唯今

营业中

休息中

最近想搵一啲可以泊車嘅cafe放鬆吓，朋友介紹咗呢度門口有好多空間，附近亦都有兩個錶位停車場，趁着閒日放假就來試一試。午餐時間叫咗份蕃茄漢堡意粉，餐牌上面無意粉嘅圖，原來賣相都幾吸引，漢堡入面有流心芝士，配埋蕃茄汁幾夾，仲有兩塊迷你多士味道似pizza，整體來講好好食又豐富。跟餐叫咗杯latte個拉花都ok，味道幾好唔會over，會想再嚟飲，下次可以試埋手沖咖啡同其他意粉～同埋呢度好多清酒，夜晚嚟應該幾chill。

湯圓爸放大假 送完返學🎒就輪到我地既拍拖早餐時間 👫店子不大 室外有少量自成一角座位 室內也只有數張枱 感恩閒日早上人流不多 室內還意外的企理 冷氣也很夠😎我地食左咩❓🍴唯今菜食早午餐（蛋奶素）配香葱厚揚豆腐 薯仔沙律🥗 炒本菇 牛油果🥑 沙律菜 烤蜜糖多士🍴明太子沙律烤多士配沙律菜 迷你布朗尼 百花蜜乳酪小杯☕️Hojicha Latte☕️Caffe Latte開放式廚房 用具放置俐落 全部食物即叫即整 目視製作亦係一種享受😎 擺盤簡潔清新 用料有誠意 味道亦不錯 飲品如果配餐價格還好 散叫就有點太貴了

今一次帶小朋友出去搵下午茶，喺元朗搵一間有質素Cafe唔係咁容易，上網搵吓搵吓就搵到呢間唯今。裝修勁得，好有日本風，放假冇去日本好似去咗日本咁。食物質素好，元朗Cafe之中少見，食品製作有心思，叫咗個藍莓乳酪布甸烤多士，cappuccino俾自己, 同熱朱古力俾小朋友。師傅勁有愛心，聽到小朋友鍾意Mario，就整杯朱古力有Mario 星星，小朋友勁鍾意。間Cafe充滿愛，值得推介！有時人流比較多，想嚟嘅朋友就要早少少喇。

作為元朗人，其實已經到訪唯今好多次，覺得食物賣相豐富，而且小店環境都好好，所以假日有時間都會去幫趁不過隔咗幾個月冇黎，趁平日放假3點左右過去食個brunch，唔知係咪barista轉左人定點，杯cappuccino拎上枱時有點失望，杯啡只有7分滿，而且奶打得好薄，個拉花放咗一陣已經化開，似Flatwhite多啲不過最大問題係咖啡味道好苦澀，應該係冇tune好個shot😢如果普通餐廳我唔會咁執着，不過唯今始終叫做精品cafe，食物可以話次要，咖啡質素起碼一定要保持，希望下次會有改善啦💪🏻

一直bookmark左呢間日式裝橫既cafe舖位細細 都好三枱人等位黎到本來想坐門口位 不過太曬 熱到坐唔到 而我為左門口打卡位而黎 有點失望既辣屁屁個隻 甘我地就坐番入面入面d位都幾近 叫左 🧑🏻‍🍳唯今菜食早午餐 $88 有 菇 ，生菜，豆腐，牛油果，沙律，多士🥪芝士吞拿魚沙律烤多士 $56整體都好普通 ，有點住家feel拉👩🏻⭐️CP值;⭐️⭐️⭐️👩🏻回頭指數;👩🏻👩🏻📸打卡比分;📸📸📸

好耐都冇去cafe hea下嘆下啡，呢到有個戶外打卡位可以影下相，位置相對寧靜🌾唯今和洋滿點早午餐🍳🥗 $138黎之前睇左openrice，見佢評價好參差，但都決定一試🤣可能expect佢一般般嘅關係，出到黎我又覺得唔差，四款多士我都好鍾意。有原味奶酥、抹茶奶酥🍵、焙茶奶酥、蜂蜜牛油🍯四款，其中我最滿意原味奶酥😋多士鬆脆，奶酥帶濃厚牛奶甜味。另外香蔥厚揚豆腐食落比較似芝士肉醬味，惹味🫶🏻🌾白玉豆腐團子🍡 $38朋友一直都好鍾意食日本啲團子，所以見到有都幾驚喜，比較唔同嘅係表面微脆，雖然冇豆腐味，不過好軟糯❤️🌾Cafe Latte 跟餐+ $25咖啡師拉花好用心🫶🏻拉左隻獨角馬🦄咖啡味道奶滑。見到咁靚嘅拉花，心情都好好多🌾Matcha Latte $50每位最低消費一杯飲品，所以額外要左一杯Matcha Latte，味道微甜，抹茶味濃，如果熱啲會更好

今日難得同個舊朋友見面，專登去間靜靜地嘅cafe食嘢。因為我十二點幾食咗個晏晝，我朋友放工未食晏，所以我哋決定叫一個意粉同一份輕食多士。不得不提，個蟹肉明太子意粉整得十分出色，我最怕濃到結埋嘅意粉，但依個蟹肉意粉係啖啖蟹肉同明太子得嚟，又唔會太濃稠，再配埋個烘得剛好外脆內軟嘅迷你蟹肉多士，我同朋友都不約而同講咗句：好好味！至於個焙茶多士，睇圖都知佢有幾足料。食多士最怕啲角冇乜醬冇乜味，但佢連多士嗰角落頭都好多焙茶粉。依個餐最岩見朋友食tea，但又怕食太多會食唔落晚餐嘅人。雖然我同朋友兩個食完都好飽開初我以為啲蜜糖喺倒落多士到，但店長好有心咁行過嚟話可以倒落乳酪到等個味道再creamy啲店舖內坐位唔算多，不過平日想同一兩個朋友傾吓計、食下午茶☕️、去下啲隱世cafe，依到絕對喺一個唔錯嘅選擇！

同朋友係為咗打卡而來的，但係搵呢間餐廳都搵咗一段時間佢係你間舖頭夾住左。Cafe嘅出邊整得好靚，充滿着日式的感覺，同朋友喺出邊影相影咗大概半個鐘每一張相都係好靚的！另外叫咗兩杯飲品，一杯係latte一杯係朱古力！兩杯的質素都是還好的。對我而言，這間Cafe都係影相為主😝

俾佢吸引咗你呢一間Cafe嘅最大原因就係佢環境，成間Cafe比你嘅感覺就係好有日本風味！食物同埋飲品就不過不失，佢嘅煙肉薯仔芝士沙律多士就係平時想像中的味道，冇咩太大嘅特別。另外，美式咖啡都係普普通通，呢間Cafe比較適合你打卡味道方面就唔需要抱太大的期待😉

☁️ 一直save 了這家位於元朗日本風餐廳很久了被餐廳裝修吸引門口特色轉角座位，加上窗上可愛的圖畫。當天大概下午兩點，打卡位已經有人坐了。不過都慶幸因為當日太陽非常猛烈，如果長期坐應該抵受不了😆雖然坐在旁邊走廊位置，對住另外一間餐廳相對上環境沒有咁舒服，但係門口位都好靚。食物方面Bacon 🥓 cheese 🧀 toast ，麵包烘底再配上芝士Bacon ，很好吃。鹹度適中。

在寒冷的下午，想到一間溫暖的咖啡室休閒地看書。白色的外牆和木的配搭，小小的咖啡室，只有五張枱，但裝修雅致，室內播放着輕音樂，給予一刻悠然的空間。選了靠窗的一角，陽光柔柔的透過玻璃，讓咖啡室內加添一點溫暖。選過了咖啡，決定了甜點，拿起了書本，渴着、吃着、看着⋯⋯好好的偷了半日閒。蘋果撻$58木盆上端著熱烘烘的蘋果撻。烘焙味豐富，撻皮烘得脆口，蘋果片的邊也烘得香脆，撻的中間夾有柔軟的餡料（有點像蘋果金寶）。配上雲呢拿雪糕，也很香甜。蘋果撻和雪糕分開吃有它們的特色，一起吃味道也很夾。手沖咖啡（音樂家系列- 蕭邦） $68聞落有一陣陣酒味似的，入口淡淡甘甜的花香。

🔷 ☕️〰️ 雖然人住元朗，但好少係呢個位置出沒，有一日因為要整車，就順便同朋友過泥附近，點知見到有間日式餐廳😎 係等待嘅期間，真係要坐吓同感受下🥰〰️ 家姐話佢想打卡，就30幾度坐係出面真係唔講以為自己溶左😂 不過舖入面雖然都唔係好大，但勝在以簡約舒服為主。白色作為主調，好似日本🇯🇵街頭的一間店一樣好舒服。🍽 🔹煙肉薯仔芝士烤多士太鍾意食薯仔嘅關係忍唔住叫咗呢個多士☺️一切落去都係脆卜卜，加上煙肉本身都帶少少鹹，所以味道都好濃郁郁。但薯蓉嘅味道就唔係好出，不過多重口感嘅感覺幾好☺️加上有乳酪，沙律菜，感覺都好健康蜜糖好好味，忍唔住飲哂😝布朗尼蛋糕既朱古力味道好濃香，又唔會好硬，都唔錯 😝 🔹 Matcha 🍵 latte 抹茶鮮奶好有茶味，茶同奶嘅比例都好合適，不錯不錯😗雖然天氣好熱，但略嫌太多冰，好快就無咩味啦🥲🥲🥲🔹 Dirty 一打完卡都忍品住即飲，好彩都好夠凍。第一口就感覺到咖啡味道好濃香，接住就有奶香甜味，而且甘香味不斷交替，好滿意😍🔍 題外話除左飲咖啡之外，仲可以品酒😝 好吸引人要再過來感受氣氛呢😝 📌 唯今 📍 元朗建德街26號益利大廈地下12號舖

冇得去旅行既日子，唯有去chill下打下卡，今次搵左開打卡cafe好好chill一下。日本主題既cafe，以簡約風做裝飾風格，主要既打卡位係舖頭外面，環境認真唔錯，天氣好既話坐室外真係幾正。餐牌上一系列多士，感覺多士一定係招牌菜，於是就揀左依個有多款多士既早午餐。4款多士分別應該係原味、抹茶、焙茶、蜜糖牛油，點解會用到應該呢，因為除左外型比較容易判斷個味道，食入口既味道真係較淡，當中抹茶算係最有抹茶味，其餘3款麵包本身既味道仲更加濃，多士本身係烤得外脆內軟既，火喉既控制還可以，但要成為招牌菜就欠缺一啲特色。入面既咸食反而仲比較岩口味，甜甜既炒本菇、加上麻油既牛油果、清淡口味既揚豆腐，都可以平衡到骨腸、煙三文魚、溏心蛋既膩口感，係味道平衡上做得相當唔錯，唯一挑剔位係溏心蛋有啲過熟，當然唔需要似流心蛋咁蛋黃成流質，但應該食唔到沙沙地既口感會比較好。飲落口有少少涼涼地，係比薄荷級數低3級左右既涼，後勁係少少蜜糖既甜味，味道幾新奇，係未試過既味道，不過就唔係果種飲完一飲再飲既味道。◍ 肉桂蘋果威士忌特調 $𝟴𝟴 ◍酒味濃郁，依一點好欣賞，絕對唔會係為左少用酒毫無味道果種調酒，個人認為蘋果金寶既

每隔一段時間就會想黎唯今encore下呢到裝修係日本小清新風格 所有嘢都係楓木顏色為主 線條簡單 好有家嘅感覺🍂流心芝士漢堡扒配炒蛋仲有薯仔沙律 炒本菇 沙律菜同烤蜜糖牛油多士做side dish 每款伴菜都好正炒本菇好香 豉油味淋嘅味道啱啱好 唔會太甜或太鹹 蜜糖牛油多士係一塊厚多士 加左好多蜜糖 螞蟻人表示大愛❤️🍂煙肉薯仔沙律芝士烤多士其實係同大份早餐同一款嘅薯仔沙律不過加上咗煙肉同芝士喺厚多士上面烤 食落香脆 最開心係配上蜜糖乳酪同brownies店家好用心地俾客人叫一樣嘢 都享受到唔同嘅味道 好啱胃細細又貪心想食唔同嘢嘅女仔🍂Dirty呢到嘅dirty絕對係fav list第一名！分層超級明顯唔在講 佢咖啡香濃 仲好nutty 好飲到癲左😍

門口打卡位一流，正午時對著太陽，影相好靚。裡面檯唔多，位置都頗細，離地鐵站都頗遠。如果唔係住附近都唔會選擇呢度。食物價錢大概100蚊一個breakfast。除左麵包外，配菜真係唔多。有d唔係好對得住個價錢。三文魚得一塊，牛油果好細個，得一半。流心蛋一隻，蘑菇都不多，加一塊炸豆腐。但包有四塊不同口味，有抹茶，芝麻，蜜糖，原味。另外一份份量仲少，兩塊蜜糖包，牛油果，一件炸豆腐，薯泥，沙律菜。真係食包都食飽了。而且包的味道同d菜唔係好夾。配菜味道中規中矩，一d都唔難食，但冇太特別。飲品方便。綠茶拿鐵得綠茶味冇咖啡味，好失敗。cappuccino咖啡味都唔濃飲唔到濃烈的香味。