喜滿樓菜館

营业中

休息中

喜滿樓菜館是土瓜灣的小菜館，走平實的路線，推行少鹽少油的健康飲食，店員熱情有禮，而且頗具人情味，因此深受街坊歡迎！例湯 - 青木瓜甘筍南北杏煲唐排清甜的靚湯，入口順滑，喝後不會感到口渴，證明冇落味精，抵讚！午餐 - 魚香茄子肉鬆 $58上菜ja ja聲，熱辣辣又香噴噴！茄子保留了亮麗的紫色，配以大量肉碎，咸香味濃而且超級惹味，最起碼可以食到兩碗飯！喜滿小炒王 $88内含韭菜、韭黃、蝦乾、腰果、魷魚、菜脯、豆腐等，超級足料而且極具鑊氣，佐酒一流！避風塘鮮魷 $98見到啲炸蒜同埋乾辣椒，已經令人食指大動！魷魚的粉漿薄而脆，魷魚炸至僅熟，一啲都唔靭，仲好鮮味！餐飲 - 凍檸茶可樂 $10

喜滿樓菜館多謝正苦, 今日又只能外賣外賣食得多都唔知食咩好, 甘岩去開附近想起有朋友話之前食過喜滿樓，覺得唔錯值得再去食。新加坡酸辣炒蝦一定係是開胃的菜式酸辣汁帶來的酸酸甜甜味道好惹味都幾入味, 大蝦份量都幾多配上蛋花好正, 非常足料 而且食落有小時候既感覺喜滿炸子雞好香好脆皮薄而不油, 而且雞肉超嫩滑用上等雞種，加上皮薄肉質鮮嫩有雞味，有層次口感配上芝麻醬食落有另一番風味老板好人仲坐喺度傾計介紹不同菜式！而且佢地唔係用膠盒做外賣盒反而不計成本用錫箔盒, 好明顯係用心既餐廳菜單都幾有創意，下次再試

呢排疫情好多時我都轉咗外賣返屋企食因為住喺土瓜灣附近呢間餐廳我已經食咗好多次因為鍾意佢少鹽少油外賣仲可以錫紙包裝唔使食發泡膠盒最近推出48蚊小菜外賣簡直係好吸引👍其實之前都試過堂食 因為餐廳都幾乾淨啱曬鍾意食懷舊小菜嘅人.✅叉燒炒蛋叉燒好淋蛋好滑仲放咗少少韭黃少油唔過底 健康之選✅魚香茄子肉碎肉碎好香鹹魚味番嚟唔係淋bet bet茄子非常好食 好惹味送飯一流✅咸魚煎肉餅鹹魚香肉餅再煎外層真係脆卜卜就算拎返屋企都仲係好夠火候鹹魚配肉餅 本身就啱曬餸飯好有媽咪嘅感覺✅蜜椒薯仔牛柳粒呢個推薦真係勁好食啲蜜汁喺牛柳同薯仔出面仲炸到脆撲撲雖然賣相唔靚但係絕對係100分✅沙拉豬扒豬扒其實好淋好鬆軟不過我唔算好鍾意呢一個沙律醬我老公就話好好味.總括嚟講真係好鍾意呢間餐廳有小時候嘅感覺碟頭大味道好最緊要係價錢好抵如果住喺附近建議一試.🎀喜滿樓菜館🎀土瓜灣安徽街2號地舖

如果不是疫情，我也未必注意到原來土瓜環那麼多出色性價比又高的餐廳，比如這家門面未算很吸引，但滿有內涵，ＣＰ值還滿高的。門面最吸引的莫過於那塊數十元的餐牌，由最便宜＄４８就有一道簡單小菜晚餐，到最出色的創意撚手小菜都是百多元，非常便宜。餐牌選擇超多，款款都吸引，實在令人眼花繚亂，完全不知選那一款好食物：合掌瓜甘筍南北杏煲唐排湯每點一份小菜都會送一個湯，今天的是甘甜的合掌瓜甘筍＋唐排湯，即使煮過瓜跟甘荀還是很甜芝麻雞 半隻$158ＳＩＺＥ中等的半隻雞，加上密密麻麻的芝麻，拿回家翻熱後仍舊超爽脆，而且每一口都充滿芝麻香氣，比炸子雞更多元好吃！不過不宜用微波加熱，電飯煲或焗爐翻熱反而不錯。招牌欖角骨 $88別看少這裡的札欖角骨，看似不多，但因為只有一條大骨，所以肉量也不少！欖角配蒸魚或許是絕配，但原來配排骨也能提升甜味，層次感更升一重，用微波翻熱一下不影響口感味道喜滿小炒王 $88滿滿的一盤小炒王，除了韭菜外，還有魷魚，菜甫，腰果，方型豆乾，肉絲，跟平日吃的小炒王比，鑊氣十足，這份還更豐富一些！微波翻熱吃當然沒問題

今日響附近睇樓盤，所以睇下有咩地道野食，了解下附近居民平時會食d 咩，竟然被我發現有間好抵食既小菜😋😋🌟 豉油王蝦 ($98)炒得好香，食落惹味，有好香既豉油味，亦唔會太咸，蝦肉新鮮👍🏻👍🏻廚師將蝦切開一半，令蝦肉好入味👍🏻👍🏻🌟 椒鹽鮮魷 （$98）魷魚🦑好鮮甜，味道調得好好，即叫即炸，粉漿唔會太厚，炸得好香口，外脆內軟😋😋🌟 濃湯金銀蛋浸豆苗 （$88）豆苗翠綠，好新鮮，湯底濃郁，唔會好咸，味道岩岩好，而且有好香既咸香味，必點😋😋🌟 蜜椒薯角牛柳粒 （$88）薯仔，牛柳粒走油再用上蜜糖同黑椒炒，好惹味，好有穫氣，調味調得岩岩好，薯仔爽脆，牛柳粒肉質軟熟，新鮮，牛味香濃😋😋

-呢排喺屋企食晚飯 阿媽做多咗家務同煮食 今晩一於外賣自取住家餸 餐廳好細心 剪起外賣盒角 既保持食物溫度 又防止倒汗水影響食物嘅味道同賣相-🐓#芝麻鷄 $178半隻有勁多芝麻鋪喺雞件上面 雖然唔係現炸現食 喺屋企仲食到雞皮嘅脆同芝麻嘅香口 點啲浙醋或者芝麻醬食 風味各有不同-🧆#家鄉咸魚煎肉餅 $98有八至九件煎肉餅 夾起食好方便 肉質厚實 帶鹹魚鹹香 餸飯一流-🐂#蜜椒薯角牛柳粒 $88薯仔粒🥔多過牛柳粒 食嘅時候似玩尋寶遊戲 喺膠碗中摷吓😅 蜜椒味道唔錯 牛柳粒有啲實-📍#喜滿樓菜館土瓜灣安徽街2號地舖

廣東菜的菜式繁多，用料廣泛，烹調方法和調味亦十分講究，菜式更會隨著季節時令而作出變化。除此之外，鑊氣和火喉更是不可或缺的一環。這家喜滿樓菜館位於土瓜灣的舊區，小店雖小，但各式各樣的家庭小菜，甚至懷舊菜式都一應俱全，全部都以少油少鹽的健康方法製作，所以成為不少附近街坊的食堂。老火湯（免費）👍👍👍👍老火湯是廣東人至愛，一碗火喉十足的老火湯，味道鮮甜又滋養。蜜椒脆鱔球（HK$138)👍👍👍👍👍起了骨的白鱔啖啖肉，爽口彈牙的脆鱔球加入了蜜糖，令表面產生少許焦糖化，口感外脆內肥美，啖啖蜜糖的甜味和白鱔的鮮味在口腔內混和，滋味十足。椒鹽鮮魷（HK$98)👍👍👍👍👍喜歡吃香口惹味的朋友，一定不要錯過這碟大排檔經典名菜 - 椒鹽鮮魷！魷魚沾上薄薄的脆漿炸至金黃鬆脆，加入椒鹽、炸蒜等惹味調味，香、酥、鮮、脆、集一身，佐酒或餸飯同様合適。喜滿小炒王（HK$88)👍👍👍👍各家的小炒王材料都有少少不同，這裡的小炒王加入了韮菜花、紅燒豆腐粒、叉燒、蝦亁、腰果等等。這碟小炒王鑊氣十足，材料豐富，色香味俱全。門面餐牌

這間名字傳統的中菜館不但在午市和晚市有中菜可吃，早上更供應港式早餐，主要的顧客對象絕對是區內街坊。不過這一天，我就來到這家中菜館試了它的兩道招牌菜。這菜館有一個美食熱賣排行榜，當中排第一的，是這兒重點推介的招牌「芝麻雞」（$178/半隻），當然要試試。這需要在早一天前預訂的「芝麻雞」，雞皮上滿佈著密密麻麻的白芝麻，散發著令人食欲大增的香氣，夾一件吃，雞皮既薄且脆，水準不錯，雞肉雖還可再滑些，可也並不粗嚡。這雞其實已經夠味，不過如果想味道再濃些的話，也可蘸點菜館自家調配的秘製芝麻醬，增加食味。另一道美食熱賣排行榜上有名的菜式，是「蜜椒脆鱔球」（$138）。這份量不少的推介菜式，鱔肉彈牙香脆，蜜椒味道香甜，我與太太都覺得滿意。兩道招牌菜，兩大碗白飯，兩碗沒下味精，味道自然的例湯「青木瓜甘筍南北杏煲唐排」，兩杯少甜的「凍檸茶」，就是這天的簡單午餐。

避風塘鮮魷🦑$98我同老友兩個男人，都鍾意食小炒😛避風塘鮮魷幾乎去邊度都會點嚟食🤣響餐牌見到，當然要一試啦😌魷魚爽口彈牙，食落肉質結實😍外層酥脆，口感豐富，真係必食之選🥰風沙蒜香骨🐷$88蒜香骨的確好惹味😚半煎炸得嚟唔會好油膩😇夠曬好乾身，食落口外脆內軟😉乾炒牛河😚$42 (下午茶)另一款，我同老友必食嘅食物🥸鑊氣十足，上菜嗰陣，隔住口罩都聞到😏牛肉唔少，整體份量都幾多🤤下午茶仲包熱飲☕️實在太邪惡，但我鍾意😈菠蘿咕嚕肉😛$58(午市價)鑊氣夠，最緊要粉唔厚😛肉質嫩滑，而且肥瘦適中🤗配合酸酸甜甜嘅醬汁，非常開胃😏套餐包埋老火湯同飲品😚下次有機會試埋佢哋嘅芝麻雞🥰喜滿樓菜館 (土瓜灣)土瓜灣安徽街2號地舖

今次嚟到土瓜灣搵朋友食晚飯，朋友推薦呢間街坊菜館好地道好好食咁，仲係可以叫咩都得，有食材就整到比你，我地平時比較少食呢種菜館，一於試下佢啦💕·✨芝麻雞半隻🐔朋友推介呢個係店內招牌，要預早一日預訂架，食落皮脆肉嫩😚熱辣辣食好正有胡麻醬比你點☺️不過芝麻冇以前嘅相睇落咁多😂😂·✨椒鹽白飯魚🐟呢個係真有驚喜，炸得好香脆白飯魚份量多，算幾大條，好有肉地😍擺係我面前，不經不覺會食咗好多🙊💕·✨黃金軟殼蟹🦀咸蛋黃炸軟殼蟹，超級邪惡😈原本係黃金脆蝦或者椒鹽軟殼蟹，我地就改咗佢叫黃金軟殼蟹大大舊軟殼蟹，脆得嚟又多肉🤤睇唔到咸蛋黃，但係食得出咸蛋黃🤪·✨菠蘿咕嚕肉🍍正常發揮～·✨豬潤蟲草花白菜仔🥬多年不食豬潤的我再挑戰一下，還是不了同行朋友就食得好開心嘅😆白菜仔都新鮮啦～·🌟土瓜灣嘅街坊飯堂，夠哂地道，款式超級多，味道頗有驚喜🤤埋單$600四個人到～

一家人同爸爸慶祝生日 梗係揀食距最鍾意既炒小菜🥰想試下未食過既餐廳上網見人介紹就揀咗呢間小店紅燒乳鴿 上碟熱辣辣 香脆可口 肉嫩juicy一人一隻 好正 食到Lam Lam 利🙈重頭戲 上湯波士頓龍蝦伊面 龍蝦🦞大大隻 啖啖肉 伊面質地彈牙👍🏻👍🏻最鐘意係個上湯汁底 好夠味麻辣四季豆炒帶子甚少會有用麻辣調味去煮四季豆身為辣妹既我 見到即點😍好夠獲氣 惹味到不得了支竹生根涼瓜炆斑球分量好足料 斑球新鮮 無雪蔵味整體來說不錯👍🏻再可光顧☺️

晩餐食得多，同老公食下喜滿樓早餐，结果係都幾醒晨。入到去即刻有位，唔駛等好耐有得食。我叫了招牌沙爹牛肉米粉配鮮奶炒滑蛋。炒滑蛋又香又滑，蒜蓉多士是厚的，上面有一層香蒜蓉醬，食落脆口。最鍾意係沙爹牛肉，夠入味，沙爹汁夠香濃。老公份早餐都幾正，點了豬扒包餐配鲍魚片火腿絲通粉。比了半個豬扒包我食，咬落好鬆脆，配菜十足，有意外驚喜。厚多士好好食，忍唔住再叫多一件鮮油咖吔厚多士。值得一提係兩個人食完都係七十幾蚊，醒晨又超值。

老友鬼鬼，朋友耐唔耐都要見下，今晚約埋班老友，喺我公司附近食晚飯聚聚，去左喜滿樓食下小菜。之前見呢間喜滿樓有搞啲愛心送齋飯，見餐廳甘有心，都幫襯下。我地叫左1個炒飯，幾個小菜。黑松露叉燒粒炒飯，炒得粒粒分明，黑松露好香。菠蘿咕嚕虎蝦球，酸酸甜甜，好開胃，朋友仲叫左個飯餸添。家鄉味菜炒鮮魷，呢個菜炒得好惹味，鮮魷好彈牙，唔會煮得太老。杏片鮮蝦球，好香口，裏面鮮蝦蝦膠彈牙，真材實料。份量都唔少，幾個人都飽得幾飽，又傾到飽。

今日突然好想食小菜 太耐無同朋友外出用膳 一行3人在抗疫期前往土瓜灣小店食小菜門面簡單 開業多年還人山人海 朋友介紹得一定食物吾差 食個海鮮餐喜滿小炒王入邊有九菜 ，腰果 ，魷魚 ，炒得非常香口 配啤酒一流 會食不停口 鹽焗奄仔蟹依嫁時令奄仔蟹必須order 夠大隻爆灑蟹膏 ，今次order一人一隻夠灑喉 彊蔥雞煲蟹雞煲彊蔥蟹煲食得多，但雞加蟹用彊蔥炒真係夠灑特別，蟹啖啖肉 雞夠灑入味椒鹽龍躉球 龍躉球炸得鬆軟 外脆內夠實肉 配上微辣既椒鹽非常惹味 賣相 味道抵食推薦清潔

出名既芝麻雞無味 完全好似無腌過 鋪d芝麻上隻雞就半隻雞收人$178 把鬼 仲有個咩秘製芝麻醬 同超市枝日式芝麻醬有咩分別 仲有同隻雞完全唔夾 隻雞好味既使乜要芝麻醬其他菜式正常 係出名果樣唔掂