嘉華餐室

今日同朋友行山去良景邨上大峡谷，之后落返嚟良景邨食嘢，发现Lee度好味茶餐厅，唔系咁多茶餐厅有自家制面包，食咗佢个叉烧包都几好味！主要系啲面包质地好食,五香肉丁煎蛋面，啲面煮得够爽口!奶茶亦都好有茶味，好饮的!下次去开Lee头都会再食!…查看更多

香港屯门有个吃海鲜好去处，在良景市集入面的环球水产，海产类款式非常齐全，选购新鲜海鲜，然后隔离间嘉华餐室加工+享用🤤可以倾下点样烹调，唔使自己煮，够晒方便👌🏻好丰富的海鲜大餐🌊新鲜又美味🤤炒海鲜十足🔥清蒸松叶蟹好鲜🦀波士顿龙虾好弹牙！上面有芝士，几邪恶！炒蟹好惹味同豉椒炒蚬都好惹味！蒜蓉粉丝蒸扇贝都高质！餐厅仲有其他人气镬气小菜🔥例如鸡煲、蜜椒牛柳粒，好味！仲有大大杯嘅桶装柠檬茶，指定啤酒做紧买一送一！…查看更多

听讲屯门有间餐厅做紧海鲜半价加工优惠，北角人都要专登去实测下，睇下有无伏！我地搭轻铁去到屯门嘅良景站，餐厅就系站嘅隔离，要试海鲜加工紧系要有海鲜先，系餐厅隔离个良景市集就有一间好大间嘅海鲜档，超多海鲜种类，有鲍鱼、海虾、贝类、蟹、花甲、龙虾、长脚蟹、东风螺等等，全部都好新鲜生猛，系街市买海鲜明码实价，完全唔洗惊俾人㓥。最后我就买咗1斤花甲王、1斤花竹虾同埋1只波士顿龙虾，之后就去咗餐厅加工，有蒸、炒、煮、炸等多款煮法，价钱公开，决定好煮法就同店员沟通。价格参考:豉椒炒花甲王（1斤）（$58）加工价$45/斤豉油王炒虾（1斤）（$108/斤）加工价$45/斤上汤焗波士顿龙虾（1只）（$158/只）加工价$50/斤等咗15分钟左右，海鲜就开始上枱喇！豉油王花竹虾，炸到啲虾壳好脆，豉油汁浓郁入味，虾肉爽口。豉椒炒花甲王，1斤估唔到咁大碟，完全唔觉得有偷工减料，花甲鲜甜，镬气十足，香辣惹味。上汤焗波士顿龙虾开边啖啖肉，肉质弹牙，虾肉索晒啲汤汁，真系超正！最后埋单记得用张半价coupon，原本加工费要$140，而家$70就搞掂，真系抵到无人信，coupon净系可以平日17:00后使用，优惠到9月30日，趁有优惠真系要黎食多几次先得喇！…查看更多

今次去咗良景市集环球海产自己拣海鲜，再带去隔离嘉华餐室加工，方便又新鲜！流程好简单，先系市集拣靓海鲜，款式多到唔驶惊拣唔到心水，拣完即刻拎去嘉华餐室加工，价钱好亲民。今次试咗几款： ✅陈皮蒸鲍鱼（$50/6只）＋加工$60＝$110，鲍鱼蒸到入口柔软，陈皮香微甘，好开胃； ✅豉椒炒沙蚬（$36/斤）＋加工$45＝$81，豉椒味浓，沙蚬鲜甜弹牙，好吸引； ✅芝士焗波士顿龙虾2只（$158只）＋加工$80／斤＋米粉底$25＝$421，龙虾肉厚弹牙，芝士香浓creamy，米粉底又有另一番享受； ✅白灼大头虾（$98/斤）＋加工$30＝$128，虾肉嫩滑鲜甜，好正。餐室环境干净舒服，加工价钱合理，唔想自己煮又想食靓海鲜，以后可以过嚟唔洗烦…查看更多

今日嚟到屋村嘅地方去食嘢，上次因为食咗个干炒牛河口感麻麻，所以今次嚟试吓第二度嘅干炒牛河。虽然呢间冰室干炒牛河口感系OK，因为佢炒得唔会湿粒粒咁样，不过最重要嘅系价钱的确比较贵，佢嘅价钱系拍得上喺市区嘅茶餐厅，呢个系意想不到嘅。讲返食物先，干炒牛河炒完之后嘅制成品系干身，所以第一件事佢系合格嘅，而且味道方面每一条嘅河粉都占有咗豉油嘅颜色，味道亦都够嘅，嘅份量亦都算系适中，所以总括而言，呢一个餐系合格嘅分数，不过就比较贵啦…查看更多