和府撈麵

两个大人一架BB车有时揾食真系唔易🥲见到和府捞面有位紧系试下随身配套餐$87当归猪骨汤梅肉面（小麦面）当归味唔算好浓，如果浓啲就吸引喇梅肉有少少似拉面叉烧，唔算厚，味道都唔太差炸饺子跟餐+$8正常野，都几好食陈皮柠檬特饮 正👍🏻好饮❗️陈皮味都几香开味酸辣汤猪软骨面$69猪软骨超好食，又够大件，几入味又唔会一夹就散👍🏻酸辣嘅辣到啱啱好，唔会太辣免费加面？ 每人加左两个😂其实面本身都唔算大个，正常加一个就够，不过咁岩冇食野有啲肚饿🤣…查看更多

今晚我去咗呢间嘢度，食咗个猪软骨面，再叫多一条芝心台湾肠，食到去中间里面系冻嘅，未熟，于是我叫过店员阿姐来话佢知，佢就话换过条俾我，于是等咗一阵攞到出来俾我系另一条肠，系㶶嘅！我问个阿姐点解咁㶶嘅？个阿姐话系呀你话唔熟呀嘛，所以攞咗去炸，炸完再放落微波炉叮㗎！跟住佢：哈哈，笑咗声走咗我心谂咁样点食呀，我觉得我俾呢间食店玩紧，呢条肠要$16，于是我见摆咗喺度就尝试搣开里面睇吓，用条脷舐吓烫亲条脷，于是我就冇食，埋单走咗呢个体验真系好差，我返到屋企越谂越唔忿气，我蠢咗，我应该同佢讲：我请你食，你而家食俾我睇！我冇影到相，系愕然到唔记得影！…查看更多

比佢门口餐牌图片吸引左入去,点左一款套餐,$88有烧鸡及一碗面同一款饮品！满心期待,仲谂住好食嘅话,买多一份返屋企畀屋企人试！但嚟到绝对有被骗既感觉,失望！望下人哋𠮶碟,在望下自己𠮶碟,唔忿气请教下店员,真系咁样？？？但系得到嘅回覆令我更加冇兴趣继续食落去！虽则今时今日88蚊唔系咩大钱,但系就要执下你张图啰！店员仲私下高声讨论我嘅提问,令人感觉非常不好！无下次！！！…查看更多

今日去左一间食江浙菜嘅面店，见佢重点系 *免费加面* 咁抵食，面底仲有3款选择，一于试试佢😁🍜番茄🍅汤猪骨面【$76】面底拣左小麦面，番茄汤够浓，猪软骨都几淋🍜红烧牛腩面【$79】面底拣荞麦面，牛腩够淋，汤底几香🍜酸辣汤面【$88】开胃夏天，必点+$7转脆皮烧鸭（呢个价钱食烧鸭系超抵）+$6木瓜雪耳炖桃胶有水准足料以上全部面餐重点系免费加面🍜…查看更多

全日超值套餐好抵，又多选择。重点是可以免费加面及免加一，真正食到饱都唔心痛！脆皮烧鸡脆皮烧鸡外皮金黄酥脆，多肉，跟鸡搭配2种特制酱汁。其实不用酱汁脆鸡本身都带有鸡味及香脆，绝对是必叫菜式。当归猪骨汤面汤面的汤底用当归和猪骨慢慢熬制，奉上时当归味道浓郁。汤色清澈（绝不味精），喝一口感受到真才实料的味道！完全是当汤饮都OK ! 面条弹牙，更可选择面质。面内更配有蛋丝及一些青菜，感觉呢餐系健康的一餐。餐饮是陈皮柠檬特饮，饮落喉咙好舒服！推荐！…查看更多