嘉嘉好宴會廳

嘉嘉好宴会厅 Joy and Harmory Banquet📍 元朗西菁街10号好顺泰大厦1楼2号舖是日屋企无食水供应，于是全家总动员落咗元朗揾食，因为周围都好多人，好多餐厅都排晒长龙，我个钟意食中菜嘅老豆就话去酒楼食啦，又坐得舒服啲，于是就嚟咗嘉嘉好食啦。[价钱 Price] 💰$68七味蒜香九肚鱼 🐟已经劲耐无食过九肚鱼喇，嚟过元朗都知大排档必食椒盐九肚鱼！呢间酒楼唔用椒盐，选择用七味粉捞炸蒜做调味，九肚鱼嘅脆酱好香脆，每嚿都有返咁上下份量。佢嘅鱼处理得唔错，里面嘅软骨都可以食埋，鱼肉好滑，点埋喼汁就一流啦！[价钱 Price] 💰$98雪饼千岛虾球 🍤呢个菜式好搞鬼，以为系咩雪饼啦，点知上到嚟真系旺旺雪饼，我同屋企人都哗咗一声。唔好睇佢个样咁搞笑啊，其实味道好好㗎，尤其系佢个千岛虾球，虾肉好爽，千岛酱咸咸甜甜咁，好开胃。佢每一嚿虾头上面都放咗一粒提子干，成个combo睇落好怪、好似伏，但系真系唔错㗎，如果价钱平返少少应该会有多啲人食。…查看更多

周末元朗区间间酒楼都好多人，见依间相对唔系等好耐，一于试下。坐低之后好快落左单，同男朋友倾下计玩下电话 点知成廿几分钟乜野食都未有😩 以为成张单漏左 追下先慢慢上枱叉烧酥 卖相不错几大件 但一咬落去冻既，明明都系煮好晒夹比我姐？点解要等咁耐😩 谂唔明味道方面其实OK 但冻左 无左香口感觉煎牛肉饼 依个终于系热既 似系煎既牛肉球🤣 不错 几好食 👍🏻特价既乳鸽 尺寸超迷你 不过食落又几有鸽香，每人半只都够过下口瘾～福建炒饭 味道不错 咸淡适中 饱肚之选杂菜煲好有诚意，菜既种类好多 有埋金菇，虾干同埋鱿鱼等等都不少 仲有粉丝索汤，清淡得黎都有鲜味👍🏻埋单每人120，小小贵啦…查看更多

6月9日午市时分，小弟到该店午膳，目测全场入坐率不到30%，共有十多名员工只在行行企企轻松吹水，有的还拉低口罩，举手约25分钟仍未有人前来协助。小弟乜都冇食就决定离开，失望到极…查看更多

其实好少帮衬嘉嘉好外卖，我哋大多数都系帮衬佢隔离嘅牡丹金阁，点知𠮶日好夜唔想叫家姐煮饭，于是乎就买外卖返屋企。 本来系想食双𩠌饭，点知去到我哋又改变主意。家姐想食烧味饭，而我就俾佢啱啱拎上枱嘅焗猪扒饭吸引。 焗猪扒饭跟一个汽水$35，虽然话就话系啱啱焗起，而我返屋企嘅路程只系5分钟，点知拎到返去啲饭已经系暖嘅，不过啲猪扒好入味，我觉得OK。 反而我家姐嘅烧腩仔饭完全唔掂，啲烧腩仔硬崩崩不特止，仲要仲要冇俾豉油或者酱汁，干争争(搅到我家姐自己加豉油)，啲饭完全系冻嘅，好后悔！ 不过价钱嚟讲咁真系平到飞起，烧腩仔饭$26，我个焗猪扒饭加嘢饮$35。其实我之前食过佢哋嘅外卖蒸饭系OK㗎，下次外卖，应该帮衬佢哋嘅蒸饭就好了。…查看更多

今早同家人去饮茶，叫左6个点心！其中一样系咸水角，食到第二啖时，我咬到粒硬物！连我屋企人都听到好大声。我一睇疑似系石头。然后有位著白色恤衫既服务员黎到。同佢讲有石头，佢就话帮我取消！我再问佢你可唔可以叫经理或者负责人黎？佢话呢到无负责人，经理比人炒左！问我咁你想点？当场燥左，真系好不负责任，态度极差！然后叫左个知客黎，知客了解左话会揾负责人黎。等左廿分钟都系无人黎。我只好影相向食环投诉！…查看更多