影片
开饭介绍
主打无限时任饮任食火锅，汤底以中式及养生口味为主，火锅配料则有各式海鲜、安格斯牛肉、特色丸类等，适合和好友们来大吃大喝。
继续阅读
营业时间
今日营业
18:00 - 01:00
星期一至日
18:00 - 01:00
以上资料只供参考，请与餐厅确认详情
有关餐厅
有关奖赏计划
「痴孖筋级数！旺角惊现7粒钟丧食马拉松🔥潮汕牛/鲍鱼海虾/伊比利亚猪任夹！！白鳝片狂吞＋黄金脆鱼皮丧嗌！人均$300仲有瑶柱冬瓜盅？黐线到！！」 --- 唔系挂！！今次真系癫过癫当㗎 😱 俾我喺旺角㓥房价地段挖到间「无限时火锅核爆厂」！ 📍 地点就喺弥敦道旺角中心隔离，晚市 $300左右一位，丧食足 7个钟（冇睇错！系由日落锄到关门嘅马拉松式任食！！） 重点癫料清单 ⚡️ 准备好胃扩张啦： ✅ 潮汕牛屠房级放题 牛胸爽／五花趾／吊笼 狂Loop！油脂花纹靓到尖叫，渌8秒食到牛魔皇转世！ ✅ 海鲜恐慌症发作 每日新鲜到货鲍鱼 + 海虾 + 白鳝片 任拎！鲍鱼弹牙到识跳舞，白鳝厚切到怀疑人生～ ✅ 伊比利亚黑豚任叫唔嬲 西班牙贵族猪油香核爆，渌完仲闪住粉红光✨ 食到变猪八戒都抵！ ✅ 手工饺界三巨头 西洋菜饺／云吞／韭菜饺 即包即上！皮薄馅多到爆泻，一啖一件停唔到手！！ ✅ 邪恶炸物无限轮回 自家制黄金脆鱼皮（咸蛋黄丧趴！）／椒盐粟米（甜辣上瘾！）／炸响铃／炸餐肉⋯ 邪恶到要叫救护车🚑 仲有核弹彩蛋 💣 「鲍鱼瑶柱冬瓜盅」竟然爱嚟打边炉！ 汤底清甜到饮到舔舔脷，入面仲有瑶柱丝同鲍鱼，$300包呢个？？老板系咪谂住益街坊！！ 其他丧食清单： ▪️ 啤酒汽水任灌到变喷泉 ▪️ 数十款火锅料任点（丸子／蔬菜／内脏控天堂） 总结： 呢个价钱食到活海鲜＋靓潮汕牛＋贵猪＋手工嘢＋炸物军火库⋯ 仲要 7粒钟唔赶你走！除咗「痴线」真系冇第二个形容词！建议带定128GB胃同空腹三日先挑战！ #伊比利亚猪丧叫 #手工饺控必抢 #炸鱼皮上瘾 #香港探店 #旺角中心美食 #抵食到震 #香港好去处 #海鲜控暴动 #长食长有攻略 #香港旅游必收藏 ---
继续阅读
抵食火锅推介❣️旺角呢间味火锅无限时任食，而且食物种类多，仲有4款潮汕牛肉🥩任叫呀！火锅汤底有成8款，我就点左人气🔥 现熬火锅汤底～ 极尚瑶柱冬瓜锅😋 个锅真系好正成个冬瓜上，冬瓜入面超级足料，有瑶柱、鲍鱼仔！4️⃣ 款潮汕牛肉🥩任叫!!! 啲牛劲新鲜，啱晒钟意食牛嘅朋友仔🤤-潮汕吊龙-潮汕五花趾-潮汕匙仁-潮汕胸油肉🐖特选豚肉任叫!!! 2款猪都好食，但我就比较钟意伊比利亚黑豚片，肥脂均匀好香猪味👍🏼-伊比利亚黑豚片-美国天然猪梅肉仲有多款小食😋😋😋 无限时自家制黄金脆鱼皮、自家制椒盐粟米🌽、红油抄手、脆脆虾飞碟、酥炸老虎虾卷、香酥小排骨等。火锅配料都超多，佢地嘅自家制3款手工饺好出色，超级大粒好足料😍 仲有自家制炸响铃、自家制炸餐肉都系无限任叫！饮品方面：啤酒、玻璃樽装汽水、无糖茶无限时任饮！连韩国sparking rice wine都有😍😍埋单人均3XX真系好抵，食到劲饱走😝 每位$359快啲book位同朋友嚟食啦！
继续阅读
想同朋友仔食饭吹水唔知去边好？最近呢间位于旺角嘅火锅店推出限定无限时任饮任食火锅八部曲，由6点食到12点足足6个钟一定够玩。座位阔落空间感十足，油烟味唔重，装潢简约，地方清洁，食物即叫即整，上枱速度快得嚟又唔会漏单，性价比甚高，记得提前预约因为都几Full。第一步曲先拣汤底，招牌菜为极尚瑶柱冬瓜锅，但只能单锅，所以要咗台式芋头排骨同女神豆乳木瓜玫瑰锅，前者以鸡肉慢火炖煮成，配上芋头同炸排骨，鲜甜惹味、后者卖相可爱，有助养颜亦适合健身人士。自己加汤超级方便，不过若可以加返原本嘅汤底味道会更加浓郁。第二部曲系小食，大力推介椒盐粟米，外层薄身，超甜超Juicy、黄金脆鱼皮脆到不得之了，咸咸香香令人忍唔住一啖接一啖。脆脆虾飞碟炸至金黄酥脆，里面包住虾肉，口感层次丰富。炸老虎虾卷咬落弹牙、香酥小排骨肉质鲜嫩，肉骨分离、红油抄手麻辣鲜香、炸午餐肉超大份，你一件我一件好快清晒，适合多人分享。第三部曲为潮汕牛肉，四款肉类任食唔嬲，吊龙指牛背脊内侧位置，肥瘦适中，肉质鲜嫩、匙仁系牛肩胛内侧位，嫩中之嫩、五花趾系牛后肌腱位置，带嚼劲、而胸口油指牛前胸软组织位置，咬落爽口韧劲，各有千秋。第四部曲系伊比利亚黑豚肉同美国天然猪梅肉，前者入口即溶，后者细嫩。第五部曲系海鲜，虾、鲍鱼、白鳝，新鲜鲜甜，有多几款选择会更好。第六部曲系火锅配料，私心推介自家制手工饺子，鲜虾水饺、韭菜猪肉饺、西洋菜猪肉饺，皮薄馅靓，好足料！另有数十款选择，冇可能食得晒，第七八曲就系面食同饮品，酒精类好多，仲有几款比较少见，见隔篱枱几个饮到醉醉地好搞笑，今餐真系大满足！
继续阅读
最近听闻「味火锅」推出左潮汕牛肉海鲜火锅放题，主打任饮任食，仲系无限时！每位只系$359，性价比高到爆，岩晒约埋一大班朋友黎任食任饮加倾计吹水，无时间限制真系爽到不得了！于是即刻book位，同几个好兄弟一齐杀过去试下，准备大开杀戒！🍲.第一部曲 - 火锅汤底打边炉最紧要系个汤底，味火锅就算系任食放题，都做到高质！佢地有八款全新锅底，我地拣左极尚瑶柱冬瓜锅，吾使额外加钱就有得食。火锅入面放左半只大冬瓜盅，上面铺满鱼翅，冬瓜盅中间仲有冬瓜肉、鸡肉、瑶柱等，汤底清甜得黎带点瑶柱既鲜香，饮落去好滋补，冬瓜肉软腍入味，食完暖晒心！🥄.第二部曲 - 邪恶小食拣完汤底，当然要叫d小食边食边等！呢度既小食都系任食，即叫即做，有黄金脆鱼皮、椒盐粟米、红油抄手、脆脆虾飞碟、酥炸老虎虾卷同香酥小排骨。我地首推自家制椒盐粟米，粟米好甜，外层裹满浓浓椒盐香，咬落去脆口又多汁！仲有脆脆虾飞碟，外边金黄酥脆，内里多汁虾肉，食落去真系有惊喜，好似飞碟咁得意！🍤.第三，四部曲 - 狂叫4款潮汕牛肉 + 伊比利亚黑豚肉重头戏来啦！潮汕牛肉有吊龙、五花趾、超山匙仁同胸油肉，任食到你手软！吊龙系牛脊内侧位置，肉质嫩滑得黎有咬头，涮一涮就食得，鲜味爆棚！匙仁系牛肩胛内侧位，油脂丰富，入口即化，香到爆！五花趾系牛后肌腱位置，爽脆弹牙，食落去好有口感！每款牛肉都各有特色，仲有伊比利亚黑豚肉，油花均匀，涮完好香，食到停吾到！🥩.第五部曲 - 任食海鲜海鲜都系任食，多款时令海鲜任你拣！当日有海虾、鲍鱼同台湾白鳝片，海虾好生猛，一条条用竹签穿好，涮完鲜甜弹牙，肉质好实！鲍鱼都好生猛，大大只，食落去爽口又有海水味，鲜到爆！食海鲜配埋汤底，简直系完美，食几多都吾嫌多！🦞.第六部曲 - 任食高质火锅配料配料方面有超过35款，鲜虾水饺、西洋菜猪肉饺、韭菜猪肉饺、炸一口午餐肉、鲜淮山、即炸响铃卷同超甜粟米，样样都吸引！饺子系自家制手工饺，每只好似乒乓波咁大大粒，劲足料，涮完好弹牙！炸响铃同午餐肉都系自家制，响铃脆口，午餐肉香浓，仲有其他配料未试匀晒，例如牛筋丸、QQ猪肉丸、鲜鹅肠、猪大肠、猪肚、一口冻豆腐、金沙蟹籽鲜虾球、鸭血、宽粉同淮山刀削面，够晒丰富！🥟.第七部曲 - 任饮啤酒汽水饮品方面都系任饮，有多款啤酒同汽水，最推荐就系玻璃樽汽水，怀旧得黎饮落去特别爽口！食完一餐火锅，饮返支冰冻汽水解一解，真系好满足！🥤
继续阅读
今日去左无限时既旺角味火锅，同朋友慢慢叹足成晚。餐厅环境宽敞，座位舒适。 🔥 必食推荐：自家制邪恶小食任食！1. 招牌黄金脆鱼皮 - 超级香脆，点汤都唔会淋，咸香惹味，完全停唔到口！ 2. 椒盐粟米 - 咸香微辣，粟米鲜甜多汁，任食到饱。 肉类狂热：4款潮汕牛肉＋伊比利亚黑豚肉任叫！-罕有潮汕牛肉（4款任食） - 新鲜手切，油花均匀，牛味浓郁，推荐吊龙同胸口油，口感嫩滑带少少嚼劲。 -伊比利亚黑豚肉 - 肉质嫩滑，脂肪香甜，打边炉一流，完全冇猪臊味。 🦐 海鲜控必试：新鲜海鲜拼盘任食！- 鲍鱼：上枱时仲识郁，肉质弹牙。 - 海虾：鲜甜爽口，虾头多膏。 - 台湾白鳝片：薄切易熟，鱼油香浓。 - 其他海鲜：蚬、带子、蚝等，每日新鲜入货，鲜味十足！ 手工火锅配料：自家制3款饺子＋炸响铃＋炸餐肉- 手工饺（3款）：皮薄馅多，推荐韭菜饺同蟹粉猪肉饺，鲜味爆棚。 - 炸响铃：即炸上枱，浸汤3秒半脆半软，超正！ - 炸餐肉：厚切自家制。 🍲 其他任食配料：数十款火锅料自由配搭- 丸类：手打墨鱼丸、虾丸、牛丸等，弹牙有咬口。 - 蔬菜：新鲜菜心、娃娃菜、金菇等，清甜解腻。 - 粉面：乌冬、公仔面、粉丝，任君选择。 🍻 饮品任饮：啤酒＋汽水无限畅饮- 啤酒：冰冻生啤、罐装啤酒任斟，配火锅一流。 - 汽水：玻璃樽装可乐、雪碧。
继续阅读