喜樂

见元朗谷友推介喜乐个梳乎厘班戟，是晚特登嚟试下😋小店主推梳乎厘同雪花冰，仲有多款饮品同咸甜小食，梳乎厘价钱58蚊起有两件，都几亲民㖞。⭐脆多多朱古力梳乎厘自己点咗朱古力口味嘅梳乎厘，虽然佢要脆多多，但系朱古力粉上面系淋咗黑糖珍珠，哈哈，开头远睇我以为系朱古力豆嚟㗎😆美丽的误会。梳乎厘软绵绵有蛋香，朱古力粉味浓微苦，正好中和返珍珠嘅甜味👍⭐超满足奥利奥梳乎厘朋友点嘅oreo口味，上枱时已经有塌塌地嘅迹象😂oreo粉下得好多，整体嚟讲微甜，系好食㖞！⭐原味炼乳芝士条重点咗份炸芝士条，芝士味唔算好重，但炸得外脆内软口感好正，点埋个炼奶甜甜咸咸咁又真系几夹几好食㖞。⭐芝芝青提芝士奶盖好厚有质感，有芝味又够香滑，正！⭐雪山单枞个名咁诗情画意但其实即系奶绿，个绿茶味几幽香，要咗少少甜就啱啱好，茶香奶滑👍梳乎厘有水准值得一试，店内有少许座位可以堂食，梳乎厘嘛～梗系即整即食最正㗎啦。…查看更多

即买即食最好～ 喺元朗好少揾到间咁好食嘅甜品舖食完饭行过嚟经过估唔到咁正下次入嚟一定要过嚟 门口又开泊车喺正凤鸣体育馆对面啫我自己食多咁多甜品呢间算系顶流佢都系唔系吹水几十蚊试下估唔到喜出望外一定返转头食…查看更多

晚饭后偶然发现元朗凤攸北街新开的甜品店「喜乐」，被餐牌上的疏乎厘吸引，忍不住点来试下。疏乎厘即叫即整，店内设有少量坐位，热食特别好味。趣多多朱古力疏乎厘入口软绵绵，蛋香浓郁，配上朱古力粉与朱古力豆，香甜不腻，口感丰富。店内甜品选择多，还有手摇饮品及咸甜小食，外卖了几款回家给家人品尝。Oreo疏乎厘铺满饼碎，香脆中带蛋香，质地松软不厚重。梅粉地瓜条炸得香脆，梅粉酸甜开胃。芝芝芒果以芒果汁配厚芝士奶盖，芝士味浓郁，果香清新。朱古力椰奶沙冰则透心凉，椰香与朱古力完美融合。…查看更多

呢间隐藏嘅甜品店，虽然细细间，但出品真系冇得输！ 佢哋嘅Oreo梳乎厘胀卜卜，入口即化！Oreo碎脆脆哋，同绵密嘅梳乎厘简直系绝配，甜度啱啱好，食完成个人都开心晒～ 士多啤梨雪花冰绝对系夏天消暑好物！牛奶冰打得超幼细，一啖落去即刻溶化，加上新鲜士多啤梨同自家制士多啤梨冰，酸酸甜甜好开胃，食完成个人凉浸浸！ 而且仲好靓好岩打卡仲有练乳芝士条，质地creamy得嚟又带啲烟韧，炼奶嘅甜香慢慢渗出，真系忍唔住一啖接一啖！ 饮品方面，芝芝芒果真系冇得顶！芒果冰沙香甜浓郁，面头嘅芝士奶盖咸咸哋，同芒果出奇地夹，饮完成杯都唔会腻。而爆打白桃乌龙柠檬茶就够晒清爽，白桃乌龙茶底清香，加上爆打过嘅柠檬，酸甜醒神，解腻一流！ 喜乐嘅甜品价钱亲民，分量足料，真系食完成日想心思思再食…查看更多

屋企附近遇上新开嘅甜品小店，估唔到系超有惊喜！甜品选择都几多，餐牌非常精彩😎😎令人超满足既「奥利奥」「白玉豆乳威化」梳乎厘！唔系空气感/食左好似无食个种！亦都唔系死实实成块热香饼个种！成件事满满蛋香，好松软，但又好有实在既感觉，即叫即整，就系好食！平时空气感嘅梳乎厘凉左就会变左一pat pat 但系呢个外卖拎到番屋企都依然保持到成个形态👍🏼👍🏼唔同味道嘅topping酱都好夹个梳乎厘 做到香港人对甜品嘅最高赞赏‘少少甜’ 真系铺头主打嘅甜品之一👍🏼👍🏼芒果椰乳沙冰： 虽然主打梳乎厘同雪花冰，但沙冰都好有惊喜！真材实料无添加、无加糖水，好香果味，夏天饮真系好爽！$38杯大大杯性价比好高冰糖雪耳炖雪梨：原本谂住中式糖水只系比伟大嘅母亲滋润吓，湿吓喉咙，一打开：‘哗’左一声 见到成个雪梨，大大碗 味道唔会好甜亦都唔会水汪汪👍🏼👍🏼店细细但都充满惊喜 真材实料性价比高 铺头入面有几个可以坐嘅bar枱位 下次堂食一定会再试下雪花冰同d小食…查看更多