喀什米爾咖喱屋

不嬲都好鍾意食咖喱，朋友帶我嚟呢間超正宗嘅咖喱屋食，叫左咖喱雞配薄餅，牛肉samosa另外再加多一個牛油薄餅，咖喱好好食！因為我唔食得辣，之前食過有啲咖喱係辣到飛天所以呢個辣度適中，特別值得稱讚嘅就係額外叫嘅薄餅！唔同佢本身配嗰隻~唔知係佢猜得好食定係燒得好食，總之就係超級好食！個牛油薄餅我絕對可以比滿分！下次會想試吓其他味道😍不過記得係要額外嗌嘅～而佢個samosa我感覺一般～但我啲朋友話好好食整體唔錯，仲有一杯芒果沙冰超好飲價錢非常合理，雖然環境及位置未必太好，但絕對感覺衛生～全部都合格…查看更多

羊肉咖喱-羊肉一啲都唔騷。雖然細細碗但係全部都係肉。冇薯仔。多咖喱汁。牛油雞咖喱-乳酪濃郁，雞肉免費變左做chicken tandoori，正。附近一帶地道咖喱美食。難得。…查看更多

我都幫襯左2年，琴晚買左咖哩羊，奶油雞，炒飯，薄餅，牛肉卷返屋企食，食飽半個鐘之後肚脹，濟濟地咁，再過多幾個字手腳無力，發冷，想嘔，如事者再過多一陣頂唔順，衝左去廁所嘔左一轉，抖左一陣，又一路攬住個垃圾桶嘔一路屙水。驚了，唔敢再食，唔知有無人同我一樣有屙嘔呢？宜家係零晨4點幾肚痛醒，一路屙一路分享，唔想有下一個人同我一樣貼錢買難受，諗緊唔知係咪佢廚房污糟而令到啲食物食左之後急性腸胃炎，真係好辛苦，唔會有下次！…查看更多

作為香港人我哋嘅煮食主要都係食米，但生活上有陣時都想食吓其他嘅，今日我就選擇咗食薄餅，呢一間位於深水埗嘅𠸉什米爾咖喱屋我已經食過好多次，對佢嘅質素亦都有保證。可以特別講一講𠸉什米爾其實喺地圖上已經係被消失嘅國家，主要比印度巴基斯坦同埋中國瓜分咗。而呢一間出品嘅咖喱我覺得個口感偏向印度，純香料調味多蔬菜碎。當然啦佢都係一個回教嘅國家，所以你唔好諗住可以喺度食到豬肉，主要嘅肉類都係雞羊牛。而我今日就點咗咖喱羊肉薄餅，如果唔愛薄餅嘅朋友可以叫飯都冇問題，薄餅佢會比兩塊唔需要額外配都夠飽，羊肉份量好足夠，另外因為好肚餓，所以我叫多份牛肉卷，飲品我選擇咗印度奶茶，佢哋嘅咖喱香料落得好足，味道唔會太過辛辣適合一般大眾，始終係當地人開嘅餐廳出嚟個質素都有返咁上下，牛肉卷裏面有好多嘅雜菜，食嘅時候加埋咖喱醬完美嘅配搭，至於印度奶茶只可以講可以一試，畢竟我哋茶餐廳嘅奶茶已經飲到我哋個嘴刁，如果真係要叫嘅時候，記得要叫少甜，總的嚟講，我會比80分…查看更多

作為香港人我哋嘅煮食主要都係食米，但生活上有陣時都想食吓其他嘅，今日我就選擇咗食薄餅，呢一間位於深水埗嘅𠸉什米爾咖喱屋我已經食過好多次，對佢嘅質素亦都有保證。可以特別講一講𠸉什米爾其實喺地圖上已經係被消失嘅國家，主要比印度巴基斯坦同埋中國瓜分咗。而呢一間出品嘅咖喱我覺得個口感偏向印度，純香料調味多蔬菜碎。當然啦佢都係一個回教嘅國家，所以你唔好諗住可以喺度食到豬肉，主要嘅肉類都係雞羊牛。而我今日就點咗咖喱羊肉薄餅，如果唔愛薄餅嘅朋友可以叫飯都冇問題，薄餅佢會比兩塊唔需要額外配都夠飽，羊肉份量好足夠，另外因為好肚餓，所以我叫多份牛肉卷，飲品我選擇咗印度奶茶，佢哋嘅咖喱香料落得好足，味道唔會太過辛辣適合一般大眾，始終係當地人開嘅餐廳出嚟個質素都有返咁上下，牛肉卷裏面有好多嘅雜菜，食嘅時候加埋咖喱醬完美嘅配搭，至於印度奶茶只可以講可以一試，畢竟我哋茶餐廳嘅奶茶已經飲到我哋個嘴刁，如果真係要叫嘅時候，記得要叫少甜，總的嚟講，我會比80分…查看更多

落單之後5分鐘送到🫢但個咖喱又真係熱架喎😳Curry lamb有成7-8塊羊，好抵食，完全冇嚡🤩不過偏鹹🙈層次唔算好多，算係中辣，質地似係偏巴基斯坦嘅咖喱Paratha又係好大方咁比左8塊😳好啱我口味🤩淡淡嘅麥味雖然唔算好條條分明，但佢唔係好油🤩Beef samosa🌚🌚唔鐘意😕微温，皮有啲漿口😕重點係啲餡有啲怪味😨😨唔識講🙈同埋好鹹😕😕Indian tea🌚好甜，無乜茶同香料味😕…查看更多

又是我們倆口子的咖喱時間了。而且，漸漸地，我們發現，深水埗既咖喱餐廳，雖然未必間間都坐得舒服，而且又好大排檔 feel，但勝在是又平又抵食。搞到我地兩個，除為了找全是素食的印巴餐廳之外，我們都是以深水埗一帶既 Curry House 為首選了。這一次，我們來拜訪這時常出現在我們眼前，但又從未入過去的《喀什米爾咖喱屋》一試。呢一間，就的確係好大排檔 feel 啦。經常過門而不入的原因，就是因為這兒真係太過大排檔，什麼都放在門口，令我們以為這店沒有堂食。有次，太太路過買咖喱角時，細心看見到店內的確係有幾張檯可以堂食的啊。於是，在某一天，我同太太二人來到深水埗時，就決定入來此小店，試下這兒的咖喱。我同我太太最喜愛的南亞小食，薯仔咖喱角 (Samosa)，絕對是第一位。酥香的脆皮已經是非常之吸引。饀只是單純的薯蓉同青豆，內含咖喱粉所以吃入口時有點點的辣，亦因為有咖喱香料在內，味道非常之香，熱辣辣地吃一個，香辣感十足。太太食咖喱角已經夠，所以我只點了一個咖喱餐。我點的是羊肉咖哩 (Mutton )。這兒的咖喱，比起其他地方的跟餐咖喱更濃香。單看色水，就知道這咖喱多放了香料，再者，配合了羊肉，味道更加之濃香。跟餐是伴以一個炒飯的，吃起來，味道更濃香。單試飯是不夠的，因為咖喱配包才是皇道。也許是根據不同地區飲食文化的關係，店員極力推介給我們的，是 Lachacha Paratha 油酥烤餅。這烤餅，入口時，煙韌感豐富，太太不沾汁食，味道酥香。我就沾上了咖喱汁，再夾一舊羊肉一起放入口，濃濃香香的咖喱羊，配合了酥香煙韌的烤餅，好味到難以用文字去形容。跟餐的印度炒飯 Biryani 也是非常出色的。首先，店方真係用上了印度米去炒，飯質一絲絲的，炒飯就是要這一種粒粒分明的口感。我加了咖喱汁同羊肉一起去吃，米香，肉香，咖喱香，一啖過，十分之可口。最後，是我們的餐後飲品。我同太太都要了印度奶茶。望後去，同香港的奶茶分別不大。但飲落口，就 feel 到此茶加了南亞的香料在內。比較之下，我更喜歡更香，味道帶少少 spicy 的 masala tea。食物質素唔錯，味道當然也不錯。只是用餐既環境就真係大排檔左少少。剔除呢一個因素，整體上，是吃得開心的。此外，suprise 地，當日同場用餐的，全是年青貌美的大學女生。…查看更多

行過深水埗見到有間巴基斯坦咖喱餐廳，比佢d好香嘅咖喱味吸引咗我入去。於是我就入去試咗個咖喱牛腩飯。係呢度做嘢嘅巴基斯坦朋友原來全部都識講廣東話👍🏻仲要係溝通冇問題。佢個咖喱用上非常之多嘅香料去煮，咖喱汁內非常之香嘅香料味道。而牛腩係用上優質嘅部位，非常之淋同好食。餐廳內佔咗一半係香港人🤣由此可見，香港有幾鍾意食咖喱👍🏻另外如果唔想食飯嘅朋友，可以叫薄餅配咖喱。佢個薄餅都非常之出色。有唔同味道嘅薄餅。可以比大家去選擇…查看更多

馬薩拉咖哩羊肉 Lamb Masala🐏送白飯/薄餅 💰75 ❤️‍🔥8/10分好惹味，少辣，咖哩味好重，creamy口感，加埋洋蔥同蘿蔔層次更豐富🤤略嫌羊肉少得濟，兼有幾舊碎骨🥲油酥餅🫓（圖三）💰15 ❤️‍🔥8/10分無普通薄餅咁韌，有啲酥皮，我覺得好食過薄餅〰️但份量好少，幾啖食哂🫠巴基斯坦芒果汁🥭 💰18/杯 ❤️‍🔥6.5/10分好甜，但配咖哩，中和翻個種辣我又ok接受到，少少似罐裝芒果汁嗰種味，但都飲得出有芒果🫡⚜️兩人食 免加一 共$108⚜️整體性價比 8/10分就咁一個羊肉set其實都夠兩人食，薄餅食得多好濟，所以都幾抵食🤘🏻…查看更多

下午行過深水埗，長沙灣道同欽州街交界，見到一間由巴基斯坦人開嘅咖哩店，門口有餐牌寫住可以買薄餅 咁就諗住試下買咗塊油酥餅， 油酥餅即場製作，不過職員全程無用手套，收錢同埋製作、搓麵粉，製造嘅過程，都係用同一隻手，過程之中亦無戴口罩 ，喺疫情之下，仍然咁唔衛生，等候嘅時候，亦唔見好多人幫襯，以後都唔會再買，味道唔見得好食。…查看更多

第一次係深水埗食咖哩，以往都係尖沙咀果幾間食開。裝修雖然陳舊，但食物真係有驚喜。今次叫左個咖喱羊肉炒飯（$60）同酸乳酪（$15），估唔到份量咁大，真係夠飽肚。飯方便炒到好乾身又有少辣，入口一流。羊肉份量足料，絕不欺場。翻食指數…查看更多

每次去素年食午餐，都會經過呢間唔係太起眼嘅咖喱小店，店外店內裝修都比較殘舊，餐具整潔度一般，環境狹窄，試過今次咁有特色嘅咖哩之後，下次應該會試吓其他薄餅算喇，有啲想試香蕉薄餅，感覺幾吸引。每款咖哩跟白飯或者薄餅，我哋叫薄餅點咖哩汁食，薄餅幾香唔錯，唔會吃到成手油淋淋，不過齋食薄餅就寡左啲。以下係我對呢度嘅咖哩排名: 馬薩拉咖喱雞柳$75- 推介！唔好被紅卜卜嘅賣相嚇跑，我唔係太食到辣都可以接受，咖哩汁入面有好多洋蔥、番茄茸，惹味可口，雞柳肉質乾左啲。菠菜咖喱印度芝士$70- 賣相唔吸引，食都麻麻地，質感好似菠菜糊仔加辣味，一粒粒芝士好淡，同菠菜咖哩汁融合唔到。咖喱牛腩$60- 就係平時嘅咖哩牛腩味道，冇椰香味。牛腩大大舊，冇其他配料，比較普通。…查看更多

街坊話哩間喀什米爾咖喱,除左薄餅同馬沙拉(姐係其中一種咖喱)仲有其他好野食,其實我之前份工係印度公司,有埋廚師每日lunch 煮飯比印度員工食,有時會痴佢地食,之後出去食印度野就覺得唔同味,不過哩間唔係印度風,而係巴基斯坦風味,我記得佢地以前有養貓,但比人偷走左......今次試既係羊肉炒飯,係點男人去買,我攤係梳化等食,因為扭傷腳行唔到,一打開飯盒,嘩,咩料.d 飯多到爆曬盒,d 飯滿到直頭有埋盒蓋個方形角,拎左一碗出黎仲有咁多,羊肉份量超多,有羊味而唔騷,濃厚香料沾滿長身既飯粒,好味,係咁食係咁食,都仲有一大盒,可以分三餐啦.…查看更多

深水埗除咗2間電腦商場出名買電腦配件外，周圍仲有好多好嘢食，一場嚟到，當然唔會買完就走💪今晚揀咗一間由南亞裔主理嘅食店，食店面積很小，只得十多個座位，亦無阻它的受歡迎。分別點左牛肉卷餅、咖喱羊肉、串燒雞柳。牛肉卷餅$20熱辣辣牛肉卷餅，一啲都唔嚡口，而且充滿孜然粉及小茴香的一香味。串燒雞柳$55這個是由熱辣辣的鐵板盛著上枱，雞胸肉雖然被紅色的香料醃製，可不是辣椒，而且肉質都算嫩，唔會有柴皮感覺。咖喱羊肉$65每口咖哩充滿香料味道，辣度啱啱好，羊肉食落冇羶味，配埋薄餅冇得頂。…查看更多

名字與福X街那邊原來一樣，因此碗具都是相似的，汁醬和那邊分店差不多，味道也不相伯仲。一份咖哩牛腩，一份咖哩雞加蛋，蛋挺吸味，但辣得夠香。咖喱牛腩還不錯，不算太瘦，有少許筋在內，而且，令到咖喱更具牛肉香。有時候咖喱雞其實未必比雞扒出色，因為咖喱雞都不會使用新鮮的雞，因此雞肉可能很乾，又或者間中會有碎骨；反而，如果使用雞扒，肯定沒有骨，或者雪氣不太強的話，比起雞件更加出色。沒鹹Lassi，甜了個普通的甜lassi，原來原味就像是普通杰乳酪。🤔份量不少，拿走了少許薄餅；翻叮那塊餅，就顯得較韌。😬兩間喀什米爾賣相及食物都差不多，但好像那一間的質素險勝。🤫…查看更多