喜歡裡米線

营业中

休息中

鍾意食米線既朋友有福了，今日來開大角嘴，見到一間米線館叫喜歡里米線，就膽粗粗入去試下呢度既米線，當係食個便飯。呢度雖然裝潢簡單，但都見到好多附近的鄰居特登來呢度食野同叫外賣，見到老闆好熱情的同街坊有傾有講，感覺到好多食客都係熟客同埋成日來呢度食。這裡有好多款式的米線可以選擇，唔想唸既可以揀餐，想試多d唔同款既可以自己tick ,我同朋友都揀左麻辣小鍋米線，他的配菜揀左紫菜，鮮肉雲吞，牛腩。而我的配菜就揀左蘿蔔，鹹蛋，菠菜，老醬牛肉，菜肉餃，韭菜餃（好貪吃咩都想試），特別這裡的菜肉餃，韭菜水餃同埋雲吞都係自己親自包的，特別大粒多肉夠口感，最緊要係新鮮，又皮薄多汁。麻辣小鍋米線的湯底也是恰到好處，麻麻地辣辣地點個小辣剛剛好，唔夠再加又得。除了米線，呢度仲有好多款小吃可以選擇，而且都係平民價得來又好味，我們點了熱賣的柱侯崩沙牛腩，白灼薑蔥豬潤，麻辣雞。首先說這個崩沙牛腩是味道夠香夠口感，牛腩也夠彈牙完全是食吃正宗崩沙牛腩的口感。我平時唔多食豬潤，但這個薑蔥豬潤做得非常出色，味道夠香夠易入口，豬潤更是彈牙爽口唔會太漏，我都忍唔住食左幾塊，麻辣雞是凍食的，少少麻麻辣辣，口感嫩滑，送米線剛剛好。呢

#經濟扺食大角咀米線店-我鍾意食米線 貪佢配料選擇多 今日幫襯呢間專門店 小食款式同樣多 滷水油炸椒鹽涼拌麻辣等等 葷素兼備 價錢平 好多街坊捧場-🧆#香草雞翼三隻 ($21)鷄翼可以叫三隻或五隻 香草同麻辣兩種口味 自家調製醃料 即叫即炸 酥脆香口 -🐂#惹味牛尾 ($38)家常小店竟然做呢個心機小食 好難得 牛尾炆得軟腍 帶豐腴五香涵水味 價錢仲好經濟 -🥟#菜肉餃五隻 ($30)餃子係熱賣 隻隻肥大飽滿 瘦肉肥豬肉加爽口椰菜絲 皮薄餡靚 唔夠喉嘅話 推介食韭菜餃-🍜#三餸酸辣米線 ($43)米線配料超多選項 我揀咗滷水蛋🥚豬皮同炸魚片 酸辣湯底 BB辣🌶程度 惹味得嚟 唔會食到大汗淋漓-🥬#油菜 ($14）油菜走油 食得健康又放心-📍#喜歡裡米線大角咀晏架街42A號地舖

黎大角嘴買完野諗住周圍行下搵下食咩晚餐，依間小店個位就唔係係啲好熱鬧嘅大街到，不過睇落都幾寬敞，所以就入去試下。今晚黎到已經8點幾，加埋有限聚令，唔算太多客人，老闆好熱情，同我地推薦左邊啲野食係自家制、邊啲野食多人試、邊啲野外面少見啲咁，不過以米線黎講佢都真係有好多餸比你揀，甚至多到有啲難揀，所以老闆都好貼心，有一張係已經set好左嘅組合比你選擇。今次叫左兩碗酸辣米線，bb辣，我覺得如果平時都食到辣，可以試叫小辣，bb辣就淡味少少，餸方面叫左幾樣特別啲嘅係老醬牛肉、雲吞、滷水雞翼同豆腐食多左個小食～蜆蚧鯪魚球，個表面炸到脆卜卜，好香口，味道唔錯大家黎開附近都可以黎試下，聽老闆推薦嘅野食都唔錯架！

小妹一直係米線控，外出一定選米線，朋友住附近話一定要食依間小店，因為佢話米線出色，但小食都好食到停唔到口！ 我柯打咗老醬牛肉，鹵水雞腎，菜肉餃小辣麻辣米缐，朋友叫咗韮菜餃BB辣薯粉另外，柯打咗香草雞翼3隻，蜆介鯪魚球，冬菇花膠，凍檸賓加檸樂，2個女仔食咁多，太過份！我哋嘅麻辣米線，色香味俱全，每碗都有秘製肉碎，芽菜，韭菜加腐竹，麻香嘆鼻，湯頭香濃，我哋互相交換配料一試，人手包韭菜餃不只大粒到成隻匙羹咁大隻，菜肉比例一流，但我倆更愛菜肉餃，較清甜,爽口同爆汁，一問老闆原來係用椰菜包一定要大力推介！小食更正，香草雞翼的炸漿好特別，似爆谷加雞翼，脆卜卜又好入味蜆介鯪魚球十分彈牙，濃厚的魚肉味，不似一般的只有粉味欠魚味冬菇花膠炆得好入味同冧滑，食完好似食咗好多骨膠原落肚我倆食得好飽好滿足，仲冇食完味精好口渴嘅感覺，下次要再encore

大角咀喜歡裡米線環境設計簡約冇太特別既佈置特色，感覺平民化，呢度主打食米線同薯粉，有多款唔同既配料可以選擇，另外仲有小食，選擇都好多元化👍🏾✅酸辣薯粉配手打魚丸、豬頸肉、鮮蝦雲吞酸辣湯底我今次揀左bb辣，覺得湯底味道可以濃啲，但薯粉煙韌軟硬度適中，值得推介既鮮蝦雲吞，係老板自家製，蝦肉彈牙調味好，除左堂食仲可以買生既拎返屋企打邊爐😍豬頸肉用微辣既醬汁醃過，食落爽脆惹味✅沙嗲米線配老醬牛肉、菜肉餃、鹵水蛋對比酸辣湯底，呢個沙嗲湯底味道夠濃同惹味，米線幼滑，老醬牛肉係必試之選，牛肉薄切，吸哂所有鹵水醬汁夠哂入味👍🏾👍🏾菜肉餃同樣係自家製，餡料新鮮調味好😋✅滷水豆腐呢個豆腐個人好鐘意，做到外皮徵脆入面嫩滑，而且淋上老板秘製既滷水汁同少少辣粉，夠味而唔會乾😋🌟呢間米線睇落平平無奇，不過味道有啲少驚喜，值得推介既係老醬牛肉同自家製既鮮蝦雲吞同菜肉飯；老板仲特意整左啲配搭好既粉麵餐，有選擇困難症既話都唔洗驚，仲有好多小食既選擇，下次食米線又有多個選擇☺️

我今日去咗大角咀，唔想去大商場幫襯連鎖食店，專登行過富多來商場附近，支持下小店。果然隱世美食在民間！店面雖然平平無奇，但食物款式多樣化，老闆好主動同我哋推介招牌菜。果然冇介紹錯！我食麻辣湯底bb辣，啱晒我呢啲想過下口癮嘅人。bb麻辣湯底，麻辣得黎不太算刺激配料可以自選，老闆話佢自己包菜肉餃、韭菜餃、同埋自製滷水老味，叫我地要試吓。我同個朋友一個要韭菜餃，一個要咗菜肉餃同老醬牛肉、卥雞腎，一齊分享試多款。餃子多汁，尤其係菜肉餃，值得一試。隻餃子仲要同隻雞中翼一樣大，咪話吾落本卤味都好夠味老闆仲好貼心主動預備左碗仔同埋公筷俾我哋，注意衛生。疫情期實在太耐，難得放寬晚巿堂食令，心情都開心啲。我哋仲叫咗3個小食同特飲賀賀佢個蜆蚧鯪魚球彈牙，外層炸得香脆，食得出好重魚味，一啲都唔腥，雖然肉有少少細幼骨，我吾介意，因為我覺得呢啲先係真材實料，同一啲食店溝左好多粉漿落去嘅稔稔質地差好遠，抵讚另外叫咗個香草炸雞翼，都令我好驚喜。見到佢個脆粉漿有啲黃色點點，問老細係咩黎，佢竟然話我知佢秘方調配食落香脆，即使我吾係一上枱即食，微涼，都仲好脆，肉滑有汁，真係無得輸另外仲叫咗個冬菇花膠，真係冇諗過米線鋪會有花

After my work appointment has ended, I intended to have dinner nearby before heading back home. 喜欢裡米線 was located at Anchor Street, Tak Kok Tsui. Like any typical cart noodle stall, they offered several ingredients to choose from, ranging from meat, dumplings and vegetables etc. Besides that, they offered appetizers and drinks etc. Herbal sugar cane drink - It was cooling and slightly sweet, with strong sugar cane taste. It was perfect during this hot and humid weather.  I choose Yunnan sour and

好多人都知大角咀多好嘢食， 但去到到底揾邊間好， 今日行過。 比我見到附近著員工衫既人都入既米線店。 就知一定平靚正，入到去好多食第選擇。 店主好爽快友善介紹我地食咩， 選擇真係好多， 有d難揀， 因為睇相真係樣樣都想試， 終於揀左店主極推介既蠔油北菇花膠米線， 另外叫左個三餸酸辣湯米線， 有店中自家製水餃同埋牛展， 再加半熟蛋， 加多個惹味牛尾做小食， 埋單都係$120 左右， 超值先講蠔油北菇花膠米線，花膠估唔到咁多。 湯底好香夠味(我最後飲哂，飲完完全無口喝), 北菇都好大舊。 超喜歡， 另外三餸酸辣湯米線， 自家製水餃果然足料， 湯無想像中辣， 整體合格， 最後個牛尾就真係一流， 好軟好入味， 大大份， 再黎都一定要再試總結絕對係用心小店， 睇得出唔係求其做， 加上食物咁多選擇， 會再黎試下其他

朋友曾經介紹過呢間米線小店，今日下晝喺大角咀，有啲肚仔餓，咁就行過去試吓朋友有冇介紹錯。入到去坐好，老闆就已經走埋嚟介紹有乜食物特別好味，睇得出係非常有心有熱誠經營嘅小店老闆，先俾個讚👍叫咗$23嘅「麻辣小鍋米線」，已經包新鮮肉碎、芽菜、韭菜、蔥花同腐竹；另外再加餸，每款$6-$10，我加咗：老醬牛肉、牛腩、菜肉餃、滷水雞翼、滷水腩肉、豬大腸、鯪魚蓉、蘿蔔，仲叫咗杯紅豆冰，希望嚟個大滿足😋好快米線就嚟到，大大碗睇落非常豐富。先飲啖湯，相當鮮味（之後再聽老闆講真係花功夫熬出嚟嘅湯，唔係亂加味精）。再逐樣餸食，基本上每樣都好味，其中特別美味嘅有：牛腩炆得好腍好有牛味；菜肉餃豐滿大隻有鮮味；滷水腩肉滷得好入味，有三份一係肥，但係冇肥膩感覺；豬大腸洗得好乾淨，冇異味只有好好味；白蘿蔔好甜好嫰煮得好腍。連杯紅豆冰啲紅豆都大大粒，好正。食完老闆仲問我意見，真係非常之有誠意嘅小店，值得支持👍朋友冇介紹錯😋

大角咀真係超級多好嘢食，求其行入去一間舖頭都唔會中伏今日好想食米線，經過大角咀見到呢間非常之有地道風味嘅米線鋪，平時食開譚仔都食到有啲厭，一於試吓啲小店入到去老闆已經非常之熱情，係咁介紹佢哋嘅招牌米線俾我聽咁我都唔諗咁多啦一於試吓啲招牌先<香草單山大雞翼$21>香草大雞翼，好食過譚仔嘅土匪雞翼，香草味超級濃郁，雞翼亦都非常之大隻<蠔皇北菇花膠米線$51>要讚下個菇，菇味勁香，炆到超級林，冇得彈花膠份量勁多，完全冇偷工減料<雲吞水餃麻辣薯粉$51>老闆話麻辣湯底係佢哋嘅招牌一定要試喎其實我就唔係好食得辣嘅，老闆話整個BB辣俾我，果然麻辣湯底真係非常之好食，嗰種麻的程度，相信唔係好食得辣嘅朋友都可以接受到韭菜水餃同埋雲吞超級好食，皮薄餡靚，仲超級大粒，相當抵食

#cal_food #cal_小店連鎖店 vs 小店 你會揀邊間？我會揀小店🙋🏻‍♂️🙋🏻‍♂️小店特別有一份農濃厚嘅人情味😳食物更有溫度🌡️-米線💜🍜金針菇肥牛米線($40)🍜溫泉蛋 鮮牛肉 魚角 響鈴卷 米線 ($52)選擇超多😍 可以揀到啱心水嘅配搭✨除咗有12個精選套餐之外🥣仲可以自己揀toppings🍥🥬對於有選擇困難症嘅我黎講真係好難揀😂我地揀咗10分鐘先落單😳套餐嘅配料都幾豐富🍱一次過可以食到唔同嘅配料🤤除左可以揀餸之外可以揀飯/米線/米粉/紅薯粉湯底同埋辣度都可以自選我地都揀咗麻辣小辣嘅米線🥢一入口嘅時候都會先感受到小小嘅辣之後會慢慢會越來越麻🤗-小食💙麻辣單山大雞翼3隻 ($21)麻辣雞 ($28)雞翼真係食過翻尋味🤤香料真係好惹味鹹度都幾適中辣辣地大大隻雞翼食完一碟好想再encore📢-評分: 8.2/10

上星期小妹去咗大角咀呢間米線舖食飯, 見佢有指定餸嘅米線, 亦有自選餸, 啲餸嘅選擇都幾多, 而且亦有好多款小食, 所以就叫左一碗自選餸嘅米線同兩款小食試試佢😛✯🍲 清湯米線(+鮮牛肉,豬頸肉,魷魚,生菜,黑木耳)雖然佢有麻辣同酸辣米線, 可惜啱啱先病好, 所以今次揀左清湯😂 而佢嘅清湯米線同啲餸都唔錯, 特别係豬頸肉, 應該係加左少少咖喱粉炸過先放落去, 比較香口🤤 下次再幫襯要試下佢嘅麻辣米線🤓✯🐥 香草單山大雞翼呢隻雞翼果然係比平時食嘅炸雞翼大隻, 表面炸得好脆, 而且佢嘅香草味幾香幾濃郁😍 雞翼有得揀麻辣味或者香草味, 食得辣嘅朋友可以試下麻辣雞翼👍✯🐔 醉雞佢嘅醉雞肉質幾嫩滑, 不過小妹食開酒味較濃嘅醉雞, 所以覺得可以整得再濃味同入味啲🤔✯呢間舖頭比較細間, 位置唔算旺區, 但平日夜晚都陸續有客人嚟食飯, 差唔多坐滿哂人, 應該都吸引左唔少住附近嘅街坊嚟幫襯😀 雖然果晚食飯嘅時候出現漏單嘅情況, 但見住得老闆自己一個招呼客人都真係做到踢哂腳, 忙中有亂都明白嘅, 加上老闆都好親切, 同客人有傾有講, 小妹果晚食到夠鐘收舖, 老闆都叫小妹慢慢食☺️ 大家想食米線但唔想幫襯連鎖餐

如果鐘意食米線 但又吾喜歡大型連鎖店今次喺大角咀揾到家庭式嘅米線位置吾多 但坐得舒服個名仲好sweet添 ~~ 喜歡裡米線 今次試左火炙鴨胸米線、醉雞 、香葉雞翼 同 金菇肥牛麻辣米粉 火灸鴨胸夠足料 醉雞真係好夠味 酒味重香葉雞翼係即叫即炸 個皮好脆 🤤而最後嘅金菇肥手麻辣米粉 湯底叫左大辣 但吾算太辣 愛辣之人應該會加辣 由於店主老闆兩人好似一腳踢做落單、傳菜、水吧同廚房雖然好忙 但都親切有禮 食物上菜算快 愛米線之友 不妨多個選擇

喺大角咀有間binlo style米線小店🤟🏻嗌咗 金針菇肥牛沙嗲米線 40蚊仲包埋飲品 真係抵食兼良心價👏🏻.小食做得幾出色 香草單山大雞翼食落第一吓覺得個炸皮好似沙嗲王既蒜蓉牛油雞翼 仲好香濃牛油味 海量香草碎 聞同食落都充滿咗香草牛油味😂有機會會想試麻辣味呢！ 然後有自家菜肉餃 皮薄餡多好足料.最後壓軸既係蜆介鯪魚球 即叫之後見老闆親手新鮮熱辣辣炸起 好有誠意呢🥰.喜欢裡米線📍大角咀晏架街42A號地舗

大角咀小店多，係美食大聚匯嘅地方。今日下午茶去咗“喜歡裡”食米線！ 店舖由夫婦經營，用上店舖嘅名字，作率直的愛情表白！十分欣賞這無畏的勇氣，我也要撐小店！腩肉米線， 湯底可選酸辣、麻辣，可分唔同辣度。但我揀清湯，腩肉炆得好冧身入味！老醬牛肉，即鹵水牛展。滷水不是死鹹味 ，個人喜歡偏淡滷水香，牛展柔軟入口即溶化。蜆蚧鯪魚球，家常菜式，即叫即做熱辣辣，中規中矩沒大驚喜！麻辣雞翼，外層爆脆有如薯片，炸得乾身沒有 油膩感，十分惹味！