嘆嘆

在购物平台见有优惠，食评都还可以，谂住试一试，点知试完真系觉得啲食评系假嘅。碗牛肉面似车仔面，其实车仔面仲好食过佢，面底系拉面，汤底系港式牛腩汁，加几旧细萝卜就当系台湾牛肉面。碟盐酥鸡好明显系预先炸定，用微波炉叮翻热，连返炸都冇做，真系丁点诚意都冇。杯手打柠檬柑桔茶，好明显唔系手打，冇茶味，冇柠檬味，柠蜜冲。杯特浓奶盖珍珠奶茶，算系最正常，不过都系唔好饮，奶粉冲。用原价嘅话，真系完全唔需要食。其实用优惠都唔系好值。…Read More

第一次光顾，是晚餐时段，点了套餐有牛肉面加小食加甜品/饮品，再加一个胡麻酱鸡丝冷面，今天顾客不算很多，但服务员看似很忙的，未答完我哋嘅问题已经转头走开咗！套餐嘅甜品点了芒果千层蛋糕，但来了一个看似芒果芝士饼的东西，告诉经理送错了，但他竟说：「冇错呀！是芒果呀！」我们说是千层蛋糕，但他仍坚持是这个，不想与他纠缠照食算了，但原来系一个好硬嘅慕丝蛋糕，难食！真系唔怪得香港人北上揾食，香港是成本高，价钱上不可与深圳比较，但服务态度是可以控制的，在香港从事饮食业嘅人士要想想如何令客人满意，唔系点样令自己少啲麻烦！…Read More

意外发现哩间餐厅。以为系韩菜，原来系台菜。好喜欢哩到装修，乱中有序，好多打卡位，亦可租著韩服。好特别。今日食A餐，沙律好一般，炸鸡都几脆，蕃茄免治牛饭系小时间快餐店味道，好怀旧。冻柠水无叫小甜已经自动少甜。会再黎试其他嘢食，因为环境好吸引，食物价钱合理 …Read More

🎡 系一间怀旧作主题的台湾菜餐厅，都几有特色。位置可能要揾下，因为系商场最入边。一入去你就会见到有不同怀旧装饰，及怀旧玩具售卖。但整个天花的绿叶装饰，感觉就有点over了。🥢🍽️  🍱 叹叹套餐 ($118), 包括以下3样:    🍜 海南切鸡养生虫草花白汤面 (手工幼面)        汤底甜淡; 手工面有咬口。   🐤 盐酥鸡        惊喜，香脆多汁。   🥞 招牌黑糖珍珠奶盖千层蛋糕配麻糬        质地有点儿硬，黑糖酱过甜，珍珠粉粉口感，配上麻糬馅…um…有点too much的感觉，好有罪恶感。🥘 卜卜白蚬云吞锅 ($88)白蚬大约有5粒，蚬肉不瘦; 云吞内馅份量足，胀卜卜; 仲有其他豆卜，蔬菜等，材料颇丰富。🍳🦪 九层塔蚝仔炒蛋 ($58)有惊喜。蚝仔好饱满胀卜卜，蛋火候刚好，炒得鲜嫩滑口。🧆 夜市小食拼盘 ($58)有台湾肠x1, 甜不辣x3, 盐酥鸡粒x5, 脆皮台湾肠，正！ 盐醉鸡炸得几香脆，调味都好平均，加分。🍨 啡啡雪山 Affogato ($38)其他地方见到通常都$50up, 哩个价钱所以就即刻试下！咖啡炭烧味浓。🧋 熊仔特浓奶盖珍珠奶茶 ($32)奶同茶平冲得不错，珍珠就系唔弹牙，系粉粉口感果款珍珠，唔系我个人喜好。❣️无加一…Read More

呢间台湾嘢超多选择，有面又有饭，仲有火锅！仲有刨冰、芋圆、蛋糕。不过正如标题所讲，正餐饭、面、火锅都可选择，味道不错，但甜品真的未试过可以差到咁，啲甜品简直系劣食！！！// 秘制卤牛展拼手炒葱油面 $68啲牛腱好腍，切得好厚身、啖啖肉啲面嘅质感煮得刚刚好，够弹牙。// 叹叹招牌牛肉面 $68啲牛肉又系煮得好腍，好入味、肉质松软。面质煮得同上，刚刚好，够弹牙。// 招牌铁路便当盒盐酥鸡排 $72呢个好抵食，多𩠌又有汤，仲有菜。味道就中规中矩，正常发挥嘅卤肉饭同盐酥鸡。// 招牌铁路便当卤水双拼（鸡翼&豆腐） $72卤肉饭同鸡翼都系同上，中规中矩，正常发挥唔知点解呢个会转咗碟。// 菜式铁锅汤大满足套餐 $128浓香蕃茄牛肋条汤正！满满嘅蕃茄同一大堆蔬菜，好足料。（曲）劲爆多芽菜，牛肋条就得四条。不过另外加钱套餐嘅配送份量都多，足够二至三人食。佢提供嘅酱料选择好多，系台湾火锅会见到嘅酱料。// 招牌珍珠奶茶奶盖千层蛋糕 $48救命，狗也不吃程度！ ！ ！🤮🤮🤮未食过啲忌廉系可以咁干、咁涩、咁实、咁假。明显地完全系唔知道边度食物工场买返嚟，然后摆咗好耐喺雪柜都冇人食。。。珍珠又冇味，奶盖又冇味。。。// 3.6牛乳仙草芋圆大盛 $68黐线，呢个都好离谱，完全系斋沙冰配上一旧冇味芋泥！红豆麻糬、同埋一堆珍珠、仙草、芋圆。个冰完全唔够牛乳、黑糖味！希望大家珍惜金钱同quota…Read More