和光鐵板燒日本料理

依篇係篇放埋一邊被我遺忘咗嘅食評，現在先摷返出嚟寫，不過店鋪都已經結咗業，所以都無乜參考價值，寫嚟都係幫自己留個記錄。日式燒肉都比較少食，因為太太唔太好，所以起初都無打算買佢個團購。但後來細看詳情，又真係諗得過喎，團購個標題係咁樣嘅：「無限量追加：以 $68享受原價 $138 和光日本料理1.5小時極級任食鹽燒西班牙黑豚肉一人前午膳，食薄燒安格斯牛扒、香草羊扒……抵抵抵！」，雖然要補番$7服務費，但當時PayPal會員每宗交易可享25%回贈（每會員回贈總額高達$100），即係最終實際要俾嘅都係$58啫；再者，團購券有效期足足由年中到年尾成半年咁長，星期一至日都用得（午市12:00nn – 3:00pm堂食），真係好值搏，跟同事計過度過，就一於去馬買3張，預埋我老婆揀個星期六長週放工後過去，1:30pm食到3:00pm就啱啱好夾晒時間。1:30pm上到去，一出閚就人山人海咁，原來個個都係團購客，晌度等安排入座，約莫等咗10分鐘左右我哋都得入，安排中間一截嘅卡位，位置都算闊落；又間有高身木屏風，私隱度多一啲，又唔會咁受前後左右嘅客人騷擾。仲有，由一出閚，就見到門外大大幅好日本風嘅牆畫，入到鋪內全木裝修，通道寬闊，同樣好多和風牆畫，感覺幾唔錯。而烤爐係下抽風式嘅，抽風力夠強勁，油煙唔大，食完唔會一頭煙（味）。雖然遲咗入座，但係到3:00pm都要埋單，不過就無趕你走，隨你坐，只係侍應忙於清場，無乜人理你！個一人前午膳，生肉指定有薄燒安格斯牛扒、法式香草羊扒、鹽燒薄牛舌、意大利香草雞同祕製魷魚鬚，一份一份上，無得添加，望落感覺份量唔多，樣樣嘢少少咁，但夾埋一餐飯有咁多餸其實好夠數。而鹽燒西班牙黑豚肉、白飯、麵豉湯、甜品就係任食部份，基本上係可以無限追加。白飯、麵豉湯、前菜一起手，先嚟嘅係依三樣嘢，白飯既然係最好食嘅，煮得帶少許黏糯；麵豉湯睇落色淺，飲落味淡，似係將貨就價之作；而前菜係一小箸芽菜同蔥，有啲寒酸嘅感覺。燒肉盛合黑豚肉、安格斯牛扒都切得非常之薄，各有三薄片，兩者都無乜點醃過，真係食佢哋原味。烤燒後，前者縮埋一細，而後者仍然都幾大塊，蘸少少醬油食，扒啖飯，味道都幾唔錯喎。而薄牛脷有兩片，落咗少少鹽醃，所以燒完可以就咁食，刻意燒燶少少，有啲燶邊咬吓，牛脷質感又幾煙韌，有咬口。羊扒（1件）、雞扒（1件）、魷魚鬚（1大抽）就分別用唔同方法醃過，個人覺得味道一般，似乎因為團購關係，去貨急，啲嘢醃得唔太入味。還好嘅係幾樣嘢嘅肉質唔太差，羊扒軟腍唔太羶，雞扒燒後都唔過嚡。再追加一份黑豚肉，一碟有4片，依次就加咗少少黑椒碎，不過，就仲肥過第一輪嗰啲，少肉多膏得似煙肉，故此，叫完一次都無再追加，費事搞到膽固醇攀升到爆錶。甜品無咗雪糕，只得冰心泡芙，唔知點解，個侍應一嚟就俾咗兩兜我哋，一共8粒，好食都話丫，裡面啲忌廉雪到硬，變咗好似雪糕咁，結果無晒泡芙外層應有嘅鬆脆、內裡柔幼嘅口感，依家似係一件雪糕麵包囉。唯一可取嘅係，食燒肉食到個人有啲慶恰恰，冰凍嘅泡芙就可以解解暑。臨尾靈機一觸，與其啲泡芙又凍又硬，就不如趁個爐仲有啲餘溫，就慶一慶吓佢，試咗，雖然回復唔到外層鬆脆，但個心無咁硬，感覺好食啲！賽後檢討，佢話原價$138，單以今日牌面同質素，真係唔值咁嘅價，況且，任食鹽燒西班牙黑豚肉，但肥成咁，俾你又可以食得幾多丫！此外，可以任食嘅仲有白飯、麵豉湯、甜品，但依幾樣嘢你都唔會真係因為任食而追加又追加啩？所以，任食都係噱頭之一。只不過，俾個$58，嘢食雖中規中矩，但俾你自己一手一腳燒吓燒吓，玩吓玩吓，過吓親手烤肉癮，咁都OK啦。…查看更多

又是清團購卷的時候，雖然手上很多在尖沙咀區的團購，不過是日不太願意過海，所以就挑了一張於十二月到期的來享用，預先一日訂了座，分十二時及一時半兩個時段，我們要了頭一段，但到來之時，發現仍有不少座位空空如也。吃的東西是定好了，又是不用看餐牌就有飯開，不過本人真的很是相信，就算不是用團購優惠，午市時段都是吃這類型的套餐，而是日這個套餐本人也在此略為介紹，分別有前菜、白米飯及燒肉拼盤一碟，拼盤內有羊鞍、鯖魚、雞肉、牛舌、黑豚肉及牛肉，而當中的所謂任食，其實只不過是容許大家追加黑豚肉及白飯，就連前菜也不能任加。前菜是有點又港式又韓式的模樣，用上點鹽、麻油醃漬煮好的豆芽及西芹，前者爽口軟嫩，後者也爽，不過是爽得來很腍，腍得失去了吃芹菜的感覺，不過當中的麻油味及撒上的芝麻，兩者加起來令涼菜吃起來很香。味噌湯湯頭很淺色很透光，攪拌後喝一口，是甜得有點過份，但麵豉味當然就近乎零，過鹹的麵豉湯就喝得多，過甜的也真的是首次，就連其中的那點海苔也予人有甜甜的感覺，好怪呢！之後就是吃燒肉的環節，店家的燒肉全都有一個共通點，除了羊鞍及雞肉之外，就是全都都很天然的不加醃料，最多也只是加數粒黑椒了事，吃起來吃味就變得很麻麻了。最後本人決定採用在郊外燒烤塗蜜糖的原理應用在此，將每片燒肉在其燒烤之時，就塗一點照燒汁，照燒汁在熱力的揮發之下，比燒好次後再蘸來吃的更香，但也改變不了吃味太多。如這件羊鞍就真的出事，看來下了大量蒜泥及香草來醃製，但吃起來那陣濃重的羶味，就連本人愛吃羊，也覺得是有點不可思議，那個羶味，是羶得如吃BB 嘔奶的羶味，誠然肉質軟腍，油份又多又如何，不好吃就是不好吃。鯖魚也有相類似的情形，魚肉吃起來明顯有點霉，而且有點腥味，如果不是本人用了上述塗照燒汁的方法，那個腥味真的是會不得了，加上本人燒得那魚魚皮焦脆，魚肉芯也熱透，可說是將店家不太行的食材，發揮至極限。香草雞肉的賣相跟盛八真的一模一樣，就連吃味也十足十，雞肉用上的是雞扒脾肉的位置，肉質軟嫩不嚡口，雞肉不過鹹又不會有雪味，加上點點的香草味，可說是多款肉類之中最好的一款了。豚肉據稱是黑豚肉，但時至今日，黑豚肉可能已經是Out了，畢竟家家店子都有賣此品，個個都賣這品種，但產地、飼養方法、熟成及屠宰方法的不同也會影響吃味，如是日的這數片黑豚肉，本人真的是覺得沒啥特別，豚肉薄切之後，加上厚厚的肥膏，感覺就是跟煙肉一模一樣，吃起來乾巴巴沒肉汁，幸而未至於嚡口的境地。牛舌只有兩「大」片，還要是薄切得很，可能真的是切得太薄的關係吧，那牛舌就是未能令人爽得起來，本人是感到它是有彈性的，無奈就是太薄，無辦法。牛肉有如去吃火鍋時的本地牛肉一樣，沒甚脂肪紋，不過至少略燒過之後，肉質軟嫩而還有點肉汁，再要求油脂的豐腴感，就是本人的過份了。吃日式燒肉，米飯也是重要的一個環節，本人近年越來越吃得少飯，但每次到伊呂波，次次也忍不住吞下三碗白飯才罷休，這當然也要有好吃的燒肉來配合，是日沒有這路支援，而白米飯自身也不見得好，米飯形狀還算圓潤如日本米，但口感就一點也不飽滿，而且米香普通，教本人最後只安守本份吃了這碗米飯，就收爐了。收爐之後就吃甜品，甜品任吃也只是來來去去是粒泡芺，是一粒因雪實了，而吸飽了濕氣的泡芺，入口就是毫不鬆脆，幸而其芯是雪得實一實的雲呢拿雪糕，雖當然不會有很香的雲呢拿味，但已經是一種安慰。吃燒肉夜題吃到要溝貨，一來是因為店家所謂的任吃，真的太過取巧，二來是店家的食物質素如斯模樣，吃多不如留下肚子的配額還好，畢竟近年真的肥了太多，哎！…查看更多

友人生日, 我提議去食和光日式燒肉放題。我之前食過黃埔果間2次, 都覺得OK。依家CWB都有, 就去幫襯吓。6:15PM果輪FULL了, 我BOOK了8:15 - 10:15。我同友人8:05PM去到, 侍應話當8:05PM開始, 2小時。一來就是海鮮盤, 兩杯石榴汁。之後我們剔紙, 叫了不同汁的牛、牛舌、鴨舌、一口牛、芝士腩肉、雞比肉、帶子、豬頸肉、魷魚SO、生菜等。熟食就淨係叫咗豆腐沙律, 和牛炒飯.....海鮮盤有2隻大蝦, 唔"梅"..都OK。魚我就麻麻。2隻鮑魚, 估唔到都幾鮮甜。2隻有牛油的青口, 好味。唔同汁的牛腹肉都好味、雞比肉就麻麻、有驚喜係芝士腩肉。和牛炒飯麻麻地。一嚟就上哂round one的食物...已經飽飽地了..round two encore了芝士腩肉, & 不同汁的牛腹肉..大約9:30PM侍應話last order問仲有咩要, 我地話round two D肉無嚟過, 佢就同我地跟...之後話無order, 就立即問我叫咗咩肉...幫我地即刻上...果然真係好快手。總括嚟講, 食物OK, service 好, 係價錢貴過我之前食黃埔果2次。…查看更多

自從上兩年生日男友帶我到和宴吃日本燒肉後就開始愛上了雖然不便宜 所以節日、紀念日會試不同的日本燒肉今次看到和光鐵板燒日本料理的團購優惠十分抵男友不只買了兩張耶 (風險很大喔 ! )我們訂了平日的中午不算FULL HOUSE遞了優惠卷後店員很快就送上全部的食物了首先是前菜及 味噌湯前菜比較清淡 用來開胃也不錯味噌湯我從來都不愛渴 抱歉主菜來嚕就是這一大盆肉 !!內含薄燒安格斯斗扒、法式香草羊扒、鹽燒薄牛舌、意大利香草雞、鹽燒鯖花魚以及黑豚肉雖然每種只得兩、三片因為有白飯供應其實一定夠飽的這一大盆肉中最好吃的應該是 意大利香草雞比較特別的醃法很香 吃上去也很滑其次是法式香草羊扒我跟男友對羊都不抗拒羊味很濃 不錯黑豚肉也不錯看上去的確很肥燒完後很香 肉質蠻爽的 !這個套餐的黑豚肉是任點的(四片一份 我們點了六份!!!! )我試過加多一點胡椒 以及少許鹽會更好吃不過 薄燒安格斯斗扒、鹽燒薄牛舌以及鹽燒鯖花魚只是一般牛扒超級薄 肉質一般一吃就跟豚肉比下去了牛舌我喜歡比較爽的這個淋淋的不喜歡鹽燒鯖花魚超過咸雖然魚皮燒後很香脆肉質被咸完全覆蓋了最後有無限量的甜品供應忌廉泡芙 不過不失但整餐都很滿足的黑豚肉的確不錯常常想找時間再去一次和光晚上做燒肉放題的不知值不值得去試一下呢 ?!?!/…查看更多

我地每個星期的晚餐今次因為大家早幾日提起好似好耐無食燒肉後而決定再到任食的和光！今次係我地第二次去呢間餐廳~ 八點三開始第二輪的放題，每一人送一杯特飲-菠蘿青檸汁！好怪~ 飲返茶算吧！ 首先送上海鮮拼盤，有鮑魚，大蝦，青口，魚，幾好~ 蝦肉鮑魚爽口，而青口放了一點牛油，溶了之後便成牛油青口！ 之後再送各類肉，牛肉，牛舌，豬腩肉，雞肉，各種肉質都唔錯。以任食，可以說好好質素了！但好似未有一樣好特別！ 反而天婦羅蝦好好，加上汁都係熱的！好脆蝦肉爽口~ 記得上一次食完呢間餐廳之後, 我問過你... 你答我... 唔會! 自始之後, 我無再問你...…查看更多

團購瘋系列 – 早前兩口子曾以團購價 $98 在「和幸日本燒肉料理」享用過那裡的燒烤午餐，整體印象頗為不俗，老公還力讚那兒的加拿大牛小排肉質柔嫩可口，牛味濃郁。後來在網站發現另一家叫「和光」的日本料理店子，以 $68 優惠價推出個 1.5 小時極級任食鹽燒黑豚肉一人前午膳，由於上次二人在「和幸」吃得甚為滿意，所以這次又買入了 3 張 coupons，襯兒子開學前一家三口來吃燒烤餐。預約了週末 12 點，向店員遞上團購券後，便被引領到一張可坐四人的座位。安頓後看看四周，內裡通道雖然不算特別濶落，但安坐其中仍讓人有份舒適閑逸的感覺，加上餐廳兩旁典雅的日式裝潢，實在令人賞心悅目。說回這次的一人前午餐，每人只得一份的餐單，內裡就包括有薄燒安格斯斗扒、法式香草羊扒、鹽燒薄牛舌、意大利香草雞及鹽燒鯖花魚。至於無限量追的項目就較少，只得鹽燒黑豚肉、白飯、麵豉湯和甜品。先品嘗薄燒安格斯斗扒，從外表望落去，油花看似不多，但入口肉質細緻嫩滑，而且燒至外層微焦後，更顯得內裡肉汁豐盈，只是略嫌肉味不太濃郁，但整體口感頗不俗。由於筆者並不嗜羊，所以對此物向來興趣不大，不過聽講羊肉獨特的羶香味，再配搭上香草，味道會變得更具個性。至於這兒的法式香草羊扒，淺嘗一口後，感覺是羊架件頭太細小，肉質有欠豐腴甘香，加上香草味太輕，沒能為羊扒平添一份清香。鹽燒薄牛舌，薄切的牛舌吃起來雖然是稍欠豐厚質感，而且入口亦沒有厚切般甘潤脂香，但經燒過後，肉質仍帶點爽韌的口感，吃起來內脆外軟，入口還非常 juicy，蠻不錯。至於意大利香草雞，像香草羊扒般，同樣地沒讓人特別感受到濃濃的香草味，幸而雞肉入口尚算柔嫩，味道就一般喇。餘下的鹽燒鯖花魚，外皮經烤過後，入口甚為香脆，而且鱼肉口感紮實，肉質鮮甜，輕輕蘸點醬油同吃，味道亦頗不錯。另外任食的鹽燒黑豚肉，每次送上檯一碟只得四片，而且望落去外表甚多肥膏，確令人有點不安。聽講話黑豚肉比一般豬肉不同的地方，就是它的肉質比較結實爽口，而且脂肪較少，但這碟黑豚肉就……. 唉！猶幸原來燒過後的黑豚肉，入口鬆化多汁，口感濕潤，肉質爽滑得來又毫無臊味，而且咬落嫩而不膩，況且其後再送上的幾碟豚肉，肥膏亦比之前一碟較少，總算讓人吃得開懷。此外任吃的除白飯外，還有老公一再加添的麵豉湯。這裡的麵豉湯，內裡材料不多，幸而入口鹽份不高，味道清淡，大可當水般多喝兩碗。單尾的甜品是迷你泡芙，由於從雪櫃取來，內裡的忌廉入口頗硬，不過冰冰凍凍，作為飯後甜品，尚算不錯。這次結賬連加一，每位實收 $75，以價錢來衡量，整體上這餐可算不過不失，但與上回在「和幸」的燒烤餐比較，當然有所不及，畢竟一分錢一分貨，兩者亦難作相題並論。…查看更多

最近團購左呢間野,原因好簡單,食過兩次都好好味連女友都覺得可以一吃再吃,適逢又有團購咁就買了coupon 就出發跟coupon送左個西冷有口感夠肉汁同淹得啱啱好每次必食同必點不同味既牛胸腹不同味既牛舌呢兩個係最正,同埋牛係唔會食飽人其次可以小試仲有幾款豬頸肉雞類食物都係無咩賣點仲有海鮮類都唔太吸引青瓜條都唔錯必須要讚既就係銅鑼灣呢間d service係好過紅磡果間好多,可能價錢真係差幾十蚊同無咁旺不過今次美中不足就係coupon d條款要睇得好細心,原以為可以食倒平野埋單都仲要俾多成100蚊,我諗都日左每人2~30蚊…查看更多

星期六同老公用Groupon到此一試,一點半入坐席，可任吃一個半小時。果然有意外驚喜，先來一個前菜，雖然份量較少，但味道清新。餐內包括:一個雜錦鮮肉盤---豬、牛、羊、雞、魚(如圖)面鼓湯 (任飲)白飯 (任添)豚肉無限 (任食)甜品忌廉泡夫 (無限量供應)這裡冷氣勁凍,不失為爐端燒的好地方，空間寬敞，環境優雅衛生，侍應生充足，服務態度佳。食物質素中上，不可不提豚肉肥瘦均勻，羊肉入味，魚肉味鮮，尢其甜品泡夫令人喜出望外，細細粒，魚蛋般大小，但外層軟硬適中，忌廉夠凍，令人印象難忘。兩人共吃了一打。勁滿足，我兩飽到晚上九點。…查看更多

五花肉比较香，还可以续盘。其他都一般。鸡肉味道太淡，只是表面有味道。牛肉很薄很薄，质量一般，不好吃。鱼肉不错，腌制的比较有味，也比较肥，适合烧烤。羊肉超级咸。服务不错。…查看更多

買了$68.午餐團購票，帶父親來試，我訂了12:00p.m.，準時去到，等了10mins才安排入座，環境清潔，地方雖小但枱不太逼，尚算舒適，起初有點擔心份量少唔夠食，因為得黑豚肉,白飯, 湯是任食，當侍應放下食物時我便放心了，每人有4片黑豚肉，3件雞肉，1件羊架，4片薄切牛肉，2件魷魚鬚，跟團購廣告相一樣，食物質素如下:黑豚肉------------薄薄一片灑上點點黑椒，燒約2-3mins便OK，爽口有少少鹹味，似煙肉+pama ham，唔韌！雞肉---------------青綠色的雞件，以為是wasaibi汁，原來是香草汁，幾特別，肉質算滑牛肉---------------薄如紙好易夾爛，30秒食得，冇筋牛肉味濃，真係靚牛羊架---------------比較難燒，厚身怕中間生，又怕overcook，結果邊較韌中間就剛好，不太羶都OK。鱿魚鬚------------D鬚燒燶咗冇食，上節就彈牙，一般。白飯---------------是珍珠米，令令圓圓，飯夠熱！湯------------------普通麵豉湯。泡芙---------------冰箱出來未溶雪，硬過合桃，內有cream，估計要30mins解凍，可惜！所有肉類算新鲜，沒有雪味，醃得不錯，不會全部一樣味，另外有碟燒汁非常好味，點任何燒物都啱搭。燒肉時要掌握好時間，否則影響食物味道！！ 服務一般！ …查看更多

買了Groupon$68午餐，食物份量很少，鯖魚超腥、牛舌超細、豚肉超肥、服務超差、今次超錯！本應是1:30pm食到3:00pm, 但係食到2:30已經問你Last Order, 個waiter話你可以坐到 3:00. 哈!...服務超差!…查看更多

本人經過團購,購買了和光68元的半自助燒烤BOOK 下午1 :30,直到1:45PM才安排座位,去到座位,等到2:00PM才給我們食物,但連碗碟都沒有的我們,梗本未能開餐,催促了店員3次,2:15PM才將碗碟給我們,當時其實只有數枱客,但人手有10人,應該是足夠,不知為何安排得這麼遲鹽燒黑豚肉白飯麵豉湯甜品這4款是任叫的,但每次都要拖延15分鐘…即是2:30PM才拿給我們,但是,2:30PM送來的時候,卻跟我們說是LAST ORDER……什麼,我們15分才開始燒,30分便已經LAST ORDER????員工卻說他們這裡3點落場,是公司規矩…..其實,你地餐廳搞團購唔係想宣傳自己鋪頭,想留好印象給我們客人嗎?不是想我們會重來光顧嗎?但你們的員工好像趕客一樣,是員工不好,還是真是公司命令??我不知道,但我只知道已經給我們10人留下壞印象!!…查看更多

這邊廂團購買下$155的兩小時放題, 第一時間便打電話預定要來試試.服務生說明時間是由6:00-8:00, 因還有下一節時間放題的客人, 8:00 正要交枱. 既然是清楚說明, 當然無問題. Order 了很多牛肉, 牛舌等等, 味道不錯, 供應而且源源不絕, 而且每2人還送牛排, 海鮮拼盤. 推介任何一款式的牛舌, 一口牛和鴨舌, 超好食. 另外, 雞亦是破開兩邊的, 很容易入口. 至於服務, 絕不會因團購而得到二等服務, 換網很頻密, 加水換碟等服務全都是自動自覺的. 抵讚!6:00-8:00 這時段不錯, 食飽還可有時間到附近逛街 …查看更多

本來諗住食6pm-8pm既特價時段, 點知去到先知原來已經冇左!!唯有食番原價啦~ $208+10%1. 已經冇左平日早場特價時段, 同宵夜時段2. 加左$103. menu轉左, 少左野食, 冇左蝦同生蠔任叫, 轉左做送既海鮮拼盤, 得一隻蝦.另外和食都少左, 以前個冷烏冬好好食, 好似人地出面食料理甘, 而家都轉左用唔同既烏冬, 勁失望.連加一平日要$230, 周末要件$260, 但only真係食牛同食肉, 天婦羅都普通啦, 冇任何魚生, 壽司~如果去呢到為左食牛, 可以一試, 唔係就....…查看更多

一直都好想試下燒肉既放題, 難得搵到一個價錢合理又唔駛加錢換網既燒肉放題就搵左朋友一齊去試一去到環境覺得很好, 坐低就已經送上飲品同埋一d免費既大蝦, 鮑魚仔青口等等我地兩個已經忍唔住係甘狂order牛雖然點個陣唔知係咩牛既部位, 但最鍾意牛既我地就理都唔理燒左先算不過燒個陣真係要一路睇住, 如果唔係好易癡住個網所以都好d累不過燒完真係好回味.......厚切牛舌: 我最欣賞, 因為很入味, 不過一直掛住食冇影到相牛胸腹, 牛肋肉: 都相當唔錯, 唔需要太熟已經好好味一口牛: 只係略略燒已經好好味同唔韌豬頸肉: 雖然只係點左小小, 但都可以不妨一試羊架: 有點羶但都不過不失唯一不足既係菜小了點, 只係得沙律同青瓜當晚人唔係太多所以服務員換網換碟都很頻密, 值得一讚......我會推介俾朋友…查看更多