喜茶 (時代廣場)

营业中

休息中

一杯茶味雪糕加個牌子要收$40以上都太易本身諗住睇下飲乜，點知見到佢有港式奶茶味軟雪糕，正價只賣$9 ，平到唔信要去問收銀是咪價錢黎… 我們手上呢支係細，$9 支。話就話細杯但份量都唔細，口痕怕飽恩物。以為平雪糕只有凍同甜味就錯曬，因為佢茶味非常重，食完口會「下」出少少茶味，當然唔會係飛上天水平亦唔會特別掛住，但永遠都係睇勝價比嘅姐，呢個價錢太有人性喇！

喜茶今日見冇人，於是去試吓喜茶，我叫左金鳳茶王。我之前飲過深圳喜茶，覺得茶味比較濃，比我嘅感覺係唔錯。相反喺香港叫咗金鳳茶王，覺得佢哋茶味不足，相比之下香港較為輸蝕。如果俾我在選擇的話我會走到深圳飲喜茶。

係深圳飲過一次喜茶既芝芝桃桃，真係好正！但係香港開左之後，次次經過都見到勁誇張超級多人等，估計起碼等個幾鐘，我絕對唔會為左一杯野飲等咁奈。不過有次平日下晝三點幾經過，竟然冇人咁滯即刻買返杯黎飲，冇芝芝桃桃，唯有飲芝芝莓莓，都ok好飲，但同之前飲過既芝芝桃桃仲有一段距離，又唔係平，所以唔值得排好奈隊

其實一開始都冇諗住要飲， 但咁啱經過有冇乜嘢做就買。 之前喺大陸都試過飲， 其實都係覺得一般般。 對佢嘅期望都唔係特別大， 但見咁多人飲又得閒就試下啦。 嗰日星期六，排隊排咗半個鐘， 其實對喜茶嚟講唔係好耐， 又可以一路行一路等。 最後我哋過咗50張飛， 再去拎嘢飲都冇問題。 服務可以算係幾好。 我哋嗌咗芝芝莓莓，一開始飲落去勁大陣藥水味，但後尾都買啲奶蓋飲就ok。 佢啲奶蓋真係好好味， 但係果汁方便就可以再改進啦。 一杯勁大杯其實飲唔曬， 所以最後飲咗半就揼咗。

🍵第一次飲Heytea，就係銅鑼灣times square呢間，👨‍👨‍👧‍👧最heat既日子過左，條隊都唔算長💁🏽。🔸叫左杯多肉莓莓🍓🍓，其實就係士多啤梨🍓芝士🧀奶蓋🍼。係個奶蓋幾有芝士味🧀，好厚，不過好膩。個果茶有啲啲咁多多既果肉同一堆好似蒟蒻🍡，又好似珍珠既東西。🔸個人覺得嘢飲係應該甜既，加左個鹹既芝士奶蓋好奇怪，飲到最後剩翻個層奶蓋真係膩到喊。一杯49係可一不可再。

眼見而家唔太多人排隊，就買左杯芝芝莓莓試，（$47）味道唔錯，芝味奶蓋唔會太濃搶過果汁味道，而士多啤梨味亦夠，好多果肉，雖然我覺得偏貴左些少，但都值得一試，係幾好飲。

喜茶人人皆知，好多人都會上深圳排個幾鐘飲呢杯茶，當喜茶開到黎香港，本以為會延續排隊熱潮，但開業幾個月後，果然熱度大大降低，平均等半小時都會有得飲。今次飲的是芝士四季春，不同茶底異於大陸，在香港是賣一樣價錢的。四季春是一款特別的烏龍茶，茶底是一貫的水準，但是甜度有不一致的情況，幾次似少少少糖，甜味都不一樣。如果不甜，味道會大大減少，今次的甜度太低了，下次為了playsafe及容許香港店的偏差，唯有叫少少糖會較穩妥。

見到呢個人仔就知係喜茶，雖然喜茶已經開咗一段時間，但人數都不減喜茶還提供雪糕(已經唔止係飲品店咁簡單了)雪糕仲有MINI 芒芒雪糕(清新果香四溢)同MINI波波正糕(絲滑茶香正雪糕)仲有喜茶推介純鮮牛乳配進口錫蘭紅茶而且位置方法，電梯位置旁便可看到現在可以用手機落單，用WECHAT比錢，十分方便待收到手機程式提醒才回去取就可以了。因為很多人用手機下單的關係，所以等侯飲品的時間比較耐一點。金鳳芝士奶蓋水準仍是很好，芝士很好喝，質感綿密濃稠，不會咸不會太重味，味道帶少少咸又香既忌廉芝士味，而茶味配合得宜茶香濃郁

大家假期愉快喔 🎉🎉 ！對的，我和男友又喝喜茶啦😍😍！雖然還沒有試過內地的喜茶，但是自從香港開設了分店後，我們就已經喝過幾次啦！♔♔♔♔♔今次試下有不少朋友推介的「多肉葡萄🍇」。每次問朋友說哪一個飲品是最好喝的，大家都異口同聲的回答是「多肉葡萄」ᴴᴷ$49 ！那麼就試試吧！芝士口味我是每一次都一定要點的，先喝一口芝士，非常濃郁、口感十分棉滑扎實，無得輸；再喝一口紫色的葡萄汁，我點的是非沙冰，不會冰到胃不舒服，少少甜，還有海量🍇肉👍🏻👍🏻 ，果真對得住「多肉」的名字。我是非常推介的！♔♔♔♔♔💁🏻‍♂️男友就點了跟上一次喝過的一樣的滿杯橙🍊ᴴᴷ$39。他是比較專一啦！😂 我試了一口，感覺就是比較清新refreshing，是沒有我那杯的芝士般邪惡😈。不過.......我還是喜歡芝士口味的喜茶飲品❤️😝，是他家的特色嘛！不能錯過！♔♔♔♔♔我是十分推介用他家的app下單的，只要加visa進wechat就可以啦，非常方便，不用在🚪等了又等變長頸鹿🦒😂😂 （利申：沒有收他家的廣告費的，真心記得好用🤣🤣）。

賣芝士奶蓋茶賣個滿堂紅的喜茶，終於登陸香港，不用再上深圳才能一嚐喜茶的滋味；選址還要是銅鑼灣時代廣場，非常便利！由於分店不設座位，主打快速外賣，所以新設了手機APP「HEYTEA GO」。只需預先利用手機APP下單，便可以隨時透過手機APP查看進度，當製作完成APP更會通知取單。手機下單省卻了排隊等候的時間，方便快捷，絕對值得一試！香港分店的限定港式奶茶雪糕。推出了Mini樽裝喜茶，造型小巧可愛，最適合與朋友開心share!多肉莓莓 ($49)除了上面鋪上厚厚的芝士奶蓋，還有脆波波及莓莓果肉，非常足料。喝的時候時啖啖充滿果肉，香甜清新，口感非常豐富。

平時番開大陸飲喜茶，今日居然經過見到間，就忍唔住叫杯芋泥！嘩但一賣單要39$⋯覺得有啲貴⋯係香港飲好似唔太抵，仲貴過一般果啲⋯味道就當然係好飲，芋泥都好細，但都係覺得番大陸會抵好多囉⋯🤭

芋泥波波滿心期待會同深圳嘅質素一樣，點知令我好失望！芋泥冇深圳咁多，呢到嘅只係好少，得個杯嘅邊邊有，睇落去好似好多，其實好稀，啲奶味又怪怪地咁，但又賣成$39，其實真係唔值呢個價囉！ 好彩都唔係排左好耐，都冇咁嬲！

拖咗好耐無岀呢杯係佢喺timesquare 開咗一兩星期我去飲嘅芝芝芒芒之後來來回回起碼再飲多兩三杯真係好飲原因係佢真係有芒果肉係入面同埋無論你擺幾耐 佢都係同一個味 唔會話啲冰溶哂無味（佢係連埋啲冰一齊blend, 所以整杯都無冰粒）超碼好過啲珍珠奶茶 飲哂之後半杯都係冰喜茶無呢個問題尤其佢真係真材實料 所以就算佢好貴 都抵過飲嗰啲黑糖珍珠奶茶P.S. 我本身真係唔覺得喜茶好飲 喺大陸中咗三四次伏 喺香港第一次叫咗呢個先明白點解啲人話好飲 至今我依然認為 有幾隻味真係大伏嚟 包括個抹茶oreo 同番梘味嘅水果茶

今次終於有wechat pay買喜茶！就快食完晏果時坐定定落單，15分鐘有得拎🥳個人覺得Times比Hysan出野飲快啲🤔 所以今次專登兜去時代拎（雖然2間都好近）。翠玉抹茶 （$38）上次飲金鳳茶王，今次就試一試佢嘅抹茶💚不負所望！真係好飲 😍為左避開芝士奶蓋結粒，我叫左走冰，少少糖。芝士奶蓋依舊咁出色，水準穩定，口感豐富。跟據經驗，今次冇同佢慳住飲，一野大大啖飲左層芝士奶蓋先。成口都係綿綿嘅芝士foam，大滿足🥳加上我最愛嘅抹茶🍵，抹茶味濃得黎有奶香，但奶味又冇Starbucks matcha latte咁重，平衡得好好💚💚下次再試新野先

喜愛飲茶👏🏻今日放工去銅鑼灣 醒起呢間店推出手機落單 減少排隊時間 所以一心諗住去望下 順手下載個app落單 點不知！居然七點幾既時間無乜人排隊 拿拿臨去counter比錢買😂要左杯金鳯茶王加芝士同多肉葡萄🍇等左只有十分鐘 全城最快 飲金鳳茶王永遠都唔會失望 是烏龍茶中的一種 茶味非常濃 淡淡的回甘 茶的余香都很強🥤