味吉長龍

有一段时间无去日本，开始有啲挂住日本拉面，最近就去咗尖沙咀呢间拉面店---🌟味吉长龙 🌟满足下口瘾🍜店舖算大间，座位亦算多，坐得舒适，有别于传统嘅日本拉面小店，下午时段仲会有午市套餐选择。拉面每日只卖100碗，卖哂就收铺🙊除咗呢间拉面店，尖沙咀仲有两间新分店居酒，分别系有26年历史嘅屋石亭同23年历史嘅沃川。._.🦐| (金龙)浓汤海老拉面 |🦐拉面汤底有成七款选择，每款都有唔同嘅汤底同配料，我拣咗呢款浓汤海老，汤底鲜甜浓郁，充满海老鲜味，每啖拉面挂咗海老汁，每啖饮埋啲汤底味道超夹。拉面配料亦唔少，仲有几只剥好壳嘅虾肉，好惹味！·🐚| (海龙)盐味浓清汤蛤蛎拉面 |🐚另一款海鲜味道嘅蛤蛎拉面，汤底系比较清嘅盐味汤应，但配咗蛤蛎令汤底带有鲜甜味，蛤蛎数量都有七只，饱满无沙，卖相卖位有心思，推介！.🥟| 自家制鱿鱼豚肉饺子 |🥟好特别嘅鱿鱼配豚肉馅料，味道好夹，豚肉嘅口感仲有鱿鱼粒嘅咸香味，外面仲舖咗块煎到脆口嘅饺子皮。.🦀| 鲜蟹肉忌廉薯饼 |🦀薯饼炸到外层脆口，面头舖满忌廉鲜蟹肉，仲有满满嘅沙律酱同蟹籽粒，惹味可口。.💚| 静冈绿茶可乐 |💚好特别系绿茶味嘅可乐，个樽身已经好靓，虽然话系绿茶味可乐，但可乐味无减，而且汽泡比较强劲。.🍊| 富士柚子汽水 |🍊樽身包装又系好靓，好有日本feel，香浓嘅柚子味道，配上汽泡口感，啱晒食完拉面饮。._.…查看更多

《味吉长龙》吉龙，北海道豚足盐味浓清汤拉面 🍜📍尖沙咀漆咸道南17-19号帝后广场地下7-8号舖第二次食呢间店，上次试左白龙，白松露慢煮叉烧浓清汤拉面，今次试另一款：吉龙，北海道豚足盐味浓清汤拉面 🍜首先讲个汤底。店家叫个汤底做 ”浓清汤”，我觉得好特别，唔系因为个名，系因为呢款浓清汤其实就系猪骨清汤。猪骨汤底十间有九间九都系做成博多风猪骨白汤形态，而猪骨「清」汤，而又做到又浓又稠又清澈，我就绝少响香港揾到。比起上次食，今次汤底嘅鲜味更加来得惊艳，因为上次款白龙加左松露。我一直都比较少拣加左松露或樱花虾嘅面款，因为只要有佢地，其他味道多数会被盖过。而今次款面，我就拣左淡酱油口味，而酱油味不但唔会盖过猪骨鲜味，仲起左相当嘅提鲜作用，我第一啖饮个汤心入面真系哗左一声！另外，比起上次食，今次汤嘅甜味明显地降低左，对于我呢类唔喜欢甜汤头嘅人来讲，实在更讨喜。面条方面，中细，微曲，偏黄，口味扎实，面味够强，配酱油味几夹。再讲具材，重点当然系猪脚啦！我本身偏爱炆得又稔又烂嘅猪脚，好似食猪骨煲入面d咁。而呢度嘅猪脚正正符合我口味，调味刚好，又够胶。猪叉烧方面，比上次今次明显改善左。上次略干柴，但今次够粉嫩，肉味又够鲜够甘香，好好食。虽然可能系巧合唔定，今次碗面嘅质素明显比上次有改善，我就相当满意，亦乜都清晒完食，除左d猪骨 😂。…查看更多

餐厅位于尖沙咀漆咸道，门面虽然唔算大，但入面装修以至墙上的挂画及灯笼都充满浓厚日本风，感觉仿如置身日本。 店舖的拉面主打特色浓清汤，选用新鲜豚肉骨配以日本蔬菜秘制香料熬足最少12小时而成，试一试就知得唔得❇️特浓虾汤拉面 $128▶️每次食日本拉面，我必定会先试个汤底，因为汤底就系一碗拉面的重点及精华所在，无论太咸抑或唔够味，已经可以断定碗拉面唔合格。而呢款拉面，一上枱见到汤底色泽深而且浓稠已经觉得不错，饮一啖口腔充满浓浓的虾鲜味🤩但又唔会过咸，饮完唔会觉得好口渴，试得出的确落足心机，果然有水准！👍🏻配料亦好足料，有4只鲜虾，虾肉只只爽口弹牙，仲有一片慢煮叉烧，厚薄适中咬落软腍，其他配料有半只糖心蛋、香笋及炸日本牛膀条，炸过的牛膀条香香脆脆，同平时食开的牛膀口感唔同，估唔到又几好食！😋❇️北海道豚足盐味浓清汤拉面 $ 108 ▶️除咗叉烧，又想试下佢地的猪手，所以就叫咗呢碗。汤底拣咗特制味噌，入口浓郁得嚟带点点清甜感觉，唔会有死咸的味噌味道。入面有3大片叉烧，好足料！😍另一重点系北海道豚足，好大只，肉质腍得嚟又有少少咬口，面条软硬适中，爽口弹牙！😋❇️自家制鱿鱼豚肉饺子 $ 48 ▶️饺子底部有香脆炸皮，饺子皮唔会好厚，最欣赏系馅料入面除咗一贯都会有的豚肉之外，加咗鱿鱼粒，弹牙又有咬口，比起平时食开的饺子口感更为丰富，令整体味道提升，实在有惊喜！❇️鲜蟹肉忌廉薯饼 $38▶️最顶舖上蟹籽，下面有蟹肉蓉，入口有淡淡蟹鲜味，薯饼唔会好油，加埋蛋黄酱味道不错！❇️饮品方面拣咗平时较少见的静冈绿茶可乐 $28 及 富士柚子汽水 $28，味道清清地唔会太甜除咗拉面，仲新推出两款饭类，下次有机会再试下❇️据讲拉面每日只卖100碗，卖哂就收舖，所以要食就最好早D去啦！…查看更多

好耐无食拉面, 系尖沙咀跳完舞, 就黎到呢间新开无几耐的拉面小店食晚饭, 呢度装潢好有日本居酒屋feel, 墙上贴满海报同灯笼作为布置餐牌简单易明, 主打浓清汤, 选用新鲜豚肉, 拣左边款面, 可选三款汤底: 海盐､酱油､味噌:*巨龙 ~ 特盛慢煮叉烧浓清汤拉面 $108选了海盐汤底，味道香浓，拉面爽口弹牙，慢煮叉烧好大块, 份量唔小，软腍不会肥腻，配埋溏心蛋, 蛋黄味浓郁, 仲有香口的炸日本牛蒡, 好脆, 记得要快食, 唔系会腍左*白龙 ~  白松露慢煮叉烧浓清汤拉面 $108拣选了味噌汤底特别啲, 试下汤先, 饮落不会过咸,味道浓郁, 拉面软硬适中, 配以白松露, 都几香, 豚肉新鲜软腍*自家制鱿鱼豚肉饺子 $48饺子外面煎得香脆，豚肉加上鱿鱼和蔬菜，口感十分丰富又有咬口，点埋特制酱汁，更提味*蟹肉忌廉薯饼 $38一小件岩哂一人食, 炸至脆皮金黄色，不油腻。咬开软绵又香口，加埋小小忌廉酱和上面的飞鱼子，更有口感富士柚子汽水 $ 28 ~ 清爽带点香甜柚子味又有小小微酸, 好岩夏天蕃石榴汁 $ 18 ~ 冰冻解渴佢都有午市套餐和冷面提供, 又俾多个选择大家, 而家仲可以储印花卡, 集齐可以换小食和拉面, 真系太好了! 下次想试下冷面, 岩哂夏天!…查看更多

一向喜欢日本拉面既我，饮一口热汤入肚，暖胃又暖心。今次去到尖沙咀新开既味吉长龙，依间系石亭同沃川两间尖沙咀居酒屋嘅新分店 (历史26年同23年，同一个老板)，清汤路线为主，香港市面上无咩人做，想「简单直接」唔想玩花臣，沃川同石亭个风格都系一样。装修以日式、木系为主，墙壁挂上食物图像设计，以及日式摆设及挂饰，环境舒适写意。餐牌上有多款拉面、慢煮叉烧日本产米饭、日式小食、汽水果汁等等  ;  午市套餐 (拉面价+$38跟小食饮品)，选择多元化，真心觉得唔错呢。我地就拣咗2个拉面套餐，拉面、小食及饮品。金龙 - 浓汤海老拉面         $128远处已闻到阵阵海老汤气味，香喷喷，厨师精心烹制嘅豚骨清汤底及海老汤，在口里充满浓厚嘅香味，鲜味十足，而大虾弹牙爽口，鲜味十足，叉烧一咬即化，口感软绵，半熟玉子嫩滑可口，拉面吸入左汤汁，味道特别香浓，无论夏天或冬天都适合食碗热热嘅日本拉面。巨龙 - 特盛慢煮叉烧浓清汤拉面          $108依碗巨龙嘅叉烧份量系一般嘅3倍，所以绝对适合爱食肉既人仕，薄叉烧肉味浓，口感同样一咬即化。汤底色泽清彻，味道清甜鲜香，都带有猪骨味道，面条亦是新鲜制造，配有半熟玉子、葱、炸牛蒡，不油不腻，口感轻盈，不少拉面控都会慕名前往。自家制鱿鱼豚肉饺子        小食有8款选择，点咗鱿鱼豚肉饺子，自家制作，外皮炸至金黄，香脆可口，馅料包著鱿鱼和肉，味道鲜美，口感丰富。味吉炸鸡另一小食拣味吉炸鸡，外脆内软，鸡肉好滑，入面仍保持肉汁，沾上日式酱汁更惹味。日本 Tomomasu Soda (西瓜) 日本西瓜梳打，西瓜味香甜，梳打嘅甜味自然，唔系果种重糖浆味嘅梳打。日本 Tomomasu Soda (白桃)每次吃拉面必点嘅梳打汽水，桃味系我其中喜欢嘅一款，清甜桃味，冰凉解渴。…查看更多