名廚 (紅磡灣中心)

去到这家餐厅，叹返碗豉椒排骨河，嗌杯热好立克，真系满足晒我嘅胃。头啖汤流入口，𠮶种温暖过瘾，简直系解乏神丹。再黎个好立克，微微嘅甜，伴住热气腾腾，几舒服。𠮶碗排骨河啊，真系要赞下，排骨香口得滞，啖啖肉，而家后椒香扑鼻，食落朗朗上口之余，仲有个微微辣感，开胃！河粉滑溜溜，一啖欲上天。成餐完，服务员当当快手嘅收拾，叫人食完即走都觉得自在。要讲，呢啲平民滋味，真系价廉物美到不得了😋👍🍜。…查看更多

行过佢哋门口开始落雨，原来系百年一遇大暴雨来临，门外见餐牌有梅菜扣肉饭$50冻饮加两蚊，有怀疑，咁平！落雨天留客，入去试试啦！同扣肉初次见面有惊喜，真系梅菜扣肉，唔系𠮶啲梅菜“瘦”肉，仲系饭𩠌分开，居然有唔少份量学斗垫底，梅菜够香冇沙，扣肉腍化唔系柴，呢个价钱超值，唔够喉要多个节瓜粉丝虾米$62，可能觉得细咗，味道好，冇煮一擗嘢，厨房师傅有料到，环境就普通，唔系而家𠮶类茶餐厅大光猛装修，最钟意系冇柜桶台，唔使食餐饭都撞到膝头，独食，撑台脚，小家饭都啱使，要再试下其他菜式，希望做到饭堂。…查看更多

每年农历大年初一，都会去差馆里观音庙拜观音，我同观音有缘嘛.拜完之后行咗嚟红磡食 Lunch，无那那突然间想食豉椒排骨饭，见到名厨年初一都开门营业，于是乎走入去帮衬.望完成份餐牌，居然无写上豉椒排骨饭咁普通嘅饭，胆粗粗问一问侍应，答案竟然系有㖞!真搅鬼!可能 menu 不能尽录吧......女友小熊点咗雪菜肉丝米粉.雪菜肉丝米粉茨汁略多，雪菜同肉丝亦略有不足.豉椒排骨唔够镬气，感觉好似预制组件唔系即叫即炒.虽然质素一般，但都俾满分，新年流流年初一都开工服务街坊，又无加一只系加果几蚊，单单诚意都攞满分啦!…查看更多

好好味，唔记得影相先食，但个样正常嘅！虾同肉都无雪味，饭炒得干身，够香！可以再食🥰🥰不过，我外卖左杯冻奶茶，无俾饮管就扣左分，好彩天气热，又叫左少冰，无饮管都饮到，奶茶亦够香浓！…查看更多

疫情之后，通常午餐都系买外卖。喺屋企附近揾到呢间小店茶餐厅，外卖大件夹抵食。通常十次有七次，返去打开个发泡胶外卖盒嘅时候，啲饭𩠌系拱起咗，贴住咗个盖嘅形状。今次呢个豉椒牛河午餐，就畀咗个大嘅外卖盒。份量，质素同味道，都系值得再帮衬嘅。外卖仲有九折添。另外，感觉倒都系好有人情味嘅小店，唔系口黑面黑，净系系道打工个𠮶种。 呢啲少店茶餐厅，其实系要帮衬多啲嘅。如果唔系，可能买少见少， 最后冇著数嘅，都系街坊。…查看更多