嘉寶漢堡 (和益中心)

营业中

休息中

嘉寶漢堡 (尖沙咀)久仰大名嘅本土漢堡快餐店，約咗frd夜晚係尖沙咀飲嘢，就順便試佢，支持下。鋪頭係行自助型式，要自己排隊買嘢食同搵位，星期五晚有啲多人，我覺得有少少混亂。——————————————————1. 脆薯牛堡💸$40個包有烘過，薯餅仲係脆嘅，舊漢堡都煎得幾好，有d肉汁唔會太乾，但係原來呢個包係冇芝士，覺得食burger一定要有芝士，有少少美中不足。2. 日式芥辣蝦堡 💸$45我個frd叫咗個蝦堡，佢話蝦餅入面係用蝦膠同蝦粒撈埋，炸得幾好食，但係個蝦餅就細個咗少少，唔係每啖都食到蝦餅，同埋個芥辣汁可以比多少少，整體比較寡。3. 炸燒賣 💸$15有8粒，都幾抵，佢呢個炸得好好食，唔會油淋淋，好脆，不過如果有椒鹽嘅話會再好食啲。4. 炸薯條&可樂 (跟餐加💸$16)普通快餐店水平，佢係粗薯片嚟嘅，但係就又係炸得好脆。同埋，可樂唔夠凍！總結，雖然有好多小節可以改進，但以快餐店嚟講，佢算係高質，仲要黃店，會再懲罰。——————————————————📍 嘉寶漢堡 (尖沙咀)地址：尖沙咀寶勒巷9-11號和益中心地下

之前外賣返屋企食，點都係爭啲！今日終於可以堂食啦！每個漢堡都係即制，上枱時重係暖烘烘，好正，支持小店！烤菇芝士牛堡：菇味濃，加上juicy嘅牛肉，生菜蕃茄新鮮，好味！BBQ菠蘿雞扒堡：雞扒非常香口juicy，BBQ醬汁雖然味濃，不過加咗塊菠蘿，就令漢堡減去油膩嘅感覺，好fresh！但係我都係鍾意牛肉漢堡另外加了薯條同炸芝士條：炸物我反而覺得麻麻地，因為好似唔夠脆身，色澤都似未炸熟咁！而芝士條芝士味太淡，唔夠味！

高質慢煮漢堡包🍔嘉寶漢堡包可能好多人都未聽過，其實佢哋係2015年葵涌區先開，由細細一間小店係短短幾年擴充到尖沙咀，最近仲係尖沙咀中心位置開大分店，就估到佢哋嘅漢堡包一定好唔錯🤗必點既一定係佢地signature黑松露芝士牛堡🍔，佢地既牛肉係慢煮，所以食落一d好嫩滑，而且十分juicy😍 再配埋黑松露醬，簡直係Perfect match✨呢個🍔差唔多10個有8個客人都必點👍🏻唔鐘意/唔食牛、佢地都有豬羊蝦肉等等，道味都好唔錯。另外揸返薯條都好好味，比較小有，外脆內軟，又重番薯味，大家有機會都要試🍠嘉寶漢堡 (尖沙咀)尖沙咀寶勒巷9-11號和益中心地下

嘉寶這間餐廳，但原來它在尖沙咀已經搬過一次，現在就在寶勒巷這個地方。之前只在光輝圍那邊見過有嘉寶，而且有時星期六、日、假期經過都會見到甚多人在排隊，但我的友人仍然會由光輝圍買外賣回到深井進食，這是終於可以買外賣試一試。即使是星期日，但是四五時，內裏的座位都坐得滿滿的，幸好只是買外賣，不算等得太久。看到餐牌上有牛、雞、豬、羊的漢堡，我就試一試孜然羊肉漢堡。它的漢堡，夠厚，上邊那塊包又搽滿了醬，中間的羊肉漢堡，想不到竟然有這麼厚身，羊肉本身夠香夠濃，有點孜然的香氣，似乎比孜然雞翼更加香，另外有些洋蔥以及醬汁，因為漢堡夠厚，因此可以蘊含豐富肉汁，配合上下兩塊漢堡來吃，實在是美滿。另外亦都因為買外賣回家，放了兩三個鐘才吃，它的肉汁仍然豐富，更加難得。炸芝士都沒有特別，四小條。

想試好耐，睇食評覺得平靚正。座位比想像中少，但因為好多人只係外賣，所以都幾易搵到位。番薯條同薯格都賣曬。炸燒賣係魚肉燒賣，約八粒，幾脆。薯條正常。分量正常嘅漢堡，有肉味，生菜都幾爽。得意嘅係呢度有豬牛羊雞四種肉類，有機會要試下羊係點。比起漢堡，我覺得呢度嘅飲品比較得意。飲品選擇都幾多，例如熱茉莉花茶等都唔使加錢。我揀嘅薑蜜就甜咗啲。最值得一提嘅係加十蚊嘅千里烏龍茶。明明寫住無糖，但每啖後都會有強烈嘅甜味滲出嚟，好得意嘅體驗，唔知係咪甘草嘅作用。

/ ᴍᴀᴅ ғᴏʀ ʙᴜʀɢᴇʀ ʙᴜᴛ ɴᴏ ᴍᴀᴄ ᴛʜx /꧁嘉寶漢堡💛꧂ #黃店推介要食burger快餐唔一定要去m記嘅嘉寶就真係一個好好嘅替代!!雖然貴過m記但就有誠意又好食啲 重點係黃店黎尖沙咀新店仲大左添☘︎︎ 𝙻𝚊𝚖𝚋 𝚋𝚞𝚛𝚐𝚎𝚛 𝚠/ 𝚋𝚊𝚌𝚘𝚗, 𝚎𝚐𝚐 & 𝚌𝚑𝚒𝚙𝚘𝚝𝚕𝚎 𝚔𝚎𝚝𝚌𝚑𝚞𝚙 香辣煙肉蛋羊堡 $𝟜𝟜好特別嘅配搭 一般burger shop都比較少用羊整patties 所以試試食落非常重香料味 羊肉用cumin, paprika等香料醃過 所以唔會羶 但有點蓋過羊味煙肉仲係煎到脆口嘅👍🏻👍🏻 如果塊蛋係流心就perfect!成個burger帶點smoky 好有風味又juicy 推薦大家試下呀(☞ ͡° ͜ʖ ͡°)☞☘︎︎ 𝙱𝚕𝚊𝚌𝚔 𝚝𝚛𝚞𝚏𝚏𝚕𝚎 𝚌𝚑𝚎𝚎𝚜𝚎 𝚋𝚞𝚛𝚐𝚎𝚛 黑松露芝士牛堡 $𝟝𝟚同羊堡相比下就有點失色 未至於成為熱門雖然眼見嘅黑松露醬分量不少 但味道就不算overwhelming 牛味亦唔算濃不過呢個價錢不能要求太高☘︎︎ 炸燒賣 (+$𝟙𝟞 𝕗𝕠𝕣 𝕤𝕖𝕥 𝕞𝕖𝕒𝕝 𝕨/ 𝕤𝕠𝕗𝕥 𝕕𝕣𝕚𝕟𝕜𝕤)出奇地不錯 口感夠煙韌 粉感唔太重 都ok w

小編第一次食嘉寶🙉成日見到佢哋嘅黑松露burger嘅 #黑松露醬 勁澎湃😍終於食到!!!小編夜晚7:00去到~超級多人🥲等位等咗10分鐘~等嘢食再等十幾分鐘🤣但已經比想像中快😂 ——————————————————————————————🖤黑松露芝士牛堡 $52 好多松露醬😱💕一咬落去先食到烘到脆脆嘅包然後一陣強烈嘅松露味湧出嚟💨咸咸的芝士同juicy嘅漢堡扒好香好正✨再有生菜爽爽嘅口感☀️好幸福!!🤌🏻8.3/10🥓香辣煙肉蘑菇芝士牛堡 $52呢個包一咬落去就有好重孜然味😂 蘑菇味都濃~但小編覺得太濃味了🤦🏻‍♀️另外呢個漢堡非常厚!!😝好足料🤌🏻6.5/10升級套餐(+$16 )加咗薯條🍟同薯格〰️熱辣辣 好脆🙌🏻追加香脆粟米片雞塊(+$10)就係麥樂雞外面加Doritos😂小編覺得唔好味追加BBQ雞翼 (+$10)呢個BBQ醬畀好多~夠濃👍🏻 雞翼又滑🤣——————————————————————————————#為食tips👻 好推薦大家食呢間burger🍔CP值高~又有賣相~又好味❤️‍🔥仲要係良心店!!!但預咗要等位㗎啦🤣

嘉寶嘅漢堡包真係食極都唔會厭，價錢抵，又有質素，真係冇得輸！芝士牛堡 賣相十分好，塊牛肉漢堡好厚，咬落去勁juicy！好有牛肉味，勁好味！入面仲有塊半溶狀態嘅芝士，好邪惡～夾埋醬汁食味道好夾，漢堡夾住嘅配菜仲有生菜同蕃茄，而且佢嘅漢堡包係有烘過，所以食落更加香口！薯條最愛食粗薯條，更有口感，新鮮炸起熱辣辣勁好食炸燒賣勁好食！炸完粒燒賣外皮脆卜卜，內裡煙韌，好好𡁻，加上椒鹽令到粒燒賣更加惹味，食到停唔到口，而且份量都唔少，有好多粒，非常滿足

嘉寶漢堡📍尖沙咀💛嘉寶漢堡搬咗新嘅舖位，比起之前闊落咗好多，可以坐多好多人٩(˃̶͈̀௰˂̶͈́)و由於坐枱係自助形式，啲枱都有啲污糟或者有食剩嘅嘢喺上面，店員可能要勤力少少啦(ﾉﾟ▽ﾟ)ﾉ芝士牛堡(加薯餅) $40 (+$8)漢堡扒好軟綿綿，食落好多汁( ´▽｀) 之前牛堡本身有埋烤洋蔥，洋葱烤到焦糖化咗，配起嚟味道好豐富(⁎⁍̴̛ᴗ⁍̴̛⁎) 薯餅好厚，但係略嫌唔夠脆(´･ω･`)個包好大個，所以食落個包好容易散，但係整體來講都可以一戰(●’◡’●)ﾉ

同朋友禮拜六1點左右黎食，起初見都幾多人等緊位，都有啲卻步，但見啲人都好快手，等左唔駛5分鐘就有位坐。呢間係需要自己落單自己拎餐既，但都唔會要等好耐。今次叫左個日式芥末蝦堡（$45），件蝦餅真材實料夠多蝦，好足料，唔似其他以粉為主。然後打算配薯格/蕃薯條既，但已經話賣哂，最後跟左炸燒賣，夠地道😀 個炸燒都係熱辣辣上，仲有啲椒鹽（？）都唔錯，算有誠意。不過野飲就有待加強，叫左杯凍檸茶，但冇咩茶味😅不過total $63成個set，整體都唔錯，性價比OK!

.如果你喜歡食漢堡包🍔我相信近期引領漢堡風潮既美式連鎖快餐店shakeshack / five guys 你都一定已經拜訪過不過其價錢絕對吾平一個餐連薯條同埋飲品閑閑哋都過$100。餐餐咁食法都唔係辦法仲要係食快餐心理總係覺得吾平衡快餐原則應該係平。快。飽其實如過想食平平地都有選擇大家不妨一試港式地道漢堡支持下本地快餐小店===========================📍嘉寶漢堡🍔 @kabo.burger 一直非常受街坊歡迎價錢親民之餘食物都有一定質素總店位於葵涌光輝圍後來再於尖沙咀開設分店小店主打港式漢堡除了基本的牛肉漢堡外還提供雞肉、豬肉、蝦肉及羊肉漢堡全部都以慢煮方式烹煮更能鎖住肉汁。加$16仲可以升級做套餐包含一款飲料和一款小食可選擇小店的招牌炸燒賣或薯格==========================🍔黑松露芝士牛堡$52+$16-套餐漢堡包個包皮煎脆過微微暖食落去充滿黑松露味但又唔會太鹹塊芝士真係微微溶化喺牛肉上面食落去真係好正，唔會乾爭爭加埋蕃茄同埋生菜至於塊牛肉漢堡唔算好散食落口感都OK。當日同朋友叫咗一個炸燒賣一個薯格真係超好食炸燒賣香脆鬆軟外脆內軟鹹鹹地

以前都好鍾意呢間burger但係唔知係咪因為太忙啦叫咗一個烤菇芝士牛堡 食到最後見到有隻烏蠅喺張牛油紙度 佢畫面真係太震撼嚇我將張紙跌咗落地下完整嘅烏蠅sorry嗰陣時真係唔記得影相叫左餐淨返成包薯條都唔想食啦攞去同員工講佢走來問返我轉頭話：吓咁你想點語氣就好似我想呃啲咩咁講真嗰幾十蚊個餐可以呃你d咩但係連sorry同唔好意思都無仲叫我自己攞去垃圾桶揼咗佢失去左對呢間餐廳食品安全嘅信任加埋員工嘅態度舖頭係大左翻新左但係昆蟲都好似多咗果然名氣做大左既餐廳都係唔好再去食

香辣煙肉蛋羊堡 $44 其中一個最喜歡的漢堡，真的超惹味。蛋煎至焦香，煙肉香脆不油膩，羊堡充滿肉汁，還有生菜和新鮮蕃茄，超級滿足。+$16可升級至套餐，配小食及飲品。小食選了炸薯格，飲品+$22升級推廣的黑啤。漢堡+小食+啤酒，一流的配搭！

好耐以前係葵涌個邊食過一次已經有深刻印象，今次行過尖沙咀又見到梗係要入去食下。啱啱六點幾，已經要等位，好好彩唔使三個字就有位。黑松露芝士牛堡 $52見好多人推介又咁平，一於叫咗個黎試。未食就咁聞已經聞到好香黑松露味，咬落去果然冇令我失望，依然好重黑松露味，仲有肉汁!蜜糖芥末菠蘿豬堡 $40本身覺得漢堡有菠蘿有啲奇怪，但係出奇到佢同蜜糖芥末個醬幾夾，食落完全冇違和感。豬嘅漢堡扒好夠juicy，一路食啲汁流晒落隻手到。+16蚊就可以轉套餐，配一款小食同飲品蕃薯條 要額外+$5薯條平時就食得多啦，難得見到蕃薯條梗係要試下。食落夠脆，有份量，就算凍咗都唔會好似薯條咁腍晒。炸燒賣 (跟套餐)雖然炸燒賣唔常見，但係食落冇咩特別，不如試下其他小食好過

Wheeee (｡･ω･｡)ﾉ٩(˃̶͈̀௰˂̶͈́)و【嘉寶蝦堡　唔嗌走寶】喺嘉寶未搬舖之前，每一次我都係嗌外賣，因為實在係太少位又太多人食！新舖比以前大好多，油煙嘅問題都冇咗，今次終於可以坐喺度堂食了～～我是Menu～S1 日式芥辣蝦堡 $45呢度嘅蝦堡係我嘅至愛～每次嚟都係食佢🤤 最鍾意佢大大塊又夠哂厚嘅蝦餅🦐 超級彈牙，入面仲有好多原隻蝦肉，口感超豐富‼️個包有烘過，少少脆🍔 日式芥辣醬少少攻鼻，但好好味😋 配埋生菜同蕃茄，感覺清新✨ 升級套餐 +$16又係每次都嗌嘅小食—炸燒賣🤣 我覺得超級抵食，因為有成8粒咁多！佢炸到極之脆，再加上椒鹽嘅調味，唔點個沙律醬就咁食都已經夠晒惹味🥺柚子梳打 +$6柚子蜜加梳打水呢個配搭真係冇得輸，由於店員落錯咗外賣嘅關係，佢就咁俾咗隻有柚子蜜嘅杯同一罐soda water俾我😂 可以refill到一次多啲，感覺幾抵飲🤪～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻總分：💛💛💛💛地址：嘉寶漢堡 (尖沙咀)尖沙咀寶勒巷9-11號和益中心地下-