喜亭軒

身為火鍋放題的忠實粉絲，這次在筲箕灣發現了這家隱藏版寶藏店鋪，絕對是「食肉獸」和追求多元化美食愛好者的天堂！從踏進店門那一刻起，眼睛就被琳瑯滿目的食材區所吸引，這次就帶大家深入盤點它的過人之處。極上牛肉盛宴，味蕾的奢華享受這裡的牛肉絕對是必食首選！安格斯牛小排油脂分布均勻如大理石紋，輕輕涮幾秒，入口即化，牛脂香氣瞬間爆發。而美國肥牛則是經典不敗，肉質軟嫩，吸滿湯底精華後，每一口都是滿足。如果你預算允許，升級的和牛套餐更是值得，那豐腴的油花與濃郁的肉味，令人一試難忘。 菇菌王國，鮮味大爆發火鍋怎能少了菇菌提鮮？這裡的菇類選擇多到令人驚喜！除了常見的金菇、冬菇，更有杏鮑菇、秀珍菇、鮮冬菇等，每一款都非常新鮮乾淨。特別推薦將各種菇類一起放入清甜湯底中熬煮，能讓湯頭變得無比鮮甜，健康又美味。 爽脆魚皮，卡滋卡滋的味覺驚喜這裡的炸魚皮絕對是亮點之一！金黃酥脆，可以直接當零食吃，享受那「卡滋卡滋」的口感；但更推薦放入火鍋中輕涮三秒，半脆半軟的狀態，既能保留爽脆感，又吸滿了湯汁，雙重享受，讓人停不下來。 刺身類別多，新鮮度滿分沒想到火鍋放題的刺身也如此出色！三文魚厚切肥美，油甘魚鮮甜，甜蝦大隻且口感糯軟，還有北寄貝、八爪魚等，種類繁多，每款都非常新鮮，完全不輸專門的日式放題店，在等待火鍋滾起之前，先來一輪刺身絕對是明智之舉。甜品高質，完美句點甜品區是另一個驚喜！除了常見的冰淇淋，還有精緻的蛋糕、奶凍、糯米糍等。特別推薦楊枝甘露奶凍，口感滑順，酸甜平衡；而榴槤慕斯蛋糕更是真材實料，風味濃郁，為這頓豐盛的大餐畫下完美句點。飲品多元化，媲美便利店飲品區簡直像個小型便利店！從罐裝汽水、紙包飲品，到自家製的竹蔗茅根、酸梅湯，還有無糖茶類，選擇多到令人選擇困難，解膩又解渴。這家筲箕灣的火鍋放題專門店，無論在食材品質、種類多元化，還是性價比上都表現出色，絕對是會讓人想一再回訪的優質好店！…查看更多

鐘意食潮汕牛嘅新選擇筲箕灣形薈既喜亭軒依家做緊各式各類嘅火鍋放題，最吸引嘅一定係潮汕雪花和牛雞煲火鍋放題因為除咗可以同時食到雞煲同埋刺身之外，仲可以無限任食潮汕雪花和牛！平時出邊一碟都講緊$80起跳但係呢個套餐最平$300就可以任食唔嬲坐定冇耐，職員已經即刻問想食邊一款雞煲，同埋辣度，保證我哋喺最快嘅速度之下已經有嘢食今次我哋揀咗小辣嘅香辣雞煲，雞煲上枱已經香噴噴，keep住煮啲雞都唔會嚡口，絕對拍得住出邊一啲雞煲專門店嘅水準。之後就上咗刺身拼盤，一共有九款刺身選擇，刺身仲可以無限添加，任君選擇。刺身新鮮冇腥味，又係水準以上之作。食完雞煲同刺身拼盤之後就轉咗打邊爐，湯底有接近10種選擇仲可以揀雙拼今次我就揀咗沙嗲湯底同埋花膠豬肚湯底，沙嗲湯底係滿滿嘅潮汕口味配埋鮮牛肉，簡直係一流。而花膠豬肚湯底建議可以先飲一碗先，因為花膠味濃，成個感覺好補。打邊爐嘅選擇非常多，有唔同種類嘅肉（牛，豬，雞，羊），海鮮，丸類，腸仔類，蔬菜，雲吞，餃子，蝦滑，墨魚滑等等。然後我最期待嘅潮汕雪花和牛，終於上台啦，因為係即切嘅緣故，所以大家記得一上台就落order啦潮汕雪花和牛雪花紋理靚，入口軟滑，而且牛肉味濃，非常出色。食完晒之後仲會每人送一盒Movepick做甜品，解解食肉嘅肥膩。如果大家想試靚牛，又想性價比高，又想食得多，又想一次過滿足幾種食物嘅願望，喜亭軒真係一個唔錯嘅選擇。…查看更多

同閨蜜返完運動興趣班好肚餓 ，閨蜜提議去食火鍋放題 ，於是就來到筲箕灣道393號形薈1樓的喜亭軒食火鍋， 這裏離巴士總站很近， 地鐵站也是三分鐘就到 。雞煲刺身火鍋放題258元 ，加20元就可以任取飲品，還有 movenpick雪糕 和維記乳酪，超抵超吸引，兩個人喜出望外地開始任意放題。店員讓我們選了豬肚花膠和松茸雜菌 湯底，各式火鍋食材， 就開始為我們張羅， 首先上枱的是一大碟新鮮的刺身 ，有甜蝦鮮蝦兩款， 三文魚， 赤貝，馬刀貝， 魷魚 ，八爪魚， 白臘魚🐠，全部都非常新鮮爽甜， 食完更加開胃 。跟住就是一個美味的雞煲， 裏面有大量的香料如洋蔥元西大蒜彩椒，仲有又淋又入味的豬皮， 真是一個很意外的收穫，超好味的雞煲，肉厚鮮甜，吃不能停，雙重推薦。😋😋到火🔥鍋登場，肥美的牛🐮羊🐏豬🐷是必吃的，凍豆腐，魚皮， 大花蜆 菜心苗， 海帶 ，脆肉鯇魚 ，魚皮餃， 鮮蝦雲吞 ，還有最新鮮美味的蝦滑， 兩碟醃蘿蔔和手拍青瓜等等等， 配料有蒜蓉芫茜蔥香醋辣椒醬豆瓣醬 麻油自行配搭 ， 刺身有wasabi專用醬油 ，飲品我就選了王老吉配火鍋就是最好，新鮮的食物在特別的湯底中 灼熟， 全部進入我哋兩個大胃王的肚中 ，🤣🤣非常滿足， 非常開心，食完所有食材跟住就開始食雪糕，movenpick雪糕是我們的最愛， 今日還有維記乳酪 ，又是一人一杯 ，填飽第二個甜品胃。 今日的火鍋真是性價比高 ，美味超值好滿足。🥰🥰👍👍特別一提是服務非常到位， 店員都細心熱情， 令我們的火鍋放題非常舒适， 謝謝。🙏🙏…查看更多

位於筲箕灣的這家火鍋專門店，絕對是區內隱藏的美食寶藏！無論是熱愛傳統風味的老饕，還是追求新鮮感的食客，都能在這裡找到心頭好。店內最受推崇的招牌菜——秘製雞煲，更是每桌必點的經典之作。招牌雞煲，滋味無窮這裡的雞煲以獨門醬汁為靈魂，選用新鮮嫩滑的雞肉，搭配多種香料慢火燜煮，入口香濃惹味，醬汁層次豐富，微辣中帶甜，讓人一試難忘。雞肉吸飽湯汁後依然保持彈牙口感，配上白飯更是絕配。若想體驗雙重享受，建議先品嚐原汁原味的雞煲，再加入火鍋湯底，變身風味火鍋，一鍋兩食，樂趣十足！刺身新鮮，驚喜不斷除了雞煲，店家的刺身同樣值得一讚。每日嚴選當季海產，如肥美的三文魚、爽甜的北寄貝及甘甜的甜蝦等，每一片都厚切新鮮，色澤亮麗，入口即化。無論是單點還是搭配火鍋，都能為味蕾帶來清新驚喜。職員友善，服務貼心餐廳的另一大亮點是職員的專業服務。從進門的親切問候，到用餐期間的主動協助，處處展現熱情與細心。無論是介紹菜式、建議食法，還是及時添加湯底，他們總能貼心滿足顧客需求，讓整場用餐體驗倍感溫馨。環境舒適，聚會首選店內環境寬敞整潔，燈光柔和，適合與家人朋友共聚。無論是熱鬧的團體聚餐，還是溫馨的二人晚餐，這裡都能提供舒適的空間。總結而言，這家火鍋店憑藉其招牌雞煲、高品質刺身及友善服務，成功俘虜一眾食客的心。若你正在筲箕灣尋找一頓滿足味蕾的火鍋盛宴，這裡絕對是不二之選！…查看更多

📍喜亭軒 入秋最緊要做嘅事就係打邊爐前排同朋友收工去咗筲箕灣度食飯咁啱搵到間特色嘅火鍋今次為大家介紹嘅係 - 喜亭軒喜廷軒係位於筲箕灣嘅盈匯嗰度餐廳主打食火鍋同雞煲除咗火鍋同雞煲之外 今次我個set提供埋刺身而佢哋係任食嘅湯底嗰度今次點咗個酸菜豬肚湯佢個味道都偏濃而且都有勁多豬肚喺不得不太佢哋牛嘅紋理都好靚最正嘅係佢哋有啤酒任飲有興趣既朋友仔記得bookmark定地址: 香港筲箕灣筲箕灣道393號形薈1樓1號舖…查看更多

唔講唔知，筲箕灣原來收埋間咁高質嘅火鍋店！今次同班friend專登嚟試佢個招牌「潮汕雪花和牛雞煲」，食完之後個個都話，為咗呢個煲，絕對值得山長水遠入嚟！個煲一上枱，個賣相已經嚇親人！面頭鋪滿咗一片片靚到震嘅雪花和牛，啲油花分佈得均勻到呢，好似落雪咁，仲要係超大片，未食已經睇到流口水。而墊底嘅係滿滿嘅嫩滑雞件，仲有索盡精華嘅枝竹、冬菇同芹菜段，一滾起，香氣撲鼻！食落個味道先係精髓！首先，一定要試咗個湯底先！佢唔係普通嘅麻辣或者清湯，而係用咗潮汕秘方熬製，飲一啖，味道濃郁得嚟好醇和，有種好舒服嘅藥膳香氣，但完全唔會苦澀，飲落好順喉，未開始打邊爐我已經飲咗兩碗！跟住就係重點戲！將啲靚和牛片輕輕淥幾秒，一入口，嘩！個種入口即化嘅感覺真係無得頂！ 和牛嘅油脂香同個湯底嘅醇厚完美結合，勁邪惡但又勁滿足！而啲雞件亦唔輸蝕，煮耐少少都唔會韌，依然保持到滑溜口感，索晒湯汁精華，好入味。喜亭軒呢個雪花和牛雞煲，無論係食材質素定湯底功夫，都做得非常出色。係近期食過最驚艷嘅雞煲，冇之一！強烈推薦大家嚟到，乜都唔好諗，第一時間就要嗌呢個煲，包你食完心滿意足！…查看更多

天氣開始涼，好啱食雞煲邊爐！今日去左喜亭軒，任食潮汕雪花和牛雞煲，配搭多款湯底同配料，邊煲邊食超滿足！整體體驗：湯底濃郁，牛肉係亮點，海鮮蔬菜新鮮，甜品收尾完美。適合愛火鍋但唔太辣嘅人。宮廷香辣走地荔枝雞煲（微辣）份量好好，除左雞肉仲有豬皮！豬皮雞肉彈牙，越煮越惹味，辣度適中唔會過火，適合新手🍣刺身估唔到仲有刺身食，有三文魚、蝦、貝類等等，好新鮮，好抵食🍲湯底姬松茸益菌鴛鴦 + 鮮茄濃湯鍋鴛鴦湯底超正，濃郁鮮甜，蕃茄湯特別適合煮海鮮，姬松茸加分健康又香🥩潮汕即切雪花肥牛絕對係主角！每片牛肉大塊肥瘦適中，烚8-10秒咬落牛味爆發，嫩滑唔韌，令人回味無窮。單獨食或配沙茶醬一流，食到停唔到！除左肉，仲有好多小食同火鍋配料，其中手拍青瓜，酸酸甜甜勁開胃！🍹飲品（任飲）難得有Somersby Cider，清爽解辣，煲吓煲吓配一口超驚喜！其他飲料齊全，食到盡。🍨甜品甜品有雪條，仲有每人一個Movenpick雪糕😋有薄荷朱古力味好新穎，經典雲呢拿必點，收尾清涼解辣…查看更多

放題一開始，當然要開胃一番，食下開胃菜先！手拍青瓜：酸酸甜甜，微辣好開胃刺身船：刺身船份量足，切得厚身，鮮味滿分，食得好過癮雞煲：我哋唔係食得好辣，嗌咗微辣，有豬皮雞肉，越煮越辣，超惹味終於來到主菜－火鍋！姬松茸益菌鴛鴦+鮮茄濃湯鍋：鴛鴦湯底超正，超濃超甜潮汕即切雪花肥牛：絕對係重點，每片牛肉都好大塊，肥瘦食中，烚吓烚吓之後，咬落好有牛味，又唔會韌，令人一絲難忘蜆：將啲蜆放晒落蕃茄湯底，一直一隻卜卜開，鮮嫩鮮甜鵝腸：洗得好乾淨，咬落超爽口，正脆肉鯇：脆口彈牙，點埋豉油就一流炸魚皮，響鈴: 吸入鴛鴦湯底，超級入味鬆脆紫芋丸：難得見到芋頭丸，出面彈牙，入面綿綿芋泥，好特別生菜皇帝菜油麥菜：新鮮爽脆，油麥菜同皇帝菜都好有菜味蓮藕片：爽脆飲品甜品類方面都好令人滿意！任飲：難得有Somersby，超驚喜，煲吓煲吓又可以飲清爽cider雪糕：竟然有movenpick, 叫咗薄荷朱古力好得意，當然唔少得經典雲呢拿味…查看更多

原來西灣河有間超抵食雞煲火鍋放題🫕，仲要有得無限時任坐。叫既餐有包任飲同一杯雪糕，飲品款式都齊全，連啤酒都可以任飲🍻。雞煲叫左BB辣，個汁嘅味道啱啱好，唔會太鹹搶咗雞味，又唔會太淡，BB辣有輕微辣味，而且麻香充足🌶，夠晒惹味。雞件方面，份量都夠，雞肉肉質嫩滑，最正係啲豬皮，索晒雞煲汁，食落口感又好彈牙💥。              打邊爐部分食完個雞煲，店員就好快手咁幫我哋轉返個打邊爐，湯底揀左鴛鴦鍋，一邊係麻辣湯，一邊係蕃茄湯🍅，個麻辣湯唔係得個死辣，係有香味嘅，蕃茄湯就清清地，用嚟淥菜同烏冬幾好。火鍋料都有幾多選擇，安格斯肩胛肥牛牛味夠，油脂分佈平均。各式丸類都好多汁彈牙，唔少海鮮類唔洗加錢就食到🦑。各款火鍋常見料都一應俱全。     另外仲有小食可以叫，特別推薦個一口炸雞翼，用左椒鹽做法，食落非常香口多肉汁，外皮十分酥脆，而keep到肉質嫩滑多汁。…查看更多

我同細佬都經鍾意食雞煲，不過港島區呢邊比較少呢類放題，今晚約咗細佬食飯，佢話啲波友推介佢筲箕灣「喜亭軒」，除咗有雞煲，最正係仲有刺身同潮汕牛任食，仲有啤酒任飲添呀，啱晒我地兩個酒鬼😆小食椒鹽一口雞翼｜黃金魚片頭｜陳醋蘿蔔呢個嘅小食都係啱啱炸起，入口仲熱辣辣👍🏻雞翼蒜香味十足，魚片頭爽口彈牙，陳醋蘿蔔爽脆解膩，越食越開胃火鍋湯底花膠胡椒豬肚湯湯底胡椒味香濃，裏面大概有四五件花膠仔同大量豬肚，估唔到放題嘅湯底都咁足料👍🏻打邊爐前先飲返碗湯暖笠笠雞煲我地揀咗小辣已經夠晒味，雞煲嘅醬汁非常濃郁，最有驚喜係裏面加咗豬皮，豬皮吸收晒啲醬汁非常入味，雞件份量亦唔少架，我地再加埋牛柏葉入去一齊煲，豬皮牛柏葉prefect match😋刺身三文魚｜八爪魚｜墨魚｜甜蝦｜象拔蚌｜海螺｜馬刀貝｜赤貝有八款刺身，都係我鍾意食嘅刺身😋三文魚好肥美，貝類爽口鮮甜，墨魚口感煙煙韌韌，八爪魚夠爽脆，我地食咗一轉留返個肚食其他嘢丸類蝦滑｜鮮蝦雲吞｜鮮蝦水餃｜黑椒牛筋丸｜麥汁墨魚丸強烈推介要點雲吞同水餃，皮薄足料，手工製入面蝦仁粒爽口鮮味，口感豐富，牛筋丸，一啖咬落去會爆曬汁，勁Q彈肉類潮汕即切雪花和牛｜安格斯肩胛肥牛｜西班牙黑豚肉兩款牛肉一樣咁高質，潮汕牛較有咬口，肉質比較緊致牛味較濃，安格斯肥牛脂肪會比較多，入口比較軟滑，黑豚肉帶有少許脂肪，油香味濃飲品啤酒｜汽水｜清熱飲品｜紙包飲品呢度最正係有四款啤酒可以任飲，仲有椰子水，打邊爐有埋清熱飲品就唔怕熱氣啦😆📍喜亭軒 (筲箕灣)筲箕灣筲箕灣道393號形薈1樓1號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

去咗筲箕灣間酒樓食 潮汕雪花肥牛雞煲火鍋放題 ($258)，真係食到扶牆出～🤣🍣 刺身船一上枱已經好澎湃，三文魚🐟、甜蝦🦐、北寄貝等等，鮮味十足，開局已經好滿意～🐓 雞煲先嚟一個雞煲打底，味道香辣惹味，食唔夠仲可以追加雞👍，啲雞肉滑溜入味，仲有豬皮可以食，好正！🍲 火鍋湯底鴛鴦湯底揀咗野菌養生湯 🍄 同麻辣湯底 🌶️，一邊清一邊辣，啱晒唔同口味，邊打邊食好爽～🥢 火鍋配料款式多又齊全，蔬菜、丸類、海鮮樣樣有，最驚喜係潮汕和牛片 🐮，肉味濃郁，肥瘦分明，入口超正！🏮 環境酒樓位夠大，坐得舒服🪑，唔會迫迫夾夾，氣氛都幾chill。✨ 總結：食材新鮮、份量足，價錢以放題嚟講都算抵玩。鍾意食雞煲又鍾意打邊爐嘅，一定要試！…查看更多

一直想試呢間雞煲加任食潮汕牛肉火鍋放題，今次兩個人來食，店舖喺商場入面，樓下就有泊車，因為係星期一至四日關係，所以每小時只需$18。平日七點前到餐廳唔算太多人，表明來意係食雞煲和潮汕牛肉放題後，店員即刻落咗個雞煲，同拎咗刺身上嚟，同行友人，唔食得辣雞煲，所以叫咗唔辣，結果雞煲嚟到都好惹味好香。刺身又有三文魚、希靈魚、北寄貝、甜蝦、螺片，正常貨色。跟住就打邊爐湯底可以揀鴛鴦鍋叫咗沙嗲同蕃茄湯底蕃茄湯底唔算好有蕃茄味，沙嗲湯底香濃，同潮汕牛肉好夾，牛肉顏色靚，食落新鮮，店員好快手一落單就5分鐘內就已經送晒想叫嘅食物沒有漏單，沙嗲湯底同稻庭烏冬絕配，放題仲有小食炸雞翼及炸魚片頭，新鮮炸起好吃。甜品有Movenpick雪糕.餐廳平日都有七八成滿,座位寬敞，都係附近嘅街客，下次試埋小菜。…查看更多

餐廳採用QR code嘅叫嘅形式，先食刺身，再食雞煲，然後火鍋！有好多種唔同嘅湯底選擇！加$20就可以任飲出邊嘅啤酒汽水！啤酒嘅種類非常多真係花多眼亂，而且冇酒精嘅飲品選擇亦都非常多，我就揀咗椰子水，非常好飲！🔥宮廷香辣走地荔枝雞煲！秘製醬料以豆瓣醬作基調，卻加入順德紅米酒糟提鮮，份量嚟講都非常多！而且味道非常香濃，我同朋友都非常喜歡，再 加埋 豬皮 嘅 配搭 ， 簡直就係正！豬皮可以吸入本身雞煲嘅精華味道，令到成個口感同埋味道更加昇華，本身都非常鍾意食豬皮，所以都覺得呢一個配搭非常有驚喜🔥花膠切椒豬肚鍋展現白案功夫的極致。。自家醃製的切椒並非單純死辣，反而帶着發酵豆豉的鹹鮮，與豬肚的內臟風味碰撞出驚喜火花。整體味道都非常好。🔥潮汕即切雪花和牛脂肪紋理如大理石浮雕，輕涮三秒即化為天鵝絨般的觸感，牛油香中竟帶着絲絲的餘韻。🔥安格斯肩胛肥牛兩厘米厚的肉片佈滿雪花，涮煮後仍保持驚人嚼勁，肉味濃郁得如在口腔演奏交響樂。🔥無沙花甲絕對是誠意之作。甜程度堪比現開生蠔。🔥水魷魚爽口彈牙，而且加埋湯底嘅味道非常配搭！🔥小食椒鹽一口雞翼是油炸藝術的示範作。選用瑞士雞翼中段，醃製時加入沙薑粉與玫瑰露酒，炸粉混入蝦籽增鮮。外殼酥脆得如玻璃糖片，內裡肉汁卻被封存得滴水不漏，椒鹽撒得克制，反而凸顯雞肉本味。🔥黃金魚片頭混入墨魚粒與陳皮絲，炸成金元寶造型，咬開時熱氣騰騰，魚鮮與鹹蛋黃的油香在口中核爆。整體餐廳服務質素都非常高，而且喺筲箕灣地鐵站行過去只係需要3分鐘嘅路程，我覺得都非常方便，難怪夜晚都爆！值得欣賞嘅係，店員非常客氣，而且收碟同埋出食物嘅速度都好快，絕對非常抵食同埋回本。…查看更多

行入去搵位呢度唔坐得果度唔坐得，話唔夠人數坐大枱要搭枱，講左ok搭枱，但其實有1/3 吉枱，但之後坐低左又叫人起身轉枱，我唔想轉又不停重覆要搭枱要搭枱要搭枱。行入去到坐低俾3個職員不停講要搭枱要搭枱，公司規定喎..咪話左ok 囉..仲不停講不停講…其實都真心幾難受，又加一又茶錢..都可以咁既服務態度，我都係想飲餐茶啫！無人添水，要自己拎住水壺行去水吧先有人加水，真係幾平茶錢都無用………………………..…查看更多

今日父親節，之前啊媽話點心好味，就安排父親節晚飯上嚟食，今晚都唔算人多，我安全起見一個星期前訂枱，首先個冷氣好似壞咗咁！未食都已經流汗，叫咗十樣嘢，已經知道今日個價錢會有唔同，話晒都係節日，片皮鴨平時$148，今日$238，我哋因為叫咗好多餸，所以個片皮鴨冇轉到兩食，其中一個原因兩食要加多$128，最主要係因為驚食唔晒，二來覺得$128轉兩食唔係好化算，冇理由淨係食個片皮鴨兩食都要$366未計+1，啲餸上得好遲，第一個餸上枱都要成35分鐘，整個行程食咗兩個半鐘頭，最大問題臨尾仲有兩個餸要吹咗半個鐘頭先有得食，成間舖頭大部份已經係食緊火鍋，我唔明點解個廚房10碟餸都要玩粒半鐘，切緊片皮鴨嗰陣時，嗰條𡃁仔求求其片嗰十零二十刀，成隻鴨根本仲有好多皮好多肉，我問佢可唔可以片多啲肉俾我，佢話係咁上下㗎啦！我O咗咀，再問佢個殼係咪可以攞返，佢同我講話要俾多$128, 再要計埋加一先至可以攞返個殼！好型仔哋同我講，我哋呢度片皮鴨淨係賣個皮，唔包賣買個殼！所以個殼如果你要就要俾錢當兩食加多$128再+1，我而家真係明白到香港嘅飲食業點解面臨接二連三嘅結業，我寧願你直接同我講話冇得攞走，總好過你咁回答我，我真係好想去消委會投訴！乜嘢叫做片皮鴨淨係賣個皮唔係賣個殼？呢間舖頭我諗都擺唔到幾耐，與此同時其實你哋嘢食一係淡而無味，一係鹹到飛起，而且份量又細，況且平均每碟平均加埋一$150，半隻炸子雞188未計+1……..…查看更多