名苑 (已結業)

假期的最後一日，到左屯門行下兼同家人飲餐茶，市中心茶樓唔多？定係我唔識搵啦😂轉左幾個圈先見到有間名苑，即刻攞飛先。超多人等喎，兩點幾等到三點先有枱，仲要坐低一陣落完點心就話last order，好彩埋完單係可以繼續飲嘅。⭐香煎臘味蘿蔔糕都幾好食，有蘿蔔絲同少量臘味，貼心地上枱已附上辣醬。⭐馳名中山粉果其實個人喜愛潮洲粉果多啲，不過中山粉果少食咪叫下，入面有筍、豬肉、冬菇等，味道都ok，可惜有兩隻爆口。⭐京式炸蔥花卷同另一間茶樓一樣樣嘅蔥花卷，懷疑佢地係同一集團或同一個供應商😂呢間用炸方式，香口嘅但有啲油益味。⭐豬骨濃湯燒鵝米線賣相一般但又意外好味，濃底鮮甜米線彈牙，燒鵝皮香肉嫩。仲叫左其他炒野同點心但賣晒，算啦，純粹想搵間新店坐下啫😌…查看更多

我位對味道有強烈要求既奶奶長期指定飲茶地點奶奶對點心既要求好簡單就係「唔可以太濃味」五個大人 七個點心一個麵炆南瓜麵正常發揮，係濕身有少少汁唔太乾有南瓜麵揀唔洗成日食伊麵咁單調芝麻芋絲脆夾睇外貌係焗到黃金色的確外層好脆口 內層芋絲包著左芋泥所以真係外脆內軟蒸既菜苗餃都係正正常常另外紅棗包就係奶奶既至愛🥰首先好香 未食聞到好香紅棗味之後口感煙韌既，唔係蒸到軟綿綿既包甘對甜味有好高要求既奶奶每次都必點紅米銀蘿腸粉都係奶奶鍾意既點心最外層係紅米腸粉包著蘿蔔絲就有d脆口既餡蛋散就老爺成日都叫都係炸到脆身加糖漿…查看更多

星期六晚係屯門無事做最啱去，坐低冇茶飲，叫餸到上一個小菜要等1個鐘，唯獨燒味比較快，半個就上得，但質素就閣下自行想像。如果泊車食飯就強烈唔建議去，由叫嘢食到埋單都要2個鐘以上！PS:想同侍應追單係無可能，「哦」完你就算…查看更多

服務態度極差，熱水壼損壞不肯更換，服務人員人手明顯不足，只顧殷勤服務熟客，大聲談天說地，食物水準低劣，大部分食物只有微暖，衛生環境差，枱布滿佈汚積，一次十分不愉快用餐經驗…查看更多

門口個呀姐當自己老闆，態度極之惡劣，唔想做可以唔做。朝早10點幾，未滿座，門口得我地一家人，叫我地等等，轉個頭全家都聽到佢望住我地嗌4位，佢又拎住張卡，咁咪跟佢入去，點知行到一半，就擰轉頭黑晒面咁講，咪話未有枱要等囉，入黎做乜呀！唔通你講4位係同自己講緊自言自語架？笑死人，但我地都見到入面其實係有枱，咁原來係你中意就放人入，唔中意就黑面叫你番岀去？態度差都咁都未執笠！晨早流流俾人咁對待即刻冇晒胃口…查看更多

山竹牛肉壞了，那個腐竹是苦的，告知職員，職員說『無理由』，我說你試吓囉，佢話佢唔會食的，之後就一走了之，當無事發生，之後再問那職員如何處理？ 她說：『我都揾唔到經理喎』，幾分鐘後，收起那籠山竹牛肉，說：『這個唔收你錢囉』。。。。。。其實食物壞了，真係唔關個企堂事，因為唔係佢煮的，但咁既服務態度，連一句sorry都無，全程就我似怪我好俾野佢做咁。…查看更多

之前食完早餐行過屯門名苑，攞了張早茶優惠嚟睇，竟然俾我發現佢有薑蔥牛肉角，現今酒樓、茶居、點心專門店，都甚少見到嘅懷舊點心，真係要搵日嚟試吓⋯今早起床特登走去呢間名苑，食佢嘅早茶優惠，揀咗：蔥花牛肉角$26千島脆蝦角$26千島脆蝦角，熱辣滾燙，即叫即做，脆卜卜，裏便有豬肉、蝦同埋菜味道👅不錯，咁嘅配搭我喜歡💕跟住係薑蔥牛肉角，外皮感覺到經過油炸處理，再用蒸籠翻熱，口感好特別，內裏牛肉感覺就是乾蒸牛肉，而不是平時食開的山竹牛肉，咬起來比較實在，唯一缺點就係蔥粒十足，但薑味欠缺⋯整體嚟計都係好食嘅😎薑蔥牛肉角可能是期間限定，正價點心紙是沒有的，只會出現在早茶優惠上⋯⋯🥸…查看更多

好耐都無去過名苑飲茶啦！今日特登過去飲下茶因印象之中佢D點心都唔錯同埋星期一至五早上10:59前落單有D孖寶點心優惠及11:30前埋單正價點心都有優惠！本人10:20分已經到達酒樓只需要等二張枱到10:30分由於好多人埋單目測已經有三四張的二人枱但由於門口果位支客小姐顧住係咁sell母親節飯局攪到成10:47分先開始叫枱我10:50分入坐後就好快10:53分遞上孖寳點心優惠的點心紙因為點心紙注明10:59分前入單就可以享有此優惠孖寶A$38孖寶B$42由於出點心的過程中廚房出錯點心及有部份點心好耐都未到所以餐茶在11:54分埋單！埋單居然價錢全部變貴孖寶點心A&B足足貴了30%我即時向酒樓了解為何價錢唔同咗😰佢哋解釋話我坐得太耐所以收呢個價！我同佢地理論話係你哋洒樓問題但果位收銀姐姐態度真係差到不知所謂👎🏻👎🏻👎🏻食物質素：蝦蛟質素與之前相比差了很多👎🏻帶子腸粉好一般义燒包正常山竹牛肉球正常二粒鮑魚燒賣就好一般藥善蒸鳳爪D鳯爪好硬又唔入味👎🏻其實本人好支持留港消費振興經濟但現在都理解點解D人北上消費今時今日仲有咁的服務態度👎🏻👎🏻👎🏻…查看更多

年初二全個家族去呢度食飯，訂左位最後都要等大半人都到齊才入得到，環境好迫，背貼背，出入自己個位都困難，呢一日食嘢有時限，但落左order後勁耐都冇嘢食來，起碼等左幾個字，最初還以為是落錯單，還好啲嘢食都ok不錯，蝦餃個樣都靚，當日好明顯係唔夠人，成枱係籠都冇人收，還有上錯左菜，多左一碟，多謝了，最後大家都食得好快，完左再去拜年了，整體來說，冇乜要求又唔趕時間都ok，趕時間就唔好去了。…查看更多

呢間名苑，差到驅使我第一次在OpenRice寫食評！未試過食酒樓晚飯，令到全家咁氣憤。平時早茶都鍾意去，但從此絕對入黑名單！叫咗八道菜，除咗燒味正常，其他差不堪言⋯⋯size比餐廳午市更加細碟，味道,茶餐廳比他炒得更好，爆醬螺片更是不知所謂，用蒜蓉玻璃芡炒日本芥末，味道奇怪，賣相更不用說，都不知什麼爆醬！？ 生炒排骨$168，龍蝦伊麵湯底$800；這個質素，收咁嘅價錢？侍應只會三人企埋一齊大聲吹水，直至我們請他們音量收細，才散去。八個人食了差不多$3000，不知所謂！怪不知香港人北上消費，這樣的服務、食物質素和價錢….簡直荒謬！ 沒有相片提供，因為食到全家都冇心情影相…查看更多

食物都可以，今次覺得太氣憤，係個收銀阿姐實在太寸，我用支付寶比錢，支付寶系統問題，load咗好耐，咁我就用Wechat 比，但都load好耐，都你比唔到，咁我就比信用咭付款，跟住收銀阿姐就話：早D就用信用咭比錢啦！又話之前客人比支付寶都無問題。令到覺得支付寶同Wechat系統問題都係我錯，我之前都係用開這兩樣支付的。可以將它納入黑名單，服務態度差差差。就算食物質素好都沒用，以現在服務態度好，先可以留得住客人。…查看更多

叫咗食物15分鍾左右見冇嘢出，問下服務人員check下單入咗幾耐，打完單竟然入咗3分鐘，之後同佢講我哋入咗好耐了，個服務員態度勁差話食嘢你要等啦，又勁串手指指話人，最後激到取消單俾左茶介走人，哩間咁嘅服務態度點可以招呼客人😡😡😡咁大間集團應該好好培訓員工個服務態度，投訴時竟然冇一個經理或店長出嚟處理問題，重要幾個人輪流迫你要埋啲野，其實一句「幫你跟進下」已經解決到嘅問題，難怪成間鋪靜英英，唔會再幫襯。…查看更多

放假簡簡單單去附近飲茶飲點心，選擇了商場𥚃的名苑，裝修大方，燈火通明，坐得蠻舒服。隨便點了幾個點心，豉汁鳳爪，味道還是老樣夠味，潮州粉菓餡料很足，皮亦夠糯，山竹牛肉球份量夠，牛肉多汁嫩口，翠肉瓜牛肉腸，外皮薄內餡夠，很醫肚子。…查看更多

星期六放假，家人聚會，不如去屯門巿廣場 「名苑酒家」 開開心心去嘆茶🫖 😊時間尚早，客人不多，即刻安排入座了，太好啦先睇吓食乜 😀柴魚花生🥜豬骨粥大大碗，綿綿粥底，柴魚碎、豬骨，花生夠淋遠年陳皮牛肉球（大）三大個，牛肉味濃，最鐘意食 墊底嘅腐皮布拉叉燒滑腸粉（特）蔥花炸兩腸（大）略嫌油炸鬼不夠脆喎，點麻醬、甜豉油會好味啲淮山四寶雞扎（大）鮮淮山、嫩嫩雞肉、蟹柳、滑滑魚肚野菜鮮蝦蝦春卷（大）蔬菜、蝦粒 ….桃膠西施杏仁茶（中）嘩！個人特別鐘意這款甜品足料、勁好味😋蛋白、多桃膠、杏仁味濃…查看更多

排隊拎飛等人帶位，但入面好多吉台。知客走埋，唯有自己入去搵位。點知入到去就比樓面呀姐鬧，話我第一次入間餐廳被樓面呀姐鬧，痴線，無禮貌到爆。食物質素一般，垃圾餐廳。…查看更多