喺度做乜

早排经过入嚟试下，选择都算多，lunch menu 比较抵d, 有意大利饭、意粉果d 选择。呢个系杂菌意大利饭，见到最近menu 已经改咗，但系想讲返佢哋嘅调味真系做得麻麻地食落比较淡，份量充足大份嘅，摆盘睇落都可以，但我要喺侧边加多啲芝士粉先食到🥲💪🏻🍽️…查看更多

位于尖沙咀的「喺度做乜 Whatsup cafe」，店名够晒特别，装修充满文青风格，加上合理嘅定价，的确系一个聚餐嘅好地方。朋友食素拣左牛肝菌意大利饭，一上枱就闻到浓郁菌香，意大利饭口感creamy，咬落有嚼劲又唔会太硬。我自己拣左套餐的芝士焗猪柳饭跟餐有蒜蓉包沙律同汤，蘑菇汤足料香浓，每一啖都有蘑菇粒。沙律用咗火箭菜同车厘茄，新鲜爽脆。猪柳厚切又嫩滑，面层芝士焗到金黄拉丝，茄汁炒饭底仲有粒粒杂菌。我地加咗是日蛋糕是柠檬芝士蛋糕。蛋糕清新可口，柠檬的酸味与芝士的浓郁相得益彰，真系好解腻，适合用来收尾。小食就试左扭纹薯条，即叫即炸超脆身。叫左杯桂花乌龙茶，外围洒上桂花，每一啖都透住桂花，好岩一边食一边倾。餐厅好用心做，每个餐点都系即叫即做，每一样野上枱都系热辣辣，店员又好nice服务又好好。系尖沙咀呢个价钱可以同朋友倾下计野食又好味，CP值好高。…查看更多

今日同朋友去尖沙咀剪完头发，就过嚟山林道揾食啦，见到呢间西餐门口几靓，就入去试下喇🙌🏻🙌🏻我哋叫咗两个dinne set share ，包埋餐汤沙律同埋餐包，餐汤系蘑菇汤，味道都好浓郁😋个餐包系热辣辣外脆内腍啤啤架Main 我哋叫咗菠萝鸡肉Pizza同埋巨🍤龙虾汁意粉，真系超级大份，我哋两个女仔真系食唔晒🙈，个大虾好爽口，个Pizza鸡肉同菠萝超级多呀，呢度个份量真系三个人食都得👍🏻👍🏻我哋叫咗奶茶蛋糕做甜品，好好味，份量同甜味啱啱好，唔会食完好腻🙌🏻跟餐加$18转左柚子沙冰，系限定嚟嘅钟意柚子朋友唔好错过啦💙…查看更多

好钟意同朋友嚟呢间Cafe，呢度唔止有好多款主食拣，仲有各式各样嘅甜品，今晚就过嚟享受吓甜点时光～ 🍝 肉酱芝士意粉 意粉煮得啱啱好，Al dente口感，挂满酸甜浓郁嘅番茄肉酱，再加埋融化拉丝嘅芝士——每一啖都系经典嘅满足感，芝士控必叫！跟餐仲有沙律、蒜蓉包、香菇餐汤同桂花乌龙茶，真系好抵食！ 🍗 香草蜜糖烧鸡 鸡皮烤到金黄酥脆，蜜糖嘅甜同香草嘅清香完美渗入鸡肉，切开𠮶阵肉汁慢慢流出，配埋旁边嘅西兰花同细玉米，层次感超丰富！ 🧇 红豆窝夫＋抹茶雪糕 热辣辣嘅窝夫外脆内软，铺满绵密香甜嘅红豆，上面仲有一个抹茶雪糕慢慢融化，冰火交融嘅幸福感！抹茶嘅茶香同红豆嘅甜味夹到绝，真系要大推！ 曲奇慕丝蛋糕：慕丝轻盈得嚟又滑溜，底层嘅曲奇饼碎增加口感，画碟嘅线条艺术感十足。 抹茶蛋糕：抹茶味浓郁得嚟唔会苦，最惊喜系洒满五彩缤纷嘅玉米片，脆脆哋令成个蛋糕更有趣！ 草莓柠檬蛋糕：酸甜清爽，梅花树画碟靓到唔舍得食，柠檬香气令味蕾即刻清新晒～ 由咸食到甜点，每一道都感受到厨师嘅心思，尤其系甜品组合充满创意，真系令人食得好开心！…查看更多

食开一两年，一向都唔错，尤其钟意佢个蘑菇汤不过近呢几个月汤越来越淡，果汁都系喇沙啲海鲜由颇为新鲜变雪藏咗唔知几多年嘅味道，焗嘢整好晒，摆喺楼下垃圾桶隔离都唔上菜两杯冻饮，得一支饮管坐楼上嘅话，要自己行落去落单攞menu，自己行落去攞餐具攞碗。。。同自助式嘅餐厅冇分别仲有加咗部电视劲嘈劲光，同朋友都倾唔到偈，又唔俾熄一阵，话其他人包场想睇咁其他人又唔坐埋去慢慢睇 ==“ 包场我哋又入到去食？唔知咩 logic。。。问佢攞小食Menu，拣完就系今日冇小食。。。上错咗三次drink无奈到。。。真系如餐厅个名一样 “喺度做乜？”已不复当年拉匀评分畀面当OK。。。…查看更多