喫茶ちょうぼ

营业中

休息中

朋友相約飲下午茶，選了k11這間環境裝修舒服日式餐廳，店舖內員工服務都很好。可惜飲品味道真的十分之差，原本想吃甜品，但因為飲品味道令我們不敢再加單。叫了一杯蜜瓜梳打，味道假，藥水味，甜道太高，難以入口。唯獨飲品頂頭的那小塊忌廉比較可口。朋友叫了一杯strawberry latte. 她飲第一口，說超苦…完全無士多啤梨味。看著兩杯飲品賣相，不能理解為什麼可以難飲到這個地步…可能我們太好運，叫了全店最難飲嘅兩款飲品…真的不敢再光顧。

IGable 的日西美店～美食加美環境！🍝明太子蛋包意粉超大滑蛋包上放上新鮮的三文魚䰵，底層墊上厚厚的明太子忌廉意粉；超多明太子混合忌廉汁，完全包裹著所有意粉，入口帶一點點明太子鹹香，超滿足；在意粉上放上滑蛋，味道更添層次。🍱鰻魚飯上的鰻魚整條放上，中間墊了厚玉子，加上鰻魚汁，整個日式風味帶出來。

係K11 Art Mall 有間Cafe 環境好舒服，食物飲品賣相都唔錯就去試下啦！仲有新年菜色🧧趁拜完年去試試先💖💓麻婆豆腐和牛蛋包飯 第一次食麻婆豆腐蛋包飯，即場切開蛋皮，嫩滑嘅蛋液就流晒出嚟，麻婆豆腐都煮得相當之地道，夠麻夠辣，到喺蛋包飯上面一齊食，好快就分哂。💓跨年稻荷腐皮紅白年糕烏冬 烏冬爽口彈牙，紅白年糕有鮮味，而且湯頭濃郁，加埋腐皮就好合拍。 💓金蛇賀歲寶箱盛合 有黑豆，蓮藕，紅白魚板，海老，惠芳卷同埋炸雞，每一款食物都有獨特嘅寓意，好食之餘亦都收到對新一年嘅的祝福。💓鯛魚燒紅豆吐司盛盒 相當吸晴嘅擺盤，有布甸同埋多士，仲有兩條紅豆魚仔，成個味道好豐富。💓寒冬甘栗咖啡 用左大量甘栗，少左咖啡苦澀，奶味好香，味道好平衡。💓幸福綻放花環拿鐵飲落有絲絲士多啤梨的香甜，而且造型好吸引！

臨近新年唔同餐廳都推出充分節慶氣氛嘅新春menu。呢間喺K11嘅日式cafe都唔例外，推出咗幾款過年限定餐品。金蛇賀歲寶箱盛合 $92賀歲盛合入面有6種食物，每款都有佢嘅新年含意，非常好意頭。好似黑豆寓意除厄運；蓮藕寄語新一年前途一片光明；紅白魚板代表冇病冇痛；蝦就解作長壽；炸雞就係財運滾滾；而惠方卷因為用上7種食材就象徵七福神。麻婆豆腐和牛蛋包飯 $145嚟得呢到當然要食佢哋嘅蛋包飯，揀咗新出嘅麻婆豆腐口味，豆腐麻中帶辣好惹味，肉碎係用和牛做，加埋嫩滑炒蛋同茄汁底炒飯，食到停唔到口。跨年稻荷腐皮紅白年糕烏冬 $85稻荷烏冬除咗有大大塊軟熟腐皮，仲有紅白年糕，烏冬煙韌彈牙。鯛魚燒紅豆吐司盛盒 $122甜品盛合有鯛魚燒、紅豆吐司同q彈軟滑嘅布甸，夠晒豐富。吐司香脆鬆軟，配埋香甜紅豆蓉，非常滿足。寒冬甘栗咖啡 $68咖啡入面有栗子蓉同原粒栗子，栗子香得嚟唔會太甜，好有秋冬氣息。二番甜薯牛乳 $58朋友叫咗杯甜薯牛乳，紫薯味好香，奶味都好濃，紫色加上白色勁夢幻。我哋食完先發現原來只要叫「招福開運惠方卷」一客同follow餐廳(choubo_kissaten) instagram ，就可以參

同朋友一早book左呢間餐廳，去到其實係冇留位，只不過咁啱有邊枱埋單就安排，不過冇遲俾枱，都ok嘅，如果冇book就要排隊了。青口一上枱，個女待應一擺青口落枱果陣，連埋個空碟一齊放落黎，佢只係用手指指咗一下碟青口，再指咗一下個空碟😅😅一句聲都冇出，定係我誤會咗？佢真係唔方便講野？青口麻麻地，個汁睇落好濃，但其實就完啲青口沾上醬汁，啲青口都係冇乜味嘅😂😂軟殼蟹意粉係ok嘅，好creamy。個蛋包飯我仲未見到本身係咩樣，同一位女待應就一野𠝹開咗了😅啲梳打飲品勁hea, 一啲有色糖漿再加梳打水，完全唔值加埋一$50幾一杯😂😂😂😂好伏，當日沙冰機又壞咗…

全部木無表情，黑口黑面。切開個蛋包飯的女侍應極度求其，叫埋單又冇反應，比完錢一粒聲都冇，多謝都唔講聲。全程所有侍應零交流，零笑容，當刻淨係想快啲食完快啲走，成間餐廳的服務員令到成個氣氛十分差。絕對唔會再返轉頭。食物極度普通。

朋友話想試下 平時好多人排隊 所以就上網訂枱試下佢 結果係強差人意明太子奶油鮮蝦蛋包飯 一上嘅時候佢分開咗個明太子醬同個蛋包飯 問都唔問聲一野𠝹開個蛋一下倒哂成個醬落個飯度 我都未反應得切 相又未影 已經得返個結果 其實 真係咁趕咩？點解唔問下人想倒幾多醬 一係你就一上碟係咁 無謂分開個醬啦 好聽啲係好貼心咁幫你切埋同倒醬 但喺客人角度 完全覺得你分開個醬同飯係多此一舉 一係你就問下人駛唔駛自己嚟啲醬多到浸濕哂個飯 得個䶢字 係有明太字嘅味道 但本身明太子已經有䶢味無須再加咁多鹽吧！！！ 真係䶢到唔想再食多啖 實在太多醬 。。。唯一可讚係個蛋仲係保持嫩滑 蝦嘅份量亦好夠酥炸軟殼蟹塔塔醬漢堡整體係合格嘅 但無驚喜 完全係能憑名稱想像味道 軟殼蟹算係酥脆 個包皮亦做到外脆內軟 醬嘅份量亦適中 的確好過個飯好多 但唔稱得上好味夏水海洋梳打成杯嘢唔知飲緊啲咩 好似分離咗嘅梳打加糖醬 好難飲熱美式咖啡好彩喱杯齋啡中和下個蛋白飯䶢味 好味實在稱唔上 就係普通一杯普通齋啡而已整體嚟講 都唔需要幫襯 朋友話平時好多人排隊 我就話唔排隊都唔駛光顧 至少今餐所有嘢都唔會想令人再次點

第三次幫襯呢間舖頭，第一、第二次因為係一個人嚟，所以被安排坐喺餐廳最後面對着商場牆身嘅座位，不但要同一大班人搭枱，又冇得享受餐廳內嘅靚裝修，不過呢啲都算，始終食物味道算唔錯，所以值得我帶朋友過嚟。.但呢次真係不吐不快！今次嚟嗰陣，樓面總共有四人，四人都比較後生。一嚟我問職員，我坐緊嘅位係咪唔會有其他人過嚟搭枱？我旁邊嘅女職員答我唔會之後，就當住我同朋友嘅面同佢嘅拍檔復述一次我講嘅嘢，但講嘢嘅態度一般。.接下來我同我嘅朋友都因為落單而接觸過呢四位侍應，除咗一個黑頭髮嘅男侍應之外，其餘三個侍應嘅態度比較麻麻，意思係你會感覺到佢哋無論係說話嘅語氣、動作都顯得唔係有用心去serve客，例如有位女侍應將我嘅飲品放咗喺我朋友個位之後就走咗，事前問都唔問，佢放低嗰一刻我即刻話係我嘅，但最終佢都係走咗。好難想像一間喺K11嘅餐廳，職員嘅服務質素竟然咁參差。.不過公平咁講，前兩次我嚟嘅時候絕對唔係咁，如果唔係我今次一定唔會再嚟，所以呢啲都要睇運氣，睇吓好唔好彩遇到一班態度比較好嘅侍應。

一年一度聖誕節又到，又係同朋友聚會食大餐嘅時候，呢度裝修昭和復古風，木傢俬感覺溫暖，今日就同朋友嚟食日式洋食，聖誕開心打卡。初雪芝士蛋包飯 $145芝士汁淋上蛋上，就像蓋上一層初雪。鎅開煎蛋，半熟蛋完美包裹飯同漢堡扒。芝士汁帶少少酸忌廉，味道不會很膩。漢堡扒超厚，有一寸厚，牛肉口感鬆軟，入面有洋蔥粒，好惹味。個飯好夠份量，好滿足。味噌奶油茄子煙肉意粉 $105呢個意粉好有驚喜。首先啲煙肉係炸到香脆，肥膏部份有入口即溶嘅感覺，鹹香十足，每條意粉都均勻沾上味噌奶油，creamy，加上燒茄子好香。烤焗味噌奶油杏鮑菇 $38 味噌味道突出，配合淡口杏鮑菇 ，很配合。醇厚清酒煮雙貝鍋配香草薯條 $185藍青口加上大蜆配上醇厚清酒醬汁加上少少黑椒，真係好鮮甜。香脆薯條無論蘸茄汁還是清酒醬汁同樣滋味。和栗栗子布甸喫茶盛盒 $123打卡一流，手機食先，充滿冬天嘅感覺。栗子蓉香滑，栗子粉糯香甜，蛋糕鬆軟，布甸嫩滑，忌廉重奶香，白玉充滿米香，呢個甜品口感實在太豐富。寒冬甘栗咖啡 $68凍冰冰咖啡加上香甜栗子蓉，朋友很喜歡。焙茶牛乳 $45焙茶香氣突出，加上香滑牛乳，好好飲。

從沒想過K11 有這麼的一家喫茶店，裝潢真日系風格~ 真的令你置身日本似的~無論燈光及座位都相當有格調的一家店適逢秋天~ 蟹蟹蟹的季節又到了~ 所以今次同友人點了以下餐點~1/ 秋夕山梨桃刨冰 HK$68 送飲品 蜜瓜梳打2/ 黃咖哩白露蟹肉蛋包飯 HK$1653/ 棉花糖朱古力多士 HK$761/ 秋夕山梨桃刨冰 HK$68 送飲品 蜜瓜梳打這個刨冰採用了有「日本水蜜桃之鄉」美譽之山梨桃 ，桃味不算特甜的那種~ 桃肉果汁含量多，入口有融化感。冰粒方面顆粒感重，個人喜歡可以再幼細一點點的冰但總括來說都不錯~ 淋上冰上的桃汁可以多一點點就好了~ 因為吃到一半~ 就是沒汁只有冰 (笑)蜜瓜梳打~ 就是一般喫茶店的出品~ 但不知道為何沉在底的那份糖漿總之攪拌不能~2/ 黃咖哩白露蟹肉蛋包飯 HK$165這個絕對推介~ 首先份量方面，真的超大份~ 蟹肉份量都算多~蛋包飯的部份亦做得相當出色一切下去~ 是微微流心~ 但不是全熟的那種~ 味道不錯~ 還有碟邊的沙律菜都相當新鮮黃咖哩與這個蛋包飯味道相當之夾~ 三文魚子亦是新鮮~ 並沒有覺得是腥的感覺~味道份量全都好好~ 真的100分!!!3/ 棉花

在這次的美食探險中，我有幸品嚐到幾道令人驚艷的菜式，首先是和牛漢堡。這款漢堡的肉質鮮嫩，油脂分佈均勻，咬下去瞬間釋放出濃郁的肉香，搭配新鮮生菜和特製醬汁，每一口都讓人陶醉。漢堡的包子外皮鬆軟，恰到好處，完美包裹著內餡。接著是泡菜肉醬意粉，這道菜的風味獨特，肉醬香氣撲鼻，泡菜的酸辣恰到好處，為意粉增添了層次感。意粉煮得恰到好處，口感滑順，與肉醬的結合讓人忍不住多吃幾口，回味無窮。餐後，我選擇了草莓沙冰和季節限定的日本柿沙冰。草莓沙冰清新可口，甜而不膩，十分解渴。而日本柿沙冰則帶來了不同的風味，柿子的天然甜味與細膩口感，讓我感受到秋天的氣息，令人心情愉悅。餐廳的環境整體十分舒適，適合聚會或約會。不過，稍微有些嘈吵，可能是因為顧客較多，影響了用餐的氛圍。總的來說，這是一個值得一試的地方，菜品的品質讓人印象深刻，期待下次再來探索更多美味！

平日行K11, 諗住食餐下午茶, 見到依間裝修設計同埋幾新淨吸引到入去，點知….. 🤣🤣🤣初初入去有個哥哥仔叫我哋坐低，咁坐低後就已經冇人再Serv呀，跟住嗌同一個哥哥仔有冇tea set, 但佢好似唔知咁，咁我都冇怪佢，可能佢炒散或者新做掛，跟住都俾到個下午茶Menu我哋，之後咁睇啱就叫啦，咁開始就冇人應，見到咗一個應該經理嘅反方向行咗去，咁佢去到第四時間先過嚟時，我哋已經少少怒氣下離開了😂😂 但果日係平日，其實餐廳得一成人，我都唔知佢哋忙啲咩…

餐廳環境走和式昭和風格最近秋冬出咗以蟹🦀為主題嘅美食每款都超多蟹肉🤩如果鍾意食蟹真係唔可以錯過呀既打卡又好食 難怪經常大排長龍盛宴蟹黃鱈魚蟹肉意沙粉用上闊意粉，口感Q彈，掛醬度高，而且蟹黃鱈魚味濃。啖啖都食到鮮甜嘅蟹肉。焦糖洋鳥取和牛漢堡配薯條和牛漢堡厚厚的，肉質細軟，入口即溶，配上甜甜地嘅醬汁好正，粗薯條外脆內軟。和風北海道松茶蟹肉沙律面層超多蟹肉，中層有薯蓉，底層係沙律🥗菜。沙律清新爽口，蟹肉鮮嫩。金時甜薯焦糖布甸盛合布甸🍮蛋味濃，而且入口順滑細膩，仲配有焦糖紫薯，秋冬味濃，好打卡呀。二蕃甜薯牛乳揀左凍飲，口感綿密滑順，甜薯香甜可口。焙茶牛乳牛乳滑順，焙茶唔會好苦澀。

每次經過都想入去嘅𝓬𝓪𝓯𝓮（^o^）店面充滿日系復古風 配上木系餐桌 處處打卡位本以為走偶像派路線 點知食物都有水準 ´∇`𝑴𝒆𝒏𝒖不定期更新 秋日蟹季亦有多款限定菜式雖然無叫招牌蛋包飯 但其他主食都足以證明水準.✿ 和風北海道松葉蟹肉沙律 $82.✿ 盛宴蟹黃鱈魚蟹肉意粉 $145意粉集合蟹肉蟹黃蟹籽 果然係蟹味盛宴 超滿足.✿ 焦糖洋蔥鳥取和牛漢堡配薯條 $115和牛漢堡勁厚身 牛味香濃 肉質鬆軟 頗有驚喜！.✿ 甜品｜金時甜薯焦糖布甸盛合 $122✿ 特飲｜秋茗柿橘沙冰 $68｜二蕃甜薯牛乳 $58甜品飲品賣相吸晴(◕ᴗ◕✿)蕃薯甜柿系列秋意濃濃必點日式布甸 香滑有蛋香 擺盤都好加分啊～

同朋友黎到尖沙咀K11食lunch，日式洋食屋「喫茶ちょうぼ」。踏入秋季佢哋都推出左一系列嗰秋季限定菜式。食左當中幾款秋季限定新菜式，食物味道依然令人滿意。當中有秋季當造嘅各款蟹肉料理，好吸引！前菜先有和風北海道松葉蟹肉沙律。呢個沙律已經好出色！入面有慷慨嘅松葉蟹肉，鮮甜無比！配搭新鮮沙律菜同日式薯仔沙律。薯仔沙律好好味！好香口，薯仔口感亦好綿滑！主菜點左個盛宴蟹黃鱈場蟹肉意粉。呢個蟹肉意粉真係好好味！唔單止有好多蟹肉同蟹子，佢個蟹黃意粉sauce都好creamy，而且好重蟹黃鮮，每條意粉都掛滿蟹肉蟹子同蟹黃醬，大滿足！另一款主菜係焦糖洋蔥鳥取和牛漢堡配薯條。漢堡配料都好簡單，焦糖洋蔥、厚身和牛漢堡扒同芝士。但係嗰塊和牛漢堡好juicy亦好重牛味！焦糖洋蔥好加分！個麵包都烘得好脆，唔錯！甜品係秋季限定嘅金時甜薯焦糖布甸盛合。賣相好靚，充滿秋日氛圍！除左主角焦糖布甸之外，仲有燒甜薯同新鮮柿作配搭，蕃薯表面係脆脆嘅焦糖面，甜薯本身已經好甜同好綿！柿果肉好軟好清甜。焦糖布甸夠滑溜有雲呢拿香同淡淡蛋香。呢度嘅特色飲品選擇亦好多！秋季限定嘅秋茗柿橘沙冰。飲得出係用新鮮柿打出黎嘅沙冰，好天然好清甜