台灣ET鹽水雞 (樂景大樓) (已結業)

未食过一间野系难食到我要写食评的! 话说早两日食过观塘另一间盐水鸡，刚好经过湾仔见到呢间就谂住试下。睇 openrice 见到啲人话佢份量好细所以就谂住分开叫咗两样野。分别叫左 $61 半只鸡同埋 $41 有 5 款配菜𠮶盒野。首先讲盒鸡先，我见佢捞紧嘅时候系咁加水我都已经 R 晒头，但系心谂盐水鸡呢 d 咁大路咁稳阵嘅野应该无事嘅。好喇，返到屋企打开个盒望到底下𠮶层水已经唔开胃。😔 果然，食落去系完全无味的。淡茂茂得黎仲要啖啖都湿笠笠有啲水咁真系好难受。我食到一半真系有 d 反胃。然后佢嘅所谓招牌洋葱真系不得之了，又系好似用清水白拾咁完全无味，连洋葱本身应有嘅洋葱味都无乜。😑 好喇，讲返𠮶兜 $41 有 5 款配菜𠮶盒野。本身系叫咗百页豆腐/甜不辣/芭洛/皮蛋同埋鸡肾。鸡肾佢话卖晒，咁我就谂吓叫其他嘢。点知谂紧嘅途中我发现佢全部嘢都系比一旧我。我好惊讶咁问佢，你收我 $41 比一粒百页豆腐俾我?! 佢答我"我地呢度系一份咁计"。ok 你玩食字无问题吖，我换过条问题，我再问"咁你地一份系得一粒"? 跟住佢继续死撑话 "我地比一份你"。咁我见佢都未整即刻问佢可唔可以唔要，佢即刻黑晒面退钱比我。唔知系我唔好彩定系点，见其他分店 d 食评好似 ok，不过我应该唔敢再试呢间野。谂起𠮶层水我就反胃。…查看更多

好耐冇去旅行，好挂住台湾嘅盐水鸡，今日经过湾仔见到开咗间盐水鸡 就买外卖返公司食。湾仔呢间铺系第一次 之前都系喺旺角新之城舖头买过，份量好多 但系呢间3𩠌加面$12 面嘅份量真系好少，比起旺角铺一半嘅份量都冇🥹🥹🥹 香港嘅盐水鸡味道同台湾相比系有啲清淡，唔太一样，不过间唔中食下都几好味。3𩠌我叫左鸡髀菇，鸡翅同百页豆腐。百页豆腐好食 鸡翅好细只，我估佢只鸡面好细只🤣🤣但呢间铺份量实在太少，下次都系去返旺角！…查看更多

最近减肥，日日食salad真系顶唔顺。难道世上就没有又美味又少脂肪的美食嘛？！🤔上礼拜突然发现公司附近有间新开盐水鸡！水煮+凉拌=无肥呀！！之前去玩便觉得这一定是吃货的减肥良药！去不到台湾就附近将就下吧。看图片已觉很干净。铺子很小，临街是display玻璃柜，所有菜色排列很整齐也很舒适，强迫症暗爽！老板娘很认真很温柔，选了小辣+皮蛋+蜂巢豆腐+凤爪，好快便呈上，满满一盒好美味，加了8蚊豆浆。坐在附近公园阳光下用餐也很健康的感觉，下午又有力量开工啦！开心😃…查看更多

公司最近新开左呢间ET盐水鸡，好挂住台湾嘅我紧系要即刻买黎试下！今日叫左A餐，D鸡好滑，好惹味，而且完全系台湾盐水鸡既味道！好感动呀🥲 配菜今次拣左海带 豆干同青瓜，有d清新既感觉平衡下，即刻觉得健康左！依家午餐又多左个选择，可以得闲就买返公司食！谂起都开心😎…查看更多

经朋友介绍,在湾仔买了半只鸡加三种配菜(凤梨,甜不辣,麻吉烧)做午餐,只售$80。鸡肉鲜嫩,凤梨清甜,作为冷盘,非常适合夏天喜欢食沙律的朋友。总括来说,味道鲜味,价格合理…查看更多