咩記打邊爐

【鸳鸯锅：汤底够惊喜！】我哋叫咗个鸳鸯锅，分别系 卜卜蚬浓汤锅 同 清甜鸡汤锅卜卜蚬浓汤锅：真心够鲜甜！一上枱已经闻到好香嘅蚬味，汤底浓郁得嚟又唔会死咸，打边炉前饮咗碗暖吓胃先！清甜鸡汤锅：呢个好特别，入面有乌鸡件同新鲜姜片。最惊喜系啲姜片煮极都唔会辣，反而令个鸡汤越熬越浓，饮落好清甜滋润，冬天食一流！【四款羊肉：羊肉控必点！】今次一次过试咗佢哋四款羊肉，真系各有千秋，啱晒唔同喜好嘅朋友！羊上脑：系油脂最丰富嘅部位，所以羊肉臊味最强，肉质非常嫩滑，啱晒重口味羊肉控。羔羊肉：如果想食嫩滑但又唔想太油腻，羔羊肉 会系个好选择，食落比羊上脑更嫩滑。高钙羊：佢嘅特别之处系食到一啲脆骨，口感好丰富，好有层次感！后腿肉：至于钟意实在口感嘅，就要试吓后腿肉，佢油脂最少，肉质最实在，比较有嚼头。【招牌配料：样样有惊喜！】白鳝片：厚切！咬落爽口，好新鲜，食得出处理得好干净。鸳鸯虾滑墨鱼滑：两款都好弹牙，鲜味十足，食得出无咩粉感，真材实料！雨衣鲜竹笙：好值得一试！同平时米线𠮶啲竹笙唔同，佢爽口得嚟又滑捋捋，索晒啲蚬汤之后，鲜味再升级！👍🏻水莲菜：第一次打边炉食水莲菜，爽脆到不得了，用嚟解腻一流！【饮品：消暑之选】叫咗杯水果蜜桃茶，上枱时面头有层好似打果汁𠮶啲天然泡泡，饮落清爽，唔系人工甜味，好啱火锅后清清口腔。整体嚟讲，汤底同食材都好高质，特别推介卜卜蚬汤底同雨衣鲜竹笙！服务都唔错，值得再encore！…查看更多

朋友推介旺角的咩记，以羊肉为主的火锅店，完全有惊喜！先食串烧，再火锅。点了Juicy 沙嗲牛肋条 $28，沙嗲味道出色，牛肋条零韧度，价钱超值。甜蜜的肠肠 $18，是小编喜爱的台湾肠，非常合口味，好食。招牌经典烤羊小排 $28，肉香满满，随碟附上孜然粉，超级匹配的调味料，大爱 🥰🥰串烧过后，进入火锅正题！拣了鸳鸯锅（自选） $88，清甜鸡汤锅卜卜蚬拼浓汤锅 😋😋羊肉是重点，点了招牌高钙肉-嫩而不臊 200g $188虽然肉质偏瘦，口感仍然嫩滑，肉香一流 👍👍👍再来招牌羊上脑肉-入口奶香 200g $188，超级好味道的一碟羊肉，肉质嫩滑，有羊味但不骚，每只羊只有200 gram的颈后肉，必食之选。箘类拼盘$128，有鲜冬菇、白菇、金针菇、鸿喜菇，丰富热闹。鲜嫩斑鱼王 龙趸 $98，经过冰鲜处理，跟完全新鲜的有出入，但味道还算不错👌飨铃 $38，脆炸响铃，轻轻一滚即可进食！蔬菜拼盘 $128，有菜心、生菜、油麦菜、娃娃菜及大蕃茄，鲜嫩翠绿，赏心悦目。咸柠七 ，咸柠劲足料，够味 👍👍…查看更多

🔸 鸳鸯锅  $88想食有辣有唔辣梗系选鸳鸯锅啦 ，今次拣咗 清甜鸡汤锅同麻辣汤锅 ， 两个锅底都浓郁，调味恰到好处， 乌鸡锅底有好多大葱同埋桂元，所以甜甜地；而经典嘅麻辣汤底，汤色红亮，香气扑鼻。汤底中加入各种香料，整个锅味道层次分明，既有麻辣刺激，又唔会过于油腻。羊肉在汤中煮熟后，吸收咗汤底既精华，入口滑嫩😋 🔸 招牌高钙羊肉200g $188 呢个卖相好特别，一上枱就系一大碟堆到山咁款嘅羊肉，配上干冰烟雾弥漫，好震撼 ；高钙羊肉嘅肉边有啲软骨连住，咬起上嚟 chok chok脆，好爽口。 🔸 百日羔羊肉200g  $148肥肥哋嘅羊仔肉，嫩而不燥，切片均匀， 完全无骚味 ，口感似食紧啲靓肥牛一样👍 可以话系喺香港闹市近地铁 最靓嘅涮羊肉，没有之一🔸 羔羊后腿肉200g  $168后腿肉比较瘦，胜在食材新鲜，将羊肉片轻轻放入滚烫锅中，瞬间散发出香气令人垂涎。最令人惊喜既系，羊肉味道完全无一丝骚味，反而带有自然肉香，叫人一口接一口，欲罢不能。🔸 爆汁咸蛋鱼丸7粒  $48 爆汁鱼丸都系喺呢间第一次食到，唔使7蚊粒，算抵食，而且味道真系唔错🔸 墨鱼滑2条  $88 墨鱼滑有两大条 ，本身已经校好味，唔使蘸酱汁已经好有味😋 🔸 白鳝片100g $168 白鳝片有8大片，切得都几厚肉，仍然连住啲皮鱼，烚两吓攞出嚟，食起身好爽脆，有鲜甜味🔸 鱼皮饺7粒  $58饺子可能系 打边炉必备食物，呢款鱼皮饺味道唔会死咸，肚饿嘅可以叫多碟嚟食😋 🔸 核桃糊  $38同羊肉冇苏味一样，呢个核桃糊完全冇核桃嘅苦味，唔系好甜，健康补脑🔸 芝麻糊  $38芝麻糊打得好浓厚，味清甜又润喉，打完边炉食最啱👍 味道：9/10性价比：7/10…查看更多

羊，全部都系羊。“咩记打边炉”，净系听个名已经知道，呢间旺角嘅火锅餐厅系专食羊嘅。餐厅从内蒙直送嘅羊系分得好仔细，有啲部位甚至系矜贵到一只羊只有一碟200g肉。仲未算，呢度连酱汁都有为羊肉专门而设，真系非常专业。鸳鸯锅 (自选) $88 清甜鸡汤锅卜卜蚬浓汤锅两个汤底都唔辣，不过配料好多，所以个汤基本上都系清甜，可以就咁饮，唔会觉得淡，当然衬羊肉都唔会有问题。 招牌羊上脑肉200g $188 招牌高钙肉200g $188 羔羊后腿肉 200g $168 三种唔同嘅羊肉，部位同稀有度各有不同，当然肉质同脂肪比例都会唔同。三只羊肉之中，上脑肉最矜贵，每只羊只有200g，无论系羊味同脂肪感都十足，可以话系最黄金嘅位置。高钙肉系唯一可供食用嘅软骨部分，所以系会有软骨嘅咬口，不过羊味亦算浓。至于后腿肉，由于系运动最多嘅部位，脂肪会比较少，但会好有咬口。招牌经典烤羊小排 (1串) $28 招牌经典烤羊肉串 (2串) $36 盐烧虾虾 (4只) $88 猛火肥仔蚝 (2只) $38 蒜香扇贝 (2只) $38 呢度比其他火锅店最特别嘅地方，系有埋串烧同烧烤。当中嘅羊小排同羊肉串都系好有风味，价钱亦抵食。其他烧烤包括海鲜亦有水准，个人几钟意个扇贝，蒜味十足。至于虾嘅盐烧味道亦足够。桂花蚌 $138 喺海鲜嘅类别拣咗桂花蚌。以一身打卡杯装外型，用嚟打边炉，鲜味同质感兼备，只要唔过熟，点埋蒜辣豉油，冇得输。马鲛鱼丸 (7粒) $48雨衣鲜竹笙 $68 响铃 $38 水莲菜 $38 喺其他嘅配料当中，特别要讲呢只马鲛鱼丸。基本上食落去系等同于”丸”版本嘅鱼皮饺，亦有啲猪肉香。另外竹笙亦好大条，水莲菜就比较少见，$38嚟讲都好大束了。水果蜜桃茶 $48 无糖可乐 $18 柠乐 $28 打边炉当然要叫嘢饮！呢度嘅汽水系用玻璃樽装，更有风味。不过更加要提嘅系柠乐，大约用咗近10片柠檬，非常有柠檬味。至于水果蜜桃茶亦用上唔同嘅杂果同蒟蒻等，甜甜地，解辣亦可以。虽然呢度嘅羊肉品种好丰富，但其他食物类别嘅选择亦好多，包括串烧、烧物同海鲜等，加上呢度地方阔落，坐得舒适，系揾朋友聚脚嘅好地方。…查看更多

放工行完街想同朋友食地道又有特色嘅餐厅涮羊肉？位于旺角通菜街的咩记打边炉是你最佳选择！走进充满港式怀旧风格嘅装潢，享受由内蒙直运的百日羔羊涮羊肉,蒙古风串烧; 亦有不同地道的新鲜食材, 经典港式糖水饮料提供。涮羊肉配搭鸳鸯锅,一边系鲜味浓郁嘅卜卜蚬浓汤锅，用足料鲜蚬熬煮，鲜甜爆棚；另一边系清爽甘甜嘅清甜鸡汤锅，滋润又解腻。重有秘制麻酱， 韭菜酱, 红腐乳食羊必备。必食菜式：180日羔羊肉：由内蒙直运的薄切百日羔羊肉质嫩滑，脂香分布均匀, 带独特的羊香味高钙羊：肉质纤维扎实 ， 鲜甜可口带脆口，一啲都唔臊白鳝片：厚切加鲜滑脆口雨衣鲜竹笙：爽口得嚟又滑捋捋，配合蚬汤鲜味再升一级水莲菜& 菌类拼盘: 集合多款野菌同菜，提升汤底的鲜味，解腻一流串烧及烧烤包括：蒜香扇贝：蒜香浓郁，扇贝肉甜味突出招牌经典烤羊肉串：秘制酱汁，外焦内嫩， 香气扑鼻又唔膻鸡脆骨串：口感爽脆，少少辣够晒味响铃：香脆弹牙，火锅必备饮品推介经典香港味咸柠七，冰凉解渴; 甜品当然不能错过用红豆绿豆陈皮糖水，陈皮入味绿豆下火，系涮羊肉嘅完美配搭！…查看更多