味極黃鱔煲仔飯

在家放假一個人唔知食乜好， 睇咗熊貓apps。 膽粗粗試下呢一間， 點知十分有驚喜開頭都擔心黃鱔， 會唔會好腥， 點知一啲都唔腥而且煲仔飯飯乾，一啲都唔濕， 滲入咗黃鱔嘅鮮味及香味。 而且仲有少少飯焦 ，但可惜D飯有D小。總结好耐冇食過咁好食嘅煲仔飯。 好食過其他出名嘅煲仔飯舖頭。加埋個枸杞湯， 味道都唔錯， 飲落去冇味精。 我見到菜牌有其他小食，下次可以一试。 誠心推薦， 可惜太肚餓， 食之前冇影相！ 下次補返！ 一定再會食 😋😋…查看更多

踏入門口第一步， 感覺過左去深圳。 舖頭坐到7成滿， 得老闆一個樓面， 見佢頻頻撲撲但又好慢， 都有一剎那閃過好唔好轉場。 但係真係好想食煲仔飯， 所以最後都決定坐低。 食物水準真係有驚喜， 畀啲耐性等待都值得。 黃鱔煲仔飯黃鱔肥美唔腥， 又有飯焦唔黐底， 脆卜卜唔黐牙。枸杞豬潤肉片湯大大碗熱辣辣， 十分暖胃，住家味道炒鵝雜有得揀炒豬雜或鵝雜好有鑊氣，好好味即拉豬潤腸味道是正常的但不是十分出色， 跟其他食物比較有點比下去下次再去會試下羊肉…查看更多

煲仔飯控注意！新蒲崗呢間小店，佢哋既招牌「台山黃鱔煲仔飯」上埋新聞📰 仲被封為「今年食過最好味既煲仔飯」添 我地梗係即刻衝去朝聖啦！🐟招牌黃鱔飯😋呢煲「招牌黃鱔飯」好足料，黃鱔舖滿成個飯，揭蓋時香氣四溢，濃郁既胡椒香氣令黃鱔既鮮味更加突出 鱔肉完全冇腥味，飽滿既飯粒吸收晒黃鱔汁 最特別係！通常煲仔飯要落豉油增加鹹香，一開始我地發現枱面冇豉油樽仲好疑惑? 試完就知，呢碗煲仔飯夠哂濃味，根本唔使豉油救場都一樣咁風味十足～🐓酸辣無骨鳳爪😝無骨鳳爪脆嫩彈牙，軟骨咬落口感好正，每啖都好爽脆！辣度非常OK，完全唔會辣得滯 鳳爪吸收晒啲醬汁，入味之餘酸爽解膩，夏天食好過癮～ ☀️🍲廣式鹹雞湯丸🤩呢碗鹹湯丸絕對係「大雜燴之王」 用料豐富到眼花撩亂 有蝦乾、肉片、娃娃菜、雞、臘腸同冬瓜～ 湯底鹹香中帶有芫荽特別既香氣 味道即刻昇華，令人想飲多幾啖湯！係正宗家鄉菜既味道🦴排骨臘腸飯😐飯粒乾爽，吸收咗臘腸同排骨既油份，不過整體味道驚喜不大，係想像中既味道，相較起招牌黃鱔飯唔算特別 加分位係煲底既飯焦！呈微微焦黃既狀態，咬落卜卜脆🥟迷你餃子外皮比較厚，以至於吃唔太出係咩餡料 建議點埋附上既辣椒豉油，味道會更鮮香 口感偏煙韌，整體不過不失～…查看更多

朋友喺社交平台度睇到推薦就帶我嚟食，結果冇令人失望黃鱔飯啲黃鱔份量好足，而且冇腥味，有啲後悔淨係嗌咗一份添除咗黃鱔飯之外，佢嘅雞蛋肉碎腸粉都好好食又嫩又滑，一啲都唔油膩。…查看更多

- 羊肉煲仔飯一上菜已經香氣撲鼻羊肉唔羶，肉質嫩滑飯嘅濕度同質感都掌握得恰度好處飯焦香脆唔硬成個飯唔使落豉油都夠味- 西洋菜鹹蛋肉片豬潤湯好夠熱飲落完全有味精，好舒服味道啱啱好，唔會越飲越鹹大推！- 叉燒雞蛋腸粉都算大份…查看更多

呢間同男朋友經常過黎食， 已經變左我地既飯堂之一，小小店鋪，環境乾淨，繁忙時間預咗要等得比較耐。佢既煲仔飯真係好出色， 個人喜愛滑雞煲仔飯加臘腸，佢地制作時已經調好哂味，所以黎到係唔需要再落豉油。雞非常嫩滑，加上少許飯焦嘅焦香，真係令人食唔停口。我黎左4次 4次都有點呢個😍另外黃鱔煲仔飯都好正，帶點陳皮香。雖然有時人多要等半個鐘左右，但都覺得超值！暫時係我食過禁多間煲仔飯佢算最出色！價錢平又👍🏻👍🏻呢間小店大推。…查看更多

黃鱔煲仔飯，香口鮮味朱師傅加入果皮，帶出黃鱔的鮮味，飯粒粒入味亦有飯焦，十分吸引，值得我和媽媽山長水遠來支持，我們是回頭客，亦一定會再嚟支持開平糭多料入味，即場食不夠，要多買兩隻帶回家吃上次吃了咸湯丸和小餃子，今次吃枸杞咸瘦肉豬潤湯，沒有味精，真材實料再試埋叉燒鷄蛋腸，腸粉即呀即做，不單有蛋有叉燒，還加上生菜，可見朱師傅一絲不苟，味道真的不錯喜見朱師傅和朱伯伯用心經營小店，希望業務蒸蒸日上，讓我們吃到極味、家鄉味和人情味…查看更多

好耐未食過咁好味既煲仔飯 ,大滿足!!叫左排骨臘腸同冬菇雞飯, 份量剛剛好 飯焦脆卜卜好香口,坐低到食得差不多要等20分鍾 不停食飯焦到最後食剩灑D餸 見到不少返頭客 款式唔多 不過相信都係老闆先慢之作 下次想試下枸杞豬潤湯…查看更多

呢間舖開咗唔係好多個月，之前已經經食過兩次佢哋嘅腸粉，還可以，近期YT有人講間嘢黃鱔煲仔飯唔錯，今次未到6點就諗住嚟試下，入到間舖已經有約7個客喺度，聽到喺我前面已有3個客叫黃鱔飯，但目測店内得兩個店員，佢哋有啲忙等咗大半個鐘個煲仔飯到，個店員都好快幫我拎走個蓋，本來諗住焗一焗先食，打開見到黃鱔份量ok，都幾香，豉油就一早幫我落咗，我就即刻北啲飯試，貼煲啲飯有少少蕉唔會太多太濃，我覺得剛剛好，飯咬落粒粒分明又唔會濕，啲豉油唔會太咸味道唔錯，黃鱔食落亦香滑鮮味，唔怪得有個阿叔話之前嚟過食，今次嚟又叫兼狂讚另外我第二朝來買隻外賣粽食，未到十一點有一對男女專誠來食黃膳飯，間嘢個黃膳飯應該出咗少少名，講返隻粽外面包得好靚好工整，餡料亦算足，有蝦米咸蛋花生，肥豬肉亦瘦肉多過肥肉少少，成隻粽食落唔會好油，Ok另外我唔肯定係咪煲仔飯必送例湯，個例湯我覺得ok，整體個黃鱔飯我覺得唔錯，天氣凍啲我會再幫襯，不過小心晚飯時段開始多人，可能要等耐啲…查看更多