哈豆

营业中

休息中

今日同friend試下觀塘呢間出名樓上餐廳🍴一共嗌咗四樣嘢1.台灣牛肉麵麵都ok，唔會太冧，有花枝丸，3舊大牛肉，足料👍🏻2.芋泥奶凍吐司🍞奶凍大大舊，芋泥略嫌唔夠厚，如果厚啲應該仲正，奶凍大舊到會跌落黎，吐司係經過炭烤既竹炭吐司，黑色3.甘梅粉地瓜🍠呢個麻麻哋，雖然出面炸粉脆，但係入面太冧，唔好食🥲🥲唔推介4.益力多特飲唔好飲，味道好奇怪，唔match，益力多溝個啲百香果味道好唔夾

台灣人主理觀塘台灣餐廳：哈豆最新兔兔刨冰💗點了豐盛台灣牛肉湯麵、台灣滷水拼盤、鮮梅豬排滷肉飯台灣滷水拼盤有滷蛋、雞翼、豆腐、牛肉、豬腳👍鮮梅豬排滷肉飯的豬排配上微酸鮮梅汁 好吃！抖起來~兔刨冰🍧好可愛喔😍（怎麼可以吃兔兔！）桂花口味奶凍配仙草刨冰有地瓜圓芋圓紅豆🫘等\套餐點了仙草奶凍和珍珠豆漿💗/兩杯飲料都好好喝，珍珠很Q店內粉筆畫好美💗裝潢都很有心思，都是台灣的景點！有點去了台灣的感覺

成日喺社交平台見到韓國啲cafe有動L布甸兔兔，估唔到香港而家都有啦！哈豆屹立觀塘多年，由台灣人主理，久仰大名，今次終於有機會試吓啦～店內有唔少台灣名勝、電視嘅手繪壁畫，最impressive係cashier後面嘅粉筆畫！除咗新嘅兔兔甜品之外，主食嘅選擇都幾多，當日所見非常受附近打工仔歡迎🕺🏿▫️ 豐盛台灣牛肉湯麵（$78）食台灣嘢一定唔少得嘅牛肉麵～除咗牛𦟌，仲有香菇貢丸、花枝丸、滷蛋同蔬菜，名符其實好豐盛👀呢個價錢好抵食！牛𦟌筋肉分明，軟稔入味，有3大片厚切。麵條口感滑嫩Q彈，比平時常見嘅刀削麵幼身。湯頭係偏清淡嘅牛骨湯，帶有陣陣藥材香味，鹹度適中配埋鮮甜嘅蘿蔔，整體味道幾舒服，但如果你偏好濃味，可能蕃茄湯或者飯類會啱你多啲▫️ 椒鹽排骨肉燥飯（$84）肉燥顏色好油亮，入口鹹甜鹹甜。出面好多肉燥飯啲豬肉都會整得太碎，呢份嘅肉粒大小就預得幾好，口感好實在，而肉燥嘅份量都啱啱好夠撈晒成個飯。排骨嘅椒鹽味好重好香口，外皮夠脆，個別一兩嚿脂肪比較多，但整體份量好夠誠意✨▫️ 逢甲鹹酥雞（$52）外層炸得酥脆，炸粉好薄加咗指天椒粉，辣辣地幾惹味🌶️入面嘅雞肉夠厚肉而且唔乾～▫️ 抖起來~兔刨冰（$11

套餐⏰滷肉飯+麻油雞+水餃+黑糖芋頭鮮奶 💰$149滷肉飯有滷肉、肉鬆、酸瓜蘿蔔，每一啖飯都好豐富，而且還原到台灣嘅味，幾好食。麻油雞都好欣賞，用嘅容器好保溫，食咗半餐飯都仲熱，麻油味好重，雞都夠嫩滑。水餃就有四隻，餡料係韭菜、粟米、高麗菜，點埋個辣辣地嘅醬汁更加好食。黑糖芋頭鮮奶嘅芋頭蓉係自製，建議第一啖唔好攪勻飲，可以飲真啲芋頭蓉先，然後再撈勻飲，叫咗少甜甜度啱啱好套餐⏰浮誇大腸麵線+哈豆鮮果茶 💰$138大腸麵線配料有麵線、貢丸、花枝丸、大腸、魚羹、柴魚片，配料好豐富，而且味道都近似台灣，呢個真係幾唔錯🔥 炸物拼盤 💰$58拼盤總共有六款小食可以試，有香腸、鹽酥雞、蝦卷、丸子、甘梅薯角，每樣都可以試吓，各樣都炸得啱啱好❄️ 抖起來-兔刨冰 💰$118外貌已經好適合打卡📸兔仔係桂花布甸，下層有黑糖刨冰、紅豆蓉、芋圓、地瓜圓、紫薯圓等等，非常豐富多口感

真台灣人主理：工廈裡的小台灣甜品必試讓你舞動起來的小兔兔🍜 豐盛台灣牛肉湯麵 （套餐$120 連飲品）軟稔入味的牛𦟌，配以花枝丸、貢丸、滷蛋，卷心菜，配搭超豐富，麵條軟硬度適中，份量十足。🍊 哈豆鮮果茶超兔的鮮果包括：橙、火龍果、檸檬、熱情果、蘋果、車厘茄，味道酸酸甜甜，清爽開胃。🐰 抖起來～兔 $118這款是哈豆今年推出的新款甜品「抖起來～兔」刨冰可愛到犯規，吃前小編不斷地抖動兔兔，敲敲兔子的小腦袋，真的太療癒了！🌼 兔子的桂花味的奶凍，兔子的耳朵有滿滿的桂花瓣，散發出淡雅香氣。刨冰配以紅豆、仙草冰和三色芋丸。裝飾的紅蘿蔔是白朱古力製成，也可以以食用，超打卡able 🥰🍽 餐廳：哈豆🌐地址: 觀塘駿業里6號富利工業大廈3樓A室🐮 #cowing吃在觀塘#hkblogger #hkbloggers #hkigers #hkkol #852kol #hkinfluencer #foodie #hkfoodie #hongkongfoodie #852food #852foodie #foodstagram #hkfood #hkfoodblogger #相機食先 #觀塘美食 #哈豆

見到呢間台式餐廳喺網上有咁多正面評價 呢晚就嚟咗呢度試一試 餐廳店員係操國語嘅 我估佢哋真係台灣人嚟㗎 牆上面亦都有台灣著名景點嘅壁畫 我哋就坐咗喺可以望住個九份景嘅位置😂豐盛台灣牛肉湯麵呢個湯麵真係冇改錯名 佢真係好豐盛 有好多款唔同嘅配料喺入面 香菇貢丸 花枝丸 牛𦟌 滷蛋 油麥菜🥬 佢用上關祖麵 都幾有咬口 湯底都幾濃郁 我最鍾意佢嘅牛𦟌 因為真係滷得好入味 同埋好腍🐮麻油雞+飯菜套餐一份套餐有齊一個台式麻油雞湯 滷肉飯 灼青菜👍🏻 一盤咁嚟 望落好豐富 我幾鍾意佢個滷肉飯 因為除咗有滷肉之外 仲有大量嘅肉鬆 送飯一流🫢 麻油雞湯唔會好鹹 清清地 仲有成隻雞腿肉喺入面 抖起來~兔刨冰見到店員拎嚟嘅時候隻兔仔已經跳緊🐰 呢隻兔仔係一隻桂花味嘅布甸🍮 所以都幾有驚喜 兔仔嘅下面有一層紅豆蓉 喺下層係有仙草汁嘅刨冰😮 唔少得嘅係佢側邊嘅芋圓 地瓜圓 紫薯圓 三種同樣整得出色 呢一份份量好多 啱晒同朋友分享飲品珍珠鮮奶茶 呢一個鮮奶茶嘅味道唔會好甜 而且呢度嘅珍珠煙煙韌韌整得幾好食🧋 黑糖芋芋鮮奶 呢一杯我哋嗌咗少甜 鮮奶撈埋甜甜地嘅芋泥 真係好夾呢間台式餐廳都幾地道 食物味道幾吸引 特

喺觀塘食台灣嘢，搵咗「哈豆」，另外一半每一次去食台灣嘢一定會叫牛肉麵，未坐低嘅時候已經話想食牛肉麵，點知見到有個 special menu，竟然有大腸麵線，佢即刻轉軚叫咗呢一個勁爆浮誇大腸麵線，另外叫咗鮮梅佐豬排滷肉飯，加咗一個小食台式滷水拼盤，飲品就通常飲台式珍珠奶茶，不過今次我哋兩個都冇叫到珍珠奶茶，我就因為想飲益力多而叫咗一杯鮮榨檸檬椰果多多，另一半就因為想食芋泥而叫咗一杯黑糖芋芋鮮奶，叫做勁爆浮誇大腸麵線嘅原因相信係因為個麵線份量都幾大，而且啲餸都幾多，佢嘅餸除咗有大腸之外，仲有貢丸、花枝丸同埋豬肉條肉羮，所以個份量都幾勁爆同浮誇，另一半最欣賞佢個大腸麵線嘅湯唔會水汪汪，杰得嚟又唔會過濃，而麵線亦都唔會過腍散修修，麵線完整得嚟又唔會冇咗大腸麵線本身係腍嘅特式，貢丸中規中矩，豬肉條就保持到個咬口，肉質唔散，個花枝丸就好好食，好重花枝嘅味道，而且好台式，另外佢加咗木魚花，本身另一半唔太鍾意食木魚花，但係佢覺得加咗之後個口感又幾特別，至於鮮梅佐豬排滷肉飯，個豬排雖然炸得乾身，但係啲肉一啲都唔乾，表皮係薄脆，如果重點係個鮮梅汁，點埋個汁一齊食係好香口，滷肉飯個滷肉油而不膩，感覺都好台式

觀塘工廠大廈不嬲都多特色餐廳㗎啦今次我哋去試嘅就係哈豆地點都幾方便，唔使行得太入，過咗APM同亞太中心之後個路口轉左行前少少就到我哋一行三人lunch去食嘅嗌咗蕃茄牛肉湯麵$62好推介！蕃茄湯底都幾濃郁，麵質好好食！椒鹽排骨肉燥拌麵$58排骨份量好多，性價比超級高！逢甲鹽酥雞肉燥飯$58用咗個好大嘅盆栽，好得意，對比起排骨有少少失色，但係其實佢份量都唔少，都有成八粒最後仲share咗一個甜品嘎嘎脆芋頭愛花生$99嚟到真係嘩！一聲勁大兜，刨冰上面有黃豆粉，花生奶蓋，香芋雪糕，紅豆醬，最上面仲插咗一個雪糕筒上去，勁岩打卡！最後飽到捧住個肚走

鹽酥雞是我最愛的台灣小吃之一，最近我品嚐到一家新開的鹽酥雞攤位，實在讓我驚艷不已。首先，這家鹽酥雞的外皮炸得非常酥脆，金黃色的外表散發出誘人的香氣。一口咬下去，外皮的酥脆瞬間破裂，露出裡面嫩滑的雞肉。而且，這家店的鹽酥雞經過特別的調味處理，每一塊雞肉都入味且香氣四溢，讓我欲罷不能。除了外皮的口感和味道之外，這家鹽酥雞的份量也相當驚人。每一塊鹽酥雞都大得令人驚艷，吃得我滿足又過癮。而且他們的服務也非常友善，讓我感受到了家的溫暖。總的來說，這家鹽酥雞攤位給我留下了深刻的印象。他們的鹽酥雞外酥內嫩，味道鮮美，份量十足，而且服務態度也非常好。我強烈推薦鹽酥雞愛好者來試試這家店，相信你一定會愛上他們的美味。

沒有說明店內只收現金！ !!關門時間9:30 當時8:55被告知提早埋單，但我地沒有現金，要去樓下禁cash ，距離關門時間仲有35分鐘，我地都明白通常會提早埋數，但檯面上既野未食完，諗住食多兩啖就立即去禁錢，點知收銀員就以態度極差既語氣命令式：「咁你而家落去禁呀！」 過程有種趕客趕收工既感覺，令我地好反感，如無意外不會再光顧本店！

放假同朋友去觀塘行下街、去左個工業工廠區入面間台灣野食食個飯🤤、都比較隱蔽、要上網搵定先搵到🤣哈豆😋牆以水彩畫為主、畫台灣出名地理位置麵線係台灣個款比較幼的麵、可以將湯汁吸滿、啖啖都係湯汁的滋味、食時有台灣豬大腸粉麵線的味道、有牛肉湯香濃加上麵線的幼滑、兩者配合😋滿滿的芝麻香、加上涼冰冰面、兩者配合、就比較似日式的撈烏冬、清香四溢、不過雞絲就略遜色、煙靭少少、過老😂飲時似雜果賓治、有茶香、而且水果🍊都比較新鮮、不過味道就係一般😂

著實，很久沒有到哈豆用餐，心血來潮，今天就上店走走吧！誰不知，店子原來已搬家了！慶幸的是，新址仍在觀塘區，距離舊店約三百米，在巧明街，就當是做做運動吧！佈置是感家庭風，一點點文青感覺，在單上掃碼點餐，跟從前不同。是日點了豐盛牛肉麵，加一杯珍珠紅豆奶茶吧！好了，看看碗麵有多豐盛！牛肉火候夠，夠腍夠入味，喜歡！麵條有點過腍，是浸得太久的副作用，少許失望，哎呀！還加了麵底呢...豐盛版，是多了一粒貢丸和花枝丸，彈牙感及充實度，可以說是來自台灣的食材吧！湯底有些微辣度，不嗜辣的也可入口（本人可是辣魔），元茜也配合。說到奶茶，是正常味道，沒太甜亦不太有特色，珍珠是較腍的款式，沒有嚼勁，不是我杯茶。總結，價錢算是中價位，飲品跟主食叫有優惠，味道還是可接受的，或會再光顧。

牛肉麵啲麵夠林、牛肉都林但得兩舊太少，我點了番茄湯底都夠味，而家食完唔會口渴，牛丸花枝丸都好食，但入面啲番茄係生，無煮過。$70，比起其他連鎖台店算平由於無套餐，叫左杯珍珠鮮奶茶都要$30，一上枱比隻杯嚇親，膠杯表面花哂，仲要係裂、個杯邊係鞋手，同埋飲唔出係鮮奶茶味，茶底唔掂無茶味，杯野唔值$30。

和朋友聚會的好地方。餐廳環境很舒服，在疲勞的一天放下疲累可以好好地享受晚餐。老闆在台灣澎湖的攝影很美麗。再者這間餐廳當中有很多不同台灣地方的圖片，彷彿置身於台灣的餐廳之中🤤✨✨✨！

雞扒滷肉飯同台式牛肉麵，兩款都係非常受歡迎嘅台灣美食，每款都有佢獨特嘅魅力同味道。雞扒滷肉飯，將嫩滑多汁嘅雞扒同濃郁香味嘅滷肉飯結合。雞扒煎到外皮微焦而內裡保持肉汁，搭配上經典嘅台式滷肉飯，滷肉飯嘅肉醬鹹香濃郁，同雞扒嘅鮮美完美匹配，每一啖都係滿足感滿滿。食呢碗飯嘅時候，不單止能夠品嚐到雞扒嘅美味，仲能夠享受到滷肉飯嗰種家常嘅溫暖同慰藉。台式牛肉麵，則係另一種風味。湯頭濃郁而帶有牛肉同中藥材嘅香味，牛肉燉到軟嫩易爛，同滑嫩嘅麵條一齊入口，既有肉嘅鮮嫩又有湯汁嘅醇厚，每一啖都係暖心又滿足。加上幾片煮得恰到好處嘅青菜，令整碗牛肉麵更加豐富同平衡。無論你鍾意雞肉定係牛肉，呢兩款菜式都能夠滿足到你對台灣美食嘅渴望。雞扒滷肉飯適合追求家常滋味嘅你，而台式牛肉麵則適合喜歡湯麵濃郁口感嘅朋友。每一次品嚐，都令人有種置身台灣小巷嘅感覺，享受當地嘅美食文化。