啖啖肉

营业中

休息中

在葵芳的啖啖肉，酸忌廉洋蔥炸雞是店內的一大特色，所以我今次就叫左依款炸雞。炸雞的外皮金黃酥脆，咬下去時發出清脆的聲音，而內裡的雞肉鮮嫩多汁，完全不油膩。店家使用的啤酒炸漿，使得外皮更加輕盈。酸忌廉洋蔥醬更是這道炸雞的靈魂所在。醬汁的酸甜平衡恰到好處，洋蔥的香氣增添了層次感，讓整道菜品更加豐富。這種獨特的搭配讓人忍不住想要再來一口。即炸既關係所以要等數分鐘，但是絕對值得等候，食到熱辣辣炸起又美味的炸雞但價錢略貴（$48 5件），係葵廣有其他更高性價比的取代品。

下午一點左右見開左半閘咪問下開門未想落單有個肥佬行出黎話未開（相信應該都係老細黎）問佢咁大約幾點會開呀點知佢一句話"開到就開 我都唔知幾點"之前食過一次覺得d 炸雞都整得可以諗住再食換黎咁既態度認真 唔想做咪摺埋佢囉 無人老馮受你氣既再好味既野 咁既態度都唔會有人buy 啦話之你d 雞整到識飛丫🤭🤭如果真係咁勁既唔會得一間分店啦香港飲食業咪俾呢d 人攪衰晒囉見到佢又話咩米芝蓮廚師又剩撈唔掂俾人淘汰左出黎渣瓜咁大個人基本尊重都唔識

四月食第一次:好食。第二次係今個月，覺得一般，同埋可能因為多客，整唔切，所以比較油。第三次:早兩日再幫襯兩個味，又係多人排隊，啲雞兩兜都好韌….明顯overcook左。等嘅時候仲聽到入邊話有幾多雞丢幾多雞落去…所以啲雞過晒火，破壞晒，完全唔好食！成$90有啲掃興🥲或者可能唔忙嗰日先嚟買會好啲😅睇相可以睇到肉質幾韌…

趁今日去葵廣，當然要去食返呢間心心念念嘅炸雞，上一次食到已經覺得好好食，今次叫咗個蟹黃炸雞一樣係禁出色，食到停唔到口☺️😎。首先攞上手熱辣辣🫰🏻個皮炸到金黃色好脆，啲蟹黃好香好濃，食落去每一啖都感受到蟹黃濃厚嘅味道！！雞肉嫩滑多汁，咬落去唔會乾柴，每咬一啖啲肉汁仲會流出黎🫰🏻其他口味嘅炸雞望落都好好食，希望有機會可以試曬全部味😆🫰🏻！支持小店！📍葵芳葵富路7-11號葵涌廣場潮流廊二期2樓2008A號舖

好耐無寫食評，YouTube KOL介紹葵廣美食必定有炸雞比拼，而啖啖肉比較特別。平時少過葵廣嘅我，難得一場黎到當然要掃下街，炸雞之前食串辣魚蛋，喉嚨有啲唔c服，熱氣就熱氣！嗌左個酸忌廉洋蔥$48，唔洗10分鐘就有。慣例手機食先，份量滿滿的，我唔客氣啦！嘩！一食不得了！個酸忌廉醬好fresh，解咗炸雞油膩。KO五粒炸雞好飽肚！食完路過涼茶舖要飲返杯涼茶解熱氣，但無後悔，好食到要寫返個好評，無咩事我飲多兩杯水先！

聽講係米芝蓮廚師創業嘅炸雞，果然有啲料到！我今次點嘅係酸忌廉洋蔥味！本身醬料味道非常香濃，重點嘅炸雞外脆內軟！而且炸粉非常之薄，雞肉非常多汁！邊打食評邊流口水tim🤪

食評這份炸雞球外酥內嫩，每一口都充滿了香脆的口感。搭配的酸忌廉醬汁滑順，增添了濃郁的風味，恰到好處的香讓人欲罷不能。整體口味均衡，適合作為小吃或分享，令人回味無窮。必定會再點

服務員態度不佳 對客人呼呼喝喝 毫無禮貌。食物質素一般 唔值得等半個鐘去食。之前同朋友嚟食嘅時候，我哋企咗喺佢門口睇緊Menu，佢只係望住我哋，直至我哋點餐嘅時候，佢先話我哋收咗，令我難以理解佢嘅做法

認得呢間炸雞幾出名見得兩三個人排隊就試吓。買完之後聽到叫號碼發現叫緊6x，但我地10x。第一下以為聽錯，點知問真啲店員話要至少等30分鐘😨 完全唔明點解俾錢嗰刻冇講聲🫠30分鐘之後諗住就有，點知只係叫緊8x😨 最後足足等咗一個鐘先有😓 中間有問下店員叫到幾多號，佢黑面，態度差，好似唔想答你咁。🫠炸雞唔係唔好食，但冇好驚艷，唔值得等一個鐘。大家weekend 去食嘅話慎重考慮唔好食呢間。😓🙏🏻

發現💥 葵廣名物炸雞新神作！估唔到竟然係蟹黃加炸雞呢個組合😮呢間我哋次次去葵廣都必食，私心推老闆係米芝蓮fine dine出身以韓式炸雞 x 英式炸魚做法招牌自創輕盈啤酒炸漿主打即叫即炸，鬆脆唔油膩嘅「零負擔炸雞」🔥-呢度炸雞同其他店好唔同，外皮做到薯片咁薄脆食落唔會油淋淋，感覺冇咁heavy肥膩雞肉極之嫩滑，次次食都爆曬肉汁好正💦-👍🏻蟹王 $58呢個新口味大癲😳用大閘蟹蟹黃同蟹肉做醬，加上花雕酒同蟹醋提鮮鹹香鮮味十足，仲食到一絲絲蟹肉，落重本🤯個醬真係cls，唔知老闆會唔會考慮俾人買走返屋企撈飯食呢🥹😂不過強烈建議一定要堂食拎到即刻食！試過外賣拎走食真係差好遠-👍🏻酸忌廉洋蔥 $48招牌味，酸忌廉配新鮮紫洋蔥粒同法蔥仔一定要撈勻食，酸酸地好香洋蔥味有啲似品客Sour & Cream薯片🤣-📍#啖啖肉 @damdamyuk葵芳葵富路7-11號葵涌廣場潮流廊二期2樓2008A號舖

葵廣越嚟越多唔同種類嘅店舖進駐🤓，掃街其中一站試咗呢間叫「啖啖肉」嘅炸雞店🍗，標榜令人無負擔嘅炸雞，店舖主力賣8款唔同味道嘅炸雞，落單後都要等45分鐘🫢❣️酸忌廉洋蔥炸雞 $48所有炸雞即叫即炸👍🏻，炸雞外皮用啤酒脆漿炸成，所以做到外脆又唔油膩嘅感覺，雞肉亦保留肉汁😋，真係做到啖啖肉🥰，配上酸忌廉洋蔥一齊食，竟然又好夾，冷熱交替😂，真係第一次食完炸雞覺得冇負擔🤪👅好味度：8.5（10分滿分）每份有5大件，定價雖然高但味道同質素都有保證，值得Encore😋

葵廣“啖啖肉”的酸忌廉洋蔥炸雞，絕對是一道令人難以抗拒的美味！這道菜的特色在於外脆內嫩的炸雞，雞肉鮮嫩多汁，每一口都熱辣辣好juicy！炸雞外皮金黃酥脆，咬下去時發出聽到脆卜卜嘅聲，讓人欲罷不能。最特別的是那酸忌廉醬，與洋蔥的搭配讓整道菜更添風味。酸忌廉的清新與洋蔥的甜味相互融合，為炸雞增添了一層獨特的風味，令味蕾感受到無窮的驚喜。這醬料不單止提升了口感，還讓整體味道更加豐富。酸忌廉洋蔥炸雞都十分適合與朋友分享，來到葵廣，千萬不要錯過這道美味的炸雞🍗

酸忌廉炸雞 $48用主打啤酒炸漿方式去炸，令炸雞咬落更加香脆🍗。一咬肉汁多到爆出嚟，好juicy。炸雞每件都大大件好肉質嫩滑。加埋上面嘅酸忌廉醬，令成個感覺更清新。唯一缺點係真係太多人買😢，假日去要等約半個鐘左右。臨到你個陣， 店員會comfirm下你喺唔喺到先再炸。確保炸雞新鮮滾熱辣。🔥

呢間炸雞舖喺葵廣2樓，特色係標榜住零負擔，用自創輕盈啤酒炸漿嚟整嘅炸雞🤩 見到好特別就叫咗一兜嚟試吓🤔 呢間都幾受歡迎，要等佢炸一段時間先有明太子炸雞 ($45)一兜有五嚿炸雞，上面我揀咗明太子醬🥳 炸雞外皮同平時食開嘅炸雞完全唔同，非常之特別🥰 炸雞外皮超級薄，炸得金黃，入口酥脆，調味亦都唔會太鹹，唔會食到成口油🫨 入面雞肉亦絕對唔乾，保留到少量肉汁，真係啖啖肉好滿足👍🏻 甚至唔配明太子醬就咁食都好好食呢間炸雞食落去同佢標榜嘅幾乎一樣😂 外皮鬆脆輕盈唔油膩，食落完全唔heavy👍🏻

啖啖肉 DAM DAM YUK· 放了10分鐘依然香脆炸雞身為一個不太愛吃炸物的人（尤其是炸雞），卻意外愛上的重口味炸雞。今次點的是酸忌廉洋蔥炸雞。因為是平日晚上，等的時間不算久大約6分鐘吧。炸雞即做的緣故需時，但是熱騰騰的拿到手還是很滿意的。傳統炸雞總是以有存在感的形式出現，厚厚的且有顆粒感，但這家炸雞的炸皮超薄。獨家研究的啤酒漿炸皮十分的香脆，有種像吃薯片的感覺，是以往炸雞沒有的口感，而且這家雞肉比其他的炸雞更嫩，雞的油香也意外的豐富。嫩嫩的雞肉配合薯片口感的炸皮下，即使是原味也不會嫌無聊。而配合酸忌廉洋蔥醬料更是有在吃薯片的即視感，這香濃的酸忌廉炸雞是送酒的一流小吃，雖然很感謝店家給醬滿滿，每塊炸雞都有充分的醬料，但是如果這炸雞是今天唯一的晚餐的話就略嫌過於重口味，讓人更欣賞原味的炸雞。路途中因為要買其他的東西而放下了炸雞，但吃到最後一塊炸雞約莫估計已經過去了20到25分鐘下，撇除了醬料的部分，薯片的口感依舊而感到驚喜。在份量與價格的部分，$48有5塊的情況下，普通女生只吃這個當晚餐的話應該會有6到7成飽吧，雖然肉眼下只有五塊，但因為炸皮很薄炸雞也大塊的。$48只有5塊會顯得有點