咖吔

营业中

休息中

東港城有好多好有質素既餐廳,kaya 係其中一間飯堂之選海南雞油飯配喇沙海南雞油飯係一個好好既配搭,而且依間既海南雞做得好好,好滑,好出色,而且佢既醬汁係好好既,送飯都一流。蒜蓉炒椰菜苗好健康的椰菜苗,而且炒既時間剛剛好,鑊氣都好夠,而且唔係好多餐廳有依款菜,所以真係一見到就好想叫既菜。鹹蛋黃魚皮香脆可口、好有地道風味,好喜歡既小食之一,而且佢份量好夠,好適合一家人食飯點既小菜。附近仲有好多 shopping 同玩既地方,真係唔會悶親~      

咖吔 📍將軍澳坑口重華路8號東港城1樓112A號舖最近發現呢間位於坑口東港城商場內新加坡餐廳🍴店內裝修精緻設有卡廂整體環境好舒服😌價錢合理🤭性價比好高下午茶都係幾十蚊一個餐✔️仲跟埋飲品🥤叫左兩款小食😜班蘭多士同鹹蛋黃單骨雞翼即叫即製🔥上碟夠哂新鮮熱辣班蘭多士🍞好味道用上薄多士配上厚厚牛油🧈同班蘭醬鹹蛋黃單骨雞翼🥚香脆可口😆鹹蛋黃佈滿雞翼👍🏻超惹味老街咖喱麵跟有鴨肉、蝦仁同埋濃香咖哩湯最正係麵底係摻摻來（米線+麵條）口感更豐富巴東牛肉配米飯牛肉紋到好入味～份量好多飲品～好多款式揀😚凍桔仔話梅水凍手工拉茶

要價$88的海南雞飯與中伏的香茅橙茶==海南雞飯==皮比肉多兩倍, 吃完幾口飯已沒有菜了，還餓著的我只好每口飯也用醬料點一點還以為自己在吃醬油撈飯==香茅橙茶==整枝香芧插在杯子裡，一開始我們還以為是飲管，原來是條草沒有調味的半塊橙浸在紅茶中，與香茅也扯不上關係一隻字: 怪! 整頓飯完全體現了: 係香港食飯90%係個鋪租而唔係食材如果唔係趕時間都唔會食==============================

陳師奶最愛嘅下午茶餐廳之一，今日介紹呢間新加坡餐廳陳師奶已經食過好多次，每次水準都好平均，裝修都精緻坐得好舒服，好正宗嘅新加坡🇸🇬菜。📍坑口東港城 咖吔新咖坡喇沙摻摻💰66最鐘意食摻摻可以食到面又可以食到米粉，滿足左我呢啲眼寛肚窄嘅人🤭面質軟硬岩岩好，湯底好濃，小小椰香味，有蝦有豆卜，魚蛋好彈牙。馬拉茶馬拉茶好香滑，天氣凍飲返杯熱辣辣既馬拉茶好暖胃。人均$73 (加一）總結：經常去食。10分滿分）價錢：7/10味道：7/10環境：7.5/10 #hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #hongkongfoodblogger #hongkongcafe #explore #explorehongkong #坑口美食 #將軍澳美食

因為單叫價錢都過百 叫左海南雞肉骨茶二人套餐連加一$317，味道有驚喜！食評續一分點評：新加坡白胡辣肉骨茶肉骨茶味厚，唔死咸，夠辣，凍冰冰飲好䁔胃；豬肉骨啖啖肉捻，配埋三色汁送飯一流；配油炸鬼點少少湯好鬼惹味海南雞無乜特別，肉嫌唔夠嫩滑串燒拼盤燒蝦好香口肉質唔霉，彈口！雞肉濃味肉厚、魷魚鬚就無乜特別。油飯黃油飯好香，入口唔會油淋淋，一碗好夠食手工拉茶-少甜石蘭味好出，完全係入口舒服唔澀喉，飲第一啖已大讚；凍白咖啡又係勁香，新加坡既白咖啡真係無得彈！

海南雞冇味又唔滑 又有骨個海南雞豉油仲要苦澀味咖央多士正常 但絕對唔係好食咸蛋黃雞翼比2隻半雞翼你真係狗也不x想試伏野 歡迎你嚟試下啲待應好有性格隻眼未必睇到你有緣就會應你

嗰日去咗同朋友Lunch , 見呢間平平地又多嘢揀，一於去試下～～～我就揀咗海南雞飯排白胡椒肉骨茶。海南雞飯雞肉嫩滑多汁，配埋香噴噴嘅油飯同醬汁，好滿足。而白胡椒肉骨茶白胡椒味好香辣，肉骨煮得軟綿～～～朋友就揀咗街頭雞鴨絲湯粉，有雞鴨絲、豆卜、半隻蛋等等。河粉順滑，口感不錯～～ 斑蘭咖吔多士，多士香脆，有少少斑蘭咖吔醬及牛油🧈飲品叫咗南洋咖啡☕️及椰青。午餐幾抵食，味道唔錯～～～下次再試下其他嘢食先！

收工約埋家人在東港城，食下好耐冇食嘅咖哋，可能時尚早，人客不多，我哋被安排坐於卡位上，寬闊舒適。餐牌食物種類都多，樣樣都想叫黎食，但我地都係比較鐘情於海南雞，於是均點左無骨海南雞（加$轉髀）拼喇沙米線，雞皮滑嘟嘟的，中間有層啫喱狀的油脂，都唔理肥唔肥囉食左至算😛，肉好嫩滑好好味，份量亦都好足， 油飯香口不覺太油膩，再點埋附上的三款醬汁，一併食好惹味。另外喇沙需細碗但料都足，湯味香濃，米線煮得夠淋又煙韌。

去完旅行番黎之後 最想念嘅除咗係港式茶記之外仲好想食到對比好大嘅星馬泰菜所以就約咗朋友放工去佢附近商場嘅Kaya黎個惹味晚餐嘅聚會亦都貪佢位置都唔會好逼 幾好坐晚餐食咗$300 以係商場食飯黎講都合理食住飯傾計舒舒服服都好緊要食咗份燒豬頸肉 蝦膏炒通菜 和星馬炒貴叼佢個炒貴叼都幾特別河粉+麵一起炒 除咗海鮮嘅蝦和魷魚 加咗啲爉腸落去 甜甜地幾好食意外嘅驚喜係三道菜都唔會過份鹹/重味精呢樣係值得一讚嘅亦都會令我想再去幫襯嘅一點

今日帶台灣同事來品嚐新加坡菜，點左新加坡喇沙摻摻、白胡椒肉骨茶、馬來炒貴刁同埋鹹蛋黃魚皮開心share！喇沙並冇令我哋失望，一上枱已被吸滿湯汁而且浸到淋嘅豆卜吸引，入口果然非常入味，湯底達到我想要嘅濃味同椰香；半隻溏心蛋煮得剛好，蛋白係剛熟嘅透白顏色，非常嫩口，蛋黃粉糯，加埋濃郁嘅湯汁一齊入口，又係一啖好滋味；其他配料不過不失，麵條同米粉都幾爽口，每條都掛滿湯汁，整體味道非常唔錯！白胡椒肉骨茶擺盤非常精緻，一大舊蒜頭非常吸睛，但係好硬，未能成功掰開一小瓣來試味，最後放棄左；先嚐一口湯，有白胡椒香但唔會嗆口，鹹度剛好，配埋炸油條好夾好好味；排骨幾入味但略嫌唔夠淋，如果炆耐啲就完美；雞油飯充滿油香但唔膩，本來戒飯嘅我真係忍唔住，食左一小碗呢~馬來炒貴刁份量大，配料好足，有好幾隻大大嘅蝦，新鮮又爽口；臘腸片為整碟貴刁添上鹹香，非常惹味。鹹蛋黃魚皮係我哋最期待嘅菜式，每塊炸魚皮size相當大，表面掛滿左濕潤嘅流沙蛋黃，唔似其他餐廳炒到乾身，幾有特色，同事不斷大讚味道100分，值得再來打卡！

我又食星馬菜啦🤭今之又係幾個朋友一齊🥰，位置方便今次係食晚餐，大家都唔想諗食咩，所以叫左個4人餐（分量十足）😎，呢度仲有二人餐，都好抵食！🐔🐔🐔海南雞肉骨茶 四人套餐～$598🐔🐔🐔🐥 牛油果青蘋果沙律（我哋大家都好欣賞呢個沙律，非常清新，又開胃🫶🏻大家做研究點樣整😂😂）🐥 無骨海南雞（半隻）（真係足半隻，肉好滑，讚👍🏻）🐥 新加坡鹹蛋黃魚皮（個個搶住食😂，非常惹味，香脆）🐥 蝦頭膏炒通菜（有微微辣，係我最愛嘅通菜🫶🏻）🐥 娘惹花雕石鍋大蜆（呢個大蜆都辣，雖然細細隻，但鮮甜惹味）🐥 新加坡白胡椒肉骨茶（成個湯滿滿白胡椒嘅味道，除咗有排骨之外，煮淋左嘅蒜頭🧄😋香）🐥雞油香飯🐥班蘭椰汁糕🍹飲品4杯（熱香茅橙茶，凍香茅橙茶，美祿哥斯拉，海鹽雪糕椰汁珍多冰跟餐加$8）

成日都見好多人排隊😄今次早啲黎唔洗排🤭餐廳唔錯☺️坐位都算多，地方寛落，梳化位高一級，好似舒服啲感🤭餐廳食物都好多款式，每一樣都感覺唔錯👍🏻仲見到有魔鬼魚食😋不過睇下睇下，就比4人套餐吸引住😆又多款式多抵食👍🏻🐔海南雞肉骨茶四人餐$598🥑牛油果青蘋果沙律沙律好清甜爽脆👍🏻仲有合桃乾果咁，好豐富😋🐓海南雞半隻聽人講好滑好好味，又真係幾滑喎😋🐟新加坡鹹蛋黃魚皮熱辣辣香濃鹹蛋黃味，好惹味好好味😋🦐蝦頭膏炒通菜一食就食到蝦膏味好香好濃😚🔥娘惹花雕石鍋大蜆估唔到越食越辣😄🇸🇬新加坡白胡椒肉骨茶肉排都好味又肥又瘦😆🍚油飯(四碗)佢地既油飯都好正，甜甜地咁配埋海南雞同醬一齊食好好味😋手工班蘭糕一定要親熱食，熱食唔錯👍🏻凍左無熱食咁好味😄餐飲轉特飲好抵加$8 😍海鹽雪糕椰汁珍多冰呢杯飲品海鹽雪糕球係藍色再配椰汁好靚😍飲落都唔錯👍🏻美祿哥斯拉呢杯大人細佬都鍾意飲😌凍香茅鮮橙茶熱香茅鮮橙茶凍飲同熱飲好唔同，熱飲香茅味出啲，凍飲清甜啲☺️

「咖吔Kaya」喺一間星馬連鎖餐廳，門面同裝修都幾唔錯，今日嚟坑口「咖吔」下午茶，下午茶餐牌好多選擇。***** ***** ***** ***** ***** 🍜新加坡喇沙米線$66湯底唔辣又夠濃味啱曬我口味，另外有蝦、豆腐卜、魚片、通菜、雞蛋作配料，非常豐富。🍹香茅橙茶（餐飲）好淡的香茅香味拼橙底茶，好好飲。🍢🥓串燒拼盤$75雞肉串燒好滑嫩，醬汁係沙嗲汁同燒汁嘅味道，同雞肉好夾；另外仲有蝦同埋魷魚串燒。***** ***** ***** ***** ***** 「咖吔」總共有三間分店，分別係北角、坑口、屯門。

將軍澳東港城呢間咖哋已經變左我地既飯堂，我地都成日會黎食，價錢一啲都唔貴，味道一直都keep到，每次都要試唔同既星加坡菜。 檳城蝦麵 $92 材料十分豐盛，有蝦，豬肉，豆卜，蛋等等，入面兩款麵既麵質都爽口彈牙，混埋一齊食真係好好食，而且份量都幾多，夠哂一個人飽肚，湯底亦有好濃既蝦味。 芽籠黑胡椒雞煲 $128 雞煲既黑胡椒味好重，炒得十分之香。雞肉都幾嫩，而且件件都無骨，啖啖肉，食得十分之爽。 蝦頭膏炒椰菜苗 $88 椰菜苗十分之嫩，口感爽口，蝦頭膏既味道都幾香濃，配合埋啲蒜好好食。

我最近探索咗呢間新加坡餐廳，發現佢有一道絕對讓人垂涎欲滴嘅招牌菜！我一定要同你分享佢哋嘅「海南雞飯」，真係新加坡美食中嘅經典之作！首先，話到呢碗雞飯，佢哋嘅雞肉嫩滑多汁，一口咬落去就可以感受到肉質的鮮美。雞肉經過特別的處理，皮薄肉嫩，完全沒有肉質的柴硬感。而最重要嘅係佢哋用海鹽同鮮雞高湯煮熟嘅雞肉，保留咗雞肉嘅原汁原味，令味道更加鮮美。而海南飯亦都係佢哋嘅亮點之一！飯粒飽滿有彈性，每一粒都充滿著香氣。佢哋使用的是特別的米種，煮出來的飯粒更加有口感。飯粒上面有淡淡的雞肉湯汁，令整碗飯更加香濃。每一口雞肉和飯一起吃，真係絕配！另一個令人驚喜嘅係佢哋嘅辣椒醬。呢個辣椒醬有獨特嘅風味，辣而不過分，帶有一點酸甜的滋味。將辣椒醬沾取雞肉或淋在飯上，真係令整個味道更加豐富。無論係喜歡辣味定係不愛辣味嘅人，都可以根據自己嘅口味加入適量嘅辣椒醬。總括而言，呢間新加坡餐廳嘅「海南雞飯」絕對係一個令人難以忘懷嘅美食體驗。嫩滑多汁嘅雞肉，香氣四溢嘅海南飯，加上獨特的辣椒醬，組合起來形成一個完美嘅口味平衡。如果你想品嚐道地的新加坡美食，絕對要去試試呢間新加坡餐廳嘅海南雞飯。保證你會愛上這道令人垂涎欲滴嘅經典美食