唐

這家餐廳的環境非常chill，讓人感到放鬆愉快。現場有live band演奏，增添了不少氛圍，讓用餐體驗更加愉快。雖然價錢稍微高了一點，但這裡的蠔真的是一絕。每一口都能感受到新鮮的海味，口感鮮嫩多汁，讓人回味無窮。服務也非常到位，服務員親切友善，對顧客的需求反應迅速，讓人感到賓至如歸。…查看更多

今晚Halloween，又想出去玩，但又唔想同人迫，於是朋友search睇吓有冇萬聖節氣氛嘅餐廳食飯，之後搵到呢間，裡面有萬聖節特色佈置，呢度仲有live band表演，現場氣氛很好！餐牌裡面嘅食物樣樣都好想食，今晚我哋只係叫咗呢啲食物。香蒜蜜糖雞翼：外脆內嫩，還有蒜蓉牛油香，表面有一層蜜糖嘅香甜，味道更豐富。薯條：酥脆金黃、濃郁的馬鈴薯香氣，讓人一口接一口，不停食！$108經典夏威夷薄餅：以菠蘿，芝士以及火腿為配料嘅一種Pizza，咀嚼薄餅時，同時能品嚐到蕃茄香氣與菠蘿的甜酸滋味及燶郁又可以拉絲嘅芝士，每一口都充滿熱帶風情味道。$168澳洲羊扒：肉質細緻嫩滑，有少少羊膻味，肉汁僅僅鎖住，細緻偏布嘅油花燒熟後散發出牛油般嘅香氣，外皮微焦酥脆。$368美國牛肋肉牛肝菌焗飯配烤牛骨髓：牛肋肉：肉味濃郁，口感Q彈有嚼勁。牛肝菌焗飯：菌味芳香濃郁，略帶甜味，焗飯軟硬適中，咀嚼時有濃烈嘅牛肝菌香味，滋味十足！烤牛骨髓：味道濃郁，口感非常滑，質地柔軟綿密，還有豐富嘅脂肪，令到口感更加豐富、濃郁。$398Halloween 當日送嘅 Tiramisu 蛋糕：甜度適中，濃郁嘅酒香，香滑嘅忌廉，香濃嘅芝士加埋上面嘅可可粉，味道更有層次，口感柔軟濕潤。好好食！…查看更多

📍位於元朗既 【 𝐓𝐨𝐧𝐠'𝐬 𝐑𝐨𝐚𝐝 𝐇𝐨𝐮𝐬𝐞 𝐒𝐞𝐚𝐟𝐨𝐨𝐝 + 𝐆𝐫𝐢𝐥𝐥 】餐廳會定期舉辦主題活動，今次我哋喺Halloween時候去，門口開始已經好有氣氛👻自助餐選擇款式好豐富😋冷盤有沙律、西班牙火腿、芝士、三文魚同海鮮。熱盤有招牌燒豬手、海鮮燴飯、期間限定芝士意粉🤤甜品區仲要滿滿萬聖節圖案，全部都好可愛，好靚😍特別日子仲會提供兒童/親子活動、例如小烹飪、扭汔球、手部彩繪等等…..戶外仲有提供遊戲區，小朋友玩得好開心唔捨得走🥳開開心心咁就一齊過咗4個小時，仲可以慶祝埋🎉呢度地方夠大，環境舒適，好適合一大班聚會，最好係可以提供免費泊車🚙真係好方便。𝐇𝐚𝐢𝐥𝐞𝐲話已經好期待下次同朋友們再黎食過❤️…查看更多

放假一家入元朗食個lunch 記得以前去過一次覺得都唔錯又有嘢俾小朋友玩點知今次就出晒事每位$368 加一 所謂自助餐一出到去食物區發現冇一樣嘢啱小朋友食連一個意粉或者炒飯都冇得啲沙律幾個頭盤幾個熱盤 （全部一係炸嘢一係辣嘢）出去室外食物區得啲比烏蠅「嬲」緊嘅串燒唯一可取就係有豬手同埋燒牛肉無可奈何之下唯有叫餐廳比兩個白飯小朋友食佢仲有個所謂海鮮區刺身一食落口無味嘅都唔知雪咗幾耐其他幾款直頭不值一提我明明記得呢間餐廳都算 kids friendly但經過今次我發現我完全錯了去到戶外小朋友玩樂區所有嘅設施唔係爛晒，就係勁污糟餐廳安排咗個所謂嘅 cooking class 俾小朋友學沖嘢飲敷衍到不得了求其將啲醬倒落個杯加冰加水就話完成全程5分鐘職員趕住收工咁求其不如唔好搞好過啦總括嚟講呢個價錢食午餐大把更好選擇大家如果錢太多又唔怕隔涉不妨一試我就以後唔會再去啦…查看更多

之前因為比嗰個姐姐氹咗做會員就試吓佢嗰個買二送一自助餐，都幾搵笨，三大一細係free小朋友嗰個，咁都算，但免費嗰個都要計加一，都算啦，香港地餐廳食嘢都係咁，所謂會員八五折，其實只不過係唔使收加一再平少少，但係其實自助餐都冇乜服務，除咗多啲碗要洗之外。但係尋日差唔多成30幾度，就算室內都近乎冇冷氣熱到死，冷盤嗰個位好多烏蠅嬲住，食物款式選擇唔多，係嗰個即燒BBQ好少少，但係可能太熱嗰個師傅都走咗入去冇再繼續供應食物，雖然買二送一，但係都差唔多成八百幾蚊。終於明白點解啲人會返大陸消費🥲…查看更多

一大班朋友聚會😊要搵個夠大地方又坐得舒服最後選擇唐 餐廳好有氣氛👏🏻🥳職員服務態度都ok食物唔算好好食 正常西餐廳食物🥘志在可以一班朋友聚會🎈開開心心🥰…查看更多

今年倒數留在香港，特別挑選了這一間餐廳，戶外環境不錯，戶外環境空間大，而且還有一個戶外遊樂場，最適合小朋友一邊吃飯，一邊去玩。食物質素也很好，上菜速度也很快，特別值得稱讚他們的海鮮拼盤，分量大且十分新鮮，個人也很喜歡他們的卡邦尼意粉以及薯角，最後我們也叫了抹茶甜品，非常好味。倒數日活動氣氛十分熱鬧，有現場音樂表演，主持人也跟每一桌互動，更有抽獎環節，當晚我們跟抽中了一支香檳，下年倒數也會考慮去多次這一間。…查看更多

服務態度一般，生𧐢不要點，不新鮮，價錢貴，室內環境很嘈！好似茶餐廳。整體來講，不值一提！泊車有約10個，有戶外和戶內，一坐落要你入會，要付成1000幾元，雖然話可即塲扣$400， 但是即要你下次再光顧！我沒有入會。…查看更多

趁中秋假期約埋成班朋友去左元朗食好西。間餐廳最近仲搞緊德國啤酒節，每晚都有舉啤酒耐力比賽同啤酒競飲比賽，可以嬴取餐廳嘅啤酒通行證。👀〰️傳統瑞士燒芝士、牛角窩夫、金門火腿（$138）牛角窩夫好鬆脆，好香牛油味道。Gammon ham帶點煙燻嘅香味，芝士即場炙燒，芝士控一定大愛，三樣加埋一齊真係好夾。😍仲有pickles、車厘茄等等去解膩。〰️德累斯頓燴牛肉、紅椰菜、煎薯餅 （$268）手撕牛肋肉燴得好腍好入味，入口即溶。配埋新鮮薯餅同紅椰菜，口感豐富。〰️慕尼黑啤酒節特色拼盤 （$1588）同行六個人都食唔哂🤫。店員搬完個拼盤上枱之後，會淋啲酒係中間再點火。中間嘅火焰牛肉串同燒虎蝦經過火嘅洗禮後帶點灸香味更香。另外仲有酥炸薄牛仔、脆皮燒豬肘及豬腩、聖路易斯燒排骨、紐倫堡腸、維也納豬肉腸、酸椰菜、燒粟米同埋炸薯。炸薯最令我驚喜！全部都好啱用嚟送酒！！〰️Berry treasure （$78）雖然溝左vodka但其實酒精味道唔明顯，飲落有淡淡嘅玫瑰、荔枝同藍莓嘅味道。😆〰️〰️📍 唐 (元朗)元朗屏山唐人新村路1號地舖…查看更多

早幾日，決定要帶家人出去chill 下呢間店幫襯過幾次，每次都冇令我失望適逢而家餐廳搞緊啤酒節活動提供不同互動活動，包括🍺舉啤酒環節，競飲啤酒環節又有live band ，幾有feel 👉🏻喜歡飲德國啤酒嘅你，餐廳推出德國啤酒Passport $260 可飲5杯餐廳依家搞緊family 活動，適合一家大細逢星期日及公眾假期 （17/9-22/10 ），成年人可以享用德國豬手，海鮮拼盤香腸拼盤等buffet ，而小朋友可以上烹飪課，玩攤位遊戲價錢方面：成人 368/位 ；兒童（3-11歲）$190/位食拼盤之前要返杯嘢飲先☺️🍹我同家人點了以下飲品Fruit Punch Yellow Star Fish Apple Merry Iceberg 價錢大概$68左右自己揀左德國啤酒🍻Maisel’s Weisse $92，友幼滑細緻泡沫點了個超爆大拼盤-慕尼黑啤酒節特色拼盤 （6-8人享用） $1588中間掛住嘅燒虎蝦，火焰牛肉串都好惹味外圍的食物包括酥炸薄牛仔扒，脆皮燒豬肘及豬腩，聖路易斯燒排骨，紐倫堡腸，維也納豬肉腸，炸薯角，燒粟米材料好豐富全部都係肉😹😹不同的腸仔都好味德累斯頓燴牛肉，紅椰菜，煎薯餅 $268 薯餅煎得好香脆，牛肉係面頰部份，炆得好稔、又大舊傳統瑞士燒芝士🧀️，牛角窩夫，金門火腿見住燒到融既芝士慢慢片落去火腿同少少鹹的waffle 面，呢個餐要熱辣辣咁食先好味呢度提供泊車服務，一家大細黎都非常方便…查看更多

德國菜食過好多次，啤酒節亦聽得多，但由餐廳舉辦的德國啤酒節嘉年華都係第一次參與。今次襯住係星期日，嚟到元朗屏山呢間隱世西餐廳親嚐一下德國啤酒節嘉年華的特色食品及感受一下熱鬧氣氛。餐廳雖然唔係處於當眼位置，但距離屏山輕鐵站步行約5分鐘左右可到，餐廳外亦有好多空間可供泊車，離遠都見到五光十色的燈光佈置，所以都唔難搵。餐廳分室外區及室內區，室外區都有好多座位，空間非常充足，十分適合帶同毛孩一齊用餐。室內區裝修及座位亦同樣闊落舒服。今次啤酒節嘉年華提供期間限定special menu，包括3款德國特色食品及每人自選飲品。飲品都有好多選擇，今次揀咗兩款mocktail: Virgin Kiss及Mango Fever❇️Virgin Kiss (Coconut cream, Pineapple juice, Cranberry juice, Lime, Blue Syrup)▶️藍藍地顏色好靚，入口有淡淡椰奶味，加埋幾款果汁溝埋一齊，味道都幾特別❇️Mango Fever (Mango Syrup, Cranberry juice, Lime juice, Soda water)▶️入口酸酸甜甜亦帶少少芒果香，味道相對較為清新。❇️德累斯頓燴牛肉，紅椰菜，煎薯餅▶️下面一大片煎薯餅，上面舖上燴牛肉，牛肉煮得好淋亦夠入味，牛肉側邊有紅椰菜絲，加埋薯餅一齊食，口感層次豐富之餘亦中和煎薯餅的油膩感。❇️傳統瑞士燒芝士，牛角窩夫，金門火腿▶️呢款菜式好特別，金門火腿都係第一次食，肉質一絲絲的，味道充滿咸香，上面舖咗預先燒熔咗的瑞士芝士，加埋底層的窩夫一齊食都幾惹味，旁邊配菜有酸瓜、車厘茄及酸蕎頭，可以清一清味蕾及減輕返芝士的油膩感。❇️慕尼黑啤酒節特色拼盤 (6-8人份)▶️呢個拼盤絕對係成晚重頭戲🤩，因為成個拼盤份量超巨型，入面包括：酥炸薄牛仔、脆皮燒豬肘及豬腩、聖路易斯燒排骨、紐倫堡腸、維也納豬肉腸、火焰牛肉串、燒虎蝦、酸椰菜、炸薯、燒粟米，材料非常豐富！呢set拼盤侍應一拎上枱基本上已成為眾人焦點，然後即場響中間的牛肉串同虎蝦上點火。虎蝦大大隻，燒過之後更突出蝦味。下面的肉類全部都好大件，其中燒豬腩外皮香脆，燒排骨肉味好香濃，兩款德國腸咬落去好juicy，雖然話係6-8人份量但我地6個人完全食唔哂！😄😅今次呢個德國啤酒節嘉年華除咗有傳統德國美食之外，現場仲有舉啤酒及啤酒競飲比賽，加埋live band 助慶氣氛非常熱鬧！勝出者仲可以挑戰冠軍榜，更有機會嬴取機票禮券！😍除此之外，亦可以參加攤位遊戲嬴小禮物🎁，大人同小朋友都可以盡興而歸！🥳✅德國啤酒節嘉年華由9月17日至10月22日逢星期日及公眾假期舉行，可以試到德國傳統美食之餘，又有好多嘢玩，鍾意熱鬧或者一大班親朋好友想假日歡聚又想遠離一下市區，呢個的確係一個唔錯選擇，值得推薦！👍🏻…查看更多

在屏山輕鐵站下車後 看到遠處有一個很多燈光的一個地方 就是餐廳的位置 算蠻偏僻的 但很有氣氛且食物質素高 餐廳分內外兩部份 桌椅以木製 用植物圍繞著 環境舒適 晚餐時間更有live band、遊戲攤位 員工還會邀請大家去玩啤酒遊戲 蠻會帶動氣氛 很適合家人跟朋友聚會的一個好地方 🧀🥐傳統瑞士燒芝士金門火腿配牛角窩夫 💰138脆口的牛角窩夫鋪上咸香味重的金門火腿 再加一層厚厚的芝士溶 口感豐富 充滿層次感 旁邊還襯托著酸瓜 蒜頭 蕃茄仔 可解油膩感 🥔🐮德累斯頓燴牛肉紅椰菜煎薯餅 💰268牛肉味濃郁 繪得超級軟身且嫩滑 配上紅椰菜很開胃 薯餅是用土豆絲炸成 炸至金黃色 脆口且土豆味香口🔥🍢慕尼黑啤酒節特色拼盤 💰1588拼盤包括牛肉串、燒虎蝦、脆皮燒豬肘、酥烤薄牛仔肉、燒豬腩肉、燒排骨、紐倫堡腸、維也納豬肉腸、燒粟米、酸椰菜及 脆薯角 分量足夠6-8人享用 食材都很新鮮 適合多人聚會 符合不同人的口味👍🏻🍸🍹Signature Cocktail
Rosy Mary 💰78帶荔枝跟玫瑰花香 酒味不濃 酸酸甜甜 適合女生喝
Greenish Green 💰78帶青蘋果香 味道清新香甜 很少酒味 …查看更多

今次是慶祝朋友生日，預訂火焰蛋糕，企最其待火焰，點火後都看不到，有些失望。。另我一早訂位，但坐在開門位，想調但話無得調，呢個亦有些不愉快，食物整體可以，但牛排每次吃都有些不開，因牛排收得最貴，但與價錢不乎。。希望餐廳對以上提點作出改善。…查看更多

即興飯局🤩朋友仔帶咗我哋黎呢間特色餐廳 雖然位置略偏僻，而桌椅都係用木製，令餐廳表現得更加像一個秘密花園！露天位置更擺放了大量綠色植物，設有避陽傘及梳化，環境極度舒適，有好多空間畀小朋友玩， 晚飯時段仲有live band 絕對值得假期花時間過來！西班牙火腿🍗。 風乾拼盤🥓🐖黑毛豬風腿 / 黑毛豬柳 / 風腸 可以配🍈蜜瓜 / 哈密瓜 / 無花果🫒仲有芝士🧀德國腸拼盤烤博克香腸、Debrecin 香腸和德國酸菜上的紐倫堡腸最特別四式pizza🍕真係好適合選擇困難症嘅人🤣➕️California Pizza🍍 最適合小朋友食嘅特選肉眼扒🥩五成熟 / M7 和牛西冷🥩七成熟就畀小朋友嘅 西班牙海鮮飯當然唔記得海鮮有🦐大蝦，青口，大蜆， 🍅蕃茄仔仲有好健康嘅秋葵添carbonara ➕️ 炸雞捲意粉🍝，略嫌失色🙊最有驚喜既係菠菜大蝦濃湯， 雖然其貌不揚 ，但真係好好味🥰可能有live band嘅關係，氣氛好好多人🥳慶祝生日🎂仲有人💍求婚添…查看更多

朋友帶我到唐食晚餐，位於元朗屏山唐人新村路1號地舖。 平時好少機會入元朗， 今次帶埋毛孩🐶一齊去， 朋友預先訂了室外位置， 好開心餐廳歡迎寵物入座👏🏻， 晚上仲有live band表演。晚餐🍽️ ～ 哈密瓜火腿、 豬手、 牛扒、薄餅、腸仔拼盤、 啤酒、紅酒和cocktail。 ▫️哈密瓜火腿 ～ 哈密瓜好甜，火腿味道一般。 ▫️豬手 ～ 外脆內軟， 店員會幫我們切好材上枱， 方便食用。 ▫️牛扒 ～ 牛扒多筋位，比較硬。 ▫️薄餅 ～ 薄餅正常發揮，一般水準。 ▫️腸仔拼盤 ～ 腸仔份量多。 整體食物質素中規中矩， 但環境和氣氛都不錯😊。 🏷️溫馨提示～ 整個用餐體驗均屬個人分享意見， 只作參考😊。 …查看更多