和平飯店 (啟德零售館2)

和平飯店（啟德零售館店）和平飯店主打食上海野，片皮鴨亦都係主力推銷，舖頭櫃檯就有師父係度表演片鴨，每一刀片落去都見到鴨汁流出黎，相當juicy。嗌左半隻，一共16塊皮，配有烤鴨醬同配料，鴨出擺盤幾靚，但配料偏少，外加一份要30蚊，唔係好抵。皮唔係太脆，肉嫩但鴨味唔夠出，皮熱辣辣煙韌，包埋肉同配料，口感豐富滿足。松子甜酸魚炸得酥脆香口，配合埋甜酸醬非常醒胃，賣相亦都好好睇，而且松子，彩椒，果肉都非常多，魚身嘅肉嫩，皮則脆口，做得幾出色。醉雞唔係好入味，花雕酒淡淡然，適合d唔中意太多酒味嘅人士，雞肉嫰滿，皮肉比例合理，舊雞唔會得塊好肥嘅雞皮。小棠菜砌得好細碎，用筷子都好難夾，要用個匙羹。份量都唔少。瑤柱蛋白炒飯就唔係好見瑤柱，少少味精，份量大碟。職員服務都勤快，而且有主動推介套餐同埋拿手菜式，上烤鴨亦會遞上濕紙巾。埋單都係700幾蚊，性價比高。…查看更多

首先，攞完飛之後等咗10幾分鐘，終於等到佢嗌我Number， 但原來嗌完Number之後仲要幾廿分鐘先有得坐 。 話咩等枱面清潔同埋人哋比完錢先有坐⋯⋯ 唔明冇位俾人坐 點解仲要嗌人Number 搞到好似好快就有位入去食咁，直程係虛假宣傳😅😅。其次，唔知個侍應點諗，四個人坐八個位嘅枱，居然唔可以兩個兩個咁坐埋一齊，搞到好似食西餐咁面對面坐。如果要兩個兩個坐，仲要問吓搭枱嘅人同唔同意先安排，唔明點解唔可以一開始就安排兩個人挨埋一齊坐咁😇😇😇重點係你搭枱唔緊，可唔可以唔好亂咁將啲嘢抌上張枱度就算？？？ 點完又唔出張單俾人睇，人地點知同行嘅人orfer 咗D咩咩？？ 同埋明明係兩台人搭枱食，啲侍應係完全唔理你係邊一台，直接將另一台嘅嘢抌喺我面前度，搞到我要逐件逐件嘢遞返俾人，請問我係侍應定係你係侍應？？咁嘅服務仲要收我加一，簡直離譜😅😅😅 （btw 半個鐘頭打爛兩隻玻璃杯 啲侍應都幾有料到 ）同埋我想講有啲食譜上嘅嘢又冇相，我點知我點嗰份嘢係咩樣？？？？ 總括而言，就係啲服務好唔掂，好Hea，嘢食味道中上，但服務有啲配唔上呢啲佳餚，以後都唔會再食。…查看更多

今日夜晚6點17分攤飛等4位 枱,號碼B9,等到7點17分仲未有位,擺飛時顯示現時係B6,顯示等3個number,但係係等位個1個鐘頭內,s枱入阻6張,s2係過号,都叫番佢7點13分,帶位職員叫b8号, 我問職員,我b9飛要等多幾耐,該職員表示,下張枱會叫s飛,大概10多分鐘,b9大概要多20幾分鐘，當刻我已經立刻走人,因為我唔相信20多分鐘後會有枱對你地咁樣等位分法表示極度失望同憤怒，你地餐廳只顧服務會員，如果係咁，咁麻煩你地唔好公開比人禁飛等walkin，全比會員制…查看更多

四月初看到社交媒體介紹，在啟德新開一家京川滬菜式，提供折扣外評價也不錯，於是假日來試試。當天不知是不是做優惠，所以人潮不少，建議大家事先訂位。先說最多人推薦的烤鴨，真的完全不ok，烤鴨是冷的，餅皮也是冷的，肉有點硬，皮也不脆，配料就只有小黃瓜，雖然比其他店家便宜，但也不想再吃。另外金華火腿夾餅，正常火腿就會放另一個碟，不會讓餅皮被火腿汁弄濕，都不知道在吃油還是吃餅，而脆餅也是濕軟，原本應該很安全的料理，因為擺盤錯誤 浪費了食材。另外上海菜必點的小籠包，就跟香港一般的店舖差不多，如果要吃好吃的小籠包真的唯一推薦鼎泰豐了。好險涼菜油悶筍表現正常，是今日餐點最喜歡的，豆皮味道也ok，大蒜炒羊肉有點騷味。撇除餐點，環境跟服務都不錯，如果住附近跟還有優惠，可以一試，但如果慕名而來真的可以不必要，很難想像如果沒有優惠，這餐廳如不改進如何支撐。…查看更多

食過最難食嘅片皮鴨舊鴨脂肪仲多過肉碟鴨同碟皮隔咗差唔多6分鐘先嚟啲肉都凍晒啲餅皮又厚又韌超級難食小籠包粒肉仲細粒過我啲鼻屎啲汁又冇味唯一係啤酒好平大藍妹都係$28冇下次…查看更多

🌟 環境: ❤️❤️❤️❤️ 📸 食物: ❤️❤️❤️❤️ 💰 價錢: ❤️❤️❤️❤️ 二人叫咗三道菜，性價比超高！新店優惠仲等緊你～快來試試！ 1. 片皮鴨 ($188/半隻) 🦆 - 皮脆，無半點鴨腥味，份量多到滿足！ - 薄餅厚薄啱啱好，煙韌口感2. 糯米燒賣 🥟 - 罕見美味！每粒燒賣都好大粒，入面有鹹蛋黃，邪惡但超香！ - 蒸得啱啱好，糯米軟硬適中，絕對係亮點！ 3. 羊肉麵 🍜 - menu無圖照點，驚喜！無羊膻味，羊肉份量多，調味濃郁！ - 麵條粗如udon，咬口彈牙，配菜搭得超夾，推爆！🤤 💥 總評:味道同價錢都值得一試…查看更多

是咁的呢間開咗幾日 連食評都冇個嘅時候我就打去訂枱問有冇大圓枱，佢話有，我話有幾個細路仲有個b, 店員就幫我留枱+留b b凳+留咗食片皮鴨點知當日去到 我張大枱俾咗人地？!嗰下係嬲嘅不過店員們好醒& helpful & gd attitudes都話咁快幫我哋解決咗個問題嘢食嘅性價比好高全部真係好好食！真係feel到即整嘅佢落單用QR code 甜品可以select後上, 不過可能廚師好少睇remarks，直接上咗雖然有做錯嘢，但係都想喺度留返個好評比間餐廳Thankyou!…查看更多

本來想試KAMO，不過試業後變了和平飯小籠包偏細，不過都好食蘿蔔絲半海蜇，口感很好。章茶鴨味道正常唔錯。嫩雞煨麵湯底很好，麵質唔錯，不過雞偏少。高力豆沙香蕉，味道很好。…查看更多

自Kumo開張未夠兩個月就執笠，牛角集團兩個月內裝修完成開返間和平飯店，新開張即刻有好多優惠，有$48午市飯餐，免茶芥同買單點餐單78折。今日同幾位同事去試下，我自己試左京蔥爆牛肉飯，比大家睇下個樣先：先講上菜速度，用手機QR code落單，幾乎一落單就上菜，好明顯係全部煮好曬，好似兩餸飯咁好快可以上菜。我地呢枱叫左蔥爆牛肉，獅子頭同埋糖醋魚柳，講真食個$35兩餸飯都多肉過呢道好多，我嗰碟牛肉有6-7塊左右；獅子頭只有一粒，6cm大；糖醋魚柳最衰，好似咕嚕肉咁細粒，都係得4舊咋！味道認真仲差過好多街坊兩餸飯店，牛肉冇乜味，食得出煮左好耐，連飯都好乾硬，飲品、油菜要另加10蚊。講真冇開張優惠的話，冇需要黎試呢個$48午餐。同一商場甚至乎隔離牛角食用一價位抵食好多。…查看更多