嘉麗園潮州粉麵餐廳

营业中

休息中

昨日中午入元朗辦些事務，好耐無入元朗，記得以前最旺係新元朗中心商場，今次入去見到附近建築物完全唔同，有好多新屋苑及商場。辦完事後，想食碗粉麵，突然醒起嘉麗園。潮卅四寶河粉 - 普寧豬肉丸，潮卅墨鱼丸，潮安魚皮扎，汕頭爱皮餃及野生紫菜。食落口各式丸都好有咬口，好新鮮，好好味。尤其是魚皮扎，好正。紫菜配好滑河粉一齊食，好夾。冰鮮原汁牛腩湯河 - 雖然冰鲜牛腩，但都耍四十二元一碗，不算便宜。相比一般價錢略貴。最重要係牛腩完全咬唔入，無牛腩味，劣評。

食開好多年，但就好少夜晚去食，尋晚8:45入坐叫得嘢食黎都成9:00。準時熄燈，但當時仲有半場客，我覺得對客人好冇禮貌，跟手嘈喧巴閉將櫈放上枱上，然後倒加左清潔劑既水落地下刷刷刷，周不時又行過後睇下你食完未！我想講，如果我係第1次黎食嘢，我以後都唔會再黎食！！唔怪之得你地既生意比以前差啦，原來咁對客！！

以前比較少來元朗，一來到就人山人海，旺到不得了。黎到見到裝修非常特別，是舊式香港既裝飾。今次同事帶我來，話要試「好西」。一坐底就叫左一碗四寶河，一碟腐乳通菜同埋牛四寶河。我初嘗一下牛四寶，是旦夾左舊放入口，口感煙韌，非常重牛味，咀嚼了一分鐘。後來先發現食既係「牛歡喜」！真的好驚喜腐乳通菜都幾新鮮，但油就多左少少。然後食埋碗四寶河，飲杯豆漿就走了。豆漿非常新鮮，好快脆就飲哂飽到不得了都只是人頭60幾70蚊，非常抵食！

我好少會寫食評，但是E間真心要支持下。佢D坑腩河出名好食，仲保持到傳統地道潮州粉面口味！D炸魚皮又香又脆，仲有D牛丸，魚皮餃，非常有弹性有咬口！仲有D辣椒油真是要買瓶番屋企睇門口！其他魚旦魚角都是真材实料，鍾意食魚旦魚片都一定要食。我同老婆每次都是，沙腩河、通菜走油、魚皮再加個牛丸或魚皮餃。支装可樂唔少得。咁就飽飽了（百多蚊）。雖然比普通面店貴D，但是品质味道絶對物有所值。仲成日買多瓶辣椒油送俾D食得辣D朋友。（因为辣得嚟仲好香，唔係得過辣字）

好記得當年係睇報紙認識嘉麗園 當年嘉麗園老闆潮州佬賣廣告 話食滿30碗麵就有五萬蚊 嗰陣時仲係讀緊中學嘅我 仲同啲同學打算約埋一齊去食30碗 當然最後梗係冇成事啦之後有一次行過 食過一次之後 我就每一次去元朗基本上都係食嘉麗園黎到一定係叫佢嘅潮州全套腩雜十寶米十寶顧名思義有十樣牛嘅部位牛腸,牛肚,牛肺,牛腩,牛筋其本上應有盡有所有嘢都炆得非常入味 唔會有內臟嘅異味 腩汁又夠濃 米粉亦唔會碎濕濕重點係佢嘅招牌辣椒油 夠香又夠辣香港地依家要食到間正宗嘅牛腩牛雜 真係唔容易嘉麗園絕對係我食牛雜粉麵嘅心水自選

#double_元朗-【必食崩沙腩】上一次光顧大概已經是 #🍋👧🏻 初中的時候上星期入元朗為的是試飲新開的 #沐白小農點知抽中杯麥茶 心情好差 所以一定要食返啲好嘢 之後行多幾步轉過彎就入咗嚟嘉麗園🐾-🔻崩沙腩粗麵（$62）啖啖肉 超級棒 不會韌👍🏻 大概都有八舊 份量不少噢 這個價錢 值了❤️⭐️評分：8/10－－－－－－－－－🏝環境：6.5/10🛋服務：7/10💲價錢：7/10💥翻兜指數：8/10

行元朗 凍凍地想食碗牛腩麵就黎左麵幾大間 幾多位咁我就叫左個原汁牛腩麵都幾大碗下 牛腩都幾多 大大舊 咬落無乜筋好味！不過麵就有啲少 食哂啲麵仲有牛腩 仲叫左個魚皮佢魚皮偏實淨硬身 唔會碎到周圍都係 會再黎食

嘉麗園喺元朗都數一數二老字號， 牛丸，潮州魚蛋，墨丸，炸魚皮，辣椒油.??基本上都係好出名，嗰個人嚟到都會食。我自己今次第一次來， 門口都有圓枱位， 餐廳入面其實都幾大可以坐到好多人呢度裝修都好光亮，三分二都係遊客嚟食嘢。落單阿姐都幾醒，快手快腳。看下餐牌...呢度😳有全牛器官食，我只是影餐牌，不敢試。坑腩河，炆得好入味，又淋。點知試埋沙腩河，更正，肉質更嫩滑，味道更濃。墨丸河，夾，滑，彈口。炸魚皮，‘‘一口‘‘尺寸，剛剛好，又新鮮， 脆卜卜。原本，特登來食想食‘‘邊腩‘‘，太遲，12:00 來到已經賣哂。

第二站粉麵去左裝潢華麗的嘉麗園，佢店面金碧輝煌，價錢亦是元朗同類形的潮州粉麵鋪最進取（貴），記憶中佢亦是最，但最近去已經是多年前，今日再去回味一下。價錢果然比以前更進取！花多眼亂，但剛剛先食完勝利牛丸，所以只叫崩沙腩粗（$62）、淨牛雜（中）（$120）、炸魚皮（大）$28。崩沙腩粗麵（$62）崩沙腩炆得好腍，肉質好鬆軟而無筋，加上炸蒜、蔥花及莞茜應該好香，但湯底已經大不如前，雖然鋪內掛上不少香料做擺設，但湯底好似已經沒有香料的味道，只有咸味。如果不喝湯底，此店的崩沙腩是好吃的。淨牛雜（中）$120此碗牛雜材料豐富，有牛膀、牛肚、牛大腸、竹腸、牛肺、粉腸、金錢肚，墊底加上芽菜，另外鋪上炸蒜、香菜及蔥花，牛雜炆得腍而清洗也很乾淨沒有臊味，但又係湯底失色，佢比粉麵的湯底更濃而且更咸，食時加上嘉麗園自制辣油才加分，但我還是懷念舊時的味道。加叫的炸魚皮，真的很脆，也真的很咸，原想浸湯便可以提鮮，可惜牛雜湯底也是太濃味，結賬共$210。如果下次再來 我會食返牛筋或崩沙腩 ,希望湯底可以變回往日的味道。

朋友介紹呢間牛腩出色，見未打八號風就去試一試鋪面裝修好中式，d櫈比較特別，成張都係鐵，一坐底成隻腳都凍曬😂著短褲嘅朋友要坐前少少朋友話牛腩一定要食新鮮，一定唔可以叫冰鮮。平時食嘅冰鮮牛腩色比較灰暗，呢到嘅牛腩色澤睇落似平時食嘅牛肉，肉比較瘦，湯底比較濃，似係牛肉湯。米粉份量啱啱好，大食少少都未必夠。店員介紹我哋叫呢碗崩沙腩，崩沙腩相對牛腩會肥少少，面頭有一層肥肉，食落口比較有口感，值得推介😋😋通菜食落好爽口好嫩滑，個腐乳聲稱係自家調配，食落去好咸，重口味人士可以一試，我就唔會食第2次🤢

朋友話冇食過嘉麗園唔好講自己鍾意食牛腩...星期六諗唔到食咩dinner就去試下咩料咁誇張個場好潮州feel，周圍都紅噹噹，店入面有好多舊式風扇店員推薦賓沙腩，話保證好味，就叫依個試下一上菜d牛腩擺到好靚，份量唔少，難怪要$60幾一碗咁貴牛腩有半根半肥嘅位，囗感真係同平時個d唔同！入味又唔覺得油膩，果然冇介紹錯個湯加左乾蒜，連埋米粉一齊食特別香囗同有d脆，好唔錯！暫時嚟講，依間的確係食過最好味嘅牛腩

依加元朗愈來愈多好野食，吸引左唔少城巿人入黎揾野食，佢地唔識老字號嘉麗園唔緊要,今日有位住元朗既少女話唔識咩叫嘉麗園！我即刻 有冇攪錯呀！嘉麗園既墨丸河我夠膽話係全香港最好食既墨丸河！墨丸超彈牙既口感，滑嘟嘟既河粉！一定要加幾滴佢地自己製既辣油，拿！幾滴好喇！好辣架！！重有只係$4 杯既好味五花茶or豆漿！希望下次巿區既朋友入黎元朗可以試下！!

I’ve been coming here for few years now. The beef brisket is a must have and there are 3 tiers of them. Frozen, fresh and “extra fresh” and of course for more money. The rice noodles are soft and smooth. The fish skin dumplings are flavorful. Get the fermented tofu morning glory.

This eatery is famous for two things: one is the meat balls which are made in-house, the other is the beef and organs. Located in Yuen Long, the owner is a Chiu Chow native and pride to be making the meat balls in the traditional way, personally going to the farm and select the right types of meat of good quality as ingredients.Simple and neighborhood decor for such Chiu Chow noodle eatery, it is indeed renown in the district, with many people coming specifically to enjoy their food. I ordered t

元朗名店嘉麗園名氣超大，墨魚丸可謂貴絶全港，一斤價格高達HK$160，但龜龜認為它們的墨魚丸絶對是全港最佳，甚至是全球最佳，在吃墨魚丸的經驗中，唯一一家可跟他們媲美的，是小弟在汕頭吃過幾次的一家名店，可惜名字卻遺忘了。除了墨魚丸外，龜龜亦愛死他們的燒焗鹵水牛腩。除以上兩種食物外，還有名物牛雜，他們的牛雜很多樣化，有絶少在市面有售的牛沙瓜、牛歡喜及牛鞭等，都是他們的撚手菜式。今日想跟大家分享的卻不是上述種種，而是他們的招牌早歺，新鮮沙爹牛水𦟌肉黑蒜油出前一丁，配上下圖的腸仔蛋牛油方包及凍檸茶，盛惠HK$47，是區內普通茶餐廳的1.5倍價錢，價高但絶對物有所值，牛水𦟌每隻牛只有兩條，肉質嫩滑，新鮮的更是甜美之極，沙爹汁是店鬍鬚老闆自家調製的，香濃極致，沙爹牛水𦟌肉黑蒜油出前一丁是即食麵的最佳伴侶，出前一丁則是香港即食麵的皇者，吃着這碗麵的時候，口腔的味蕾感到幸福滿載。腸仔煎蛋配方包屬普通貨色，廚師雞肉腸配反蛋而已。喝過這裏的檸茶及奶茶多次，感覺是茶底都罵不錯的。