来将垫在底上的腐皮包裹在牛肉球身上，牛肉球打得松软，口感味道都好吃⭐️⭐️⭐️⭐️懒人喜爱的花雕蛋白蒸蟹钳$428.今次再访依旧没理由不点，淡淡的花雕味道渗在蛋白中，加上已经拆好的蟹钳，自己就觉得绝无挑剔位⭐️⭐️⭐️⭐️丰满又澎湃的炸酿鲜蟹盖$280.是身旁的老公点上，一梳梳饱满而不用费力的蟹肉，一啖又一啖的挂在叉子上，热气腾腾的放在嘴中，老公称好吃⭐️⭐️⭐️⭐️由于我们两个是庆祝周年纪念，但对于这个纪念日在中式餐厅里想不到是用什么来作庆祝，故所以在预订位置的时间给职员说是（留一个寿包）给自己，（作为一个仪式）也算不错送上来的寿桃两个很有立体感，寿桃的叶相信是用菜打成汁再搓面团，（诚意加上心思）抵赞，内涵是莲蓉作馅，不太甜不错！另外会收茶位费，如没有忘记记错应该是$48一位.此店有另加一服务！在荷包容许下,毎一年的纪念日我第一时间都会想住它。…Read More