台食館 (福榮街)

今日行开鸭寮街揾电子零件，转角撞正呢间台湾餐厅，见个门口几干净，肚仔又开始打鼓，一于入去会一会佢！点知唔试犹自可，一试直头有惊喜——个「铁路排骨便当」 ($58) 真心抵食到烂！块排骨大过我块面，仲要系切好条状，食落唔使仪态尽失～外皮炸到金黄酥脆，咬落「咔嚓」声，入面啲肉却keep住juicy，唔会干争争似柴皮。个卤肉饭亦系神还原台湾风味，肉燥肥瘦均匀，酱汁捞饭真系一秒清碟！旁边嘅酸辣木耳够哂醒胃，成个set饱到上心口。天气凉凉哋，加$0转热饮够贴心～杯「鲜柠檬红玉」茶底甘香，柠檬清新唔涩，饮完成个人都暖笠笠。总括嚟讲，呢个价钱喺深水埗食到咁高质台湾便当，性价比爆灯！下次再嚟扫街，肯定encore～（温馨提示：排骨即叫即炸，赶时间嘅话可能要等几分钟，但绝对值得！）…查看更多

初初觉得下午茶就算ok 所以又点了份正餐 （$65一份牛肉捞面冇饮品）但收到之后整个人O嗮嘴 以为下午茶少很正常 但正餐外卖少过下午茶真系第一次试 先堂食再外卖 份外卖唔记得打9折就算 张单仲要手写喔 问下正餐点解咁少 担心佢d把正餐当下午茶来做 个别女店员称我d正餐就系咁么多 （试过几十个间餐厅外卖 从未试过）态度恶劣 有试过隔壁街间台湾餐厅 对比之下 这间味道就很普通 又贵又少服务差 一次够 唔会帮衬第二次大家想被骗就随便啦 我个人就唔会被骗第二次啦 黑名单🤣…查看更多

路过见佢个下午茶都几多选择，好过茶餐厅食来食去都系个啲野。点知一试就觉得佢有料到，个面好弹牙，汤底浓，本身我好少食碳水食物既，但因为太好食，差不多比我食哂。另外个三个小食一啲都唔马虎，够香脆够入味，好过豪大大。杯野饮就有啲太甜，不过唔知可唔可以叫少甜。…查看更多

深水埗返工嘅你，如果想食台湾野嘅话，呢间台食馆都几推荐吓，佢嘅盐酥鸡卤肉饭分量够，而且个炸鸡都好脆，配料都好食。喺度食仲可以叫埋珍珠奶茶。 食物卖相都唔错，上菜又快，60蚊有冻饮，性价比都正常。…查看更多

未试过食饭背脊骨落三宝牛肉面、卤豆腐卤肉饭、麻辣鸭血、椒盐鱿鱼稣女服务员讲野句句有骨，米粉容易无汤，好声好气话想加少少汤，就讲：「d汤梗系比你饮哂，系‘索’(执笔忘字，此字代替)哂。」呢d系咩态度？？食物味道怪怪，台湾野食一般真系唔难食，但呢间牛肉，鸭血、豆腐都味道怪怪，饮品叫正常，加上咁嘅服务态度，真系食唔落。收银时问返服务员，我系咪得罪你，可以唔使咁讲野。佢话都系随口讲，你唔使咁介意。我觉得讲出嚟听者觉得唔舒服，而且对件事无帮助，其实系可以唔使讲。呢间铺唔会再帮衬，食物服务都唔掂......🤬🤬🤬…查看更多