影片
今次去咗良景市集环球海产自己拣海鲜，再带去隔离嘉华餐室加工，方便又新鲜！流程好简单，先系市集拣靓海鲜，款式多到唔驶惊拣唔到心水，拣完即刻拎去嘉华餐室加工，价钱好亲民。今次试咗几款： ✅陈皮蒸鲍鱼（$50/6只）＋加工$60＝$110，鲍鱼蒸到入口柔软，陈皮香微甘，好开胃； ✅豉椒炒沙蚬（$36/斤）＋加工$45＝$81，豉椒味浓，沙蚬鲜甜弹牙，好吸引； ✅芝士焗波士顿龙虾2只（$158只）＋加工$80／斤＋米粉底$25＝$421，龙虾肉厚弹牙，芝士香浓creamy，米粉底又有另一番享受； ✅白灼大头虾（$98/斤）＋加工$30＝$128，虾肉嫩滑鲜甜，好正。餐室环境干净舒服，加工价钱合理，唔想自己煮又想食靓海鲜，以后可以过嚟唔洗烦
继续阅读
今日嚟到屋村嘅地方去食嘢，上次因为食咗个干炒牛河口感麻麻，所以今次嚟试吓第二度嘅干炒牛河。虽然呢间冰室干炒牛河口感系OK，因为佢炒得唔会湿粒粒咁样，不过最重要嘅系价钱的确比较贵，佢嘅价钱系拍得上喺市区嘅茶餐厅，呢个系意想不到嘅。讲返食物先，干炒牛河炒完之后嘅制成品系干身，所以第一件事佢系合格嘅，而且味道方面每一条嘅河粉都占有咗豉油嘅颜色，味道亦都够嘅，嘅份量亦都算系适中，所以总括而言，呢一个餐系合格嘅分数，不过就比较贵啦
继续阅读
成日都去呢度食嘢，有时候喺堂食，有时就会叫外卖攞返屋企食，嘢食质素同埋份量都好足够，唯独系短头发收银𠮶个嘅态度惊人，入去食嘢俾钱好似争佢钱咁😂 大家可以感受吓😂
继续阅读
外卖平台叫咗餐厅推介半只海南鸡 发现冇比酱汁 打去反映 其实由头到尾都冇谂住要任何赔偿或要求 只系想同餐厅反映 点之换来一句态度非常恶劣：「咁你而家想点？」唔讲仲以为我错 食物质素还可以 听电话𠮶位小姐态度真系不敢恭维
继续阅读
帮衬此店主要原因是就脚，近轻铁及巴士总站方便极了，前几次光顾贪佢套餐平及料多，可惜今非昔比大不如前了。两𩠌(B款)套餐$148包两饭、汤及两饮品算区内一绝，不要给照片骗了其实两𩠌中的肉量比以前最初竟少了一半，豉汁凉瓜炒牛肉的凉瓜很爽不苦，可是嫩滑的牛肉聊聊可数就大刹风景，而咕噜肉亦不像样非很好的肉部位，有多伙则比较细和干，三色椒却是较多，整餐三人吃菜多肉少算健康但不丰盛，靠大碗饭填饱空虚吧。其实我不介意宁愿多付十至二十元给此店保持套餐水准，可惜店子却选择了降低水准这条不归路，睇黎一众街坊未来一定会大减帮衬此店的次数呢。
继续阅读
您可能会有兴趣的...