同撈同煲

今日想同大家讲吓呢间九龙城开嘅打边炉铺门面同舖头都装修得好靓以旧情怀 旧香港为主有80年代 花样年华嘅感觉之后就开始睇吓谂住叫咩食我哋叫咗个花雕醉鸡锅汤底汤头非常之甜 而且鸡都好鲜味汤底非常够味 汤都饮几碗之后就开始叫火锅料特级牛肉大 差唔多$400性价比麻麻 质素唔太高而且份量都唔多虾滑同黑松露墨鱼滑一条切到四粒仔份量都系唔多黑柏叶爽口 百页豆腐吸味水鱿都爽口 价钱整体偏贵小食鬼马炸油炸鬼出色粒粒炸到脆卜卜入面酿咗虾胶点埋个甜酸汁非常清新开胃最唔掂系个即炸响铃首先系等咗好耐直头熄埋炉唔记得点过最后嚟到 炸到碎湿湿完全唔脆食落口霉霖霖唔值得推荐甜品糖不甩非常值得打卡而且味道充满回忆抵赞啫喱加花奶又系回忆杀以前细个成日食整体职员服务非常好有礼貌之余亦都好好服务会主动加汤亦都会主动帮你撇油仲要系唔止一次间唔中就过嚟不过打电话嚟book位嘅时候有少少唔好感觉初头谂住带酒去其实讲真 你收几多就几多明买明卖 有时又话100有时又话平俾你收50之后又问你几多个人？有冇book位？带几多支酒？带咩酒？问完水蛇春咁长之后又话拣啲贵餐可能会豁免到之后又话带咗过嚟先再睇吓点 非常模糊感觉非常差一就一二就二唔好搞咁多嘢整体嚟讲都好难会有回头客首先价钱都算略贵而且份量好少仲有一嚟到就会好刻意劲Sell 海鲜啲海鲜又贵 又系好少我见到隔篱枱有叫完全系伏 性价比其低嚟到都系for打卡多不过侍应服务真系几好 抵赞…查看更多

今次去咗九龙城怀旧火锅店，入面有好多怀旧摆设，坐低之后，店员就会即场喺面前清洁餐具，座位环境阔落，店员服务态度好，除咗单点火锅配料之外，亦有海鲜套餐可供选择，完场仲有免费甜品（遮仔啫喱/糖不甩）送。.胡椒猪肚少爷鸡汤 $258安格斯牛肉（细） $208 👍🏻梅花黑豚肉 $108肥美鹅肠 $98 👍🏻蟹籽虾滑、手打墨鱼滑 $98鳝片 $108水鱿 $58灌汤小笼包 $38 👍🏻鹌鹑蛋烧卖 $48唐生菜、娃娃菜、金菇 $38蕃茄 $28老油条 $28稻庭乌冬 $38…查看更多

突然间想同屋企人打边炉，于是就去咗九龙城嘅同捞同煲。去完之后觉得真系几抵食㖞。先讲价钱，三个人$1000有找，而且系食得饱嘅。单上面见到嘅折扣系OpenRice订先有，不过去得部份嘅嘢食有折，汤底牛肉𠮶啲都冇。$298嘅安格斯牛肉，而且系大份，好够食。美人锅$228已经包咗半只鸡同大量冬瓜，入边仲有花胶，亦都好抵食。另外比较抵食，同出色嘅有即炸响铃，$58有好多条，又大条。呢度嘅黑柏叶系成块咁上，几特别另外佢嘅濑尿牛丸同样颜美人鲛，都系特别又好食嘅嘢，值得叫。最后要刚刚甜品。呢度系会送啫喱，另外再送用糯米糍造成嘅鱼，好食又好影，呢间餐厅真系几有心。…查看更多

呢间打边炉以怀旧香港做主题，好有特色，亦都好多打卡位🤩入边环境阔落，适合一班人嚟聚会～汤底选择都几特别，咩都有咁😗叫咗鸡汤汤底，真系半只鸡喺你面前上嘅🫣主打一个真材实料！打边炉之前可以饮饮个汤都好鲜甜😝怀旧虾多士～外皮炸得金黄香脆，细细粒，大嚿虾肉，用嚟做为前菜😆呢度嘅嘢食种类好多有刺身海鲜，有火锅馅料，又有茶餐厅的小食，饮品，仲有埋甜品添😳呢个醤爆濑尿牛丸都必点啊😋佢新鲜弹牙，而且入边肉汁爆汁爆出嚟，真系好正🤪黑松露墨鱼滑～新鲜嘅食材果然唔同啲！配上黑松露几特别😙特级手切牛肉🐮好的手切牛肉通常选用优质部位，牛肉色泽鲜红，脂肪分布均匀，简单碌1碌已经食得出肉质鲜嫩多汁又滑嫩🤤呢个豆腐特别在真系好似平时直接自己街市买咁新鲜？豆味十足又滑𠮶下 ，真系要拎出嚟赞一下😙芋丝用嚟吸收吓汤汁，又唔会太肥腻～最后仲会送呢怀旧甜品～久违嘅炼奶啫喱😋隔篱𠮶个就等你哋嚟到估吓啦🤣🤣都系佢哋嘅招牌甜品😌整体而言真系性价比好高，价钱算系中价，但有得玩有得食而且系有质素嘅新鲜味道，相信会再来🥰…查看更多

今晚约咗旧同事出嚟食饭，纯粹倾吓偈松一松，所以今晚叫咗唔算好多嘢。我就烧完烤先去，去到嘅时候已经开紧餐食紧牛颈脊。见到成间餐厅净系得我哋一台，都惊有啲中伏。但坐低食啰个牛颈脊都几得，肉味都几浓。最靓都系个沙嗲汤底，超香浓又有花生粒。不过啱啱食完嘢食，如果唔系嘅话一定留个乌冬落去挂一挂汤。基本上打边炉啲料都新鲜嘅，尤其是个田鸡，㓥完出嚟啲脚仲喺度弹吓弹吓。啲水饺都好饱满大大只几足料。食到八点几全场终于坐咗三份一人。打完边炉之后仲会有甜品，但系太饱叫佢唔使上，留返下次先再试。事次用餐为自费。…查看更多