一谂起台式饮品店，就会联想到过江龙嘅春水堂，迷客夏，又可能系新派嘅轻时光，nuttea，长洲角酪，唇茶等等，而今次就介绍唇茶嘅副线-唇品。 唇茶嘅创办人Asum与3人6年前辞去酒吧员工一职，一同创立品牌，主打100％真材实料嘅台式健康饮品，最出名有月满花香，double may，材料独特，有桃胶，桂花等，而且无添加糖分，较受女士欢迎。 上几个月前唇茶创立咗副线-唇品，同样位于旺角中心，主打台式刈包，再结合日式/港式等食材，形成一家扫街小食店，帮衬埋唇茶当然会有优惠啦。 （冇任何 sponsor架）鳗吞吞$ 42刈包每款都好特别，但胃口有限，啱啱先喺附近食完poke，所以只叫得一个。 份量就系小食嘅size，唔会一野整饱你。 卖相几colourful，好吸引。 中间嘅炸物并不是鳗鱼，而系穴子。 鳗鱼系淡水鱼，穴子系海水鱼。 鳗鱼天生系肥仔，适合烧肉;穴子天生系瘦底，冇咁多油，适合天妇罗，用黎增加油脂度，就好似呢度嘅做法。 虽然鱼肉较薄，但都有两条。 粉浆唔系天妇罗𠮶只，呢只就比较光滑。 炸嘅时间刚好，金黄香脆，粉浆调味亦都足够，有少少粉香。 内里肉质鲜嫩，有少少骨仔，鱼皮黏中带滑，唔错。 白包外层有烘过，变得啡啡地，多一层口感，几有新意。 包同馅系成正比（唔会食到一塌糊涂），口感松软有咬口，味道唔寡，已经好过好多台湾菜刈包。 酱汁类似蛋黄酱，但佢一D都唔甜，食落咸咸地带些少creaminess，所谓「鳗鱼」蛋黄酱应该系落咗照烧汁咁解。 再配上饭素同黑芝麻增加咸香，紫椰菜增加色彩同爽脆，成个配搭都好make sence，非常之推介。…查看更多
叉lunch梗系要支持返香港队🇭🇰见佢写住人气一于试下！叉lunch主要材料当然系叉烧仲有菠萝 腌红菜头 青瓜即叫即制所以都要等5-10分钟拎上手好大个叉烧份量都有两至三片有一大块菠萝刈包口感同味道似馒头甜甜地偏松软夹住半肥瘦叉烧咬落一啲都唔柴啖啖肉冇猪腩肉咁肥腻糖渍菠萝唔会过甜又多汁加上酸酸地嘅腌红菜头菠萝同红菜嘅酸甜同咸咸嘅叉烧好夹加埋甜甜地嘅日式酱汁好正！不过可能太多馅同汁嘅关系个刈包比较软包唔哂即刻食嘅话店员只会用包装纸轻轻包住好唔稳阵会一路食一路漏有啲呢hea 希望呢方便会改善下
