名昇餐廳

收工路过入嚟食早餐，嚟份经典沙牛面餐睇下系咩样先... 二道拣咗餐炒蛋嘢饮热奶茶。奶茶正常不过无乜茶味，得个奶字二道上台见系油多呢个就要加分。餐肉正常不过炒蛋明明系奄列式做法应该系要湿湿地仲有蛋浆先叫好，佢呢份就略嫌太干啦，完全冇咗炒蛋嘅精髓。主角沙牛面上台，个卖相真心哗一声，乜得D沙牛好似铺咗一层明胶咁样嘅。卖相系靓，影出嚟效果都好靓。先将沙牛捞晒落啲汤度，汁可以整浓啲汤，呢样可赞叉起D面，挂到汁，唔错唔错。不过一送入口，咦？沙牛应有既香味花生味辣味完全欠奉！纯粹得番D咸味面身就软硬适中，正常。再食一块牛肉，哗，应该似系用多咗松肉粉腌，直头有D梅既感觉。整体评价：睇就好睇，食落就好一般。…查看更多

唔知点解，一睇碗面就知好食，食落比「红茶」仲好食👍今朝去完牛头角赛马会诊所睇完医生，就去咗附近食早餐，见到依间小店有位就冲左入去。依间嘅早餐去到11:30，晏少少起身后黎食都ok。依度嘅早餐好少选择，连麦皮都冇，所以我同Mcdull都系拣左出前一丁餐：沙牛面同五香肉丁面$35@ 出前一丁都系收依个价，抵。碗面一上枱，唔知点解，见到个样就知好食。我拿拿林影完相就食，哗，面质软硬，汤底偏咸，同我系屋企自己煮嘅不分上下，Amazing🤞沙嗲牛偏甜，汁少咸，啲肉仲好食过「红茶」，起码我真系会食落口，「红茶」嘅牛肉我系例牌会食净。炒蛋冇「红茶」咁咸，淡得黎都几滑，好食👍佢同「红茶」比，佢个餐只系配餐包，唔系牛油丹麦多士，可惜。下次经过附近我都会黎再食，值得翻兜。Mcmug综合评分：7/10，难得系茶记食到啱自己口味嘅沙牛面，值得翻兜！🐽🤤Mcdull 综合评分：7/10, 唔太油腻，几好…查看更多

港式早餐间间茶记都有，但揾到有质就唔容易。今日早餐叫咗两人份，蜜汁叉烧金宝汤意粉配炒蛋牛油方包仿鲍鱼火腿金宝汤通粉配炒蛋牛油方包冻奶茶+冻啡都只系$76！第一，汤系分装，仲要系金宝汤唔系味粉汤第二，意粉有咬口，唔会淋哂第三，煎蛋系糖心100%会再帮趁！见冇乜人知呢间，其实赛马会诊所旁楼梯直落就见到！…查看更多