品越越式料理 (康怡廣場北座)

lunch叫左个河内生牛肉汤河粉配热饮，几抵食。一上台d汤都够热，牛骨汤底清澈得嚟好香，饮落去好浓嘅牛味，唔系𠮶啲靠味精煮既，系真材实料𠮶只，仲有少少香料味但唔抢，饮得多都唔会滞。牛肉片超薄超新鲜，落汤几秒就熟，入口即溶，完全无筋无鞋，牛味香到爆。河粉好滑，煮得够淋够透，啜落去完全唔黐口，吸晒汤汁一啖过超满足。配菜有好多香草可以自己加，仲有豆芽同青柠，酸辣自己调，食落好清新，解晒牛汤嘅油。碟辣椒油同鱼露辣椒好正，加少少已经够晒味。一碗食嗮够饱肚。…查看更多

2.10入坐 2.30有下午茶叫了2 lunch set 念住等多一阵叫多2 tea set 下午茶问咗店员几次想拎tea set menu 都叫我地等阵到2.30再问先同我地讲 早过2.30入座唔比叫下午茶...如果想叫下午茶要岀去排过条队再嗌 岀面明明一个人都冇 餐厅入面又有几十张空枱😅由餐厅到个侍应都奇奇怪怪😅乜第一次问你拎menu嘅时候就同我地讲唔比我地嗌tea set 会扣钱㗎？开多张新qr code会比人扣bonus？ 死都要等到够钟 等到我地有2个人食完饭先讲😅食咗牛肉汤河 成碗野咁大得3片牛都算 个粉咸到要洗肾🤢…查看更多

晏昼食饭，叫咗个冬阴功鱼片汤河…一落完单，食物唔够5分钟就上到枱…望落份量唔算细，同埋都几多鱼片，色泽有正常…谂住都应该唔会啩…但食完第一啖心谂 “wa, 乜咁辣嘅…?”完全唔似冬阴功… 成个汤底净系得一浸酸味同辣味…夹硬食完…谂紧自己叫咗啲咩……查看更多

本人去品越越式料理 食下午茶 一点完餐 右手边枱的客人 向住我打乞嗤 好自然 我换了位 换完位我 有通知女职员的 上菜的男职员 拎住食物 在我原先的座位犹疑 这明显欠缺了沟通 我见到叫住那男职员 讲呢边 那男职员半信半疑过嚟 问我是否一位 我讲一位 当时我刚看完 枱上放的推介 牌 双手放在枱上 那男职员 拎住食物 无讲嘢比黑面 佢讲上菜 我讲你放呢度 佢讲你 双手放系度 我怎样放 你可以礼貌同我讲 又黑面 态度又差 对我 我来食嘢的 不是来买难受的佢上饮品时 态度又超差 呢一餐 我真的食不下…查看更多

叫咗4人餐，6百几蚊，不过我哋一行人异口同声都系话非常之唔抵，每人独立叫过pho 食仲好。前菜拣左「牛油鸡翼」同「软壳蟹芒果卷」，味道尚可不过不失。主菜「咖哩牛腩并蒜蓉包」，牛腩唔错够淋，不过面包太少，所以唔系几够饱。再黎「蒜蓉炒菜」，一睇就知唔够食，4个人每人夹一次就无哂…. 基本上去两𩠌饭店夹菜都可能多过佢。「椰香海鲜炒饭」 …味道尚可，不过份量系一个成年男士一个人食哂都唔够饱，唔好话4人，2人份量都勉强…. (只系同去酒楼食蒸既盅饭差唔多大，咁你话点够4人食）最尾「萫茄汤煮鱼」（要再加钱），味道一般无惊喜，不过由于前面𩠌菜完全唔够饱，失望既感觉已经对条鱼无乜印象。呢个价钱唔算平，味道已经唔期望太大，但个份量可以令每个人都食唔饱（4个成人2男2女正常食量），真系非常失望😞⋯⋯ （无影相因为太细太少引唔起兴趣影）…查看更多