嘉兵衛

营业中

休息中

食物的確好食但係🤭今日都book左枱打算同朋友食飯慶祝埋生日，入座其實無講用餐時間幾多分鐘，咁之後其實都唔打算係度食蛋糕。樓面兩位女侍應好似催命符咁樣比壓力我地，首先我食完個餐已經好快被佢收走，然後收曬我地嘢喇⋯無耐就話「麻煩你地賣一賣張單，因為出面都有book枱嘅人等緊」😀其實大佬啊，你入座講幾點要交枱咪無事，但你又唔講又要施壓式咁執嘢？野食係無問題係好食，但建議到訪人士，會考慮服務可以唔洗到訪🥲

幾年前搬入元朗後，一直都覺得呢間主打日式家常料理嘅餐廳係全區嘅三甲之內！直到忽然有一日佢哋宣布休業，有一段時間真係唔知去邊度食同類型嘅日本料理相信好多人都好掛住佢哋足料嘅麵豉湯，終於佢哋最近喺附近重新開業啦！望吓個餐牌，好似比以前更多選擇，而且感覺而家空間再闊落少少，食落嚟好舒服。今日就叫咗一個十勝豬扒丼定食。一如既往有一碗好大嘅麵豉湯，而且仲有三款非常精緻嘅家常小食。當中嗰個南瓜沙律非常之好味，我一向唔好南瓜嘅都覺得完全改觀。主角豬扒丼亦係非常之出色！豬扒好大塊，而且炸得剛剛好唔會好油膩，加上蛋同日本飯呢個配搭，好快就將佢完全食完！非常滿足。以後還會多多幫襯！