咖啡弄 (已結業)

当时喺咖啡弄结业前嘅早几日先得知呢个消息，即刻趁最后机会走去食多次，以后要去到台湾先有得食啦。多年以嚟，餐牌变化不大，虽然都有唔少嘅新家菜式。🌪Oreo沙冰Oreo味道香浓，甜度适中，沙冰打得幼滑，个人觉得半溶状态嘅时候最好饮。🌪冰鲜果茶由咖啡弄喺香港开业至今最钟意嘅饮品，出面揾唔番呢个味道，系我最钟意嘅水果茶，没有之一。🌪龙虾包面包烘到外表金黄，外脆内软，龙虾肉份量亦都唔少，肉质弹牙，食落淡淡滋味。🌪士多啤梨窝夫咖啡弄嘅窝夫一直走饱肚路线，唔系空气感𠮶种窝夫😂窝夫松软绵密，蛋味奶味同样香浓，配埋酸酸甜甜嘅士多啤梨酱，的确令人回味。🌪虽然食物质素仍然好食，但除咗价钱之外，之前一直唔想嚟嘅原因同员工有好大关系，服务差之余，就算店内多吉位都冇人执枱，唔入客，想做少啲嘅心态所有打工仔都有，但太明显都会令食客睇唔过眼。…查看更多

第一次去咖啡弄是由楼梯底排到上去，等左1 小时左右，用餐时间好像1.5小时台湾引入香港的cafe.....所以长期都系咁多人不过食物味道唔错的之前试过叻沙同窝夫，今次系第3 次去食，所以就试下招牌三文治总汇等食物大约20分钟左右，三文治馅料挺多的。。。仲配埋香辣粟米片饮品就order左朱古力不过店内人手好像唔系好足够，试过有次叫左叻沙。。。等左45分钟仲要催单先有得食。可能改善下人手问题，可以令食客减小排队等候的时间…查看更多

今次食左三样野，草莓窝夫，龙虾三文治同埋公司三文治🤤仲叫左野饮但唔记得影 哈哈😚三样野都好好味，草莓窝夫打卡一流 同埋真系好味😍但两个三文治质素麻麻地，甜食会比较好味😂…查看更多

平时从来无写食评的习惯，去完铜锣湾呢间咖啡弄之后觉得唔写唔得。第一次去一间食肆系俾啲waitresses 既态度吓亲！见有啲人赞佢地good service真系O左，唔通正系呢日先系咁差？我地琴晚准时6:30去到攞枱，坐低睇左一阵menu跟住预备点餐。有个好霸气带著黑色口罩既waitress攞著个不锈钢餐具桶埋黎，跟住劲大力咁一野摆起我地张枱到🤯好似发泄紧情绪咁🤯我地全部人即刻呆左唔识反应，我隔离个朋友(当时佢最近个waitress)直程吓到弹起😱完全唔知发生咩事，差啲以为系我地唔知做左啲咩得罪左佢咁。可能见我地都吓亲，点餐个时个态度稍微缓和左啲。之后我地7个人想换张圆枱方便啲倾计，佢都肯配合，呢样系唯一一样好😅 去到差唔多食完个时，我地听到黑口罩waitress叫长发waitress帮手执枱，点知长发女超燥咁话已经执左好X多唔X想再执。唔记得仔细对话，但有一句一定记得既系黑口罩女听到之后就话佢都执X左好多，跟住话：「呢枱都已经搞X死我。」因为个晚几乎全部都系两个两个人食，得我地呢枱系多人，所以「呢枱」明显系指我地🤷🏼‍♀️ 平时遇到啲态度差既侍应最多系会黑口黑面，今晚真系令我「大开眼界」! 竟然可以起食客面前咁样发泄，完全系不可思议。食物还算ok，但等左好耐，其中一个朋友点左份三文治过左30分钟都未上倒。总括而已，食完呢餐之后真系一世唔会再黎，啲态度直程可以用恐怖黎形容😱👎🏻👎🏻 如果日后服务质素仍然系咁差的话，相信只会越来越赶客。…查看更多

放工即刻搭车黎咖啡弄，系唔驶排队就可以入座每人最低消费系一杯野饮，叫左芝麻咖啡，我个人觉得有少少中伏，我唔知原来d芝麻系捞左入去𠮶pat cream度再浮喺咖啡上面，下次黎都系叫返其他野饮次次黎，都话冇哂盐酥鸡得盐酥菇，今次终于有喇，盐酥鸡系好食嘅，但比较下会钟意盐酥菇多d，因为比较juicy呢个总汇三文治都系每次黎必叫，最钟意佢上面d墨西哥脆脆，同个蛋沙律，虽然系咁，佢个猪扒三文治都唔错嘅黎到咖啡弄冇理由唔食厚松饼嘅，有一球士多啤梨雪糕同一球吉士，仲有几多士多啤梨伴碟，但系d士多啤梨有d酸，将士多啤梨雪糕同吉士搽落块松饼度食，多重口感但系又非常夹，食完呢个好满足…查看更多